هذا تماما ما قاله اخر الرجال الشرفاء المحترمين الفريق حسين هزاع المجالي


علم أن مدير الأمن العام الفريق حسين هزاع المجالي اجتمع مع مساعديه وقادة الاقاليم، وقال لهم ما حرفه انه يتحمل المسؤولية الادبية والاخلاقية عن احداث ساحة النخيل، وأنه ابلغ رئيس الوزراء الدكتور معروف البخيت ووزير الداخلية مازن الساكت بأنه مستعد لتقديم استقالته في أي وقت مقابل الحفاظ على سمعة جهاز الأمن.

وقال المجالي في ذات الاجتماع الذي عقد لمناقشة احداث ساحة النخيل: واجبنا الحفاظ على أمن المواطنين والصحفيين، ولا يجوز مطلقاً أن يحدث ما حدث.

وتابع المجالي قوله: كثير من الصحفيين اتهموني بأنني خدعتهم في قضية "زي الصحفيين" وأنا والله العظيم لم أخدع أحد وما حدث خطأ في الميدان، ولم أعلم به إلا في ساعته وأنا أقولها لكم الآن: أنا ضد ضرب أي مواطن ولا يجوز الاعتداء على الصحفيين.

انتهى الخبر

وزيادة للاخ خالد وربما لن اعود للنقاش في هذا الموضوع

انا لست ضد الحراك المدني ، بل هو ظاهرة صحية ومطلوبة فالحقوق تنتزع ولا ننتظرها منحة

الاخوان يحاولون استنساخ ميدان التحرير بكل الوسائل ، وللخصوصية تكويننا الاجتماعي الديموغرافي هذا سيكون سلبي

خرجت في الاردن الكثر من 2200 مسيرة واعتصام تحت حماية الامن العام التي اقتصرت وظيفتهم على العمل "جرسونات" يقدمون الماء والعصير
هناك تعليمات للامن بعدم حمل اي سلاح او حتى هراوة

ما جرى يوم النخيل هو وليد لحظته وكان شحن نتيجة فتوى الاخونجي ابو فارس حول الشهادة في الاعتصام
حتى في اعتى الديموقراطيات نرى الشرطة تضرب المتظاهرين رأيناه في كندا وجنيف .....الي اخر العواصم على خلفيات التجارة الدولية والعولمة وما حدث في النخيل اعطي اكثر من حجمه وفقط في اتجاه واحد اما الاتجاه الثاني لا احد يذكر جرحى الامن والادهى ان اثنان منهم طعنا بالسكين

اخاف على هذا البلد فهو اتوستراد ذو اتجاهين ، وحوار الشوارع لا ينتج الا الدمار

فلنتقي الله في وطن سنذبحه من وريده لوريده بنية اصلاحه

(07-20-2011, 09:35 AM)jafar_ali60 كتب:  انا لست ضد الحراك المدني ، بل هو ظاهرة صحية ومطلوبة فالحقوق تنتزع ولا ننتظرها منحة

الاخوان يحاولون استنساخ ميدان التحرير بكل الوسائل ، وللخصوصية تكويننا الاجتماعي الديموغرافي هذا سيكون سلبي

خرجت في الاردن الكثر من 2200 مسيرة واعتصام تحت حماية الامن العام التي اقتصرت وظيفتهم على العمل "جرسونات" يقدمون الماء والعصير
هناك تعليمات للامن بعدم حمل اي سلاح او حتى هراوة

ما جرى يوم النخيل هو وليد لحظته وكان شحن نتيجة فتوى الاخونجي ابو فارس حول الشهادة في الاعتصام
حتى في اعتى الديموقراطيات نرى الشرطة تضرب المتظاهرين رأيناه في كندا وجنيف .....الي اخر العواصم على خلفيات التجارة الدولية والعولمة وما حدث في النخيل اعطي اكثر من حجمه وفقط في اتجاه واحد اما الاتجاه الثاني لا احد يذكر جرحى الامن والادهى ان اثنان منهم طعنا بالسكين

اخاف على هذا البلد فهو اتوستراد ذو اتجاهين ، وحوار الشوارع لا ينتج الا الدمار

فلنتقي الله في وطن سنذبحه من وريده لوريده بنية اصلاحه

بالزبط
و هادي فكرة الموضوع كله من الأساس
في جماعة عم تستغل فكرة الحراك المدني لتنفيذ شغلات بتخصها و تصفية حسابات قديمة
و الأردن إله خصوصيته ..وتوب سوريا و مصر مو على قياسنا .. يعني بالعربي الفصيح السيناريو اللي صار هناك ما بسير نسمحله يسير هون تحت أي ظرف من الظروف .. أما اللي ما عم يشغل مخه أو مصمم إنه ما يشغله و بس حاب يعيش الدور و كتير محموق عالبطولات والمسرحيات فقدامه خيار من تنين يا يروح على مصر أو سوريا( بس لا يرجع و هوي عم يتبكبك و بحكي يرحم أيامك يا أمنا الأردني) يا أما على قولة هالختيار الله يسهل عليه: يروح عالشريعة هيها قريبة! أما كل أردني حر بحب هالبلد و ما بيرضى يبزق بالصحن اللي بياكل منه بقصد أو بغير قصد اعرفوا إنه ما رح يرضى بالولدنات و السواليف الفارطة و الحركات الإستعراضية

و أنا بقولها و بكل موضوعية أمنا و جيشنا و حتى مخابراتنا اللي كتير ناس بيتعرضولها بالهمز و اللمز بينحطوا عالراس لأنه بس قارنوهم بالدول اللي حولينا بتعرفوا الفرق هادا من ناحية و من ناحية تانية ليس كل ما يعرف يقال وبرجع بقول اللي حكاه الأستاز جهاد المومني .. هؤلاء لا يعجبهم العجب و لا صيام برجب .. و فعلاً هيك .. مجموعة كبيرة ما بدها إنه يروح الغلط بدها إنه يضل مشان تضل تأشر عليه و الأغبيا يقولوا شوفوا ما أحسنهم هدولي اللي عم يأشروا .. و هدولي بنقلهم إنتو ما بدكم وضع هيك بدكم واحد متل القذافي تحكوا معه و يسمعلكم بطيزه .. و على كل كل هاللي ما خلوا كلمة محمضة بتمهم ما قالوها عن الأمن و الدرك بكرة لما يسيروا بدهم يربوهم الجماعة اللي رقصوا بالسيوف لا يسيروا يقولوا وا أمناه وا دركاه لأنه لحد هلأ هالجماعة لسا بمرحلة الشوبرة (و بمزاجهم) بس إزا دخلوا الجماعة جدياً عالخط لا الأمن و لا الدرك و لا الله نفسه رح ينفعكم .. فبلاش تساووا متل فيديو الولد الزغير اللي ضل ينكش بالجاجة و يتشاطرعليها ينكش بالجاجة و يتشاطر عليها هيييييييييييك لحتى بس ركضت ناحيته اتبخروا العضلات المفرودة و السلف استيم كله

الأصوات اللي بتناسب هالمرحلة عنا بالأردن هيي الأصوات الراكزة المعتدلة التقيلة اللي جد عم تشغل مخها .. فالمندفعين اللي نيتهم عن جد نضيفة اشحطوا بريك شوية و عيدوا حساباتكم و حطوا إيدكم بإيد هالجماعة و فككم من (الهوّايات) اللي عم يخلوكم تفرقعوا عالفاضي

بعدين يعني إنتو عارفين و نحنا عارفين إنه هالحركات بشكلها الحالي مو أكتر من جعير عالفاضي فليش تضلكم تطلعوا بلا فايدة .. ليش ما تختاروا اللي بتحسوا إنهم بمثلوكم فعلاً و متل ما عم تقرقعوا الدنيي بإعلانات هالإعتصامات تضلوا عم تقرقعوا الدنيي لفترة و بشكل علني و مو عن طريق حدا إنه بدكم تحكوا مع الملك شخصياً و تناقشوه بمطالبكم .. يعني باللاهي هتفتوا من هون لبكرة الصبح عند دوار الداخلية و لا ما بعرف وين شو هالإنجاز العظيم اللي عم تساووه؟! يعني إزا نيتكم صافية ليش بتنطوطوا عن مراحل؟ يا أخي إزا نيتكم مزبوطة و هدفكم مو الفتنة اثبتوا للشارع هالإشي خليه يوقف معكم ليش عم تشتغلوا بأسلوب الجgامة هاد؟!

خالد على فكرة بعد ردك الأول جد ضحكت (لا تزعل مني) لأنه نحنا كنا عم نغني بواد و إنت بواد تاني تماماً و بعد ردك التاني تأكدت إنك لسا مو فاهم نحنا عن شو بنسولف و فايت متحمض و بدك تحطلك كلمتين (في الصميم) فقط لا غير .. على كل بعد شرح العم جعفر بتمنى إنه فكرة الموضوع تكون وصلت

يا ست نارينا،

أنا صعب علي أفهم على من يرى نفسه حالة خاصة تبيح له مصادرة حقوق الناس، حالة خاصة ترى القمع مبررا والسجن للمخالف وانه يروح ورا الشمس لأن ما عاجب مبرر.

هلأ الإخوان شو بدهم شو ما بدهم ما مهم، المهم أن عندي مواطن أردني يريد أن يعبر عن نفسه بأسلوب سياسي، بجوز ما اكون مقتنع بتعبيره هذا، لكن ليس لي أن أمنعه من التعبير عن نفسه بالطريقة التي يراها مناسبة ما لم يؤذ غيره.

طبعا الإخوان والسلفيين وجودهم في الشارع مؤذ لك ولجعفر، فلازم حتى ما تنأذوا نلمهم ونرميهم في السجون والمعتقلات. وبالمرة كل الإسلاميين الثانيين، ومؤذني صلاة الفجر اسمها صارت وصارت.

لا شيء خصوصي في حالة الأردن، الإنسان نفسه في كل مكان، الإنسان له حقوق، هذه الحقوق أصلية وليست منّة من السلطات القائمة التي هي مجرد هيئات موظفة عند الإنسان هذا، حين نستوعب هذا الأمر سنتوقف عن الضحك والتنكيت على ضرب البشر بمناقل الشوي لمخالفتها الرأي، سنتوقف عن تأييد جعل السلطة القضائية بيد العسكر والشرطة، سنتوقف عن مهزلة الأحكام المسبقة المفروضة على القضاة أن يطلقوها.

(07-20-2011, 12:37 PM)خالد كتب:  يا ست نارينا،

أنا صعب علي أفهم على من يرى نفسه حالة خاصة تبيح له مصادرة حقوق الناس، حالة خاصة ترى القمع مبررا والسجن للمخالف وانه يروح ورا الشمس لأن ما عاجب مبرر.

هلأ الإخوان شو بدهم شو ما بدهم ما مهم، المهم أن عندي مواطن أردني يريد أن يعبر عن نفسه بأسلوب سياسي، بجوز ما اكون مقتنع بتعبيره هذا، لكن ليس لي أن أمنعه من التعبير عن نفسه بالطريقة التي يراها مناسبة ما لم يؤذ غيره.

طبعا الإخوان والسلفيين وجودهم في الشارع مؤذ لك ولجعفر، فلازم حتى ما تنأذوا نلمهم ونرميهم في السجون والمعتقلات. وبالمرة كل الإسلاميين الثانيين، ومؤذني صلاة الفجر اسمها صارت وصارت.

لا شيء خصوصي في حالة الأردن، الإنسان نفسه في كل مكان، الإنسان له حقوق، هذه الحقوق أصلية وليست منّة من السلطات القائمة التي هي مجرد هيئات موظفة عند الإنسان هذا، حين نستوعب هذا الأمر سنتوقف عن الضحك والتنكيت على ضرب البشر بمناقل الشوي لمخالفتها الرأي، سنتوقف عن تأييد جعل السلطة القضائية بيد العسكر والشرطة، سنتوقف عن مهزلة الأحكام المسبقة المفروضة على القضاة أن يطلقوها.

و اللاوي يا ابني كنت عازريتك بالردين اللي قبل قلت معلش مو فاهم الفكرة بس بعد رد العم جعفر الصراحة ما ضللك عذر و ثبتت الرؤيا إنها حركات منجgة فقط لا غير
لا يا ابني وضع الأردن خصوصي و نص و إزا إنت ما بتعرف هالإشي فهيي مشكلتك و بما إنك ما بتعرف فيه متل ما هوي واضح فخليلنا سواليف الأردن و إنت خليك باللي بتعرفه ألا و هو سوريا

قول لو بدي أحكي بموضوع الأردن ممكن أحكي أنا وحمزة وثندر، بس انت يا مخاطبتي مستواك ومستوانا لا يلتقيان.

تشاو

حلو الواحد ياخذ فكرة مع مين بيحكي على فكرة يعني..

(07-20-2011, 01:16 PM)خالد كتب:  قول لو بدي أحكي بموضوع الأردن ممكن أحكي أنا وحمزة وثندر، بس انت يا مخاطبتي مستواك ومستوانا لا يلتقيان.

تشاو

(07-20-2011, 01:16 PM)خالد كتب:  حلو الواحد ياخذ فكرة مع مين بيحكي على فكرة يعني..

كمااااااااااااااان نايس تراي
أفلامك محروقة خيو
بس على كل كنت متمنية تفهم هالإشي فهم مو ييجي معك عن طريق فيلم محروق كوز هادي الفكرة اللي كنت عم بحاول أوصلك إياها من الصبح
يلاو مو مشكلة .. المهم صارت

كتب – مجدي الباطية

اقامت مبادرة فزعة وطن اعتصاما اليوم الاربعاء امام مديرية الامن العام حضره جمهور غفير من المواطنين والنواب والصحفيين والفنانين .
وكان من بين الحضور الفنان الاردني عمر العبداللات وعدد من النواب الذين القوا كلمات حيوا فيها رجال الامن العام رافضين الهجمة التي شنتها بعض الفضائيات لتشويه صورة هذا الجهاز .


هذا والقى الزميل عبد الهادي راجي المجالي مؤسسة حركة فزعة وطن كلمة باسم اللجنة وتاليا نصها :-


باسم الله باسم الوطن باسم الشعب
بورك الجيش يا كرك ...بورك الجيش يا خليل ..بورك الجيش يا سلط بورك الجيش يا نابلس بورك الجيش يا عمان بورك الجيش يا قدس بورك الجيش يا أردن وبورك الجيش يا فلسطين .
ايها الغيارى من أبناء الشعب ....
يا سواري النصر العاليه ..واسياده
يا فلسطين المتدفقة في شراينكم...الساكنه مقلكم والفؤاد
يا جموع الصدق والوطن والحقيقه


يقينا انكم الاطهر والأعز والاكرم ....يقينا أنكم الذرى العاليه ...ويقينا أنكم الرماح ....التي تخترق المدى ..وأنكم الاردن النبيل الطيب العظيم الذي يقف شامخا على شرفات التاريخ ...ويمخر عباب المستحيل ثابتا صابرا على ظلم الدنيا وظلم من ضاقت بهم ....الأماني الصغيرة فاستباحوا شوارع عمان أو ظنوا على حلم خجل في مساء ...عابر أن تلك الشوارع لهم ....خسئوا ...تلك شوارعنا وساحاتنا وتلك هي الوية الله المظفرة ....تهلل بها الجنازير ...والنار تقدح من عيون الزلم .. والمدى ورد والتحام وقسم لجندي من لواء الله (اللواء اربعين) أن الدم مبارك ....ان مست اهداب عمان جمرة من حقد عابث أو همسة من فم حاقد ...


بورك الجيش يا مفرق بورك الجيش ياجنين .


اما أنتم يا اخوتنا في الاجهزة الأمنية الصابره ...فندري ويدري الشعب أنكم منذ اشهر طويله وانتم تحتملون ما لايحتمل ...وتتسع قلوبكم والأحداق حين يضيق المشهد ..ويتحول الحرف من منصف الى منتقم ويتنادى البعض لحشركم في زوايا الاتهام والشك ....وكأنكم الجسد المثخن بالجراح وقد استطاب نفرقليل ...أحترف التشكيك والتثوير والشغب وان يضعكم في خانة الأثم .....وندري نحن في مبادرة فزعة وطن أنكم هيبة البلد وأنكم سياج الوطن والقرار والدولة .....وان ما يحدث هو انتقام ويتعدى المساءله أو الحساب ....لهذا أطلقنا هذه المبادره حتى يأمن الوطن من أنياب المنتقمين وحتى نحمي مؤسساته دون أن نضع لنا عدوا ان ان نكون ضد احد ...بل نكون الطليعه والقدوة في تأسيس حراك سياسي اجتماعي فعال ...ينطلق للمحافظات ويحاور ويناقش ويستقطب الخيرة من رجال شعبنا وبناته ضمن مؤسسة ..وقواعد شعبيه غيوره لا ترتهن لحزب أو جماعة أو رغبة بل لتاريخ دولة ....ولحلم شعب يسمو على جراحه وعلى النوايا الخبيثه .
بورك الجيش يا معان بورك الجيش يا بئر السبع بورك الجيش يا اربد بورك الجيش يا جليل .


و وقوفكم اليوم هنا اخوتي لن يكون ...عابرا بل هو انبلاج لمبادرة اسميناها فزعة وطن ...تستنهض في مكامن النفس قدرتها على فعل الخير والصعود ألى مسارات جديدة من العمل....لا تعتمد البكاء والعويل والجعير على فضائيات الوجوم والذبول ...من أجل جر بسمة أو لفتة أو تصريح عابر من مسئول عابر في ثنايا القرار الغربي ..يرمق شعبا من الكبرياء بنظرة عطف ...أو حنو ....وهي فوق كل ذلك لن تعتمد الصدام مع مؤسسات الدولة بل ستمضي في مسارات شعبية ...عبر الصحراء والبوادي والمخيمات تبحث في سبل الاصلاح وتوظيف قدرات الشباب وامالهم وطموحاتهم مسارات يغلب عليها النضج وليس الانفعال الارعن او التهديد أو الوعيد ....مسارات ستبحث أيضا في دور الدوله وشكلها وستقفز الى ما هو ابعد من الاصلاح .
بورك الجيش يا عجلون بورك الجيش يا طولكرم بورك الجيش يا رمثا بورك الجيش يا صفد .


أما انتم يا عديد أجهزتنا الامنيه ويا صنوفها ويالبنادق التي سنت حرابها على ....صلابة الموقف لدى حابس المجالي ويالجراح التي لثمها وصفي التل بن حوران بدمه وشهادته الباسله ....ويا الزيتون الفلسطيني الشامخ الذي يذكر لكم ايام الالتحام والدم الطاهر ...وتكبر حولكم الحناجر أن الفداء قد فرض عليكم ...فكنتم اهله ....وعنوانه ...ستبقون يقينا برغم سهام التشكيك ...ورود الوطن وميادينه وسياجه الذي يحميه ..وحمى الله الاردن
بورك الجيش يا عمان بورك الجيش يا عمان بورك الجيش يا عمان
عبدالهادي راجي المجالي – مؤسس مبادرة فزعة وطن

و الله مرحى لمدرعاتنا

مصيبة الاردن ان الموالاة تذهب به الى المصائب قبل المعارضة ......