Array
بعد ادعاء احد المطربين من الاخوة الاشقاء العرب ان فريق الدولي دوتس تعدي علي ملكيته الفكريه
[/quote]

ادعى ايه يا عمي اوكتافيوس
الاغنية مسروقة و باينة مثل الشمس انها نفسها اغنية ليلة للمطرب السعودي محمد عبده . سرقة الاغنيات و تركيب كلمات غربية عليها كان نهج مجموعة من فرق الثمانينات مثل البونيم الذين سرقوا اغنية ليلي طويل للمغربي يونس ميكري كما سرقوا اغنية سيدي منصور التونسية التي اعاد غناءها صابر الرباعي مؤخرا . لحسن الحظ ان الغربي ميكري كان قد سجل براءة الاغنية في مكتب الملكية الفكرية في باريس مما ارغم البونيم على دفع تعويض ضخم بعد ربحه الدعوى.
:redrose:

ما شاء الله
نيوترال ووليد قضوا الثمانينات في غرزة :lol:
سنة 85 انتقلت من قريتي في شمال الدلتا إلى القاهرة للدراسة الجامعية ، وباستثناء جلسات محدودة و"محترمة" لتدخين الحشيش في شقة طلابية كنت مثالاً للطالب اليساري الملتزم والمهموم بقضايا الكادحين :15: (كنت أهبل) .

بالمناسبة يا وليد ن أنا فاكر قصة سقوط العربي لكن روايتي مختلفة عن روايتك ، ما أتذكره أن الشرطة طاردته حتى لجأ للاختباء في إحدى القرافات وهناك قتلته الشرطة بعد فاصل من تبادل النيران .
ألم يحدث بعد مقتله مباشرةً أن ارتفع سعر قرش الحشيش من 40 جنية إلى 150 جنية ؟
ويقال أن الحشاشين في القاهرة حاولوا أداء صلاة غائب جماعية على روحه في أحد الميادين العامة لكن الشرطة منعتهم :lol2:

Array
ادعى ايه يا عمي اوكتافيوس
الاغنية مسروقة و باينة مثل الشمس انها نفسها اغنية ليلة للمطرب السعودي محمد عبده . سرقة الاغنيات و تركيب كلمات غربية عليها كان نهج مجموعة من فرق الثمانينات مثل البونيم الذين سرقوا اغنية ليلي طويل للمغربي يونس ميكري كما سرقوا اغنية سيدي منصور التونسية التي اعاد غناءها صابر الرباعي مؤخرا . لحسن الحظ ان الغربي ميكري كان قد سجل براءة الاغنية في مكتب الملكية الفكرية في باريس مما ارغم البونيم على دفع تعويض ضخم بعد ربحه الدعوى.
:redrose:
[/quote]

لمؤاخذه يا عم سيستاني اصلي مكنتش متابع الحركة الفنية وقتها.. ولم تكن علي قائمة اولوياتي التحقيق في السرقات الفنيه ..... يمكن لو بدات التحقيق ب استجواب الطرفين .. ويا حبذا البدء بفربق الدولي دوتس.. كنت ساعتها حفكر جديا في اجبارهم علي الاعتراف:D


بس مش بيني و بينك طالعه من بقهم زي العسل؟:aplaudit:

تحياتي
:redrose:

Arrayبالنسبالي فعلا - كل ما أفكر في الفترة دي و الحوادث المروعة اللي عدت على خير أستغرب إني طلعت منها. أقل حاجة كانت ممكن تغير حياة الواحد.
و طبعا على مدار الفترة دي كتير من الخلق اللي أعرفهم راحو مثواهم الأخير و جزء تاني ضاع مستقبله. و الباقي اللي فلت معرفشي ليه مبقاش يطيق وش بعض - يمكن عشان ميفكروش بعض بالأيام السوده بعد ما بقوا محترمين.[/quote]

تخيل فعلا إن ده نفس شعوري وإنقطعت صلتي تماما بأصدقاء كنا لانفترق ودايما عندما أتذكر هذا الجيل أتذكر عبارة محمود الجندي لعادل إمام في فيلم اللعب مع الكبار ـ إحنا إتسرقنا ياعلي ـ ولكن علي رأي ماجدة الرومي وإيه العمل دلوقتي ياصديق بعد إفتراق الطريق...... نبص قدامنا علي شمس أحلامنا نلقاها بتشق السحاب الغميييييييق وبناءا علي ماتقدم أنا قررت إن أسلم حل الواحد يتجوز ويجبله عيل يطلع دين أمه زي ماطلع دين أبونا:thumbup:

