اتعجب من حالة التدوين المصرية.
تخيلوا هذا موضوع منقول من مدونة منال وعلاء المصرية ، ومنال هي زوجة علاء ولكنه لايجد حرجاً في ان يدعها تكتب احدي خبرات التحرش الجنسي لها بكل لبرالية . والانكي انه يعرض البوم صورهم علي المدونة ، وفي احدي الصور نري ثدي "منال" واضحاً مشاعاً للجميع.
يعني يشيب شعر المرئ من هكذا ليبرالية . وما يغيظ انه يعتبر ان هذا النوع من اللبيرالية هو تطور طبيعي للمجتمع البشري ، ويرفض الافكار بأن كل مجتمع له الخط التطوري الخاص به الذي قد يمر باللبيراليةالغربية او لا يمر بها.
اترككم مع الموضوع:
[CENTER]ــــــــــــــــــــــــــــــــــــــــــــــ[/CENTER]ما هو أصله يوم باين من أوله
يبتدي يومي المنيل اللى لا باينله أول من آخر بصحيان بدري علشان اكمل اوم البرزنتشن..بوادر دور برد من يوم الجمعة لا عايزة تيجي و لا عايزة تغور، بس منكدة عليا عيشتي و مخلياني مش عارفة اركز..البرزنتشن لسه مخلصتش، احساس بايخ اوي ذي اللي عنده امتحان و ما ذكرش من أول السنة..يا ربي هو احنا مش هنخلص من الحكاية دي بقه.
ميعاد الطيارة 2 الظهر، مسافرة على الإيطالية، ترنزيت صغير في روما (50 دقيقة) و بعدين صوفيا (بلغاريا) اوصل هناك على 9 بالليل واخد قطر أو أتوبيس 7 ساعات لفارنا.
اوصل مطار القاهرة متأخرة شوية، مش مهم المهم أن الطيارة بتاعتي هتطلع متأخرة و 95% مش هلحق طيارة صوفيا.
بعد محاولات عديدة فاشلة لتحويل سفري على أي خط طيران تاني، ينصحني مسئول أليطاليا أني أروح و اجي الفجر اخد طيارة تانية عن طريق ميلانو. أوافق ما فيش حل تاني. بس على بال مانخلص الحكاية دي و يشوفولي توصيلة على بيت امي (في مدينة نصر..ما أنا مش هرجع الهرم تاني)، يكون دور البرد تعمق و تفشى و توغل..اروح اكلم المنظمين و اقولهم على معاد وصولي الجديد، يوعدوني أنهم هيحجزولي طيارة من صوفيا لفارنا و اخش انام. اصحى اعمل البرزنتشن بعد ما يطلع عيني مع اوبن اوفيس امبريس..أول مرة استخدمه، و يبعتولي أن ما فيش أماكن على رحلات صوفيا - فارنا..اشمعنى يعني حظي هيتغير دلوقتي
اروح المطار، زكام فظيع، صداع عنيف و مغص بالمرة,,مش عارفة ازاي هستحمل ضغط الطيارة. اوصل المطار و اقابل واحد من موظفين وردية الضهر، يحاول يعوضني بأنه يقعدني على صف بوابة الطوارئ علشان بيبقى بعيد عن الصف اللي اقبله و مريح، و يسيبني اختار الكرسي اللي يعجبني..جنب الشباك عاليمين.
واحد مصري قاعد جانبي، ضخم الجثة عريض المنكعين، يسند عالمسند اللى ما بينا و لا كأني حاطة إيدى، اشيل إيدي..بالتأكيد مش قصده حاجة
نشتغل فالأزرق بعد ما الوجبة تخلص و يطفوا أنوار الطيارة. كل ما أنعس أفوق على دراعه ملامس دراعي..كل مرة حاجة زي كده تحصل اقول لنفسي انني حساسة زيادة عن اللزوم و عندي بارانويا، و احاول اعدل وضعي و انام تاني..لكن ما فيش فايدة، و بعد شوية تتضح الصورة و اخد بالي ايديه فين..اتاري الراجل شغال مع نفسه من الصبح، هما مش طفوا النور يبقى خلاص
حتى الطيارات بقيت مواصلات عامة لازم الواحدة تبقى مصحصة فيها لكل واحد جنبها و لا واراها. يصعب علي الراجل: هتنزلهم خلاص علشان دراعك لازق في دراعي؟؟
احاول اطنش بس مافيش فايدة..مش عارفة استريح و انام، جسمي متخشب و حاسس بكل حركة بسيطة حواليه. يا عم ارحمني حرام عليك دا أنا ادامي يوم مش باينله آخر..يا ربي مش عايزة اتخانق. أعدل قعدتي بشكل مفاجئ ياخد باله أني صحيت و يشيل إيده من على بتاعه لاكن ما يبطلش محاولات أنه يفضل لامس دراعي.
ما أطيقش و أطلب منه يوسع شوية، يوسع و يحاول يرجع تاني كل شوية..مافيش دم خالص. لحسن الحظ ينوروا الطيارة و يطلبوا عدل الكراسي علشان حننزل خلاص..
ميلانو 4 أكتوبر - 8:40
8062 reads
http://www.manalaa.net/a7a_department/airplane_wanker
بحث
قائمة الأعضاء
التقويم
وثائق المساعدة
/
سرتن سرتن في اي مكان ، صحراً كان او بستان
