هاى يا جماعة
ازيكم،،، محتاجة خدمة جديدة على الرغم من عدم مشاركتى بأى شىء قيم حتى الآن لكن عارفة انكوا هتستحملونى
محتاجة كتاب "history of god" by karen armstrong
my e-m a/c is dody78us@hotmail.com
ياريت لو حد وجده يبعتلى
ميرسى بجد على مساعدتكم ليا دايما

غالي والطلب رخيص يا دعاء.. ده قسم "قرأت لك" تحت أمرك دايما.

دعاء الكروان بتاعة طه حسين لما يقول: "وعاد صوت الكروان يرجع في كل ركن من أركان القرية".

على فكرة يا دعاء.. Guess what?

طلبك موجود عندي :10:

روحي هنا:
http://www.esnips.com/webfolder/0d7a3158-9...33-7d502b5663c5

هتلاقي ربطة كتب حلوة وهو تاني كتاب في اللستة. تضغطي على الوصلة اللي مكتوب عليها بالأزرق History Of God - Karen Armstrong.pdf هتلاقي الكتاب طلع لك بيقول: شيلوني على جهازكم يا ناس :cool:

على فكرة، يا ست دعاء، عندي الكتاب كنسخة ورقية hard copy اشتريته زمان وقارنت الفايل ده بالكتاب اللي عندي طلع هو، هو بعينه، بفصه ونصه زي ما بيقولوا بالنحوي. فـ Enjoy. وسعداء بوجودك معنا في ساحة "قرأت لك". مش دي أحسن ساحة في النادي؟ ;)

(f)

ايوه انت أخدت بالك ان دا أحسن قسم فى النادى فعلا الناس هنا بتكون عاقلة ومتزنة جدا لكن فكر حر مثلا وأديان بيتخنقوا طول الوقت مين الى صح
لكن ميرسى جدا جدا
يارب تيجيلى فرصة مرة وألاقى حاجة تعجبك وانت الى تعمل download:)))
سلام

[CENTER][/CENTER]
[CENTER]
karen armstrong[/CENTER]

السيدة كارن آرمسترونج...

أي كتاب لها أقع عليه كأني وقعت على كنز ... وآخد الكتاب وأكاد أحضنه من كثرة حبي لأسلوبها وانصافها وموضوعيتها ...

وقفت كثيرا للحظات أمام علمها الغزير وطريقتها وقدرتها البارعة على الاستنتاج والاستدلال بطريقة تجعلني أغير منها أحيانا !

لم أجد من أنصف نبينا الكريم صلى الله عليه وسلم مثلما قعلت كارن آرمسترونج في كتابها ( محمد ) ..

أحب كتبها كثيرا .. (f)


وعلى حد علمي أن المكتبة المنوطة بترجمة أعمالها ( دار سطور للنشر بالقاهرة ) قد ترجمت حتى الان من أعمالها :

* معارك في سبيل الإله

* الله والانسان

* محمد صلى الله عليه وسلم

وهذا مقال من جريدة الشرق الأوسط عن أحد أهم أعمالها وهو كتاب ( موجز تاريخ الإسلام )


:redrose:

ممكن ترشح لى كتب معينة أو مواقع أعمل منها download لكتبها
i think she is an interesting writer

أهلا دعاء (f)

آسف على تأخر الرد بسبب عطل فني مفيهوش ريحة الفن حصل في خط اشتراكي على الشبكة ...

الحقيقة أنا لا أعلم موقع ينشر كتب تلك الرائعة كارين .... ياريت كنت أقدر أساعدك ...

لكن يمكنك متابعة عم ابراهيم ربنا يقدّره على فعل الخير ... هو اللي ممكن يزودك بكتبها أولا بأول ...

على فكرة هي متأثرة إلى حد كبير بالمستشرق الانجليزي ( مونتجمري وات ) خاصة كتابه ( محمد في مكة ) ...

أنا قرأت كتابه ( الاسلام والمسيحية ) الذي نشرته الهيئة المصرية العامة للكتاب فوجدته منصفا في الجملة , وهناك ملاحظات قليلة على الكتاب ...

الحقيقة هؤلاء المستشرقين المنصفين عملة نادرة جدا مثل هذان الاثنان ومثل السيدة زيغريد هونكة في كتابها الفذ ( شمس العرب تسطع على الغرب ) ومثل جوستاف لوبون وغيرهم , ياريت كل مسلم مثقف يقرأ لهم , ويستفيد من تجربتهم كل مخدوع بأبواق الاعلام الغربي وبأنصاف المستشرقين الذين يظهرون نصف الحقيقة ويأدون نصفها الاخر .

:redrose:

اقتباس:* معارك في سبيل الإله

* الله والانسان

* محمد صلى الله عليه وسلم

أخونا الرائع داعية:

مادام هي عاجباك كدة، ماتخافش مش هاقول لك اتجوزها :10:، لكن بجد مادام هي عاجباك كدة وأنت شايف أنها تخدم هدف الدعوة الإسلامية وأنت راجل داعية فأنا شايف أن أفضل وسيلة للدعوة أنك توفر مراجع محترمة والناس تقراها وتحكم. مثلا إيه رأيك لو تاخد كتابها عن النبي عليه السلام أو معارك في سبيل الإله وتعمل له سكان زي بهاء وغيره وتحطه في صورة ملف بي دي إف؟ لي معارف ومستعد أحطه ليك على موقع صديق لي كان مسيحي وأسلم وشغلك مش هايضيع بل هايوصل للملايين. إيه رأيك بقى تتحمس وتعمل على شيء ليها كدة وهايكون إنتاج ممتاز؟ أنا أدعم الإنتاج جدا وشايف أنه من الضروري أنه يوجد كتاب مرجعي فعلا ومادام اخترق قلبك يا أخ داعية فحتما سيخترق قلوب الملايين. شد حيلك وكل شيء ممكن وكل شيء مستطاع لدى المؤمن وأنت راجل مؤمن ممتاز. شغلك مش هايضيع بل سيكون له ثمر وصدى قوي وأنا أول من سأروج له. شد حيلك بقى.

:redrose:

اقتباس:الحقيقة هؤلاء المستشرقين المنصفين عملة نادرة جدا مثل هذان الاثنان ومثل السيدة زيغريد هونكة في كتابها الفذ ( شمس العرب تسطع على الغرب ) ومثل جوستاف لوبون وغيرهم , ياريت كل مسلم مثقف يقرأ لهم , ويستفيد من تجربتهم كل مخدوع بأبواق الاعلام الغربي وبأنصاف المستشرقين الذين يظهرون نصف الحقيقة ويأدون نصفها الاخر .

هنا دورك يبدأ يا بطل :9: عندي كتب غوستاف لبون بس بالفرنساوي. ده مثلا مفروض كتبه عن الإسلام تتعمل في صورة ملفات. الناس يا أخ داعية مش لاقية تاكل عشان تشتري كتب والداعية أو المتطوع ياتي هنا دوره. أنا لما كنت في كلية الأداب ماقدرتش أشتري كتاب الجغرافية في سنة أولى واضطريت أني أنسخه لغاية ما صديق لي في الكلية اشتراه وساعدني به. الظروف المادية تحكم جدا فينا ولا نشتري كل شيء نراه وهنا يأتي دور التطوع والانتداب لفعل الخير حتى تكون المعارف والعلوم متاحة رغم العوز المادي وخاصة في عصر المعلوماتية والانترنت.

طيب تصدق فكرة كويسة يا إبراهيم ؟

ربنا يعمر بيتك ياهيمة !

أنا متحمس للفكرة , وأعد كل الزملاء بنشر كتب كارن آرمسترونج وكتب غيرها كمان .... بس صبرا عليّ لحد ما أجمع القرشينات عشان ثمن السكانر , وأول ما اشتريه كلنا حنشوف أحلى شغل محترم .

بس انت زنديق قوي كده ليه يا ابراهيم !

آه لو سمعك الأب سيرفانت يا إبراهيم :lol:

(f)

فرحت قلبي يا داعية. عسل أنت :h:

شد حيلك واشتري السكانر وأنا وبهاء هانكون معك بإيدينا وأسناننا. شوف، هي لما تكتب في سيرة النبي محمد على عيني وعلى راسي لأني عارف أنها صادقة في تجربتها ولكن لما واحد زي أنيس منصور يكتب وأنا عارف معدنه كويس وأنه وجودي حتى النخاع ويكتب كدة، ده بيخليني متشكك من ناحيته. هي إنسانة عظيمة فعلا ولها تجربة ثمينة جدا وزي ما أنت عارف أنها راهبة سابقة ولاقت الأمرين في تجربتها الرهبانية بالإضافة لظروفها الخاصة. المهم، أنا أحترم تجربتها جدا وأحب أسمع للناس دي دايما لأن موقن من الصدق فيها. طلعت من الدير على فيض الكريم وشوية شوية تحسنت الأمور وصارت تخترق الحقل الأكاديمي من أوسع أبوابه.

بالنسبة لـ سيرفانت أو زكريا بطرس، فهذا رجل لا أحترمه يا "داعية". لا أحترمه أبداً. هو يكيل بمكيالين وأنا لا أحب ذلك. أيضا، الكلام في التلفزة ووسائل الإعلام مسئولية ضخمة وإن كان هناك إنسان يسعى لنشر الكراهية فهو من الشيطان بل هو الشيطان شخصياً. دورنا أننا نبني لا أن نهدم بعضنا البعض. أيضا سيرفانت مُدعي في العلم. أحترم أنا الرجل البحاثة وهو لا يبحث ولا نيلة ولكن يدّعي وأنا لا أحترم ذلك. عندي العلم له قدسية كبيرة. وعندما أسمع أنه يدعي أنه يقتني مخطوطة بَحيرا ويملك الدليل القاطع في أمر لا يقل بالمرة عن الأساطير أي legends وأقرب الناس لي شغلتهم البحث في المخطوطات، فهذا كذب ونفاق وتدليس. العلم عندي له قدسية كبيرة عندي .. ربما أكتر من قدسية الدين وربما تقارب قدسية البني آدم. للأسف رجال العلم أكترهم شحاتين وظروفهم المادية معدمة ولكن هي دي الدنيا.. [MODERATOREDIT]دنيا بنت كلب[/MODERATOREDIT]!

صديقي، انا تحت أمرك وأشجعك في كل ما تعمل وشد حيلك وهنا نحن سنقف بجوارك بكل ما أوتينا من طاقة. إبدأ أنت بس واتكل على الله واحنا وراك. المهم تركز على المراجع الدسمة واللي لها ثِقل أكاديمي زي كارين ولوبون والناس الحلوة دي.

:kiss2:

اقتباس:بس صبرا عليّ لحد ما أجمع القرشينات عشان ثمن السكانر ,

مجرد اقتراح:

إيه رأيك تقول لأصحابك في الجامع، المقربين مثلا، إنهم يدعوا ربنا أنه يرزقك بـ سكانر ولو حد يعرف حاجة أو كدة مافيش مانع يتبرع بيها للعمل على "الدعوة"؟ حاجة زي كدة. يمكن ربنا يحنن قلوبهم وهو فعلا للدعوة زي ما أنت بتعمل ومش بعيد عن عمل الدعوة. مجرد فكرة وحبيت أعرضها عليك. لو مش عجبتك طنشها. :97: