اقتباس:وأذا كان لك عند الكلب حاجة قل له الجيش والشعب يد واحدة,لحد ماتفرج.

هو ده الكلام,مع الوضع فى الإعتبار أن أوراق لعب كثيرة سحبت من يد الجيش وأصبحت فى يد الشعب والفيس بوك وميدان التحرير ولو حدث إضراب عام الجيش هو أول مؤسسة ستجوع ولذلك فشعار الجيش الذى يعمل تحته الأن "مرغم أخاك لا بطل"

---

اقتباس:الى قصة عساكر المراسلة حيث يتصيدون عساكر من الريف ليعملوا خداما للرتب العسكرية

هذه المسألة من أهم الملفات التى يجب فتحها عندما تهدأ الأمور ويتم القضاء عليها بشكل نهائى.

لا يمكننا ايضا تجاهل أن الجيش كان من الممكن جدا ان يتصرف بشكل مختلف ويغرق البلد فى جحيم دموى ,كما حدث فى ليبيا او يحدث فى سوريا الأن,الجيش المصرى وللأمانة رغم كل المشاكل تفوق على نفسه وعيوبه,لكن ايضا الضغط الشعبى ينبغى أن يستمر والا سنرجع للقاعدة الذهبية-ديل الكلب مايتعدل لو علقوا فيه قالب-الضغط الشعبى هو رمانة الميزان والا انفلت الوحش من اسره.

(04-12-2011, 02:25 PM)طنطاوي كتب:  ليلي
كلامك بالعامية المصرية يدل علي قلة وعيك وضعف ادراكك للامور
انا اسال لماذا انت مهتمة بالشان العام رغم انه واضح انك تعرفين القليل جدا وتفهمين اقل من ذلك ؟ فالمسالة ليست ذهاب لمكان جغرافي يسمي ميدان التحرير ، ذهابك هناك لايعني اي شئ ، فحتي الاطفال المصابون بمتلازمة داون يستطيعون الذهاب لما يسمي بميدان التحرير بمفردهم والوقوف هناك ، فهل يجب علينا الانصات لارائهم في ادارة البلاد بعد ذلك؟
اذا كان علينا محاسبة الجميع فعلينا مثلا محاسبة محمد علي نياكته للطفلة عائشة بنت التسع ، ودخوله بصفية رغم عدم انقضاء عدتها وقتله للاسري في غزوات قام بها وغير ذلك من امور نسكت عليها مكرهين ، فعالم اليوتوبيا لم يوجد من قبل ومغفل من يظن انه سيوجد بعد ذلك .
الخلاصة : لماذا تبدين رايك- انتِ وغيرك - رغم ضعف مستواكم الثقافي وعدم المامكم بالوضع بشكل جيد بالاضافة لعدم معرفتكم بالتاريخ والسياسة وغير ذلك من ادوات معرفية ؟  

انا لا اعرف ماذا يدور حوله الحوار

لكن هذه ليست اول مرة يقوم بها طنطاوي بذم المرأة في النادي .. فقط لكونها امرأة ..

لو ليلى كان اسمها "عنتر" .. لما قال طنطاوي هذا الكلام .. ولم يكن ليوصفها ب "قليلة الوعي" و "ضعيفة الادراك" و " لماذا تبدين رأيك" .. و " ضعف مستواكي الثقافي" و " عدم المامكي" و "عدم معرفتكي" ..

غريب بجد .. الثورة قامت بايدي جميع اطياف مصر .. وربما نصفهم غير متعلم ويقضي كل وقته على الفيسبوك .. وانت ما زلت تراهن على من يملك معرفة تاريخية اكثر ..

والله انك بتفقع المرارة يا شيخ

(04-12-2011, 02:25 PM)طنطاوي كتب:  ليلي
كلامك بالعامية المصرية يدل علي قلة وعيك وضعف ادراكك للامور

اضحكتنى يا فتى
ايه رأيك لو كلمتك بالعربية الفصحى بس بالطريقة اللى تليق بيك؟؟؟
يمكن تفهمنى اكتر

---

(04-12-2011, 02:45 PM)طنطاوي كتب:  هل كل من تحدث في السياسة مع صاحبه او عمل لايك لمجموعة سياسية علي الفيسبوك وذهب لما يسمي بميدان التحرير صار محلل سياسي محنك؟ لماذا لاتخجلين من ثقافتك الشفوية التي لم تنتج الا من جلوس علي النت وحديث مع هذا وذاك ، لما صعب عليك ان تعرفي حدودك؟

لما تبقا تعرف قيمة ميدان التحرير تبقا تتكلم يا هذا
واضح ان لازم يترد عليك بنفس اسلوبك و انت اللى لازم تلزم حدود الآدب فى كلامك عن مكان اقل واحد فيه اشرف منك و من مليون من عينتك
و لو عندك كرامه ما توجهليش اى كلام تانى
لأن كل ردودى عليك هتبقا بنفس الطريقة لحد ما تتعلم الآدب

شكراً استاذ بهجت على الرد المفصل اكيد استفدت منه كتير
و انا لا شباب ولا حاجه
انا ام مصرية خايفة على اولادها و مش هسمح بعد انهارده ان حد يتحكم فى مصيرهم حتى لو كلفنى حياتى و مش هسمح غير بانى اشوف الحقيقة و اقولها حتى لو فضلت اقولها لوحدى و محدش صدقنى
نرجع للاهم و هو محاوله للرد على اللى اتقال كله هنا
اولاً اللى قالى ان فى إنقلاب عسكرى مالوش اى دخل بالتحرير او الظباط اللى اعتصموا هناك لكن هو فى الجيش فعلاً و دا اللى اقدر اقوله فى الجزء دا و السبب كان هو الخوف من ان يحصل فوضى اكبر و تدخل فى مرحلة قفل البنوك و ازمة فى الاكل زى بداية الثورة
من شوية شفت فيديو لواحد من الظباط اللى اعتصموا فى الميدان و يمكن فيه ردود اكتر على كلامك و تفسير لموقفهم و رد على اكتر من نقطة من كلامك





نيوترال قال تقريباً نفس اللى كنت عايزه اقوله
بس هختلف معاه فى نقطة و هى موضوع التوقيت
بس هكتب باقى الرد بعد شوية بعد اذنك

أسئلة غبية تاعبانى وفاقعة مرارتى جدا جدا جدا


.by Mohammed Elseedy on Wednesday, April 13, 2011 at 6:26pm.هو سؤال بسيط جدا جدا جدا: لو اللى فى ميدان التحرير دلوقتى وإمبارح واللى بيدعوا لمحاكمة مبارك وتطهير الجيش دول بلطجية وفلول الحزب الوطنى وبتوع الثورة المضادة زى ما المجلس العسكرى وطنطاوى صرحوا بكده, أومال ولاد الكلب اللى فى ميدان مصطفى محمود دلوقتى وبيطالبوا برجوع مبارك للحكم تانى يبقوا تبع ايه بالظبط؟؟؟؟؟؟؟؟؟؟؟؟؟؟؟؟



فى سؤال تاعبنى وفاقع مرارتى, لو الظباط اللى كانوا معتصمين فى التحرير دول فعلا مدعومين من جهات أجنبية لزعزعة

استقرارمصر فايه اللى دفعتهولهم الجهات دى علشان يضحوا بحياتهم وحياة أسرهم وعائلاتهم؟؟ الظباط دول كل واحد أعلن عن اسمه ورتبته وسلاحه ومكان خدمته بالكامل وأتصوروا مع كارنيهاتهم يعنى ما كانش ناقص غير انهم يعلنوا عن مقاس ملابسهم الداخلية !!! وكل واحد فيهم طلع شتم ولعن واتهم المجلس العسكرى يعنى كده إعدام إن شاء الله وش ومافيهاش هزار يبقى خدوا ايه من الجهات الخارجية دى علشان يضحوا بحياتهم وحياة أهاليهم اللى حيتظبطوا هم كمان برده؟؟؟ ايه الحاجة اللى تخلى واحد ناجح فى شغله متدين موفق فى حياته يطلع مسدسه ويضرب طلقة على مخه(وهو ده يعتبر اللى عملوه بالظبط)؟؟؟؟ حد يعرفنى علشان الموضوع ده تاعبنى وفاقع مرارتى فعلا!!!حاجة تانية برده اللى بيقول أشمعنى دلوقتى؟؟؟؟ لأنه فى الحقيقة ماينفعش الا دلوقتى ففى الأول كانوا مقهورين ومذلولين بنظان فاسد وضع عليهم قيادة فاسدة وأى واحد دخل الجيش حيعرف ده وحيفتكر القصص اللى سمعها عن الظباط اللى اتعدموا علشان حاولوا ينتقدوا الفساد فى الجيش واللى اتسجنوا مدى الحياة واللى أترموا فى المستشفيات النفسية ومستفى أحمد جلال النفسى العسكرى فى الهايكستيب شاهدة على كده, ولو سكتوا لبعد كده حييجى رئيس مدنى مالوش أى سلطة على الجيش اللى حيبقى بؤرة فساد محترمة مافيش اى رقابة عليها من أى حد وكل فاسد فيه حيورث مكانه لفاسد زيه وماحدش حيقدر يحاسب الجيش نفسه ولا الرئيس نفسه لأن الواقع بيقول ان الجيش دلوقتى وفى المستقبل بقى أقوى قوة فى مصر وماحدش حيعرف يحاسبه ولا يفرض عليه حاجة, يبقى دلوقتى هو انسب وقت لكسر الحلقة دى من الفساد وتطهير الجيش من الداخل مش من الخارج لأنهم ادرى مننا بالفاسد والصالح معتمدين على دعم الثوار ليهم وموجة التطهير والقضاء على الفساد اللى ماشية فى البلد دلوقتى



هو فى سؤال برده تاعبنى وقارفنى ومش لاقى ليه إجابة منطقية لغاية دلوقتى: هو لو الرائد أحمد شومان فعلا تم العفو عنه زى ما المجلس العسكرى أعلن ومش مقتول ولا مسجون فى سجن حربى ولا محبوس فى مستشفى نفسى, طيب ليه بقى مانزلش أعتصام التحرير يوم الجمعة اللى فاتت خصوصا وهو أول واحد أبتدع الموضوع ده وفتح الباب لكل الظباط اللى أعتصموا دول؟؟؟؟؟؟؟





