(06-01-2011, 09:06 PM)Dr.xXxXx كتب:  اخيراً شكلو في حدا ناوي يتفاهم

اقتباس:بس السؤال هوي يا ترى الحدود الإسلامية - بشروطها- إنسانية؟ إنت كبني آدم بتتقبل نفسياً قطع إيد سراق أو رجم واحد ؟

بالنسبة للسرقة، برضو مش اي سرقة، يعني اللي بسرق رغيف خبز مشان يطعم ولادو بتسمّاش حرامي، اما اللي بسرق مشان يستغني على حساب غيره انا بقبله قطع الايد..

اقتباس:طيب افرض إنهم كانوا بالشارع و حضنوا بعض ولا باسوا بعض مثلاً هون شو الحكم يا ترى؟ تعزير؟! و بعدين مين أنا و إنت لحتى نتدخل فيهم!

برضو منرجع للبداية، خلصت المحلات اللي يحضنو بعض فيها؟؟ لازم بالشارع؟
الهدف مش العقوبة، والدليل هو شروط تنفيذ الحد، الهدف هو منع الفاحشة يعني اللي ببدا ببوسة ولّا حضن مش مستبعد انها تتطور.

اقتباس:يا دكتور الأغلاط اللي بتسير بهالدنيي ما بتتصلح عن طريق أحكام سادية متل هادي .. بتتصلح بعقوبات متل السجن و الغرامات

طيب والسجن والغرامات مش احكام سادية برضو.
يعني اللي بقتل، ليش بتنفذ عليه حكم الاعدام، او حكم بنفس القيمة (حبس مؤبد مثلاً).. مين الو الحق انو يقتل او يسجن واحد كل حياتو؟؟
الغلط مش في الحكم، الغلط في اللي برتكب الجريمة، مثل اللي بزني... متفق عليه انو الزنا في المجتمع الديني خطأ، بس فش حدا بغلطش، فمستحيل نقول انو كل واحد بغلط لازم يتعاقب لأنو على هالمعدل كل واحد راح يجلد او يرجم او تنقطع ايده في مرحلة معينة، اما تنظيم العقوبة وحصرها بفئة معينة اللي هي ممكن انها تؤثر مستقبلاً على استقرار المجتمع مثل اللي بجاهر في الغلط.

اقتباس:بتعرف الفكرة بتشبه شو؟ بتشبه الشيوعية كتير.. هلأ الشيوعية كمبدأ -بغض النظر عن التطبيقات الغلط اللي صارت- هيي فكرة رومانسية حلوة بس مو واقعية بالمرة لأنها مو شغل البني آدمين هلأ

طيب بافتراض انو الفكرة بتشبه الشيوعية، مع اني اصلاً مش مهتم بالشيوعية، امّا موضوعنا مش الفكرة نفسها، انما تطبيقها، ومتفقين انو التطبيق الغلط بدمّر الفكرة.

اقتباس:لأنه لو في إله خلق هالكون فهيي كانت وظيفته أول ما خلق الأشياء ..يعني كان مفروض فيه هوي نفسه يخلي الناس متل بعض

فكرة المساواة بالوظائف والقدرات والعقلية والتفكير والخ... فكرة تافهة حسب رايي، يعني وين المنطق انو الناس كلها تكون بعقلية اينشتاين؟؟ او انها تكون بعقلية عامل بسيط؟ التفاوت ضروري للتوازن.

اقتباس:أما إنه يجيلي نظام هلأ و يحاول يخلي الناس متل بعض فهادا ما رح يكون أكتر من تضييع وقت و رح يجيب خراب أكتر من فوائده اللي بنستناها هادا إزا قدر يجيب فوائد أصلاً..

النظام مش للمساواة المادية، النظام لحفظ الحقوق، يعني في الدين مثلاً الهدف هو بناء مجتمع واعي للاخلاقيات الاجتماعية، والاحكام "السادية" هي فقط للحفاظ على هاي النظرة.
اما انها تضييع وقت، فانا مش متفق معك، فعلى نفس المنطق، كل الدول بتضيع بوقتها بمحاولة اصلاح المجتمع لأنو السرقات والاغتصاب والقتل والنصب والخ... مش راح توقف ولا بأي حالة، بس لو تخلّو عن فكرة النظام فالتجاوزات بتزيد.

