اذا وقع زوجها عن الدرج:
السوريه : ‏ولي على آمتي، سلامتك حبيبي أنشاء الله ، انا ولا ‏انتا ابن عمي ( ميته خوف عليه )

الاردنية : شو مالك دخت ؟ الله ما برمي الناس بحجار خطيتى الله لا يردك ( بتستناه يموت علشان تورث)


اذا الزوج بدو يسافر:
السوريه : انتبه لنفسك ابن عمي، جهزتلك الشنطه، كتّر خيرك على الاغراض اللى اشتريتها، بيكفوا سنه الله لايحرمنا من دخلتك علينا، أولي على آمتي، تروح وترجع بالف سلامه

الاردنية :أسبوع مبوزة قبل السفر، وكل شوي دموع، ومتى بدك تروح؟ ومع مين بدك تطلع هناك آه ؟ مش تتطلع عالبنات !! إحلف إنك مش رايح تروح على أماكن فيها بنات! ما تتأخر بلاش ينقصنا إشي وانت مسافر. وكل يوم بتتصل بالتلفون عشان تشوف وينك و تحكيلك إنه الولد سخن، وبنتك بدها تموت، كل المصايب بتقلك اياها بتلاحقك فيها وين ما تروح ( هوايتها نكد )

إذا الزوج تأخر بره فى شغل او مع صديق:

السورية : شو إبن عمي ! غلي ألبي عليك تؤبشني يا حءء وكثير شغلتلي بالي، تؤبرني ما تتأخر عليي كثير مره تانيه عشان بشتائلك أنا ( يؤبرني دلع الشام )


الاردنية : شرّفت !! وين كاين؟ مهو أنا كاينه حيوانه في الدار، طول نهاري أكنس و أمسح !! مع مين من أصحابك الهمل كاين تتصرمح ؟ إيش جبتلنا معاك ؟وللا جاي إيد قدام وإيد ورا، كويس عرفت إلك دار وروحت ( لا تعليق)


إذا طلبت شى منه :
السورية : إبن عمـــــــــي تؤبشني تؤبر ألبي ( كله تؤبــر) حبيب ألبي فيك تجيبلنا شي حلو من دياتك الحلوة وعلى زوئك شو بعشق زوئك أنا ياحياتي.

الاردنية : إغلط مرة وجيبلك شغله حلوة معك بقلاوة وللا كنافة بدي أحلي تمّي إللي مرّر من هالعيشة إللي بتقرف ( هاى طخها حلال )


إذا جابلها هدية :

السورية : يسلّملي إياك ابن عمي حبيب ألبي، يااااااي شو بتجنن عنجد عنجد زوئك بيعئد تؤبشني بتجنننننننننن الله لايحرمنى منك يا عمري

الاردنية : والله غاب وجاب، وياما جاب الغراب لمه، من وين جايبها وقديش حقها هاي، الله يقطع هيك ذوق مش لو جبتلنا طبخة للدار أحسن ( حسبي الله )

اذا بدك شي منها :

السورية : من عيونى ابن عمى تؤبرنى بتؤمر أمر ابن عمى ولووو غالى والطلب رخيص، شو بعبد سماك انا دخيلو انا شو بحبووو على راسى حبيب ألبي

الاردنية : مهو حرام نستريح شوي، لازم حياتي تظل تعب ونكد، هو فش غيرك فى الدار؟ مش فاضية، وللا أقلك اطلع من الدار حل عنى روح شوفلك شغله سويها، فقعت مرارتى من شغل البيت اففففف اففففف.


لو طلبت منها فنجان قهوة :

السورية : من عيونى ابن عمى، أحلا فنجان بن من دياتى يستاهل تمك، وبدياتى راح شربك كمان، تعبك راحة ابن عمي، ما في اغلا منك حبيب ألبي ( تخيل فنجان القهوة بس )

الاردنية : بدك قهوة ؟ هي اخوانك مرميين فى الحوش روح اشرب معهم، وللا أقلك روح عنك امك بتعملك، أترك شغلي وأعملك قهوة؟؟ هادا اللى ناقص، ياااا رب موتني وخلصني من هالعيشة اللى بتقرف ( كل هادا علشان فنجان قهوة ريتو سم ياشيخة )

اذا حكالها (بدك شي؟) وهو طالع :

السورية :- تسلملى حبيب ألبي ابن عمى، مابدي غير سلامتك مكفينى من كل شى مو ناقصنى شى تسلملى ياحءءءء بس حبيب ألبى ما تتأخر كثير بشتائلك انا ابن عمي، بدك اعملك شى لمن ترجع؟ ( بتكون غبى لو طلعت وتركتها )

الاردنية : لأأأأ (مع تبويزه طولها شبرين)... بديش إشي، وين بدك تروح؟ ومع مين بدك تقعد؟ انشالله بتطوّل وبتخلّيني لحالي زي الهبله، وللا أحكيلك، جيب معاك حفاظات للولد وإنت جاي.


