ردي لم يظهر بذلك الموضوع لذا أتابع الموضوع ههنا، وهذا ردي على رحمة العاملي:

والله يا حيف عليك يا رحمة، حكم عقلك وشوف هالقصة واسقطها عغير بلد، ووقتها بتشوف على مين بتجوز النكتة

أنا علماني وظليت علماني، ولي أصدقاء من كل الطوائف بسوريا وما زالوا أصدقائي، وعايش بهالبلد وعارف اللي فيه، أما أنت فتبني رأيك وموقفك على أمور نظرية وموقف مخادع (جمع مخدع: كناية عن الناس اللي نايمة وبتتفرج عالتلفزيون السوري)
لكان قلتلي جايين يحجوا من جسر الشغور؟؟!!! يلعن سما التحشيش الإيراني ما أحلاه، ودخيل المنطق تبعك إذا ظل في منطق أصلاً .. واحدنا صار يبطل يقدر وهو ابن البلد يمر من قرية لقرية ومن حارة لحارة بدون خوف مما يجري بسوريا، وهدول بيتقافزوا من جسر الشغور للست زينب وكأن سوريا بأمان واطمئنان. يبدو أنك جيرت عقلك لغيرك ليفكر عنك.
يا عيب الشوم عالعقل اللي بيشتغل لما بيكون الهبل والاستهبال من الطرف المقابل، بينما يصدق أكبر استغفال واستحمار من الجهة المقابلة وهو يتندر ويقهقه بحنك مفتوح عالآخر وبيحكي نكات ودماء الناس تسيل.
يا عيب الشوم ويا حيف فعلاً,
وشكراً مرة أخرى للتندر والتقهقه على دمائنا، وسعيدون أنّا أضحكناكم وأمتعناكم.

http://www.youtube.com/watch?feature=player_detailpage&v=DhyhD8wG-xQ#t=32s

وهيدا شو
http://www.youtube.com/watch?feature=player_detailpage&v=OBQ7XBxxUfE#t=11s

كذلك فكر "رحمة" ثم علل، ثم فكر ثم انتبه أن القافلة توقفت في معرة النعمان.

رحمة يعتقد أنه وجدها (يوريكا) بأن القافلة مسكناها بالمعرة.. ولكني أيضاً قرأت وعرفت أنها انمسكت بالمعرة وهذا عالأغلب صحيح .. لكن هو مفكر أنو هيك أحسن؟؟ ما هيك؟
لك المعرة انفجر بها الوضع قبل جسر الشغور، وهي ما زالت مشتعلة، الجماعة تبعك انمسكوا بالمعرة ونقلوا لجسر الشغور، ليتم نقلهم خارج البلاد، لذا جن جنون النظام.

وتحياتي للعقل المفكر الناقد.

وشكراً

ملاحظة: بدأ من الآن ياكل هوا الأنترنت عنا وغداً عالأغلب رح يتوقف عالعادة. فما تتعب حالك بوضع فيديو لنا، يا دوب قادرين نتصفح.
تحيات الحرية لك.

عزيزي ابن سوريا
يؤسفني انك بلشت تحكي متل نسوان البرندات عنا بالحارات
يا سيد العارفين كل يوم يمر من المنطقة اكثر من عشر باصات سواء لزوار ايرانيين او عراقيين او لبنانيين ذاهبين الى ايران
ما حصل اسمه اعتداء على مدنيين اجانب

من الاخر
وين المسلحين الايرانيين ؟

يبدو لي أنك من بدأت بالحكي مثل شبيحة النظام بالحكي عن مؤامرة بندر وإسرائيل والفضائيين، والدليل موقع فيلكا (الحزب لاهوي/السوري).

بعدين سؤالك غريب، وين المسلحين الإيرانيين ولا وين المدنيين الأجانب؟ أنت عزيزي لن تعترف بأي شيء إلا ما قيل لك، ولن ينفع معك المنطق، ففي مشكلة بجسر الشغور، وبقدرة قادر في قافلة إيرانية بتمر فيها أو بمعرة النعمان، وبقدرة قادر بتنمسك، وبقدرة قادر بتيجي بتحكيلي أنت والتلفزيون السوري عن اختطاف، وبقدرة قادر بيكون في إعلان قبليها بكذا يوم (الإعلان عن مسك إيرانيين يا حباب كان من خمسة أيام) عن إلقاء القبض عن 4 إيرانيين مع المشبحين.
مو شايف أنو في كثير صدف؟ لو كانت هالقصة قايلها إلك حدا من جماعة 14 آذار، لعملت مسرحية كوميدية، ولاخترعت لها كعادة اللبنانيين نكتة حمصية (إذ أن أكثر نكت اللبنانيين بيعملوها حمصية والفرق بينها وبين النكت الحمصية الأصلية أن اللبنانية بايخة وسخيفة).
العمى شوفي صدف ومؤامرات وقصص قهاوي ونساوين حارات بحكيكم. بينما أي شخص له عقل ومنطق بيعرف أنه ( ياسيد العارفين) تتوقف القوافل اللي رايحة تحج لمكان ما وهي مهددة بشكل بديهي.. مو إنتو اللي قلتو أن المتظاهرين بسوريا ركزوا عإيران من أول يوم؟ طيب مو عالقليلة بتقوم الدولة السورية بحماية هالقوافل؟
معقولة بتكتشف أنها انخطفت بعد 5 أيام؟؟؟

شو بعدو التحشيش الإيراني شغال، ولا استبدلته بشي بقاعي محلي وطني؟

ما تخاف انا نفسي طويل كتير
لانو عجمي ههههههههههههههههه

على كل حال من حوالي اسبوعين وقبل وقوع حادثة معرة النعمان ابلغ حزب الله وحركة امل كل اصحاب الحملات والزيارات في لبنان ونصحهم بعدم الذهاب في الوقت الراهن الى سوريا لزيارة مرقد السيدة زينب عليها السلام او غيرها من المشاهد التاريخية ذات العلاقة

يلا انبسطوا بطلنا نحج

صاير تحكي يا شيخ رحمة بطريقة الشبيحة الإعلاميين تبع النظام
بنحكي من الغرب بتجاوب من الشرق مدري من الشمال.
اللبنانيين كمان بيمروا من جسر الشغور؟
أنا عمبحكي عن منطق الأمور .. وأنت تؤكده الآن، بما يتناقض مع منطقك في تبريرك للإمساك بإيرانيين بجسر الشغور.
فما عاد فهمت، مافي حجاج ولافي حجاج؟ والوضع ببلدنا طبيعي وآمن لدرجة الحجاج بييجوا وبيمروا بجسر الشغور ومعرة النعمان بشكل طبيعي، ولا في مرافقة أمنية ولا مو عادي ولا عادي ولمن شو؟
لك باصات من منطقة لتانية بترافقها حواجز أمنية وباصات أمنية، وعناصر أمنية بالباص طوال الوقت، فما بالك بإيرانيين فايتين لجسر الشغور؟

شو عمبتشغل مخك ولا الليلة عطلة؟

يييي علينا وعلى جسر الشغور
حتى انت يا بروتس
والله افتكرتك عم تمزح يا صاحبي
ايدي على راسك انت فايتة بعقلك قصة ايرانيين بجسر الشغور
اسم الله عليك
قوم لبوس تيابك بالشقلوب بركي بتروح العين لي عليك

تعرف يامولانا رحمة,
سأحكى لك سر المودة التى أكنها لك ,قرات لك من سنوات مضت بالنادى مداخلات اشراقية رائعة,مفعمة بمزج عطر من العرفانية والروح الانسانية الشمولية الملهمة,فادركت ان تحت هذه العباءة ليس شيخا ولامهوس طائفى ولكن أنسان جميل مفعم بحب الحياة والناس ,لايعيش فى قوقعة طائفية رغم شيعته ولاضغينة فى قلبه لأحدا,بالواقع كلنا اسرى جذورنا الطائفية والجغرافيا,وهى محنة نحاول جميعنا تجاوزها بالوعى,بصراحة أنا مستخسرك ان تتيه بهذه النوعية من الأحداث,فلديك الكثير جدا لتقدمه ,ولديك اشراقة داخلية شحيحة الوجود,فأنفض يدك من هذه القصة ليس بالمعنى السلبى ولكن كن رحمة فعلا وقولا على هذا الشعب المعذب المشوى فى افران ال الاسد اربعين عاما ويزيد,لا اطالبك بأن تصطف لجانب المعارضة السورية فهى ليست بحاجة لى ولا لك وهم بالفعل قدها وقدود! لكن تمنيت عليك ان يكون لك دورا اخر بعيدا عن نجاسات الصراعات السياسية وأرجاسها! كل شئ زائل ومايمكث فى الارض ربما حكمة عرفانية يظل البشر يهتدون بها قرونا طوال,أرجو الا اكون تجاوزت مقامى ولا أخطأت بحقك فانت تعلم قدرك عندى,وسامحنى لوتجاوزت الكلمات مقاديرها وتاهت العبارات فى بدائيتها!

تعرف يامولانا رحمة,
سأحكى لك سر المودة التى أكنها لك ,قرات لك من سنوات مضت بالنادى مداخلات اشراقية رائعة,مفعمة بمزج عطر من العرفانية والروح الانسانية الشمولية الملهمة,فادركت ان تحت هذه العباءة ليس شيخا ولامهوس طائفى ولكن أنسان جميل مفعم بحب الحياة والناس ,لايعيش فى قوقعة طائفية رغم شيعته ولاضغينة فى قلبه لأحدا,بالواقع كلنا اسرى جذورنا الطائفية والجغرافيا,وهى محنة نحاول جميعنا تجاوزها بالوعى,بصراحة أنا مستخسرك ان تتيه بهذه النوعية من الأحداث,فلديك الكثير جدا لتقدمه ,ولديك اشراقة داخلية شحيحة الوجود,فأنفض يدك من هذه القصة ليس بالمعنى السلبى ولكن كن رحمة فعلا وقولا على هذا الشعب المعذب المشوى فى افران ال الاسد اربعين عاما ويزيد,لا اطالبك بأن تصطف لجانب المعارضة السورية فهى ليست بحاجة لى ولا لك وهم بالفعل قدها وقدود! لكن تمنيت عليك ان يكون لك دورا اخر بعيدا عن نجاسات الصراعات السياسية وأرجاسها! كل شئ زائل ومايمكث فى الارض ربما حكمة عرفانية يظل البشر يهتدون بها قرونا طوال,أرجو الا اكون تجاوزت مقامى ولا أخطأت بحقك فانت تعلم قدرك عندى,وسامحنى لوتجاوزت الكلمات مقاديرها وتاهت العبارات فى بدائيتها!