وعلى سيرة قطع اليد اللي مضايقتك، في قصة خلتني اقتنع في هالحكم بالذات، مع انو كانت عندي نفس نظرتك انو سادي.
قبل كم سنة في واحد صرّاف في القدس، قال انو بشتغل في البورصة وانو اللي بستثمر عنده بربح وعمل دعاية لحاله، الناس صدقتو لأنو صارلو سنين ومعروف عندهم، بس بنفس الوقت مش هبل وخافو ينضحك عليها، صارو يحطو عنده مصاري بكميات صغيرة يجربو، وفعلاً الزلمة طلع ابن حلال والكل بربح عنده، شهر شهرين بعرفش بالزبط، الناس امّنته وصارو يحطو عنده كل مصرياتهم..
هو لم القرشين من هون ولاقيني بعدها اذا حدا عرف وينو.. اختفى، واللي جمّع مصاري مشان يعلم ولادو، واللي مشان يبني لأبنو واللي للقمة عيشه، كلّو راح مع ابن هالحلال.. وبتقليلي لليش قطع اليد؟؟ لو اني انا مسؤول وعندي صلاحية اقيم عليه الحد بقطع رقبته مش بس ايده.

يا دكتور بزمتك هلأ السجن و الغرامة سادية؟ سادية يعني أزا مبالغ فيه ..هلأ السجن فيه أزية قد قطع الإيد!
و بعدين إزا عم نبرر هادي الشغلات ب "منع الفاحشة" فما نلوم فرنسا لما تمنع الحجاب و لا الشعائر الدينية للمسلمين لأنه كمان بالنسبة إلهم بمجتعاتهم هادي الشغلات "فاحشة" .. و بكل موضوعية بقلك الفاحشة اللي همي بيحكوا عنها كتير أكبر من الفاحشة اللي عندكم.. و متل ما قلك حكيم شو الفاحشة و الرذيلة بتنين بحبوا بعض؟ لما أشوف منظر واحد حاضن وحدة بنبسطلهم من كل قلبي متل لما أشوف وردة حلوة أو أيا منظر حلو و بتمنالهم كل خير .. بشو آزييني هدولي؟ بشو؟ و إنت عم تقول إنه هالحضن ممكن يطور لإشي تاني.. ما يتطور! شو الغلط بالموضوع! هلأ لأنه الواحد فينا قادر يتجوز ما بفكر بالتانيين اللي مو قادرين! طيب لو كنت محلهم شو رح تحس!و ما عم بحكي هون عن الجيزة كجنس بس عم بحكي عن الجيزة من كل النواحي يعني إنك تحس إنه في حدا خاص بحياتك تشد ضهرك فيه و يكون قريب منك بالإضافة للجنس اللي بكون نتيجة لكل هالشغلات الحلوة و سبب برضه من الأسباب لإنها تستمر.. يعني اللي مو قادر يتجوز يستنى طاقة الفرج تنفتحله لحتى يضل "عفيف شريف".. يا دكتور هادي الشغلات ما بتوسخ البني آدم و لا بتخليه أدنى من غيره اللي بخليه أدنى أو أحسن هوي قديه هوي نضيف من جوة.. يعني مثلاً واحد بيتجوز على مرته لسبب أو غير سبب لا تتخيل قديه بحتقره لأنه هالإشي بعبر عن طفاسة.. بعبر عن استغلال ل "بريفلج" نولد بمجتمعنا و لقاه تحصيل حاصل و استغله ضد اللي أضعف منه بهالنقطة.. الزلمة الحقيقي ما بيخبص الأمور .. الزلمة الحقيقي بصفي أموره ليدخل بإشي جديد على نضافة .. بس واحد حب وحدة و مو قادر ياخدها شو الفاحشة بالموضوع!
بتعرف قديه الستات اللي لسا بنات يا دكتور! و ما أشطرنا لما نقعد نلومهم على بعض تصرفاتهم لما يكبروا و تروح عليهم و و نسير نعلق عليهم لما يسيروا متل العسكر! بس إنه نحاول نتفهم هالبني آدمة ليه صارت هيك و نعاملها كبني آدمة إلها احتياجاتها ما عنا أدنى استعداد .. ليش؟ لأنه قناعاتنا اللي ما إلها طعمة و لا لون أولى من إنه نعامل هالإنسانة كإنسانة

يا دكتور أنا بيوم من الأيام جربت الحجاب و النقاب و كنت لما أعبد " الله" أعبده من جواتي لا لأني بخاف و لا لأني طمعانة بإشي فهادي الشغلات اللي عم تبرر فيها الغلط أنا كنت أستعملها لتبرير الشغلات اللي بآمن فيها بيني و بين حالي قبل إني أستعملها قدام أيا حدا تاني .. بس جد لما كنت أمينة مع حالي و شغلت ضميري لقيت إني صعب أتقبلها .. صحيح الدنيي ما بتسوى إشي بس بنفس الوقت كتير حلو و ضروري إنه ما نتجرد من إنسانيتنا فيها
مشان هيك رح أقلك شغلة مع إني عارفة إنها ما رح تجيب نتيجة هلأ .. لا تكابر! جد لا تكابر

يا نارينا
انتي قلبتي الموضوع وكأني انا برفض الحب وبسمّي رذيلة..
القصة مش هيك، وفش قانون بجرّم هاي الشغلات،بس ليش يعني خص نص بالشارع، فش محلّات ثانية، طيب سؤال بنفس السياق... ليش كل اللّي بحضنو بعض وبتباوسو بالشارع مش متجوزين؟؟ يعني الواحد عنّا بقبلش انو يبوس مرتو قدام الطالع والنازل، فليش بدو يقبلها لواحدة مش مرتو؟؟
الموضوع ببساطة انو هاي العلاقات تتحدد بمشروع عالمي اسمو "الزواج"... والعلاقة خارج هاي المؤسسة مرفوضة على مستوى اجتماعي، واللي بدو يبني علاقة من هالنوع حر بس بدون ما كل الأمة تعرف فيه، خليها بينه وبينها.

اللّي بدو يحب يحب، اللهم لا اعتراض، بس حب بعيد عن الشارع، يحب في بيتهم.. في السيارة.. مش بالشارع.

بعدين ليش توخذيها مكابرة؟؟ انا مقتنع في كل اللي بقولو لأني عايش بين بهايم، وشايف البلاوي اللي بتصير.. وحسب رايي انو الانفتاح في العلاقات بجر معاه تبعات كثيرة اللي بتناسبش مجتمعنا، بالعكس الحفاظ عليها يؤدي لعادات راقية اللي شبه منقرضة في مجتمعات ثانية، مثل العلاقات الاجتماعية وخاصة مع الأهل، يعني فكري شوي لما تصير العلاقة بدون زواج عادية، وتدريجياً بتوصل لانو الاثنين يسكنو مع بعض في بيت منفصل ومنصير بعدها زي الحيوانات بجيل ال18 كل واحد بطريقه لا أهل ولا ما يحزنون... اما بدون هاي العلاقة فالواحد بضل مرمي في بيت اهله لحد ما يتجوز

(06-01-2011, 12:14 PM)الطرطوسي كتب:  رغم رفضي الشديد لإقامة مسابقات ملكات الجمال و أرى فيها تشييئا للنساء و تجريدا لهن من إنسانيتهن.
و رغم أني حاربت بشراسة مسابقة ملكة جمال سوريا(بالحكي منشان ما حدا يروح فكرو لبعيد).
إلا أن ما تعرضت له الفتاة الأوكرانية يستوجب الإنكار و الاستنكار. و في النهاية لا أحد يحق له فرض ولايته ووصايته على خيارات الناس.

صدقت مسابقات ملكات الجمال تجرد المرأة من انسانيتها ..

حتى لو افترضنا أن استخدام بعض هذه المسابقات و الممارسات التجارية تختصر المراة في كونها جسدا و تجردها من إنسانيتها ....

فهل هذا يبرر تجريد المرأة التي تدخل هذه المسابقات من حياتها !!!!!

حتى لو افترضنا أن استخدام بعض هذه المسابقات و الممارسات التجارية تختصر المراة في كونها جسدا و تجردها من إنسانيتها ....

فهل هذا يبرر تجريد المرأة التي تدخل هذه المسابقات من حياتها !!!!!

(06-02-2011, 12:54 PM)فلسطيني كنعاني كتب:  حتى لو افترضنا أن استخدام بعض هذه المسابقات و الممارسات التجارية تختصر المراة في كونها جسدا و تجردها من إنسانيتها ....

فهل هذا يبرر تجريد المرأة التي تدخل هذه المسابقات من حياتها !!!!!

لا طبعا , هذا تصرف همجي وحيواني ولا يمت للانسانية بصلة .
بغض النظر عن ذلك , فان فكرة مسابقات ملكات الجمال هذه تنتقص من قدر المرأة بشكل كبير , واعتقد ان اي امرأة حرة ذات فكر حر يجب ان تعارض اقامة هكذا مسابقات سخيفة

على فكرة بحسب بعض التقارير الأخيرة يبدو أن كل القصة ملفقة تلفيقا... أولا لأن الفتاة ليست مسلمة بل مسيحية وثانيا لم يتم رجمها بل القاتل شخص مختل عقليا اغتصبها بوحشية ثم قتلها بضربها بصخرة (على طريقة قتل قايين لهابيل بحسب بعض التفسيرات)... على ذمة ديلي تلغراف والشرطة الأوكرانية وموقع توداي زمان:
http://www.telegraph.co.uk/news/worldnew...death.html

http://www.todayszaman.com/news-245839--...islam.html

يعنى القاتل طلع علمانى ملحد و ليس مسلما
طبعا فالالحاد يجعل الانسان يشعر انه قرد و يجعله يتوجه الى مبدء ان النساء مشاع للاقوى الا من رحم ربك .
هذه اخرة الالحاد , عنف و اغتصاب و قتل لانه يتهاون مع المجرم و يعرض حياة الابرياء المساكين للقتل و الخطر .
هذه المسكينة البريئة لو كانت فى دولة اسلامية مجازا لما تجرء احد على لمسها , لان عقوبة الاغتصاب ستكون رادعة , بينما الالحاد الذى هو رحمة لكل مجرم تسبب فى قتل هذه البريئة المسكينة .
طبعا الملحدون فى اوكرانيا الان سيحكمون على القاتل كاقصى حد ب 20 سنة سجن
, يعنى لو عمره 20 سنة سيخرج و عمره 40 سنة ليبحث عن ضحايا جدد من الابرياء.

من أين استقيت معلوماتك يا علي؟

على علمي القاتل مسلم لكن التشكيك هو بدوافعه... ثم أنت تتكلم وكأن "المتدينون" ملائكة لكن الحقيقة أن التحرش الجنسي والاغتصاب فاش في الدول الدينية وفي أحيانا كثيرة تحت غطاء الشرع.

الزميل الحوت الابيض
اولا: الفتاة ليست مسلمة فلماذا يطبق عليها المسلمون الحد الشرعى بالرغم من ان ما فعلته لا يدخل تحت باب الحد الشرعى , فلا هى مسلمة و لا ما فعلته يستاهل الرجم .
ثانيا: المسلمون فى اوكرانيا اذا كانوا من السكان الاصليين فهم من التتر , و هم متعصبون لقوميتهم و تقاليدهم متشددة اكثر من العرب ناحية النساء , و الدليل ان منهم مسيحيون ايضا عندهم نفس التعصب .
بس تعصبهم على نسائهم فقط و ليس على نساء اوكرانيات و المسالة لا علاقة للدين بها فهم يمنعون النساء من ممارسة حياة متحررة و لكنهم يشربون الخمور على مائدتهم.
ثالثا: اى زائر لاوكرانيا الان فى الصيف سيجد ان ملكات الجمال فى مسابقات الجمال يعتبرن متحجبات مقابل ما تظهر به الاوكرانيات فى الحدائق و حول البحيرات و فى كل مكان من اسطح المنازل و اى مكان فيه شمس و بقعة ماء .
من هنا فلو المسالة دينية لما تبقى امراة فى اوكرانيا الا و رجمت .
كما قال عادل امام
لو كل واحد حيعزل لان تحت بيته واحدة رقاصة يبقى البلد حتبات فى الشارع

فالقصة بالنسبة لى مضحكة منذ البدية و لم اتدخل بالتوضيح لاستمع الى تحليلات الملحدين الفنتازية .