سؤال تانى بسيط برده بس محيرنى وفاقع مرارتى: شباب إئتلاف الثورة قاعدين يقولوا احنا ضد عسكرة الثورة ولازم الظباط اللى عايزين ينزلوا الميدان يلبسوا مدنى...طيب ده على اساس إن الميدان ده هو صالون بيتهم وهم حرين فيه؟؟؟ ولا على أساس أن الظباط دول شغالين عند اللى خلفوهم فلازم يلبسوا على مزاجهم؟؟؟وبعدين إذا كانت مطالب الظباط دول هى تكوين مجلس رئاسى مدنى وعودة الجيش لثكناته يبقى عسكرة الثورة ايه بقى ونيلة ايه؟؟؟؟





سؤال تانى أبسط خالص بس محيرنى برده وفاقع مرارتى أكتر: هو ليه لما الرائد أحمد شومان طلع أثناء الثورة وهاجم المشير وأتهمه بالفساد وإضعاف الجيش على الهوا من ميدان التحري على الجزيرة وأتقبض عليه أتعملت مليون صفحة للدفاع عنه والمطالبة بالإفراج عنه بصفته مصرى وطنى شريف ولما قام الظباط الشباب قالوا نفس الكلام فى التحرير برده أتهمهم الكل بالعمالة والخيانة وأنهم عايزين يولعوا البلد؟؟؟؟؟؟؟





سؤال بقى غبى المرة دى مطلع عينى علشان أفهمه: الجمعة اللى فاتت كانت جمعة التطهير وكانت ضد تباطؤ المجلس العسكرى فى محاكمة مبارك وولاده والثلاثى المرح وكان شعارها: الشعب يريد معرفة ايه النظام؟ وقعدنا نهتف لغاية ما صوتنا أتنبح ضد المجلس العسكرى وطنطاوى لتواطؤهم مع مبارك وحمايته, وبعدين الجمعة الجاية(اللى بيقولوا ممكن تتلغى!!!) حتبقى لدعم المجلس العسكرى وتأييده.....أنا بجد اللى عايز أعرف هو ايه النظام؟؟؟؟







سؤال تانى غبى برده تاعبنى وفاقع مرارتى برده: هو لو الجيش فض أعتصام التحرير فجر السبت 9 أبريل بدون أستخدام القوة وفرح الرصاص اللى شوفناه فى الفيديوهات دى كان فشنك فعلا مش حى أومال الناس برك الدم اللى شوفناها مالية الميدان والناس اللى ماتت دى نزل عليهم نيزك من السماء ولا أنفجروا من الغيظ ولا أيه بالظبط؟؟؟؟؟؟؟؟





سؤال تانى برده تاعبنى وفاقع مرارتى: الجيش من أول يوم نزل فيه الشارع(يوم جمعة الغضب) وهو سايب الناس فى الميدان تسب وتلعن فى أبو مبارك وعيلته وعصابته وبعدين لما أتخلع قعدوا يسبوا ويلعنوا فى أبو شفيق لغاية ما أتشال والحياة بيس وزى الفل بس أول ما الناس قربت للمجلس العسكرى وطنطاوى طلعوا عين أبوهم وسحلوهم وقتلوهم ليه؟؟؟؟؟؟؟؟؟؟؟؟؟





سؤال تانى رخم تاعبنى وفاقع مرارتى كتيييييييييير: هو الجيش ليه لسه ما أعتذرش لغاية دلوقتى عن أستخدام القوة والرصاص الحى لتفريق المعتصمين فجر السبت 9 أبريل وقتل عدد منهم عمدا"؟؟؟؟؟ وليه مطلعش اللواء الفنجرى لغاية دلوقتى يديهم التحية العسكرية علشان يليف الناس برده؟؟؟؟؟؟؟ ولا ده يعتبر من ضمن رصيده الذى لا ينفذ لدينا ولا أيه بالظبط؟؟؟؟؟؟؟؟؟؟؟؟؟





سؤال خايب كده تاعبنى وفاقع مرارتى برده: هو ليه لما الرائد أحمد شومان طالب طنطاوى بالرحيل مع مبارك الناس كلها أيدته وهللتله ولما ظباط أعتصام التحرير طلبوا نفس الشىء الناس أتهمتهم بالخيانة؟؟؟؟وياريت ماحدش يقولى أن لكل مقام مقال والوضع كان يسمح وقتها لأنه بالعكس البلد وقتها كانت متنيلة ب60 نيلة والبلطجية ماليين الشوارع وحكومة شفيق مكروهة ودلوقتى الى حد كبير مستقر وفى حكومة جاية بإرادة الشعب





سؤال رخم كده تاعبنى وفاقع مرارتى برده: هو ظباط وعساكر الأمن المركزى دول ولاد كلب فلما ضربوا وقتلوا المتظاهرين ضربناهم وحرقنا عربياتهم وطالبنا بمحاكمتهم ومحاكمة وزيرهم وأعدامه وظباط الجيش دول ملايكة لما قتلوا المتظاهرين عيطنا وقولنالهم احنا أسفين سامحونا ده احنا اللى غلطانين ووزيركم ده عسل وسكر ولازم يقعد يحكمنا؟؟؟؟؟





سؤال غتت كده بس تاعبنى وفاقع مرارتى: هو الجيش مش أعلن من أكتر من شهر أنه حيحقق فى وقائع تعذيب الشرطة العسكرية للمتظاهرين المعتقلين فى السجون الحربية وحالات التحرش الجنسى للشرطة العسكرية بالبنات المتظاهرات المعتقلات فى السجون الحربية وتصويرهم عرايا ومحاسبة المسئول عن ده؟؟؟ طيب هى فين نتائج التحقيقات دى؟؟؟ولا هى كانت إشتغالة ومافيش تحقيقات أصلا؟؟؟؟؟





سؤال تلم تاعبنى وفاقع مرارتى: هو فى بداية الثورة لما الناس كانت بتطالب بإسقاط النظام وتطهير البلد كان بيتقال عليهم عملاء وخونة ومنحرفين أخلاقيا وبيشربوا مخدرات ولما جيه ظباط التحرير طالبوا بنفس المطالب أتقال عليهم نفس الكلام برده بالنص...هو حد يعرف أنس الفقى فين دلوقتى يا رجالة؟؟؟؟؟؟؟؟؟



سؤال تانى برده تاعبنى وفاقع مرارتى أكتر وأكتر وأكتر: هو ليه الجيش بتاعنا ماعملش زى الجيش التونسى؟؟ ماهو برده حمى الثورة ووقف معاها وبعدين سلم السلطة لمجلس الوزراء ومؤسسة الرئاسة لعمل الإصلاحات الديموقراطية اللى الناس عايزاها, ولا قعد يستهبل ويقول أنا حامى الثورة والجيش والشعب أيد واحدة!! فالحين بس يقولولنا بصوا لليبيا واليمن, الأولى جيشها مرتزقة والتانية قبائلى لما يحبوا يقارنوا يقارنوا بجيش نظامى زيهم, يعنى جيش تونس





سؤال تانى أبسط خالص خالص بس برده تاعبنى وفاقع مرارتى أكتر وأكتر: هو فى ظابط جيش ليه قضية مخلة بالأداب أتحاكم وأتسجن فيها وملفه مشبوه يطلع يعتصم ضد قيادات الجيش ويتهمهم ويشتمهم وفوق كل ده يقول أسمه بالكامل وسلاحه وكتيبته وسنة تخرجه ويخلى الناس كلها تصوره فيديو وتنزله على النت؟؟؟؟؟؟؟؟ هى الناس دى مش المفروض أنها بتقول يا حيطة دارينى؟؟؟؟؟ هم فاكرينا هنود وراكنين الفيل بره ولا أيه بالظبط؟؟؟؟





سؤال بايخ كده تاعبنى وفاقع مرارتى: هو أثناء الثورة كانت حجة الناس اللى بتقول كفاية كده هى ان حال البد واقف وان الوضع مش مستقر وان اسرائيل دخلت سيناء وامريكا فى البحر الاحمر وسلاحف النينجا فى الجيزة وفرق البوكيمون المسلحة فى الاسكندرية الخ الخ ورغم كده الثورة نجحت ومبارك اتخلع ومافيش حد هاجمنا على الرغم ان جيشنا كا مترمط فى الشارع طيب اشمعنا حيهاجمونا دلوقتى والوضع اصبح مستقر لو المجلس اتغير؟؟؟؟؟





سؤال أهبل كد تاعبنى وفاقع مرارتى: أثناء الثورة كانوا قاعدين يقولولنا مبارك ده زى ابونا ماينفعش نعمل معاه كده أعتبره أبوك ودلوقتى قاعدين يقولولنا الجيش ابونا وحامينا وماينفعش نعمل معاه كده, ده على أساس ان الشعب كله يتيم ولا ايه بالظبط؟؟؟أومال أبويا اللى فى البيت ده يطلع مين بالظبط اذا كانوا كل دول أبويا؟؟؟؟





سؤال جاهل كده تاعبنى وفاقع مرارتى:إزاى تبقى عندنا أزمة أقتصادية وأحتياطى البنك المركزى حيخلص كمان 3 شهور وحنفلس لما يبقى إيراد قناة السويس فى 3 شهور(من أول يناير لنهاية مارس) هو 1.2 مليار دولار ولما يبقى فى باقى ال40 مليار جنيه مخصصات رئاسة الجمهورية فى الموازنة اللى فاتت بعد ما الرئاسة أتقفلت بالضبة والمفتاح



سؤال مقلق كده تاعبنى وفاقع مرارتى: لما أطباء جنوب سيناء يعتصموا علشان وكيل الوزارة والمحافظ رافضين ينفذوا قرار الوزير بنقلهم فيرد عليهم المحافظ اللواء محمد عبد الفضيل شوشة القائد السابق لسلاح حرس الحدود فى الجيش المصرى: أنا رئيس جمهورية المحافظة وكلام الوزير مايمشيش عليا وهو حاطط فى مكتبه 3 صور لمبارك يبقى نفهم قيادات الجيش بتفكر ازاى؟؟؟؟وليه الجيش مش عايز يغير المحافظين اللى كلهم لواءات سابقين فى الجيش؟؟؟؟



أى حد عايز يعرف الإجابة زيى كده نتقابل إن شاء الله جميعا فى السجن الحربى جماعة يا رجالة علشان يبقى الثواب أكبر




http://www.facebook.com/notes/mohammed-e...4198775279

(04-13-2011, 09:25 PM)-ليلى- كتب:  و لو عندك كرامه ما توجهليش اى كلام تانى
لأن كل ردودى عليك هتبقا بنفس الطريقة لحد ما تتعلم الآدب

متتعبيش نفسك ،،،، هو ممكن يتعلم أى حاجه إلا البتاع ده اللى بتقولى عليه إن إسمه الأدب ، ونصيحه أخويه ليكى بما أنك تعلمين أنك بالنسبه لى فى منزله أخت عزيزه أن تبتعدى عن النادى فى تلك الفتره والإكتفاء بالمتابعه إلى أن يتحسن المستوى الأخلاقى للنادى ، أنا شخصيا أكتفى حاليا بالمتابعه فقط على جميع الأصعده سواء فى النادى أو غيره ، فالوضع الأن يشبه وكأن مجموعه من الثيران كانت محبوسه فى غرفه مظلمه لمده ثلاثون عاما وفجأه أطلق لها العنان فخرجت هائجه وبسرعه فائقه لتتخبط وتدمر نفسها قبل أن تدمر كل شئ حولها ، ومن العقل والحكمه إفساح الطريق لها حتى تهدأ ومن ثم يسهل السيطره عليها وإعاده تلجيمها .

(04-15-2011, 07:16 AM)عاشق الكلمه كتب:  

(04-13-2011, 09:25 PM)-ليلى- كتب:  و لو عندك كرامه ما توجهليش اى كلام تانى
لأن كل ردودى عليك هتبقا بنفس الطريقة لحد ما تتعلم الآدب

متتعبيش نفسك ،،،، هو ممكن يتعلم أى حاجه إلا البتاع ده اللى بتقولى عليه إن إسمه الأدب ، ونصيحه أخويه ليكى بما أنك تعلمين أنك بالنسبه لى فى منزله أخت عزيزه أن تبتعدى عن النادى فى تلك الفتره والإكتفاء بالمتابعه إلى أن يتحسن المستوى الأخلاقى للنادى ، أنا شخصيا أكتفى حاليا بالمتابعه فقط على جميع الأصعده سواء فى النادى أو غيره ، فالوضع الأن يشبه وكأن مجموعه من الثيران كانت محبوسه فى غرفه مظلمه لمده ثلاثون عاما وفجأه أطلق لها العنان فخرجت هائجه وبسرعه فائقه لتتخبط وتدمر نفسها قبل أن تدمر كل شئ حولها ، ومن العقل والحكمه إفساح الطريق لها حتى تهدأ ومن ثم يسهل السيطره عليها وإعاده تلجيمها .

شكراً عاشق الكلمة على النصيحة و صدقنى اللى حصل ما هزش فيا شعرة واحده
بالعكس خلانى اصمم اكتر انى اكمل لأنى على حق
يا ريتنى كنت اقدر ابعد بس مقدرش ابقا عارفة الحقيقة و اسكت
هبقا شيطان اخرس
فى ناس اتقتلت بوحشية و سواء وافقنا او اختلفنا انهم صح او غلط فدا مش معناه انى اسكت لأن الخطر بقا اكبر بالعكس لازم اكمل
و القاتل الكل عارفه بس فى ناس بتحب تعمل نفسها عبيطة و بتضلل غيرها و دا انا مش هسمح بيه طالما قادرة اتكلم و اوضح الحقيقة
اللى عايز يتناقش بأدب اهلاً و سهلاً
اللى هيعمل زى العيال و هيبتدى يبجح و يتسافل فمش هياخد منى غير اللى يستحقة ان شاء الله
بس اختلف معاك فى نقظة بسيطة
الوضع فى مصر بقا مش بس ثيران بتخبط فى بعض
دا بقا مجموعات عايزة توصل للسطة و البقاء حالياً " للأقوى" مش للاصلح
احنا رجعنا للمربع صفر تانى
و دا اللى مطلوب ان المصريين يوصلوله علشان يتلهوا فى نفسهم و يبقا كل همهم يا اما كرسى فى مكتب " يفتكر " اللى قاعد عليه انه خلاص بيحكم مصر
او ناس كل همها انها تعيش و عفا الله عما سلف و هما عارفين انهم هيخدوا على دماغهم تانى
و مقدرة جداً الناس دى
بس مفيش استقرار طول ما الظلم لسه بيحكم البلد
كل اللى بيحصل دلوقتى هو مسكنات فى مسكنات
لكن السرطان لسه بياكل فينا

---

المجلس الرئاسي .. لماذا الان

.by تنظيف مصر من حثالة مبارك on Friday, April 15, 2011 at 1:17am.

كان احد الاهداف المبكرة للثورة بعد تنحي مبارك هو تاسيس مجلس رئاسي مدني يقود البلاد في المرحلة الانتقالية، ولكن مع الاسف شغلتنا المحاولات المستميتة من بقايا وفلول النظام البائد لاجهاض الثورة عن الاصرار على هذا المطلب الهام جدا من أجل نجاح المرحلة الانتقالية. ولكن بعد ان اجتزنا بفضل الله هذه المرحلة الصعبة من عمر الثورة وتولى القضاء المصري التحقيقات مع الرئيس ونجليه ورموز فساده ، أصبح لزاما علينا ان نعود الى هذا المطلب الهام جدا والذي يؤسس ومن الان لخريطة طريق امنة ونزيهة للتحول الديمقراطي وتتفرغ القوى الثورية وجموع الشعب للبناء والانتاج. ونطرح هنا رؤيتنا لهذا المجلس



: عضوية المجلس

يتشكل المجلس من خمسة أعضاء

1.رئيس محكمة النقض وهو رئيس المجلس الرئاسي
2.ثلاثة قضاة منتخبين من الجمعية العمومية للمحاكم العليا
3.ممثل القوات المسلحة
مبررات هذا التشكيل: بعد انهيار النظام البائد تبقى مؤسستان يثق بهما الشعب ، أولها القوات المسلحة ، وثانيها القضاء المصري. ومن ثم فان تشكيل المجلس الرئاسي من كبار رجال القضاء بالاضافة الى القائد العام للقوات او من ينوب عنه يؤكد على مصداقية ونزاهة وانضباط المجلس الرئاسي.



القواعد الحاكمة للمجلس:

1.القرارات تؤخذ بالتصويت والاغلبية
2.لممثل القوات المسلحة حق النقض - الفيتو
3.لا يترشح اي من اعضاء هذا المجلس لانتخابات الرئاسة او انتخابات نيابية
4.يأخذ المجلس نفس الصلاحيات الواردة بالمادة 56 من الاعلان الدستوري محل المجلس العسكري، ويستمر العمل بباقي مواد الاعلان كما هي لاتمام المرحلة الانتقالية
وجود العنصر المدني ممثلا في كبار القضاة والعنصر العسكري ممثلا في قائد القوات المسلحة يعطي توازنا كبيرا للقرارات الصادرة عن المجلس. والقوات المسلحة بحصول ممثلها على حق الفيتو سوف تضمن الا تكون القرارات بها اي اخلال بالامن القومي، وهكذا تتحقق المصلحة الكاملة.



أهمية الاسراع بتشكيل المجلس:

1.وجود رجال القضاء في سدة الحكم خلال المرحلة الانتقالية يدعم مصداقية ونزاهة الاجراءات المتخذة لاتمام عملية التحول الديمقراطي
2.تقليل مسئولية القوات المسلحة عن المرحلة الانتقالية وبالتالي الحفاظ على هيبتها وحيادها أمام الجميع ، كما يفرغها لاداء مهمتها الاساسية
3.احتفاظ ممثل الجيش في المجلس الرئاسي بحق النقض (الفيتو) يضمن توافق قرارات المجلس مع مقتضيات الامن القومي
4.ترسيخ ثقة الشعب في نجاح ثورته ، ومن ثم القضاء على الاضطرابات والتركيز على الانتاج
5.كسب ثقة المستثمر المحلي والاجنبي في مصداقية نظام ما بعد الثورة ومن ثم ازالة الغموض وعودة تدفقات رؤوس الاموال والاستثمارات
6.رفع التصنيف الائتماني لمصر بناء على وضوح الرؤية وانخفاض المخاطر السياسية


وفقنا الله جميعا لخير مصر والمصريين



http://www.facebook.com/pages/%D8%B6%D8%...1647911606.

مقال من أحد زوار الصفحة
.by ضباط من أجل الثورة on Friday, April 15, 2011 at 4:22am.ارجو منك انك تنشر المقال دا على كل جروباتكم علشان نبقا كلنا برئنا ذمتنا قدام ربنا

المقال بعنوان

نصيحة و تحذير

بسم الله الرحمن الرحيم



يا شعب مصر يا اهلنا نصيحة من أحد أبنائكم و تحذير من اخ لكم , لقد قمنا بثورة 25 من يناير من أجل الاطاحة بالديكتاتور الطاغية و أعاننا الله تعالى على ذلك و الحمد لله ، و لكننا فوجئنا بجموع من الشعب المصرى تجعل أمر الشعب و الثورة فى يد رمز من رموز نظام الطاغية المخلوع أعنى ( المجلس الأعلى للقوات المسلحة بقيادة المشير طنطاوى ) و قلنا لا بأس فهى مجرد شهور و يترك السلطة بعدها و لكن الأدهى و الأمّرِ من ذلك أن كثيراً من الشعب جعل المجلس الأعلى للقوات المسلحة ( خطاً أحمر ) لا يمكن انتقاده و الاعتراض علبه ، بل صار كثيراً من الشعب مع المجلس الأعلى يداً واحدة على كل من انتقد المجلس الأعلى للقوات المسلحة و ذلك بدعوى أن أن الجيش خط أحمر و لكن الحقيقة أن الجيش ( مؤسسة الجيش الوطنى ) شئ و المجلس الأعلى للقوات المسلحة شئ آخر . حسناً و نحن لا نريد نغيير قيادة الجيش و لكن نريد أن يكون من يحكمنا خاضعاً لارادة الشعب قابلاً للنقد و المعارضة و الخلع من منصبه اذا استلزم الأمر و الا فما معنى الثورة !!! و لما قامت ؟؟؟ لقد كان هناك هامش ضئيل جداً من الحرية يسمح بانتقاد مبارك بينما لم يصبح هناك أى هامش لانتقاد ( المجلس الاعلى للقوات المسلحة ) بعد الثورة اللهم الا اذا كنت مشتركاً فى مظاهرة مليونية . اذا كانت هذه هى الصورة بعد الثورة و اذا كان هكذا سيكون الوضع تحت حكم ( المجلس العسكرى ) اذن فليترك ( المجلس العسكرى) الحكم لمجلس رئاسى مدنى يمكننا نقده و محاسبته و ليكتفى الجيش بدوره فى حماية الثورة و البلد خارجياً و داخلياً كما يفعل الأن تحت حكم ( المجلس العسكرى ) فهذا هو دوره الطبيعى من منطلق الوطنية و الواجب الوطنى فهناك واجب وطنى على كل فرد و كل مؤسسة داخل هذا الوطن و على كل من يقوم بواجبه تجاه وطنه ان لا يعتبر ذلك جميلاً يقدمه ،و لذلك فانه من المعيب بل و الغير وطنى و المُخجل ايضاً أن يشترط المجلس العسكرى بقاءه فى الحكم لكى يحمى الثورة فان ترك الحكم يأمر الجيش بالعودة الى ثكاناته و يتخلى عن حماية البلد داخلاياً و يترك الثورة تضيع .





يا شعب مصر لقد منّ الله علينا بهذه الثورة و ألف بين قلوبنا و وحد صفوفنا حتى اذا أرانا ما نحب من خلع الطاغية تنازعنا و فشلنا و انقسمنا شيعاً و احزاباً نتسابق الى الغنائم و السلطة و نسينا دماء الشهداء و اكتفينا بملئ البطون و نوم الجفون ، أفتظنون أن الله تعالى سيغفر لنا خيانة دماء الشهداء ؟ ( فلا تكونوا كالذين بدلوا نعمة الله كفراً و احلوا قومهم دار البوار ) ( و الكفر هنا هو انكار النعمة ) ، ان الله تعالى جعل لنا من اليابان عبرة فلم نعتبر ألم تروا كيف كان جهدهم وحرصهم على الدنيا واتقان العمل و هى أشياء محمودة و لكن ان أراد الله بقوم سؤاً فلا مرد له و اذا أراد بهم خيراً فلا راد لفضله ، فلماذا نجعل اقواتنا حائلاً بيننا وبين طلب الحق ؟ و لنعلم جميعا أن كل من عمل باسم الله و أوهم الناس أنه يعمل فى سبيل الله و هو انما يعمل فى سبيل نفسه فسيكون أشد الناس عذاباً و هواناً على الله فنصيحتى لكم و لى و اخص بالنصح الأخوان المسلمين والسلفيين لأنهم يدعون انهم يعملون باسم الله و باسم الاسلام و ارجو ان يكونوا صادقين فى دعواهم أقول لهم اتقوا الله و اعلموا أن الأمر بيد الله يعطى ملكه لمن يشاء فاتحدوا و اطلبوا الحق و لا تهنوا ولا تحزنوا و اعلموا أن النصر صبر ساعة .





فلا ادرى ألا نخجل عندما نرى ايطاليا تحاكم برلسكونى و هو رئيس وزراء ما يزال فى الحكم و اسرائيل تحاكم ليبرمان و هو وزير خارجيتها الحالى بينما نحن لا نسمح بأى كلمة لوم للمجلس العسكرى الحاكم !!!!!! ثم ان هناك سؤال يلح عليّ كثيراً أريد أن أوجههً لكل المصريين الذين خرجوا معلنينها أيام غضب على الطاغى و على كل سفاحى نظامه الذين سفكوا دماء أبنائنا واخواننا قبل رحيل الطاغية هل دماء هؤلاء أزكى و أغلى علينا من دماء من رحلوا بعد سقوط الطاغية ، لماذا لم يخرج المصريون مطالبون بحقوق من استشهدوا بعد سقوط الطاغية لماذا لم يتحركوا للمطالبة بمحاكمة كل من أصدر أوامره بقهر هؤلاء الشباب و قتلهم و سجنهم و هتك أعراضهم لماذ لم يطالب الشعب المصرى بالتحقيق مع كل المسئولين عن هذه الجرائم بحق الشباب الذين سُحلوا و عُذبوا و كل من انتُهكت اعراضهن من الفتيات و كل من سُجن و تعرض للمحاكمات العسكرية لمجرد خروجهم ضد الظلم الذى لا يزال مستشرى و الذى لا يزال يحكم و يتحكم حتى بعد سقوط مبارك هؤلاء هم الذين لم يقف قوت يومهم حائلا يمنعهم من قول كلمة حق لعلمهم بأن الله معهم حتى لو تخلى عنهم الشعب . و اذا كنا صنعنا فرعوناً جديداً و ( سلمنا القط مفتاح الكرار ) فمن يضمن خلال الأشهر القادمة التى يظن الشعب المصرى أن القط سيسلم بعدها مفتاح الكرار للمصريين مرة اخرى من يضمن أن هذا القط الذى سلمناه المفتاح بأيدينا و الذى يشعر الأن أن كل المصريين يخشوه و يفروا من أمامه فما الذى يمنعه من التآمر و الاستيلاء على كل ما فى الكرار و الاحتفاظ بالمفتاح الى الأبد خصوصا و ان كل قوى التآمر فى الداخل و الخارج تعضضه و تساعده و هى على أتم استعداد بكل ما لديها من خبرات و مخابرات فى مساعدته و وضع الخطط له ؟!! فعجباً كل العجب لمن يملك أمره لأول مرة فى حياته فيفاجأ بهذه االملكية و يخشاها و يسارع بالتنازل عنها و المطالبة بسيد جديد فيكون هذا الشعب له عبداً !!! أفق أيها المسكين قبل فوات الأوان , و ليعلم الجميع ان تنفيذ محاكمات مبارك و رموز نظامه الأن حتى وان نُفذت بالفعل فهى لا تكفى لأن الأهم هو أن لا نجعل من حكامنا الجدد فراعين نصنعهم بأيدينا و كأنما صار شعب مصر مدمناً للعبودية للفراعين !!! فعار على كل مسلم و كل مسيحى أن يشارك فى صنع الطاغية و الفرعون مدعياً أن ذلك فى سبيل الله و باسم الله و باسم حماية البلد فان استكبرنا و أصررنا فلنبشر بعذاب من الله ليس له دافع فان دماء الشهداء تقف الأن بين يدى الله تعالى تشكوا له خيانة العباد لها ، و فى النهاية وجب علىّ أن أنوه لقناة الجزيرة بما أنها دائما كما عرفناها أنها قناة الاعلام الحر و صوت الشعوب المظلومة و منبر من لا منبر له ان تنشر هذا الكلام أو محتواه أياً كانت الطريقة لكى أبرء ذمتى أمام الله سبحانه و تعالى و أعدكم أنه اذا لم يُستجب لهذه الدعوة فستكون آخر ما اكتب لأن هدفى كله هو ابراء الذمة امام الحق تبارك و تعالى و لا اريد فرض رأيى على أحد و كلنا مسئول أمام الله تعالى و أمام التاريخ و أمام الأجيال المقبلة ، ألا هل بلغت اللهم فاشهد .





و نحن نضيف





ان مصر كلها يجب أن تكون يد واحدة

فهذا الجيل لن يسمح بمن أفسدوا ماضينا و حاضرنا

أن يفسدوا مستقبلنا



http://www.facebook.com/pages/%D8%B6%D8%...5652063345.

(04-11-2011, 06:04 PM)بهجت كتب:  الحل الوحيد هو تشكيل مجلس رئاسة لإدارة البلد خلال فترة تأسيسية لمدة عام .
على القيادات السياسية أن تبلور مطالبها الأساسية و تتحاور مع المجلس العسكري .
لا يمكن ان يدير 100000شاب البلد " هيلة بيلة " بل عليهم الإنخراط سريعا في الحياة السياسية ،وقبول بالصيغة الديمقراطية ،و التي ستؤدي غالبا إلى عدم وصول أي منهم إلى أي موقع سياسي في المستقبل القريب ، فلا أعتقد ان أحدهم قادر على ان يحوز أصوات عائلته هو ،و لن أقول العمارة او الشارع .و لكن المستقبل سيكون امامهم كما حدث في كل بلدان العالم ، فلا نعرف بلدآ واحدا يديره صبية و شباب صغار ، حتى في العالم الأفتراضي .

و هو ده اللي العالم تعبت وهي بتقوله , وفي الآخر الجيش عقد صفقه مع الأخوان و شغل الناس بالأستفتاء الأهبل وقام الاخوان والسلفيين و المجلس العسكري بالترويج لـ نعم , وفي النهايه عملوا نص سيناريو لا

على فكره يا استاذ بهجت مع احترامي ليك كل اللي تخطى 50 سنه المفروض يركن على الرف وكفايه عليه كده , وكل مصايبنا جايه لنا من العواجيز , والمسأله موش فزياء نوويه عشان تتطلب متخصصين عمرهم 80 و90 سنه
لجنة تعديل الدستور قعدت 10 ايام عشان تعدل 7 مواد كنت عدلتهم أنا في 10 دقايق و بصيغه أفضل بـ 100 مره
و أنا على إستعداد تام و بمفردي لكتابة دستور من الألف للياء في ظرف أسبوع , وهيطلع أفضل من الدستور اللي هيكتبه مجلس الشعب الأخوانجي القادم
الجيش موش عاوز يغير المحافظين عشان نصهم لواءات جيش سابقين , و موش عاوز يتنازل عن التكيه اللي بيبرطع فيها .
الجيش بيراوغ وفي النهايه لا يستجيب إلا تحت الضغط لأنها لو خربت هتخرب على الكل

تحيه لك يا مدام ليلى

طنطاوي إتلهي على عينك
أنا عارف انك خايف من الإسلاميين , لكن الجيش ميقلش عنهم وساخه والجديد بقى أنه تحالف معاهم , وفوت على البلد فرصة كتابة دستور مدني محترم , كان ممكن يستغل زخم الثوره والجموع بتهتف - مدنيه , مدنيه - ويشكل جمعيه تأسيسيه من ناس محترمين كتير جدا في البلد وتكتب دستور مدني محترم , لكنه أختار أن يسلم كتابة الدستور لمجلس الشعب الأخوانجي القادم في مقابل أن يصبح الجيش دوله مستقله وغير قابله للمسائله .

أتفضل

ليوم في ندوة "رفض المحاكمات العسكرية" المقامة بمقر حزب التجمع إمبابة، يتم الاعتداء على الحضور والصحفيين ببلطجية يقودهم ملتحي وعميد الجيش آتى ليشاهد في صمت ويقبض على الصحفيين الأجانب باعتبارهم جواسيس، والجميع يهتف إننا نسيء لسمعة مصر ونسعى لنشر الفتن Evanov Evan‎