الذوق والتنويع فى الاكل:

السورية : سلطات، تبولة، فتوش، محاشى، شوربات، كبه بأنواعها، محمّر، مشمّر، يعني سفرة عامرة من كلّه، والله لو ماعندها بقدونس راح تعملك تبولة هههههههههه بيكفى انها راح تقعد جنبك وتفتح نفسك على الأكل، بتحكيلك عجبوك ابن عمى دوء هاي من ايدي، طيب كمان هاي دوءها واحكيلى شو رأيك، طيب هاي كمان وحياتي عندك لتاكلها من ايدي ابن عمى نفسك بشي وماعملته ؟ صحتين على ألبك ابن عمي.

الاردنية : لو عندها كل أنواع الخضار، والثلاجة مليانة اغراض ولحمه وسمك، هو هو فش غيره طبيخ مقلوبة أو ملوخية أو فريكه، وإذا غلبت حالها صينية بالفرن، هذا اذا كنت محظوظ و ما حكتلك فش بندوره و خيار روح اشتري، أو خلص الغاز في نص الطبخه، روح جيب غاز اذا بدك توكل.
طبعا بوزها عالسفره شبرين، وبتبلش ضرب بالولد عشان كب الصحن، و حديثها بيكون كالتالي: اليوم إجت فواتير الكهربا والميه، متى بدك تدفعهم ؟ اليوم انكسرت إيد الحنفية وأنا بجلي، روح جيب المواسرجي يصلحها بس تخلص أكل، إبنك بدو عشرين ليره يشتري كندره.
وأهم أشي: بس تخلّص أكل ودّيني عند اهلي، طلعت روحي طول اليوم فى المطبخ ( يعني عاملة الغنايم ما شالله ) ... خليها تروح يمكن تنفتح نفسك وتاكل زي الخلق .

"من البريد"

أحلى ورده لكل سوريه طبعا وسوري :redrose:

أي و ربّي .. صدقَ الكاتب و الناقل ..

...و أظفر بالسورية .. تربت يداك ، و في رواية أُخرى ( تؤبرني ) ..

لا بأس

الاردنية متل شجرة الزتون الأصيلة

والسورية مثل اللبن بالرز

يعني كل وحدة ولها مزاج خاص

فاظفر بالإثنتين

تربت يداك :D

اقتباس:والسورية مثل اللبن بالرز

:d::waw::waw:

We need a commentary here. Will you supply that skeptic? :lol:

يا زعفراني
رغم أني لست بأيا من الاثنتين
الا أن الذكر والأنثى يعيشان في منطقة جغرافية وبيئة واحدة
ومنزل واحد
يعني الأنثى السورية الظريفة لابد أن تكون نشأت مع ذكور ظراف
والآردنية ( النكدية ) لابد أن تكون نشأت مع ذكر أردني من نفس النوعية
وكما يقال الطيبون للطيبات
رغم أني واجهت في أحد النوادي
سوري من أسخف وأسوأ شخصية ممكن تخطر في يوم ببالي
أني سأتعرض الى مثل هذا الكابوس ..............:devil:

شفت بقى التعميم خطأ :P

والله لا فى الطف ولا اكرم ولااجمل من الزوجة اللبنانية مع احترامى لكل النساء العربيات اللبنانيات يكسبن ويتربعن على المرتبة الاولى بل اى منافس

جاك هادم اللذات
موضوعك مكرر، ويللا اعتذر من بلقيس/تيامت لشوف

موضوع مكرر واجد مرة حلو

ولا تكررها تاني :duh:

الزميل إبراهيم


قصدك أن العبارة هي رز باللبن موش العكس؟ :)

رز بلبن.. لبن برز

شاي بلبن.. لبن بشاي

سمك لبن تمر هندي..........

كله زي بعضه:cool:

أنا مني وعلي أفضل السعودية، هي الأجمل والأروع والأحلى والأكثر حباً لحبيبها.

أما ما قيل بحق السورية، فهذا أيام زمان، بعدين هاي البنت المذكورة بالموضوع مملة جداً، وبلا شخصية أي غير مغرية بنوب.
نحن بعالم حديث، وهكذا شخصية بتعجب يوم واحد فقط، وتاني يوم بتجيب الجلطة :lol:

:redrose: