(04-09-2011, 08:05 AM)randomless كتب:  حصري /خاص صفحه 25 يناير يوم الثورة على التعذيب والفقر والفساد والبطالة:
الشيخ صفوت حجازي في أتصال معنا الأن وقال لنا بأن ضابط من الضصباط الذين أنضموا للمتظاهرين بالأمس ورتبته ملازم أول أستشهد أمس أمام المتحف المصري بالرصاص الحي

مادام صفوت حجازى قال عليه شهيد يبقى الموضوع فيه أن وأخوتها.

---

ايه الموضوع بالضبط
http://www.facebook.com/#!/pages/%D8%B6%...20?sk=wall

اسفه امبارح من التعب نمت بدرى و قمت على مصيبة التحرير
دا اللى قدرت افهمه انهارده من ضرب المتظاهرين امبارح

بيان ائتلاف ضباط الجيش و الشعب

شهادة الصحفى الحسينى أبو ضيف عما حدث فى ميدان التحرير منذ قليل
بعد فض الاعتصام .. رسالة الى الجيش المصري: كش ملك يعني كش ملك بقلم احمد سمرة


من ضمن الحاجات اللى كانت ملحوظة جداً امبارح فى التحرير كان رجوع الطيران تانى للتحليق فوق راسنا
طياره هليكوبتر كانت من بدرى موجوده
و بمجرد ما اتحركنا للسفارة الإسرائلية اتحرك الهليكوبتر معانا
السؤال الطبيعى هو اشمعنى امبارح رجع الطيران فوق راسنا؟؟؟
حكيم كلمة شهيد هيقولها الشيخ حجازى او اى حد غيره عن اى حد هيموت فى التحرير
ما تركزش اوى على النقطه دى و تشتت نفسك

اشتبكت قوات مكافحة الشغب مع مئات المعتصمين في ميدان التحرير، صباح السبت، واستخدمت الغاز المسيل للدموع، وذلك بعد يوم من "جمعة المحاكمة والتطهير" التي شهدت إجراء محاكمة رمزية للرئيس السابق، حسني مبارك، وأركان نظامه

---

لا تعليق

اعتصام مفتوح داخل ميدان التحرير احتجاجا على أحداث فجر اليوم

جبهه وعى← رويترز← تأكيد مقتل 2 برصاص حى فى التحرير

http://yfrog.com/0z82qz Eyewitness of an army officer shot yesterday in #Tahrir شاهد عيان على اعدام ضابط جيش بميدان التحرير #jan25 #Egypt

فيه بعض العاطلين أمتهنوا الثورة و أصبح شغلتهم ثوار ربما أعجبهم اللقب
الهدف من المظاهرات الأن هو تفكيك القوة القادرة على السيطرة على الوضع في مصر حالياً و هي الجيش حتى تصبح مصر
Out of control
هذا المخطط لتفتيت الجيش و إشعال الصراعات الداخلية بداخله بدأ منذ عدة أيام بالدعوة إلى إقالة قيادات الجيش الفاسدة اللي دمرت الجيش على حد رأيهم و إن الجيش حاجة و المجلس العسكري حاجة و المطالبة برحيل المجلس العسكري

أولا احنا كلنا مع الثورة ومع مطالب الثوار ومع التظاهر لكن مفيش داعي أبدا لموضوع الاعتصام ده والناس الى بتعتصم دي واضح انها ناس فاضية مفيش وراها حاجة يعني من الآخر تظاهر نعم اعتصام لا
ثانيا: موضوع الضباط الى راحت ميدان التحرير علشان يتظاهرو اعتقد الموضوع فيه لعب وأيادي خفية والله أعلم إن كانو دول فعلا ظباط وأشك انهم كذلك ولا ناس عادية لابسه لبس الجيش مفيش أبدا ظابط جيش يروح يتظاهر ضد قياداته ده اول حاجة بيتعلمها اي ظابط أو جندي هي اطاعة الأوامر وإطاعة قياداته وبدون نقاش ويعني هو فاكر انه لو عمل كده هيغير حاجة أبدا دا هيتحول لمحاكمة عسكرية وهيترفد وكمان هيتسجن ومستقبله يضيع.
ثالثا: توتر العلاقة بين الجيش والشعب ليس في مصلحة أحد أبدا وهيعمل مشاكل ملهاش حدود وهيدخلنا في نفق مظلم مش هنعرف نطلع منه والموضوع مش مقتصر فقط على فلول الحزب الوطني لأ الموضوع أكبر من كده بكثير البلد فيها دلوقت اجهزة مخابرات لدول عديدة واولها الموساد والمخابرات الامريكية والسعودية وغيرها ودي كلها بتلعب في البلد وبتقلب أطراف على أطراف أخرى وعايزة تعمل فوضي وعدم استقرار
الحل ببساطة إن الشعب يهدى شوية وثانيا إن الجيش يتعامل بشفافية أكبر من كده ويكلمو الناس على التلفزيون ويوضحو الحقائق كاملة ويضعو جدول زمني لتنفيذ مطالب الثورة لأن السكوت والطناش ده هو إلى عامل أزمة الثقة الموجودة دلوقت وياريت يسبوهم من موضوع البيانات الى على الفيس بوك دي هما فاكرين إن 85 مليون مصري قاعدين على النت طول النهار والليل!!!
حفظ الله مصر وشعبها من كل سوء

thank you egypt

رجع مجلس العواجيز للكدب على الناس و ادعى انه لم يطلق رصاص فى التحرير
واضح ان القذافى ورزع نسخ كتيير من كتابه الاخضر على كل الحكومات العربية و اذنابهم
و لسه قعدين بنتكلم على اجندات و اجانب و جميل اوى لما ندخل كام فلولة فى الموضوع علشان نقنع الشعب النايم على ودانه ان مجلس العواجيز شغال مية مية لمصلحة الشعب
و كمان وزير الصحة طلع تبع مجلس العواجيز
انا نزلت التحرير و سمعت اللى حصل من اللى كانوا هناك
لافيت الميدان كله و سألت ناس كانت يوم الجمعة من المعتصمين
ماسمعتش من حد قال لى مثلا انا سمعت
لا سألت ناس قالت لى انا شفت
اللى استشهدوا بين 20 ل 30 شهيد حسب روايات الناس هناك
اللى كان بيتقتل كان بيتشال فى لحظة و يختفى و محدش يعرف جثته راحت فين
3 ظباط اتقتلوا و تقريباً 10 اتقبض عليهم و الناس قدروا يهربوا 4
و جزء منهم هرب بس ما يعرفوش مصريهم كان ايه
اتقتلت بنت عندها 8 سنين تحت عجلات مدرعة
و اتقتل طفل عنده 3 سنين من ظابط ملثم بوحشية ضربة على راسه برجليه و بعدين ضرب ام الطفل
اتضربت ست حامل و اتسقطت و ماتت بعدها على طول
شهادات الناس هناك مؤلمة و مبكية و الوحشية اللى اتعاملوا بيها من الجيش كانت كبيرة
الهدف الاساسى كان الظباط اللى اعتصموا و كانوا ظباط حقيقين مش زى ما بيدعوا فى مجلس العواجيز انهم منتحلين صفة ظباط جيش
اللواء اللى نزل موتهم قدام الكل كان عارفهم بالاسم واحد منهم اتضرب فى راسه و واحد فى ضهره و هو بيجرى
و واحد عند كنتاكى و رموه جمب الرصيف و رموا عليه اكياس زبالة علشان يخبوه و محدش يصوره و بعين جات عربية زبالة شالته بسرعة
الجثث كانت بتترمى فوق بعضها و بتتشال بسرعة من الميدان
عربيات الجيش المحروقة تم حرقها بواسطه بلطجية نزلوا فى اللحظات الاخيرة و معاهم ظباط من الجيش ولعوا فى العربيات و ادعوا ان شباب الثورة هما اللى عملوها
اللى حصل ان الشباب هما اللى لحقوا يطفوا العربيات دى قبل ما تنفجر
لاقوا اجزاء من لحم الشهداء فى التحرير و فى صور بدا
بعد ما الجيش خلص مهمته و فضوا الميدان من الظباط مشيوا
رغم ادعاءهم انهم نزلوا علشان يقبضوا على البلطجية
بعد خروج الجيش رجع الشباب تانى للميدان و كملوا الاعتصام
العساكر كانوا بيبكوا و هما بيتوجهوا للشباب فى التحرير لضربهم
هو دا مجلس العواجيز الكداب اللى طلع عمل مسرحية هزليه غبية ممله و سماها مؤتمر صحفى
مبروك يا مصريين عليكم مجلسكم العسكرى
بكره لسه هتشوفوا ايوام اسود من كدا بكتير
هحط فيديوهات لشهدات ناس كانت فى التحرير
اللى عايز يصدق يصدق اللى مش عايز هو حر
مابقيتش تفرق معايا و مش هجادل مع اى حد لأنى مليت من الكلام

---

ائتلاف ضباط الجيش المصرى والشعب الحمله القذره التى تتم الان علينا

.by ضباط من أجل الثورة on Sunday, April 10, 2011 at 9:27am.ائتلاف ضباط الجيش المصرى والشعب

الحمله القذره التى تتم الان علينا

............................................

يتبع المجلس العسكرى نفس نهج الجزب الوطنى فى بداية ثورة 25 يناير

الان يقوم المجلس العسكرى بالتعاون مع كافة وسائل الاعلام بعدم الاعلان عن اى شىء يخص البيان

وقامت بعض الاقلام التى اخذت نصيبها من الثوره ولا تريد ان تخسره مثال بلال فضل ونوارة نجم

باتهمنا بالخيانه وكذلك

ائتلاف شباب الثوره

ائتلاف الوحده الوطنيه

التلفزيون المصرى

جريدة الوفد

كل يحلل من وجهة نظره من يتهمنا بالخيانه ومن يتهمنا بان هناك اجندات خارجيه تحركنا ومن يتهمنا باننا فلول الحزب الوطنى ولابسين زى عسكرى

بالله عليكم

بأى منطق او عقل يقوم 51 ضابط بالمخاطره بحياته لهذه الدرجه ؟

اى مقابل ننتظره ممن يدعمنا او نعمل لصالحه

وبأى منطق او عقل ان يقوم 51 ضابط بعمل انقلاب كما اتهمنا البعض من ميدان التحرير

كل الضباط انضمت للمتظاهرين لتحقيق مطالب الشعب

ولا يحركنا اى احد وليس هناك لنا اى دافع الا حب الوطن ونقسم بالله على ذلك

رجاء من كل الاخوه والاخوات المقتنعين بمطالبنا والتى هى مطالب الشعب ان ينشروا براءتنا مام الشعب كله

لان حياة 51 ضابط جيش فى خطر وان ااولهم علشان الفيديو اللى عملته

احنا قلنا هنضحى بحياتنا ومش هتفرق معانا حياتنا طالما هموت وانا متأكد ان تضحيتى بحياتى انا وال51 ضابط جابت نتيجه والبلد اتغيرت بالفعل

اقسم بالله فعلا كان هييجى لى سكته قلبيه من بيان ائتلاف شباب الثوره

احنا نازلين ندعمكم ونفهمكم الحقيقه اللى انتم مش فاهمينها او مش عاوزين تفهموها ويكون دا المقابل

حرااااااااام نضحى بحياتنا ومستقبلنا واهلنا وكل ما نملك وفى الاخر نتهم بالخيانه واننا تبع الحزب الوطنى

انا عاوز اقولكم ان المخابرات والشرطه العسكريه قالبين عليا الدنيا ومطلوب حيا او ميتا علشان الفيديو

حرام بجد

دا نداء 51 ضابط شريف انضم لمظاهرة يوم الجمعه 8 ابريل



دعموا قضيتنا ولا تخزلونا ان نضحى بحياتنا هباء دون ان تكتسب مصر اى شىء

ياريت تنشورا كلامى دا فى كل صفحات البيدج حتى يصل صوتنا للجميع ونبطل حملة التشويه الدائره علينا الان

.

---

---

الجيش يفض اعتصام «ضباطه» بالقوة
فيديو

From: AlMasryAlYoum | Apr 9, 2011 | 301 views

تجمع آلاف المتظاهرين مرة أخرى في ميدان التحرير، في أعقاب تفريق الجيش اعتصاماً لنحو 3 آلاف شخص، بينهم ضباط في الجيش، وأغلقوا مداخل الميدان بالأسلاك الشائكة. تعرض عدد من المتظاهرين لإصابات بالرصاص الحي، توفي على أثرها شخص على الأقل، وشوهدت آثار دماء بأجزاء ...مختلفة من الميدان
فيديو

---

#jan25 #apr8 من اطلق الرصاص؟ الثوره توئكد هدف محاكمه مبارك و رجاله! أليس طنطاوي مثل شفيق و حبيب برضه من رجاله؟
#jan25 #apr8 من اطلق الرصاص ؟
و مازال يطلق الرصاص؟
الائتلاف و الثوره توئكد هدف محاكمه مبارك و رجاله! بس…. أليس طنطاوي مثل شفيق و حبيب … برضه من رجاله؟
قريبا. هنا تحليلي لما يحدث
و لكن الآن : الخطوط العريضه
———————:
أهم شيء : مليونيه ناجحه لمحاكمه و تطهير البلاد من مبارك و رجاله
ثم أصوات من النت من ضباط جيش تطالب (و تشتم بشدة!! غير معهوده أبدا !!! ) بانضمام الضباط بالميري ضد طنطاوي مع الثوره في جمعه المحاكمه و التطهير. 8 ابريل
ثم عدد من ضباط الجيش ضد طنطاوي ينضموا للتحرير بالميري و يلتف حولهم الشعب لحمايتهم
(علي شاكله شومان بالمناسبه حد يعرف اخبار شومان ايه؟؟!!)..
ثم – ثوار مستائون !! مثل نواره متوتره و مستاءه توءكد أنها خدعه. و كل ده متظبط
(همممم مره أخري أشم راءحه مكيدة.
(الفيديوهات من الضباط اللي دعوا لذلك كانت بتشتم بشدة!! غير معهوده أبدا !!! شكلهم كان أوفر شويه الصراحه. بس مش عايز أخونهم من الآن. ) )
السوءال:
هل ذلك كله فعلا مكيده؟ مثلا لفرز من هم الضباط الذين يمكن أن ينشقوا. و عزلهم بدري بدري ! و اعطاء درس من طنطاوي لمن ينشق من الجيش ؟! )
ثم هجوم ليلي منظم من الداخليه و الجيش و المخابرات العسكريه بطلقات حيه و كثيره لمده
ثم انسحاب تام بعد مقتل اثنان و جرح 71. (رويترز)
حتي لو كل ده مكيده للضباط اللي ضد سياسات المجلس و طنطاوي و عزل من يقع في الفخ بدري بدري.
ابدا هذا لا يبرر العنف من طنطاوي:
ثم كذب طنطاوي و المجلس و بمسانده اعلاميه (تاني) : في محاوله للتنصل من المسئوليه. بأن الذين كانوا في التحرير فلول النظام. و ان المتظاهرين هم من اطلق الرصاص اولا … و ان هناك عناصر اجنبيه… الخ الخ.. !
ثم كذب كذب كذب
رجعت ريمه لعادتها القديمه …
و بعدين:
تكذيب الأهرام لما نشر علي لسان طنطاوي في دير شبيجل! و تكذيب الوطن الكويتيه لتكذيب الأهرام!! (عن انقلاب داخل الجيش) !
نرجع لأهم شيء :
أهم شيء : مليونيه ناجحه لمحاكمه و تطهير البلاد من مبارك و رجاله
أليس طنطاوي من رجال مبارك ؟؟
بل أهمهم علي الإطلاق لمذه 20 عاما ؟؟
ألم يتأكد لنا أن مبارك أصدر أوامر سحق التحرير
( الأندبندنت و روبرت فيسك اكد ذلك بما لا يدع مجالا للشك. و كذلك عديد من الضباط الذين رفضوا الاوامر بعد ان وصل لهم الأوامر 29 يناير)
ألم يصدر الأمر من داخل غرفه القياده العسكريه من مبارك كحاكم عسكري! و معه طنطاوي من داخل هذا المجلس العسكري ؟؟
إلا ترون معي المهزله؟
أننا نطالب طنطاوي أن يقف مع الثوره في محاكمه مبارك و رجاله ( أهم الاتهامات التي ستقدم هي الخيانه العظمي بأمر ضرب المصريين بالذخيره الحيه يوم ٢٩ يناير ! ثم اتهامات الفساد و التكسب من المنصب. الخ)
في حين أن طنطاوي نفسه و المجلس العسكري (و الجيش او علي الاقل من لم ينقلب منه كما سمعنا … و كذب المشير) شريك في هذا الجرم !!
إلا ترون أنه من الطبيعي جدا. أن ينقلب الضباط الاشراف علي طنطاوي و المجلس. أن كانوا لم ينقلبوا أصلا
( او علي الاقل من انقلب منه كما سمعنا … و يكذب المشير)
؟
قريبا ساكمل


tahrir with a Giant syria flag middle_east_protest_2011_4_8
….

و لكن القادم واضح من الأنباء التاليه:
طنطاوي يجس نبض الشارع الثائر أن كان سيقبل بخروج أمن دون محاكمه لمبارك (و عاءلته! و بالطبع رجاله):
الخبر: يقول طنطاوي دوله عربيه ذات وزن تضغط ختي لا يحاكم مبارك !
(بغض النظر الآن أن كان ذلك تدخلا سافرا رضي طنطاوي أن يستمع له من الدوله ذات الوزن !).
و لكن: تأكد الخبر مره تأنيه:
دولة عربية تعرض مساعدات مالية ضخمة مقابل إعفاء مبارك وأسرته من المحاكمة
( خلوا بالكوا من كلمه. أسرته !!!! لماذا)
و لكن مع أخبار عن ثروه مبارك التاليه. من المنطقي أن نقول أن مبارك نفسه يحاول شراء براءته بالأموال المنهوبه من مصر. :و التي هربت بسرعه و تستخدم الان لشراء البرائه و كمان بالمره دوله ذات وزن تكون الملاذ الاخير
وبحسب مصادر غربية فإن معظم ثروة أسرة مبارك قد تم «التعامل معها» فى الأيام الأولى للثروة وتم تسييل جزء كبير من الأصول الثابتة خاصة فى عدد من الدول الأوروبية وتحويلها عبر معاملات نقدية إلى دولة عربية ثم دولة عربية ثالثة، وان المتبقى من هذه الاموال والأصول قيد التجميد، ……..;
.
إلا ترون معي أن ما يحدث واضح جدا. و أن كان مقزز جدا
البقيه تأتي. …..
بس برضه
حتي لو

الثوره المضاده يراسها طنطاوي نفسه
نرجع لأهم شيء :
أهم شيء : مليونيه ناجحه لمحاكمه و تطهير البلاد من مبارك و رجاله

الشعب ده جامد جدا.
تحيا الثوره
يحيا الشعب المصري العظيم
—
قريبا نتحدث عن المهم. و أعلام فلسطين و سوريا و تونس في التحرير

http://kalnaga.wordpress.com/2011/04/09/...ءكد-هدف-م/

اللي هيقول الناس اللي معتصمين في التحرير معتصمين ليه هقوله خد فطيرك واسمع خطاب الريس والمجلس وانت تفهم #Egypt #Jan25 #Tahrir #mubarak
خطاب الرئيس المخلوع حسني مبارك للشعب المصري