العزيز ليبرالي مصري
سلام و محبة

أنا مش عارف ...
مش عارف مين اللي يمسك الحكم, بس أي حد إلا حسني.
يعني عارف لو الإخوان مسكوها خربوها بس خلوا الشعب يصحا .. هفرح.
لو الوفد اللي عايش في الماضي مسكها يبقى أحسن.
لو مات بس ( ربنا ياخده) أو جتله بعثة علشان يحكم بلد أوربية لأنهم يحتاجون حكمته و سعة حيلته نتصرف إحنا بعدها.
بس يا أخي نخلص منة .... الرئيس المتصابي ده.
بعد كده أي حاجة مش مهم لأن أي حاجة هتكون احسن من الحال الواقف ده.
لو إن عارف ..
أنا بيتهيألي إن الأخوان مثلا لو مسكوها مش هيعملوا غير تغييرات شكلية بس.
الناس ديه مش ممكن تعمل تغييرات كبيرة لأنها عايزة تحكم و بس.
يعني مثلا شوف الاخ حسني فضل طول مدة حكمة ماسك العصاية من الوسط ..
لا هو حكم إشتراكي و لا رأسمالي ..
لا علماني و لا ديني ..
مش ماشي في اي سياسة غير سياسة الجلوس على الكرسي و بس.
و اي حد غير الشعب المصري هيحكم البلد دي هيحكمها بالطريقة ديه.
الناس كلها فسدت و ماحدش بقا قلبه على البلد.
بل أنني أدعي أن كلمة "مصر" أصبحت لا تعني شيئا في نفوس المصريين.
و الناس شكلها مش ناوية تعمل حاجة و يبقى الوضع على ما هو عليه.
و حسني هيجدد مدة ورا مدة وإحنا قاعدين.
و لما يقرب يودع هيباصيها لإبنه حبيب قلبه و إحنا قاعدين.
و لو مات حسني ممكن الأخوان ينطوا على الحكم و غحنا برضه قاعدين.

و آه يا بلد.

أحزاب التوافق تحدد مطلبها بانتخاب رئيس الجمهورية بين أكثر من مرشح

عقدت أحزاب التوافق اجتماعًا يوم الأربعاء الماضي في الحزب الناصري، وأصدرت فور انتهائه بيانًا قالت فيه:

تبدي الأمانة العامة للتوافق الوطني للإصلاح، كامل الدهشة للتصريحات التي صدرت عن قادة الحزب الحاكم، والتي أعلنوا فيها أن ترشيح الرئيس حسني مبارك سوف يتم في مايو المقبل وأن مجلس الشعب سوف يعقد في سبتمبر جلسة ليقسم فيها الرئيس مبارك القسم الدستوري كرئيس للجمهورية. وتكمن الدهشة في أن الحزب الحاكم قد حسم الأمر دونما حاجة إلي الرجوع حتي للمجلس الذي يمتلكون فيه أغلبية مطيعة علي الدوام ودونما حاجة إلي الرجوع إلي الشعب الذي يفترض أنه سوف يستفتي والذي يفترض ألا تعلن نتيجة استفتائه إلا عبر ضوابط وقنوات دستورية وقانونية يفترض احترامها أو حتي التظاهر مجرد التظاهر بانتظار نتائجها.

إن مثل هذه التصريحات غير المسئولة تمثل استهتارًا غير مسبوق بالدستور والقانون وبالإرادة الشعبية، الأمر الذي يقطع بأن عملية الاستفتاء المقترحة حاليا هي مسألة شكلية ولاتتعلق بالإرادة الشعبية التي لا دخل لها فيها.

وفي هذا الصدد يؤكد أعضاء الأمانة العامة للتوافق الوطني للإصلاح علي تمسكهم بالبيان الذي أصدروه في 21 سبتمبر 2004 والذي ينص علي ضرورة انتخاب رئيس الجمهورية من بين أكثر من مرشح وأن يكون انتخابه لفترتين كل منهما خمس سنوات.

وتضم أمانة التوافق أحزاب: «التجمع، والوفد، والناصري، والعمل، والأمة ومصر 2000، والجيل، والوفاق القومي».

وانتقد د. رفعت السعيد رئيس حزب التجمع والمتحدث الرسمي باسم الأمانة إصرار الحكومة علي عزل أحزاب المعارضة عن الجماهير. وقال: «يمنعون عنا الاتصال بالجماهير عبر وسائل الإعلام القومية وهي وسائل مملوكة للشعب أساسًا كما رفضوا لنا 6 طلبات لعقد مؤتمرات جماهيرية بالقاهرة والجيزة وفي مضيفة بمدينة أجا بالدقهلية»!!

وقررت أحزاب التوافق عقد مؤتمر جماهيري بمقر حزب الوفد بمدينة المنصورة مساء غد الخميس 13 يناير الحالي ومؤتمر آخر بمقر حزب التجمع بالقاهرة مساء يوم الخميس 27 يناير.

وأكد د. رفعت السعيد أن أحزاب التوافق أجبرت الحزب الحاكم أن يعترف بأن مصر بحاجة إلي إصلاح سياسي بعدما كان يؤكد من قبل أن مصر تعيش أزهي عصور الديمقراطية.

وحول إمكانية قيام أحزاب التوافق بجمع توقيعات من المصريين لرفض فكرة الاستفتاء وعدم المشاركة فيه قال الدكتور رفعت السعيد: إن هذه القضية سيتم مناقشتها في الاجتماع القادم للجنة التوافق والذي سيعقد بمقر حزب الوفد يوم 26 يناير الحالي.

وحول إمكانية ترشيح أحزاب التوافق إحدي الشخصيات لخوض انتخابات الرئاسة القادمة قال السعيد: إن هذا الأمر لم تتم مناقشته وعمومًا فإن الدستور الحالي يقطع الطريق علي أي شخص لخوض عملية الترشيح تلك لأنه يشترط أن يوافق 115 عضوًا بمجلس الشعب علي ترشيحه وهو أمر مستحيل في ظل سيطرة الحزب الحاكم علي مجلس الشعب.

عن جريدة الاهالي المتحدثة بإسم حزب التجمع الإشتراكي

أنا عايز أفهم ليش في كل دول العالم بيصير فيه انتخابات تمهيدية داخل الأحزاب لاختيار المرشح الذي يفترض أن يمثل الحزب الحاكم أو المعارض إلا عندنا.

المفروض اللي يختار مرشح الحزب جميع المنتسبين للحزب من بين عدة مرشحين في انتخابات داخلية.

العملية الديموقراطية تتطلب و لو على المستوى الشكلي اجراءات من هذا القبيل.

أنا عارف يا أخي
ما هي حاجة تعل ..
بلد الكلاب و حزب الكلاب ..
البلد ديه نسيت الديموقراطية اللي داقتها زمان ...
البلد ديه محتاجة شباب جامد بيحبها بجد ..

أي رأيكم في الريس لما بيقول :
ايه يعني .. اسيب مصر يلعبوا بيها العيال ..


هههههههههههههه
عمري ما ضحكت زي ما ضحكت في آخر لقاء
ده خبرة في تحويل الحقيقة الى كذبة و العكس و انت ماشي


ده انتوا عندكم ريس قشطة .. ( قشطة في الكدب ) :9:

العزيزة منى
سلام و محبة
طبعا إنتي بتتفرجي و مالكيش دعوة ..
بلدك صحيح مولعه نار بس على الاقل ده وضع مؤقت و في 30 يناير هتعمل إنتخابات و هتقبى ديموقراطية و إيه ..
اللهم لا قر ولا حسد ..
فلسطين برضه ...
و الناس كلها تتفرج علينا و على حالنا و تضحك ..
قال أسيب البلد العيال تلعب بيها قال ..
أكنه بيتكلم على شنطة ولا كورة ... حاجة تضحك فعلا
عاجبك أوي الريس بتاعنا .. تاخديه لفه و ماترجعيهوش ؟
بيفكرني بالمشهد بتاع محمد صبحي في مسرحية الهمجي " و مش عشاني ده عشان مصر والله "

و تحياتي لك و للجميع