انتهت المعارك الآن يا كمبيوترجي، وهدأ الجو أخيراً....

رحلتي في ألمانيا كانت متعبة قليلاً ولكن موفقة... ولا زال ينقصنا كثير من العلم...

وبالنسبة للمرسيدس ولا يهمك، عندما ستصدر سايرة إس 600 آخر موديل ستكون على بابك.... :cool:
طبعاً سيكون جارك المسؤول قد اشتراها :D

شكراً على القصة المؤلمة.... يا أخي أنا ناقص !!!! :15:
هات لك شي قصة تفش القلب.... :cool:

النورس :
ما في غيري سيكون زعيم لقاووش....
وأنا على فكرة بواسطة صغيرة أصبح في الداخل...
أحضر الفرشات والأغطية وعلي القمل والبق... :D

(f)

إي بالله يا إيبلا... بردى... ولكن أين هو الآن ؟ في خبر كان....

(f)

لعيونك أبو ابراهيم... :cool:

إسمع هالنكتة:
هاد مرة واحد معروف إنه عنيد كثير، و كان مفكر حاله أعند واحد في العالم!!! المهم بيوم اجو هالناس لعنده و قالوله إنهم لقوا واجد أعند منه... و الله هالشب انصدم :o و عصب :flam: و صمم إنه يروح يشوف مين هداك اللي أعند منه :?:
و الله دلوه الناس على بيت الزلمة فراح و دق الباب، سأل اللي جوه: مين؟ رد عليه: أنا ... راح رد هداك: لأ مش إنت :lol:

في أعند من هيك بالله؟

:23:

بلكي المرة الجاي إذا بكون النورس و بو عائشة موجودين احكيلكم آخر مقلب عملته الحكومة معي :angry:

تحياتي الوردية (f)

مراحب للجميع (f)

حمدلله ع السلامة ابو ابراهيم
بتعرف انه قصة كمبيوترجي لسه أكثر رحمة من اللغة واللفظ الألماني أبو الشَخـْتْ نَخـْتْ؟ لا أعرف لماذا لا يمكنني أن أتحمل سماعها هي والروسية. الحمد لله أنه لا توجد أفلام ألمانية تصل إلينا :D

أما أنت يا كمبيوترجي فأنا زعلان ...
دخليت مرتين إلى هنا ولم يضيفني أحد شيئاً، فمشيت دون أن أترك أثراً ... :saint: يا أخي ما دام صرت مشرف حط لك شي واحد معك هون يقوم بواجب الضيوف :D


هل يمكن أن أشارككم هذه القصة؟
كان ياما كان في قديم الزمان، كان بطل عظيم يملك الشام والشام تملكه يحبان بعضهما حد العبادة. كان ذلك البطل حنوناً معطاء، لايبخل على أهل الشام بشيء له، واعتز به الدمشقيون وفخروا به، لأنه كان سبب شهرة دمشق!

وبمرور الأيام، تكاثر الناس على ذلك البطل واستقووا عليه، وامتصوا دماءه بلا رحمة، ورشقوه بأبشع ما لديهم من قاذورات، حتى أنهم وصلوا إلى أصله وامتصوا قدراته قبل أن تصل إلى دمشق واستفادوا منها في قصورهم وما زاد عبؤوه في قوارير باعوها للناس وهي التي كفل الله مجانيتها، وتحول ذلك البطل الأسطورة إلى مجرد ذكرى لرجل هزيل يمكن لأي طفل أن يدحره ب "دفشة" صغيرة.

أعتقد أنكم عرفتموه.
هو بردى ذاته ...
استقوت الناس عليه ذلك الجواد المعطاء
وامتصوه من منابعه لخدمة قصورهم
ثم باعوه للمساكين ضمن قوارير
حتى الذين أحبوه خانوه
كل محب أتى بعشرين آخرين معتقداً بخلود بردى
ونسوا أن البشر والحيوان والنبات في تكاثر عظيم
أما بردى فكتلة ثابتة من النعمة
وخسرنا البطل
وخسرنا أنفسنا

آسف لهذه التراجيديا، لكن الواقع هو الواقع ...
وهو مزعج أحياناً ...

(f)

تحياتي للجميع :

هلا خيي ابو ابراهيم والحمد لله على السلامة

مبسوط هيك يا خوي رحت خربتها في المانيا وجاي هون تعمل حالك مسؤول قاووش

اسمع يا عيني انت صحيح اخوي الكبير والك فضل علينا انك لميتنا في هالمضافه
بس والله ما بصير تعمل واسطه مشان تصير مسؤول القاووش
مهو انا كمان الي واسطه عند الادارة وواسطه كبيرة كمان من مسؤولين الصف الاول .

اما اذا فزت بالانتخابات يبقى خلص انت الرئيس


كمبيوترجي :
شو عملت الحكومه معك ،

فكك من الحكومةوخلي شعارك " حد الله ما بينك وبين الحكومة غير حب الوطن "



سلام

هلا بإيبلا :cool:

و الله بس كنت غايب شوي أتفقد و أستطلع الوضع الجديد، و لا تخاف ما راح أغيب من اليوم و طالع لأني مديت وصلة للكمبيوتر اللي في المضافة و راح أراقب الوضع من هون :D و بعدين أنا مركن على النورس بس و الله شكلي ركنت على حيط مايل :angry:

هلا بنورس (f)

بس اسمحلي انت و أبو ابراهيم ياخوي...
ما في زعيم إلا الزعيم (اللي هو أنا :cool2: ) يعني أنا تعبت كثير و فتحت أكثر من جبهة مع خالد و ابن الشام و غيرهم لحتى قدرت أحصل الزعامة :lol:

و بعدين شو حد الله ما بيني و بين الحكومة ياخوي؟ ما أنا صرت "حكوموي" (على وزن إسلاموي :lol: ) في النادي....
و بما ان بو عائشة على الطريق مشان سهرة الجمعة خلوني أتحفكم بآخر الموضات الحكومية في الأردن:
هاظ الكصة و ما فيها يا جماعة الخير إني قبل 3 أشهر ضيعت الهوية الشخصية، فكمواطن صالح رحت بسرعة عالمخفر (هاي عندي سوابق شايفين) و بلغت عن فقدانها، المهم و بعد المعاملات السلسة التي استغربتها حينها تم التبليغ و اعتبرت هويتي في حكم الملغية... بهالحالة صار لازم أطلع هوية جديدة فرحت طلعت كفالة عدلية و كل تم بسلاسة غريبة، طبعا انا قلت يا ولد الوضع متحسن تماما و بطل في شغلة المراكضة المعهودة!!!

المهم بسبب انشغالي (على أساس يعني ) ما قدرت أكمل معاملة الهوية لقبل يومين، فرحت مدعوما بالوالد العزيز على دائرة الأحوال و الجوازات، بعد ما عبينا الطلب حسب الأصول و صفيت في الدور اللي حسيته دور معونات للأمم المتحدة وصلنا للشخص اللي "المفروض" أن ينهي المعاملة في ظرف دقائق. لكن هيهات، و الله عارف أن القصة راح يكون فيها إنّ!!! طلب الشب دفتر خدمة العلم مشان يتأكد أن محسوبكم مش مطلوب للجيش!!! (يعني على أساس عندنا خدمة علم و خلافو!!!) المهم بعد ترجاية شي نص ساعة أبى إلا أن يرى الدفتر!!! قلت مش مشكلة كله مشان الهوية بهون و انطلقت إلى المنزل و أحضرت الدفتر الذي اعتلاه الغبار... رجعت على الدائرة و صفيت مرة ثانية و لما وصلت طلعلي بقصة أحلى!!! "ليش التبليغ تبع الشرطة ما عليه تاريخ؟؟؟" قلتله لو بهمكم التاريخ كانو حطوه!!! قال لا يا سيدي هاظ طلع لازم يكون مأرخ!!!! :o

المهم و بلا طولة سيرة حملت حالي و رحت على المخفر (و هي كمان سابقة) و خليتهم يأرخو الورقة فأرخوها بتاريخ 17/9/2005 و انطلقت و صفيت من جديد. و لما وصلنا لجلالته أخذله تطليعة سريعة على الورقة و رمالي اياها قائلا:"بترجعلنا بعد 3 أسابيع"

:waw:

كل هالمراكظة مشان أرجع بعد 3 أسابيع :cry:

الله يخليلنا الحكومة ياااااااااااا رب :uvu:

هاتلك كاسة اسبرسو (f)

:lol::lol::lol::lol::lol:


وله فشرت كان تصير مسؤول
يا عمي خليك شعب احسنلك ، ،،،


على فكره مش راح احكيلك شو صار معي لما قبل سنه وهي كانت المره الاولى ةالاخيره في حياتي اللي دخلت فيها راحتكو

شوحكالي المختار وعن شو سألتي

وشو عملو في جماعة المختار


تحياتي

صباح الخيرات يا الرّبع ! :D

مبسوط بالجلسة الأثيرية معكم والاستماع لدردشاتكم الحلوة (f) بس الجلسة ناقصها كاسة شاي عيار 500 رشّاً ودراكاً .

كمبيوترجي هاد توقيعك ولا جريدة؟ :D

عم امزح معك لا تزعل بس حبينا نتحركش :23:

تشاو :cool:

هلا بالنورس :cool:

بلاش يا سيدي ما بدك تحكي دواوينك بلاش بس هات عاد على اللي بيعزمك على كاسة اسبرسو :angry:

ابن الشام بتقدر تحكي جريدة أو شايل الحيط اللي عندي في الغرفة و ملزقه تحت في التوقيع :lol:

اليوم كان أول يوم دوام في الجامعة، حسيت حالي سنفور (طالب سنة أولى) بل أقل من ذلك!!! لم ألق أي شخص أعرفه طوال ساعات من اللف و الدوران حتى أنني ظننت أن مبنى كليتي تم تغييره :?:

ابن الشام افتح فمك ... و هاي أحلى رشة شاي لعيونك :23:

تحياتي الوردية (f)

تحياتي لك يا سنفور :

يا عمي والله خايف عليك ، انا مو مفرقه معي مهي الشغلة خريانه خريانه:eek:

خلص بقلك القصه بيني وبينك بدون ما حد يسمع

ذكرتني بحالي لما رجعت الجامعة بعد غياب طويل ، كنت مثل الاهبل ما بعرف ولا حد واكبر واحد كان اصغر مني بـ 7 سنوات
كنت اخذ مواد مع طلاب سنة اولى ويا فضيحتي قدام اهل البلد ، كانوا الطلاب ينادوني عمي وناس منهم كانوا يفكروني معيد في الجامعه ووقعتي كانت مثل الطين .
ما صدقت وانا انهي على خير



صحيح شو رايك نشكل انا وانت حزب لدخول النادي ، والشغلة بسيطه بنسرق اي برنامج انتخابي لاي حزب عربي والشغلة بسيطه كلها كلام في كلام وبعد ما نوصل البرلمان وناخذ السياره والسائق والخلوي بنحلق للناخبين ويا دار ما دخلك شر

ردلي بسرعه قبل ما اشوف غيرك



تحياتي

هلا نورس (f)

طبعا يا زلمة تعال عندي و هي حطيت برنامج لأي شخص حر و ما بدنا تكتلات لأنها نفس اللي في العالم العربي كلها حكي بحكي و لما بصير الجد و واحد منهم بيوقع بتلاقي الكل في التكتل تبعه بحاولوا يغطوا على أخطاءه و بالآخر بينفذ مثل الشعرة من العجينة أما إذا كان الواحد مستقل بيضل يشتغل لأنه إذا غلط بطوطوله (بطيروه بالعربي)...

و بهالمناسبة علي الشاي و القهوة ببلاش اليوم لجميع الأحرار :cool2:

تفضلوا و علقوا على البرنامج الذي وضعته و التعديلات مرحب بها :97: