لم أستمتع أبداً بالغناء الحديث وأعلامه ( أم كلثوم - عبد الوهاب - حليم ) وغيرهم .. كان إحساسى إن غناؤهم غناء ميت ومفتعل ومومياء مجففة

عرفت كتب لنجم يحكى فيها قصة حياته وأمام ، وفيها بعض أشعاره وعجبنى شعره ، ولما دخلت الإنترنيت وجدت له موقع

وسمعت بعض أغانى الشيخ إمام وعجبتنى

الدولة طبعاً بإعتبارها معبرة عن ثقافة الغزاة تحتقر ثقافة الشعب المصرى ( المزارع ) وبيعملوا تعتيم شديد على أى حركة ناجحة تخرج وليس لها أصل فى ثقافة الغزاة

فنجم وإمام يعبروا عن الشعب الخارج من الأرض السوداء الزراعية وليس الآتى من الصحراء غازياً ومخرباً

وهذه أغنية : هلا بالحب

هلا بالحب يالمة هلا به
يطفى القلب ويخليه صبابة
يدوس ع الشوق ويوصل للأمانى
ويرجع للهوى بعد المسافة

هلا بالحب يالمة سفايف
عليها الحنة من خضر الجناين
تجوب البحر وتطوف ع المواين
تلم الشمل ويزيدوا الصحابة

هلا بالحب يالمة حمامة
يزيد الشوق على جناح السلامة
وترسل للهوى مليون علامة
بضى النسمة وبضى السحابة

هلا بالحب يالمة سواقى
( .... ) وتفتح فى المساقى
أدوق وأسقى حبيبى واللى باقى
يكمل اللمة ويفيض ع الصحابة

هلا بالحب يالمة يجينا
يزود حينا أنوار وزينة
هلا بالحب يجرحنا يداوينا
ونرجع للهوى بعد المسافة


http://www.sawari.com/mp3/mre/mre3/hala.mp3

أغنية تعبر عن إبن البلد وحيداً أمام سلطة الإحتلال الغاشمة ، وتطالبنا سلطة الإحتلال بنسيان أجدادنا واصولنا وألا نذكر سوى الإحتلال وتاريخه الأسود

http://www.sawari.com/ram/onadikom.rm

دي قصيدة من شعر أبو النجوم وعايز رايكم فيها [B]بيان هام

هنا شقلبان محطة إذاعة حلاوة زمان من القاهرة ومن كردفان وسائر بلاد العرب
واليابان ومن فنزويلا وأيضا إيران
ومن أي دار أو بلد مستباحة
بفعل السياحة مع الأمريكان
هنا شقلبان
محطة إذاعة حلاوة زمان
نقدم اليكم بكل اللغات مراسح وسيما وجميع الفنون
صحافه ومنابر وتليفويونات وخطبا ف جوامع
وجبنه وزيتون
ونفزح ونركب جميع الموجات
ونبحث ونفهم فى كل الشئون وديما نلعلع في كل الحالات
ولا حد سامع ولا يحزنون
وتمسع ما تسمع دا ما يهمناش لان أحنا أصلا
بناكل بلاش فخليك فى نفسك
وما نخليناش نسلط عليك القلم واللسان
هنا شقلبان
محطة إذاعة حلاوة زمان يسر الإذاعة وما يسركوش
بهذه المناسبه وما بندعيكوش
نقدم إليكم ولا تقرفوش
شحاتة المعسل بدون الرتوش شهبندر سماسرة بلاد العمار
معمر جراسن للعب القمار وخارب مزارع
وتاجر خضار وعقبال أملتك أمير الجيوش
ما تقدرش تنكر تقول ما اعرفوش
ما تقدرش أيضا تقول ما اسمعوش
شحاتة المعسل حبيب القلوب
يزيل البقع والهموم والكرب
يا نفس يا فين يبلغ حبوب
ويفضل يهلفط ولا تفهموش
وتفهم ما تفهم دا ما يهمناش
لان أنت فاهم وعامل طناش
ح تنكر وتحلف ح أقول لك بلاش
ح تتعب دماغنا وتتعب كمان
هنا شقلبان
محطة إذاعة حلاوة زمان
لان المخبى ظهر واستبان وكل المسائل
بدت للعيان وطلعت حكاوي ونزلت كمان
عن التهريبيه وعن كيت وكان
وعن محسوبية وعن العبان ظهر في المدينة
كأنه الطوفان وغرق مراكب وسوح غيطان
وبعض المراكب ح تغرق كمان
وأزمة مساكن وأزمة أمان
وعالم بياكل في عالم جعان
وريحه مؤامرة في جو المكان
مخطط خيانة مع الأمريكان لدبح العشيرة
وحرق الجيران وفيه ناس بترغي
ولازم بيان كما ابلغونا جميع الودان
لهذا وذاكا ... وتكلم كمان
نقدم إليكم
عروسه وحصان شحاتة المعسل
وهذا البيان
هنا شقلبان
محطة إذاعة حلاوة زمان
بسم الله سلام عليكم
وسلمون وموز وأما المسائل فنجف ولوز
فيا إخوتي ويا أخوات إليكم بياني كما هو آت
جميع المسائل تمام التمام وكل الكلام دا
مجرد كلام فصبرا جميلا ولا تقلقوش وشغل الضغاين
أنا ما اقبلوش ما فيش أي حاجه
على الطلاق والعتاق بالتلاتة
ما فيه أي حاجه
وقدر كمان أن فيه أي حاجه
ما فيش أي حاجه
ما لوش أي لازمه الكلام واللجاجة
وعيب أن عيل يسوق السماجة ويعمل ديباجه
أنا بطبعي ضد السماسرة الكبار بحكم المنافسة
وحكم الجوار لكن مش ف طبعي أني اعمل فضيحة
لو احد زميلي هبش كام صفيحه ما كل الزمايل
بتهبش صفايح وكل اللي جاي مش زي اللي رايح فيا أيها الشعب
صهين تفعلص مساء التنفس مساء الرويح
اخويا الأمير بزرميط الإيراني
بعت لي السنة دي عزمني ودعاني
أنا قبلت طبعا ورحنا العزومة وكانت وليمه
ما تحصلش تانى
دا إيه المحمر وإيه المكمر وإيه المشمر وإيه الصواني
أنا دماغي تعبت ولفت صراحة
من الفخفخة واهنا الأصفهاني
هناك يعنى مثلا إذا شربت طافية تمز بكوارع
وبسطرمة ضأني ما شفتش هناك
ناس بتحقد عليهم ولا ناس بتشتم فلان الفلاني
لأنه اشتري عزبتين من شطارته وحكمه إدارته وطلع مباني
وبعد الوليمة استلمنا الهدايا
مفضض ومدهب وقز وقيشانى
وطبعا اخويا الأمير قال لي حاجه
ح أقوالها لكو طبعا إذا الوقت ناسب
ح تطلع لي عيل بدون أي حاجه ويعمل لي فلحس ويقعد يحاسب
دا حقد اشتراكي أنا ما اقبلوش ولو هو ابني أنا ما اعتقوش
كلام عن سماسرة كلام عن دعارة حاجات مش صحيحة
جمل مستعارة وعايزين يخلوا البلد أردغانه
وعايزين اسيب البلد من زمان وأنا مش ح اسلم
واسيب الأمان ولا بالبوليس والنيابة كمان
فيا أيها الشعب كمل جميلك
وصبرا
وإذ لم حتيجى المصاري وتأكل وتشرب
تبع ما يأتيك وتغرق في بحر العبيد والجواري
وترسم حياتك حسب مرائياتك وتملا الحواري
فساقي وقصاري تسبح بحمدك وتشكر جميلك
وفضل الزبالة وطفح المجاري
ختاما سلاما وأخر كلاما
ضرورا يسود الهدوء والوئاما
فماذا وإلا ح اطربقها واللا
اهرب فلوسي وأسافر قواما
سلام عليكم وسلمون وموز
بصفتى رئيسا
وابا
وجوز
خلصت القصيدة بس في قصيدة تانية وبرضة عاوز رايكم فيها
[B]صرخة جيفارا
جيفارا مات
جيفارا مات
اخر خبر فى الراديوهات
وفى الكنايس
والجوامع
وفى الحواري
والشوارع
وع القهاوي وع البارات
جيفارا مات
واتمد حبل الدردشه
والتعليقات
مات المناضل المثال
ياميت خسارة على الرجال
مات الجدع فوق مدفعة جوه الغابات
جسد نضالة بمصرعه
ومن سكات
لا طبالين يفرقعوا
ولا اعلانات
ما رايكم دام عزكم
ياانتيكات
يا غرقانين فى المأكولات
والملبوسات
يا دافيانين
ومولعين الدفايات
يا محفلطين يا ملمعين
ياجيمسنات
يا بتوع نضال اخر زمن
فى العوامات
ما رايكم دام عزكم
جيفارا مات
لاطنطنة
ولا شنشنه
ولا اعلامات واستعلامات
**
عينى عليه ساعه القضا
من غير رفاقه تودعه
يطلع انينه للفضا
يزعق
ولا مين يسمعه
يمكن صرخ من الالم
من لسعه النار ف الحشا
يمكن ضحك
او ابتسم
او ارتعش
او انتشى
يمكن لفظ اخر نفس
كلمه وادع
لجل الجياع
يمكن وصيه
للى حاضنين القضيه
فى الصراع
صور كتير
ملو الخيال
والف مليون احتمال
لكن اكيد
اكيد اكيد
ولاجدال
جيفارا مات
موتة رجال
ياشغالين ومحرومين
يا مسلسلين رجلين وراس
خلاص خلاص
مالكوش خلاص
غير بالبنادق والرصاص
دا منطق العصر السعيد
عصر الزنوج والامريكان
الكلمه للنار والحديد
والعدل اخرس او جبان
صرخه جيفار يا عبيد
في اى موطن او مكان
مافيش بديل
مافيش مناص
يا تجهزوا جيش الخلاص
يا تقولوا على العالم خلاص
دي قصيدة من روائع ابو النجوم وعلى فكرة ده راي ناس كتير :loveya:

جيفارا
http://www.sawari.com/mp3/mre/jefara.mp3

اقتباس:الدولة طبعاً بإعتبارها معبرة عن ثقافة الغزاة تحتقر ثقافة الشعب المصرى ( المزارع ) وبيعملوا تعتيم شديد على أى حركة ناجحة تخرج وليس لها أصل فى ثقافة الغزاة

فنجم وإمام يعبروا عن الشعب الخارج من الأرض السوداء الزراعية وليس الآتى من الصحراء غازياً ومخرباً

طبعآ- ولامؤاخذة يعني - الكلام ده كلام فاضي وهو بعيد جدآ عن حقيقة ظاهرة إمام / نجم الثورية المناضلة الشعبية التي هي أبعد ماتكون عن الخطاب العنصري الذي تمثل حضرتك أحد وجوهه ياسيد قطقط .

أغنية عملها إمام مجاملة لليمن .. ورغم إنها مجاملة لكن معمول فيها مجهود وجميلة

http://www.sawari.com/mp3-5/yaman1.mp3

أتذكر أني كتبت موضوعاً عن الشيخ إمام وأحمد فؤاد نجم بموقع أرابيا منذ سنوات حاز على عدة مئات من الردود وكتبنا من خلاله بعض القصائد المغناة وغير المغناة أيضاً.
طبعاً مشروع نجم وإمام الثوري لا علاقة له بما يفهمه قطقط (f)، مع أني أرى به إنساناً طيباً وضحية لثقافة التخلف الطويلة .. ومشروع إمام ونجم هو مشروع شعبي لا يفرق بين ضحية أو غيرها إذ أننا كلنا ضحايا له.

وهذه واحدة من أجمل القصائد.
والتي كتبت بعد خيانة السادات وزيارته لإسرائيل.


[CENTER]يا عرب [/CENTER]

كلمات الشاعر المصري أحمد فؤاد نجم
غناء الشيخ إمام

يا عرب .. يا عرب .. يا عرب في أي مصر

يا عرب .. يا عرب .. اسمعوا صوت شعب مصر

أحفظوا لمصر المكان .. و احنا عالعهد اللي كان

مصر أوفى من الزمان ..

و انتو عارفين شعب مصر

يا عرب يا عرب يا أهل مصر

اللي خانوا العهد بينا .. و استباحوا كل حاجة

و استهانوا بالعروبة .. و استكانوا للخواجة

مستحيل حيكونوا منا .. نحنا حاجة و هما حاجة

هما باعوا الجلابية .. و الوطن و البندقية

و ا حنا أصحاب القضية ..

احنا ما بنبيعش مصر

يا عرب يا عرب يا أهل مصر

يطلع الدجال بزيفو .. يملا وادي النيل ضباب

ينزل الجلاد بسيفو ... يزرع الموت و الخراب

يطول الليل زي كيفو .... الصباح له ألف باب

و احنا بوصلتنا بإيدينا .. ما تخافوش من الليل علينا

مهما غبتو عن عينينا ..

انتو جوا بقلب مصر

يا عرب يا عرب يا أهل مصر

سينا و لا .. يافا و لا .. حيفا ولا ... دير ياسين

اسألوا الشمس اللي هالة .. عللي صحيوا مبدرين

يزرعوها نور و غلة .. دول جدودنا و لا مين ؟

حقنا و حتما ً يُعاد .. بس لو بانت سعاد

و البيان ده لوه معاد ...

و المعاد حيكون في مصر

يا عرب يا عرب يا أهل مصر


[RAM]http://www.sawari.net/sawari-emam/Ya%20arab.ram[/RAM]

بالمناسبة فقصيدة أناديكم تتحدث عن فلسطين ولا علاقة لها بنجم أصلاً هي أغنية غناها الشيخ إمام ولكنها ليست من تأليف أحمد فؤاد نجم.


هذه من مخلفات الموضوع بأرابيا:


http://arabfuture.free.fr/imam_najm/

يا لها من ذكريات يا عزيزي قطقط.

هذه أيضاً من أروع قصائد نجم وغناء الشيخ إمام:

[CENTER]هما مين و إحنا مين ...[/CENTER]

غناء : الشيخ إمام

هما مين و إ حنا مين .. ؟

هما الأمرا و السلاطين ..

هما المال و الحكم معاهم ..

و إحنا الفقرا المحرومين

حزر فزر شغّـل مخك

شوف مين فينا بيحكم مين ؟!!

إحنا مين و هما مين ..

إحنا الفعلا البنايين

إحنا السنة و إحنا الفرض

إحنا الناس بالطول و العرض

من عافيتنا تقوم الارض ..

و عرقنا يخضر بساتين

حزر فزر شغل مخك

شوف مين فينا بيخدم مين ..؟؟!!

هما مين و إحنا مين ؟؟

هما الامرا و السلاطين

هما الفيلا و العربية

و النساوين المتنقية

حيوانات استهلاكية

شغلتهم حشو المصارين

حزر فزر شغل مخك

شوف مين فينا بياكل مين ..؟؟!!!

إحنا مين و هما مين

إحنا قرنفل على ياسمين

إحنا الحرب : حطبها و نارها

و إحنا الجيش اللي يحررها

و إحنا الشهدا بكل مدارها

منكسرين أو منتصرين

حزر فزر شغل مخك

شوف مين فينا بيقتل مين ..؟؟!!!

هما مين و إحنا مين

هما الامرا و السلاطين

هما مناظر بالمزيكا

و الزفة و شغل البوليتيكا

و دماغهم طبعاً استيكا

بس البركة بالميازين

حزر .. فزر شغل مخك

شوف مين فينا بيخدع مين ..؟؟؟!!!

هما مين و إحنا مين

هما الامرا و السلاطين

هما بيلبسوا أخر موضة



و إحنا بنسكن سبعة في أوضة

هما بياكلوا حمام و فراخ

و إحنا الفول دوخنا و داخ

هما بيمشوا بطيارات

و إحنا نموت بالاوتوبيسات

هما حياتهم بامب جميلة

هما فصيلة و إحنا فصيلة

حادي يا بادي يا عبد الهادي

يا اللي عليك قصد الغنوادي ( الغنوة دي أو هذه الاغنية )

لما الشعب يقوم و ينادي

يا إحنا يا هما في الدنيا دي

حزر فزر .. شغل مخك

شوف مين فينا حيغلب مين



http://arabfuture.free.fr/imam_najm/e7namin.ram

وهذه:

[CENTER]يا فلسطينية .. [/CENTER]


يا فلسطينية و البندقاني رماكو ..

بالصهيونية تقتل حمامكو فِ حماكو

يا فلسطينية و أنا بدي أسافر حداكو

ناري بإيديا و إيديا تنزل معاكو

على راس الحية و تموت شريعة هولاكو

يا فلسطينية و الغربة طالت كفايا

و الصحرا أنّت من اللاجئين و الضحايا

و الارض حنّت للفلاحين و السِقايا

و الثورة غاية و النصر أول خطاكو

يا فلسطينية و الثورة هيَّ الاكيدة

بالبندقية نفرض حياتنا الجديدة

و السكة مهما طالت و بانت بعيدة

مد الخطاوي هو اللي يسعف معاكو

يا فلسطينية فيتنام عليكو البشارة

بالنصر طالعة من تحت مية ألف غارة

و الشمعة والعة و الامر كان بالخسارة

راجعين حيارى عقبال ما يحصل حداكو