أنا خلال تواجدي بالكلية شاهدت مصرع ثلاثة طلبة وإصابة ثلاثة أخرين بأمراض نفسية منعتهم من إكمال دراستهم والقبض علي أربعة , واحد سطو مسلح علي بنك والثاني سرقة سيارات والثالث إغتصاب فتاة قاصر والرابع إغتصاب فتاة غير قاصر وواحد تم رفده من نيابة الجراحة بسبب وجوده في النبطشية محشش وبينط علي ممرضة بالإضافة للجوء الكثيرين للدين كهروب أو إرتزاق بالإضافة لمن سقطوا علي طريق الألام ولم أسمع بهم

قصة قرار الجمعية العمومية بالإبتعاد عن ال hard core drugs ترجع إلي أنه مع تأسيس التنظيم السري في أول الكلية وتم شرعنة مانقوم به ثقافيا علي أساس أنه نوع من السيكيدليا وإننا ننتمي لجيل البيت بتاع ألن جنسبرج :lol:بدأت أشكال غريبة في الظهور ليس لها أي علاقة لا بسيكدليا ولا ألن جنسبرج بصحبة أصدقاء للمؤسسين الثلاثة ولم يكونوا معنا في الكلية ولكن من مختلف دروب الحياة , اللي سمكري سيارات واللي عنده محل دراي كليننج واللي عنده عربية كبده واللي فاشل في التعليم وإحنا في الأول تعاملنا بروح ديمقراطية مع المسألة لكن الموضوع لقيناه بدأ يزيد عن حده مع إستخدام الhard core drugs وبالذات متعاطي البودرة بسرنجات ومش مهم طبعا هيرجع في بيت مين ووش مين:mad2: وكان لنا زميل متخصص في جلب تلك الفواتير وهو نفسه تحول بالتدريج في أسلوب كلامه من طالب جامعي محترم إلي صنايعي بسبب مخالطته لهم والطريف إنه كان واقف جانبي في أحد إمتحانات الجراحة العملي بالسنة الرابعة والأستاذ دخل عليه وقال له إعملي إختبار معين علي المريض وده لقيته بيقول للراجل إحنا لامؤاخذة ياباشا هنجيب التورنيكيه لا مؤاخذة يعني ونربطه حوالين لامؤاخذة رجل العيان وبعد كده نوقفه بالصلاة علي النبي والراجل أنفجر في وشه وقاله يابني أنت طالب معانا هنا ولاسمكري سيارات ونظرا لتكرار الفضائح والكوارث والحوادث المؤسفة قررنا أن نضع حدا لتلك المهزلة بإغلاق باب العضوية ومنع أصطحاب غير الأعضاء غير بعد موافقة الجمعية العمومية ودراسة حالة طالب العضوية ووضعه تحت الإختبار لمدة لدراسة سلوكه

بالنسبة للحوادث فبالإضافة لقيامنا بزيارات متعددة لمركز السموم بطب عين شمس لإسعاف المصابين فقد إحترق مقر التنظيم بالفعل مرتين بسبب سجائر مشتعلةإحداهم قمت بإطفائها بنفسي ولم تلتهم سوي اللحاف والأخري عدت للمقر لأجد المطافئ والجيران داخل الشقة والسرير باللحاف حتة فحمة بس كان ألطف شئ التليفون الذي أحتفظ بشكله الخارجي ولكن السماعة والجهاز نفسه ساحوا ولزقوا في بعض تعبيرا عن وحدتهم الوطنية

أسوأ تجربة لي في عالم المخدرات كانت تجربة الباركينول وكان في ناس أعرفها بتضربه قلت مرة لنفسي أجرب أشوف إيه الوضع ورحت ضاربه وكلها ساعة وإسودت الدنيا في وشي مع هلاوس سمعية وبصرية غير قادر علي إيقافها ورغم إني مدرك داخليا إني بهلوس لكن مايحدث أمامي حقيقي بحيث إني متفاعل معه وبتكلم مع أشخاص مش موجودين مع نشفان الزور بشكل بشع لايمكن التغلب عليه بأي كمية من المياه وهي المرة الوحيدة التي شعرت فيها إني out of control وإن أي حد هيشوفني هيعرف علي طول إني مبلبع حاجة وهيهرشني والمصيبة إني كنت حاطط بطانية عليها رسم نمر فوق الدولاب والباركينول كافي جدا لتحويل النمر من رسم إلي واقع معاش وتخيل نفسك بقي قاعد في أوضة فيها نمر فوق الدولاب وخايف تخرج بره لحد يهرشك وأخيرا سلمت أمري لله إنتظارا لأن ينتهي مفعول البلابيع التي ضربتها وبعد هذا اليوم ظللت ثلاثة أيام أعاني من نشفان الزور مع هلاوس سمعية متقطعة وفين وفين عقبال مارجعت سالما لقواعدي وأنا بقول توبة

أنا ضربت كراك في أمريكا وبالإضافة لرائحته المنفرة إلا أنه غير مناسب لي بالمرة لأنك بمجرد ماتضربه تشعر إن واحد وصلك علي خط فولت عالي ومتبقاش عارف تركز في حته وأنا طبيعي فولتي عالي وعايز حاجة تركحني مش تشعوذني
بالنسبة للبودرة فبرضه جربتها:lol: للعلم بالشئ ليس إلا فموضوع إنك لو تعاطيتها مرة ستصبح مدمن كلام فارغ ويجب تعاطيها عدة مرات لحدوث إدمان حقيقي وبصراحة ليهم حق اللي بيدمنوها فمشكلة البودرة الحقيقية في السلام النفسي الداخلي الذي تمنحه لك وإحساسك بأنك self contained وفي غني عن أي شئ أخر وهي دماغها تبدأ بنوبة قئ يعقبها دخولك الجنة مع الصديقين والشهداء مع فترات تسقيط قد ينتج عنها إشتعال حرائق بالمكان المتواجد فيه لأنك بتتحول لمدخنة سجاير مع إحتياجك الدائم لتعليات شاي وقهوة للإحتفاظ بمقعدك في الجنة أطول مدة ممكنة

تفسيري لمأساة هذا الجيل إنه جاء بعد سلسلة كبيرة من الهزائم والمصائب والكوارث وعامة أي جيل بيتوقع من الأجيال السابقة له أن تترك له إما ميراث مادي أو إنجازات أو قدوة حسنة أو حتي ذكري طيبة ولكن من سبقونا تركونا في العراء محملين بديونهم وهزائمهم وعقدهم النفسية لدرجة أنه خلال دراستي كلها لاأتذكر إني إحترمت مدرس لي سوي مدرس واحد فقط كان بيديني أحياء وأنا في ثانوية عامة بالتوفيقيةإسمه نبيل أنيس وإزداد الأمر سوءا بعد تخرجي وتسلمي للنيابة وإحتكاكي العملي بالأجيال السابقة فأمنت بعدالة الفرار

Array
بالمناسبة يا وليد ن أنا فاكر قصة سقوط العربي لكن روايتي مختلفة عن روايتك ، ما أتذكره أن الشرطة طاردته حتى لجأ للاختباء في إحدى القرافات وهناك قتلته الشرطة بعد فاصل من تبادل النيران .
ألم يحدث بعد مقتله مباشرةً أن ارتفع سعر قرش الحشيش من 40 جنية إلى 150 جنية ؟
ويقال أن الحشاشين في القاهرة حاولوا أداء صلاة غائب جماعية على روحه في أحد الميادين العامة لكن الشرطة منعتهم :lol2:
[/quote]
أنا في فترة سقوط العربي كنت معاصر الأحداث هناك - لأني بالرغم من أني كنت من مواليد و سكان شبرا إلا إن المدارس اللي دخلتها كلها كانت في الدقي و العجوزة - و كان نقطة تجمعنا أيامها في ميدان لبنان - و بالتحديد في شارع الإسراء اللي حصل فيه ضرب عربية الضباط - و بالمناسبة واحد منهم بقى مدير أمن بعد كده.
قلعة العربي مكانتش بعيد عن هناك - يعني مشي - و كانت عبارة عن بيت بابه حديد بيوصله بالكهرباء - و ساعة المعركة طبعا الشوارع كلها اتقفلت - و كان فوق السطح فيه صبيان له بيولعوا في الأنابيب و يرموها على الشرطة.
متهيألي الكلام ده كان يا سنة 83 يا 84 مش فاكر (حكم السن :( )
لكن فاكر إن القرش كان عند العربي سنة 81 و 82 ب 8 جنيه و كنا كبراعم بنشتري العبوة الإقتصادية (الثمناية) ب جنيه واحد فقط + علبة مارلبورو لزوم الوجاهة ب 35 قرش :lol:

هو غلي بعد ضربات أمنية متلاحقة :D: و بعد ما أصبح ب 80 جنيه بدأ بزوغ عصر البانجو أولا على يد الأشقاء السودانيين و كانوا بيبيعوه في حديقة العتبة و بعدين إنتشر بسرعة شديدة لأنه سهل الزراعة جدا و مش محتاج عناية - الكلام ده كان في أواخر الثمانينات.

أنا عايز أقولك إن برضه في الوقت ده كنت منتمي لمجموعة من المثقفين (يساريين على ليبراليين) من منطلق إن لكل مجلس حديث - لكن كان إحساس الضياع و اللاجدوى هو المسيطر دايما. و هو ده برضه الوقت اللي إنطلقت فيه الإتجاهات الدينية كطريق بديل للضياع.

و الله أنا خايف نطلع كلنا كنا نعرف بعض و مش واخدين بالنا :grin:

Array
تفسيري لمأساة هذا الجيل إنه جاء بعد سلسلة كبيرة من الهزائم والمصائب والكوارث وعامة أي جيل بيتوقع من الأجيال السابقة له أن تترك له إما ميراث مادي أو إنجازات أو قدوة حسنة أو حتي ذكري طيبة ولكن من سبقونا تركونا في العراء محملين بديونهم وهزائمهم وعقدهم النفسية لدرجة أنه خلال دراستي كلها لاأتذكر إني إحترمت مدرس لي سوي مدرس واحد فقط كان بيديني أحياء وأنا في ثانوية عامة بالتوفيقيةإسمه نبيل أنيس وإزداد الأمر سوءا بعد تخرجي وتسلمي للنيابة وإحتكاكي العملي بالأجيال السابقة فأمنت بعدالة الفرار
[/quote]
أنا لحد دلوقتي كل ما أفكر في الفترة دي - و بالرغم من إنها جايز كوميدية و شكلها ظريف إلا أن كمية الضياع فيها غريب و غير مبرر.
فعلا الجيل السابق طلع كداب و كله في الهجص - أول ما بدأ عصر الإنفتاح اللي قدر رمى كل حاجة و بدأ يهبش يمين و شمال و الباقي اللي كان عاجز عن كده إتمسك ببقين حمضانين هو أول واحد عارف إنهم كدب - و كل شئ انكشف في الفترة دي.
يمكن إحنا جيل من غير قدوة أو الأوسخ شفنا إن القدوة طلعت مقلب. و يمكن مع تغيير قواعد اللعبة ضعنا إحنا في النص و يمكن حاجات كتيرة مع بعض نتج عنها الجيل الغريب ده.
و الملاحظ إن لحد دلوقتي جيلنا بلا أي إنجازات و لا لون و لا طعم و لا ريحة - و الجيل السابق تقريبا لسه ماسك كل حاجة و كأننا هفأ :2talk:
أما عن الجيل اللي بعدنا فأنا مش عارف عنه كتير لكن بعذره - و يا ريت حد من الزملاء من الجيل الجديد يحكيلنا.

أما عن الباركينول فدي كانت من أسوأ الحوادث المروعة - أنا سمعت عنه أنا وواحد صاحبي - كان معاك في التوفيقية - إشترينا علبة ب 3 جنيه و إضرب - حاسس بحاجة - لأ - طب هات كمان - لحد ما فجأه إسودت الشاشة تماما. أنا بقى قلبت معايا قطط - طول مانا قاعد أشوف قطة بطرف عيني (سودا) بتجري بسرعة.
المصيبة إني في اليوم الإسود ده كنت متخانق في البيت و نزلت غضبان - و يشاء السميع العليم إن أمي تصمم تيجي تصالحني في بيت صاحبي و قعدت تتكلم معايا و أنا طبعا مسهم و هي فاكراه من الزعل - و كل شوية ألاقي القطة بتجري أتفزع و أتنفض و هي تقوللي مالك بس يابني :lol2:

و طبعا دي كانت أول و آخر مرة - و مش عارف لحد دلوقتي البشر دي بتشربه ليه :barfy:
و الأغرب إن الباركينول (الصراصير) في الدولة الوسخة دي بينتج بكميات ضخمة جدا و بسعر رخيص و هو أصلا دواء لعلاج الصرع يعني إستهلاكه أعلى كتير جدا من مرضى الصرع في مصر - لكن مازالوا بينتجوه و بيبيعوه للشباب.
:D:

احنا جيل البانغو يا معلم.


مرة ايام الاعدادي جربت "بانغو" ومحستش بحاجة برضه واضطريت اجاري اللي انا قاعد معاهم واعمل اني اتكيفت خصوصا انهم هما اللي عازمنني ولم ادفع في القعده اي مليم.

في الثانوي كنت مؤدب ومركز في المذاكرة. (وجه ساخر)

جربت مرة وانا في الكلية حشيش ملفوف في سيجارة ولم اشعر بأي شئ اللهم الا تحسن طفيف في المود لا يستحق العشرة جنيهات اللي دفعتها.

وبرضو لما شربت بيره محستش بأي حاجة ،الظاهر ان دماغي ناشفة مش بتحوق فيها حاجة ، او كل اللي ايدي بتقع عليه بيبقي مضروب وفي الحالتين فواضح ان انا مش من بتوع الصنف...

تحية

احنا جيل كله متوفر والرك علي صاحب المزاج والي معاه فلوس يدفع

ما اكدبش عليك انا بحب اجرب الحاجه مره واحده بس في المواضيع دي . عندك البانجو (الي تلات تربعه مضروب) والعيال ولاد الكلب بتعمل مصالح علي بعضها انما ايه .وما ماحدش فاهم حاجه

دا غير الحشيش الي التجار بتوعه ما بقاش عندهم ضمير زي زمان :lol:. وبيخلطوه بالماكس والبرشام علشان ياثر واعتقد يا طنطاوي انته وقعت في صنف اي كلام علشان كده ما اثرش . بس هذا لا يمنع من وجود تجار ذوات كفائه وخبره عاليه بس مين معاه فلوس يدفع بقي يا سيدي .

بس من الاخر كده مفيش احسن من الافيون بيخليك تفضل صاحي تلات تيام وانته حاسس انك لسه صاحي من النوم

يا ريت يوفره باسعار اقتصاديه للغلابه. واتمني ان يصل طلبي للمسئولين:aplaudit:

مش هما بيقولوا drugs, sex and rock and roll
إدينا خلصنا ال drugs والrock and roll نخش بقي علي المهم:thumbup:


طبعا أنا لاأعتقد بالمرة أن مصر مرت بمرحلة تحرر جنسي تشابه أو تقترب مما مرت به أوروبا وأمريكا ولكن كانت هناك فترات أفضل حالا من فترات أخري فمثلا مع نهاية الستينات كان إرتداء الميني جيب أمر عادي في حين أنه مع بدايةالثمانينات كان غربان الخراب في أوج مجدهم وبدأت مصر تعود تدريجيا لشئ مشابه لما كانت عليه في بداية القرن العشرين ـ thanks kingdom of darkness:kiss3: ـ وفي وسط ذلك الليل البهيم نشأت وترعرعت وكانت إحدي نتائج هذا الجو الخانق أني لاأتذكر أنه كانت لي في مصر جيرل فريند بشكل مقارب لما يحدث في الغرب ولكن كلها أو معظمها كانت عبارة عن علاقات تحت الحصار فبالنسبة للولد وفي حالتي الشخصية أنا ضاربني السلك وبايع القضية وصرفت فلوسهاومش فارقة معايا أي حاجة واللي يعرف أبويا يروح يقوله لكن بالنسبة للبنت مشكلة ضخمة إنها تخرج مع ولد وقد تتحول إلي كارثة حقيقية لو حد شافها ومع تقديري لكل تضحيات فتيات أرض الكنانة إلا أن مناخ قمعي كهذا منع نشوء علاقة سوية بيننا فتخيل نفسك نازل من البيت مستحمي ومتأنتك وضارب الحته ال FUS اللي موصي عليها من بورسعيد بقالك سنة وماشي تتسحب في الشارع علشان تهرب من الفواتير وطبعا محضر بقين مقدمة قبل ماتخش علي المهم وفي غياب أي خبرة سابقة أو مثل أعلي من الأجيال السابقة تحتذي به فمش معقول هتروح تسبلها زي عبد الحليم أو تفتحلها صدرك علشان توريها الشعرتين اللي فيه زي أحمد رمزي ولاتخش عليها بوش إستفان روستي ولا محمود المليجي ولاتغرق تحت باطك عرق وتشممهلها زي محمود ياسين ـ إبن القحبة كان في منتهي القذارة :D:ـ وبالتالي كان عليك إنك تبدأ من الصفر وتخلق ال style الخاص بك وبعد كل الإستعدادات والبروفات تروح تلاقي فار بيرتعد خوفا أن يراها أحد وطبعا من هول الموقف البقين اللي أنت محضرهم بيطيروا من دماغك وطبعا تفشل كل محاولات تهدئتها لدرجة إني في أول راندفو في حياتي طلعت تجري مني في الشارع بعد خمسة دقائق بالظبط من مصافحتها وطبعا قعدت أتحسر علي ال16 لحلوح الذين دفعتهم للحصول علي عدد واحد FUS من بورسعيد لإرتدائه في هذا اللقاء التاريخي وحتي بعد أن تمكنت من اللعب في دماغها وترتيب لقاء أخر أبثها فيه لواعجي وأشواقي وبالمرة تشوف البنطلون ال FUS بقينا زي مانكون بنمثل فيلم رعب وبنهرب من شبح يطاردنا ولكننا لانراه والشارع ده ساكن فيه جوز خالتي والشارع ده ساكنة فيه عمتي والشارع ده منور وفيه ناس كتير أحسن حد يشوفنا طيب يابنت الحلال تعالي ناخد أتوبيس ولا أي مصيبة ونروح مكان بعيد بدل الروشة دي خليني أعرف أفرجك علي البنطلون ال FUS ودي تبصلي كإني هخطفها طيب تعالي نتسحب ونطلع عندنا فوق سطوح العمارةأوريكي المكتبة بتاعتي وبالمرة تتفرجي علي البنطلون ال FUS وعايز خول فيكي ياعمارة وسخة يفتح بقه :mad2:برضه لأ طيب تعالي نقعد في كازينو هابيلاند أعزمك علي حاجة وأمري لله وأهو تقدري برضه تتفرجي علي البنطلون ال FUS ودي هيهات هيهات , الشوارع الضلمة وبس ولو حد جاي تبعد عني حتي يزول الخطر<_<
وطبعا علاقات كهذه بيكون مصيرها الفشل وبتكرار المحاولة والحصول علي نفس النتيجة بتبدأ تدرك عبثية الموقف وده طبعا بالإضافة للحريق المشتعل في بنطلونك وعامل غشاوة علي عنيك مش مخليك شايف قدامك فتبدأ أولوياتك في التغير ويصبح أولها هو إطفاء الحريق بأي طريقة وبعد كده نشوف موضوع الحب بعدين, يعني لايبقي حب ولا نيك كمانunfuckin believable:D: والشيطان غواني :devil:ـ زي برنامج المواجهة ـ وأنزلقت في طريق الخطيئة:( وأصبحت من راغبي المتعة الحرام ـ هما كانوا بيقولوها كده في صفحة الحوادث بالأهرام لما يقبضوا علي شبكة دعارة بالإضافة لإنهيار المتهم وإعترافه بعد مواجهته وده طبعا بعد تنكر العقيد سيد زبه في زي إمرأة شرموطة وظبط المتهم متلبسا وهو يرغب بالمتعة الحرام ـ
وإقتصرت العلاقة بعدها علي علاقات اليوم الواحد أو علاقات short term ليس بها أي نوع من الإلتزام من كلا الطرفين وغالبا كانت مع نوعية خاصة من الحركة النسائية تقف في المنتصف بين بنت الناس المحترمة وبين الفتاة المنحرفة وهذا ماسنناقشه بالتفصيل في الحلقة القادمة علشان نوفي جيل الثمانينات حقه

اللهم بلغت اللهم فأشهد