{myadvertisements[zone_1]}
 
تقييم الموضوع:
  • 0 صوت - 0 بمعدل
  • 1
  • 2
  • 3
  • 4
  • 5
ادعو ا لأحمد نجم .... بالشفاء العاجل ...
نسمه عطرة غير متصل
عضو رائد
*****

المشاركات: 11,293
الانضمام: Jan 2005
مشاركة: #1
ادعو ا لأحمد نجم .... بالشفاء العاجل ...
هذه آخر أخبار أحمد نجم بعدما تعرض لأزمة صحية حرجة
من نوارة نجم
الحمد لله الذي لا إله إلا هو
بابا لسة حالا خارج من العناية المركزة وودوه اودة عادية
اشكر جميع اللي اتصلوا واللي جم
واسفة على اني ما سمحتش لحد يدخل له في العناية المركزة
لان مافيش زيارة في العناية المركزة وناس كتير زعلت اني ما رضيتش ادخلهم
انا مقدرة انهم بيحبوه وعايزين يطمنوا عليه
بس هم كمان لازم ما يزعلوش مني ويقدروا اني خايفة عليه واني ما ينفعش
ادخل الناس عليه في العناية المركزة
دلوقت هو في اودة عادية
وربنا يتمم له الشفا على خير
واشكركم جميعا لانكوا دعيتوا لبابا بالنجاة وربنا استجاب لكم
وطالبة منكم انكم تدعوا له بتمام الشفاء والعافية ويكملها له على خير
ويهديه وما يشربش سجاير احسن ده اول ما فاق
اول حاجة عملها عاكس الممرضة
وبعدين قال لي هاتي لي كوباية شاي ونفس سيجارة
احنا عايزين نعمل عليه حملة عشان ما يدخنش تاني ابدا
10-04-2007, 11:26 PM
عرض جميع مشاركات هذا العضو إقتباس هذه الرسالة في الرد
{myadvertisements[zone_3]}
يجعله عامر غير متصل
عضو رائد
*****

المشاركات: 2,372
الانضمام: Jun 2007
مشاركة: #2
ادعو ا لأحمد نجم .... بالشفاء العاجل ...

قادر ربنا يقومه بالسلامه وميحرموش من اللي نفسه فيه ، ويشفي كل مريض يا رب
احسن ما نلاقي حد يقول البتاع تاني
10-05-2007, 03:06 AM
عرض جميع مشاركات هذا العضو إقتباس هذه الرسالة في الرد
{myadvertisements[zone_3]}
Serpico غير متصل
عضو رائد
*****

المشاركات: 1,785
الانضمام: Mar 2007
مشاركة: #3
ادعو ا لأحمد نجم .... بالشفاء العاجل ...
10-05-2007, 03:46 AM
عرض جميع مشاركات هذا العضو إقتباس هذه الرسالة في الرد
{myadvertisements[zone_3]}
بنى آدم غير متصل
من أين جاء العالم وأين ينتهى ؟
*****

المشاركات: 2,287
الانضمام: Mar 2007
مشاركة: #4
ادعو ا لأحمد نجم .... بالشفاء العاجل ...
قصيدة شعر من الشاعر العظيم أحمد فؤاد نجم - ربنا يشفيه - والكلام لجميع العرب :
سيدي الرئيس

في عيد ميلادك الكام وسبعين
كل سنة وانت طيب
واحنا مش طيبين
كل سنة وانت حاكم
واحنا محكومين
واحنا مظلومين
واحنا متهانين
ويا تري يا حبيب الملايين
فاكرنا ولا احنا خلاص منسيين
فاكر المعتقلين
فاكر الجعانين
فاكر المشردين
فاكر اللي ماتو محروقين
فاكر الغرقانين
الله يكون في عونك - ها تفتكر مين وللا مين
في عيد ميلادك الكام وسبعين
بقول لك كلمتين
الأوله
شيلتنا طين
و هل تعلم أن النيل بقي رشاح
و الجو أصبح بيئة والعيشة ولعة
و الشرفا قلوبهم عالبلد والعة
و انت عاملهم مذبحة ولا بتاعة القلعة
و الإقتصاد سداح
و السرقة بقت كفاح
و مصر متاحة بس للسياح
و عرض البلد بقي مستباح
و الثانية

ورتنا الويل
دا الخطوة في عهدك بقت ميل
و الضحك بقي نواح و عويل
و الكوسة
عارف الكوسة
ممكن أقول لك فيها مواويل
و الجامعة بقت يا إما كباريه أو دار مسنين
و الشباب معظمهم من غير خمرة سكرانين
و العلم عز علي المتعلمين
و الأساتذة بقم دجالين
و القادة بقم طبالين
و اديني في الهايف يا حبيب الملايين
و الثالثة
عارف اليابانيين
زمان في سنة اتنين و خمسين
كان عندنا تروماي و كان عندنا علم و متعلمين
و ثقافة و مثقفين
و أدبا و علما و فنانين
و كانو اليابانيين
بالنووي لسه مضروبين
و للصدقة مستحقين
دلوقتي إحنا فين و هما فين
هما فوق و احنا في أسفل سافلين
و الرابعة

أمن بلدنا بقي تنين
و المحاكم اتملت مظالم
و العدالة بقت
كمالة
و كلمة الحق في الزبالة
و أصحابها في الزنازين
و الخامسة
القطاع العام....عام
و الفساد.....ساد
وفي جتة بلدنا بيرعي
أفتكر لجنابك إيه و للا إيه
و كل ذكري ليك بدمعة
آآآآآآآآه
آآآآآآآآه
أنا كنت حالف ميت يمين
أكملهم لك تمنية و سبعين
بس ها كفيهم ورق منين
و كل سنة و انت ............
و احنا طيبين

وهذه آخر قصائده


طاطي راسك طاطي طــــاطي
انت ف وطن ديمقراطـــــــي
انت بتنـــعــــم بالحــــــــــرية
بس بشرط تكون مطاطــــــي



لما تكون شغــال بذمــــــــــة
خايف على مصــلحة الأمــة
شغلك يطلع من غير لازمــة
علشان مبيعلاش غير واطي
طاطي راسك طاطي طاطـــي
انت ف وطن ديمـــــقراطي



لما شــقاك يصــبح مش ليك
فقرك سد السكة علــــــــــيك
تتلفّت تلــــقى حـــوالـــــــيك
إما حرامي و إما عقــــاطي
طاطي راسك طاطي طاطــــي
انت ف وطن ديمقراطـــــــي



لماتلاقي بـــــلاد الـدنـيـــــــا
فيها البني آدم حــــاجة تانية
وانت في الطبقات الـــــــدنيا
قرد مسلسل أو وطواطــــي
طاطي راسك طاطي طاطـــي
انت ف وطن ديمقراطــــــي



لما الجهلة يبــــــقوا أمــامــك
أو فوقك ماسكــين ف زمامك
ويسوقك ع الهــلكة إمامك
تشرب م السم السقـــــراطي
طاطي راسك طاطــــي طاطي
انت ف وطن ديمقـــــــراطي


لمــــا الكلـــمة تكون بتدينـك
لما تخبي ف قلـــــــبك دينــك
لما الذل أشوفه ف عيـــــــنك
هات إحباطك على إحباطــــي
طاطي راسك طاطي طاطـــي
انت ف وطن ديمقراطــــــي
انت ف وطن ديمقراطـــــــي
10-05-2007, 07:17 AM
عرض جميع مشاركات هذا العضو إقتباس هذه الرسالة في الرد
{myadvertisements[zone_3]}
-ليلى- غير متصل
عضو رائد
*****

المشاركات: 3,167
الانضمام: Feb 2005
مشاركة: #5
ادعو ا لأحمد نجم .... بالشفاء العاجل ...

نسمة(f)

Array
قادر ربنا يقومه بالسلامه وميحرموش من اللي نفسه فيه ، ويشفي كل مريض يا رب
احسن ما نلاقي حد يقول البتاع تاني
[/quote]

اللهم آمين

أعماله جميلة و بسيطة و علشان كدا قريبة من الناس
قرأت من فتره بعيدة كتاب عن قصة حياته "الفاجومى" كتاب جميل

بعض اعماله
قصائد للشاعر المصري الكبير : أحمد فؤاد نجم



10-05-2007, 09:58 AM
عرض جميع مشاركات هذا العضو إقتباس هذه الرسالة في الرد
{myadvertisements[zone_3]}
محمد علوش غير متصل
عضو مشارك
**

المشاركات: 41
الانضمام: Sep 2007
مشاركة: #6
ادعو ا لأحمد نجم .... بالشفاء العاجل ...
لا أتخيل الوطن المصرى بدون أحمد فؤاد نجم
الله يشفيه
10-05-2007, 12:02 PM
عرض جميع مشاركات هذا العضو إقتباس هذه الرسالة في الرد
{myadvertisements[zone_3]}
العلماني غير متصل
خدني على الأرض اللي ربّتني ...
*****

المشاركات: 4,079
الانضمام: Nov 2001
مشاركة: #7
ادعو ا لأحمد نجم .... بالشفاء العاجل ...

سلامته

(f)
10-05-2007, 06:30 PM
عرض جميع مشاركات هذا العضو إقتباس هذه الرسالة في الرد
{myadvertisements[zone_3]}
بنى آدم غير متصل
من أين جاء العالم وأين ينتهى ؟
*****

المشاركات: 2,287
الانضمام: Mar 2007
مشاركة: #8
ادعو ا لأحمد نجم .... بالشفاء العاجل ...

وهذه قصيده قالها احد مقلدى نجم ومحبيه والسائرين على نفس خطاه

أنا مبخافشى وحفضل أقول
كلمـة حــق عليها مسئـول
إن الريس راجــل طيــب
وبشعبه دايما مشغـــــول

مشغول انه يلم فلوسنا
بره سويسرا يحوشهالنا
وف حسابات سريه يشيلها
نفسه يأمن مستقبلنا

شفتوا ازاى بقى قلبه رحيم
عنده ايمان وضميره سليم
بيجوعكوا لجل تخسوا
آه ياشعب يا محتاج لرجيم

من جهلكوا بتقولوا بطاله
وان الاحوال مش شغّاله
دا الراجل نفسه يريحكم
هى الراحه تبقى عواله؟

أما حكاية المنتجعات
ليه تسموها المعتقلات؟
ليه الظن
وسوء النيّه
نفسه يفسحكوا يا بهوات

أما الكرسى واللى اتقال
دا كلام مش محتاج لسؤال
الغلطه دى

غلطتنا يا عالم
إن مجبناش كرسى تيفال

والله انتم ظالمين الراجل
ضيّع عمره ومين يستاهل
حتى الاكل بياكله بدالنا
طالع واكل نازل واكل

بعد دا كلّه........ماله الريس متقال
10-05-2007, 09:02 PM
عرض جميع مشاركات هذا العضو إقتباس هذه الرسالة في الرد
{myadvertisements[zone_3]}
نسمه عطرة غير متصل
عضو رائد
*****

المشاركات: 11,293
الانضمام: Jan 2005
مشاركة: #9
ادعو ا لأحمد نجم .... بالشفاء العاجل ...

صباح الخير علي نجم المفتح في جناين مصر
عزت القمحاوي
06/10/2007
نجم عاش.
ونحن علي استعداد لمسامحته علي المقلب الذي أوقف القطايف في الزور، وأوقف عمل الأحشاء في هضم إفطارات الوحدة الوطنية والجبهات السياسية وموائد الرحمن ليل الأربعاء، عندما انطلقت الهواتف النقالة بالرنين: نجم في الإنعاش!
لم ينبه نجم محبيه من قبل، ولم يكن زبوناً لغرف الإنعاش، بل لغرف التعذيب.
ولكن، ربما هو نفسه لم يكن يعلم بأن الضغط بات من الوقاحة إلي حد استهداف جسد عصفور دوري وإدخاله في غيبوبة أنزلته غرفة العناية الفائقة.
ليس في جسد أحمد فؤاد نجم النحيل ذرة شحم تجعله مطمعاً للجلطة، كما أنه لم ينكسر بالبورصة، ولم يفقد الملايين في صفقة؛ فهو لم يدخل بعد عصر البنكنوت، يمضي كراهب أو صعلوك، أو طائر. أحياناً تأتيه الفلوس فيتخلص منها في أقرب منعطف، وهو علي ثقة من أنه لن يعدم من يقاسمه لقمته وشربته وأنفاسه.
ليس من سبب خاص لضغط الدم إلا أن يكون قد تناول مشاً علي الإفطار أو أن مؤشر ضغط الألم العام وصل حداً غير معقول.
وقد نجا الفاجومي من أيام كنا نظنها الأكثر سواداً، قاوم غدرها بالسخرية وطول اللسان حتي في وقت النكسة الحبالة الولادة التي نعاني تداعياتها إلي اليوم.
بخلاف مجايليه من شعراء العامية الكبار لم يكتب نجم كلمته ويمضي، ولكنه ذهب بشعره إلي تجمعات العمال والطلاب، في ظاهرة هي الأبرز عربياً، حيث شكل مع الشيخ إمام عيسي ثنائياً جعل من القصيدة السياسية فرجة شعبية وفعلاً تحريضياً. ونقول: ذهب تجاوزاً، فلم تكن هناك مسافة ليقطعها باتجاه الشارع، هو ابنه ولم يفعل سوي إشهار انتمائه والمداومة عليه. وقد كلفه هذا الالتزام ثمانية عشر عاماً من عمره قضاها خلف القضبان في حبسات متتالية، لم يعجز نجم عن السخرية فيها من سجانيه.
ولا يمكنك إلا أن تدمع طرباً وهو يحكي عن تلك الأيام، التي يحولها إلي ذكريات مبهجة، عندما يستعيد حجم المفارقة بين جسده النحيل وحجم القوة التي كانت تتوجه إلي القبض عليه، أو التهم التي ووجه بها هو ورفيق دربه المبــصر، ولم يفقدا في مواجهتها حسهما الفكاهي.
يروي نجم عن الشيخ إمام عندما حاولوا تلفيق قضية مخدرات له، وسأله وكيل النيابة إن كانت المخدرات المحولة معه من الشرطة تخصه.
وضع الشيخ الكفيف يده علي كومة الحشيش التي تطاول قامته، وتحسسها بفرح حقيقي وأجاب: ياريت.
استمرت العلاقة الغريبة، وتوالت الحبسات، فلا السجن يردع نجم وإمام، ولا السخرية تردع السجان.
الزنازين جاهزة دائماً، لكن زنزانة الفاجومي كانت تتسع بفعل السحر، حتي تأكدت السلطة من أن حبسه صار عبثاً فكفت عن ذلك.
في أحد البرامج التي ظهر فيها نجم مؤخراً، تحدث سمير غطاس طالب الثانوي الذي ذكره نجم بالاسم في قصيدته الشهيرة، وروي في مكالمة هاتفية مع البرنامج، كيف أنه بسذاجة تلك المرحلة تصور أن نجم هو صاحب السجن، أو علي الأقل مديره، عندما رأي حدته في تعنيف السجان، والسخرية منه: انتم فتحتوا حضانة كمان؟ !!
ومن يتأمل علاقة نجم بالضباط لابد أن يعتقد بأن لهذا الشاعر الصعلوك نصيباً من الكرامات الصوفية. في إحدي المظاهرات اقترب ضابط كبير من نجم ليربت علي كتفه مترجياً: ياعم نجم عشان خاطري، أنا بحبك من يوم ما أبويا كان بياخدني عندك في حوش آدم، بلاش النهاردة ،عندنا أوامر نبهدلكم!
ربما كانت هذه محاولة من الضابط لترويض نجم، لكنها لاتنفي قدرته علي ترويض الضباط. ولايستطيع أحد أن يقدر حدود سطوته علي البشر، إلا عندما يقطع معه شارعاً.
أما أن تسعي إلي زيارة نجم، فلن تلزمك معرفة مسبقة، أو حمل عنوان مكتوب. يكفي أن تتوجه إلي هضبة المقطم وتتوقف في أول مساكن الزلزال، لتجد من يتطوع باصطحابك عبر الدروب ولايتركك إلا بين يدي رئيس مجلس إدارة السطوح!
ما فعله نجم في إزالة الحائط بين الثقافة والشارع يفوق مافعله المسرحي الإيطالي داريو فو الذي حاز علي جائزة نوبل لهذا السبب تحديداً. والوقت متأخرـ للأسف ـ لضم نجم إلي قائمة نوبل، فالجائزة ستعلن الخميس القادم، ولدينا من المنتظرين العرب علي قائمتها ما يكفي.
وليس الاقتراح بترشيح نجم لنوبل دعابة. ولو أولت الجائزة الدولية ثقافتنا الاهتمام المناسب لرأت أحقيته بالجائزة. لكن لجنة نوبل لن تنتبه لأثر نجم أو غيره، فهي بالكاد رأتنا لمرة واحدة، ونجم من جانبه لا يراها، كما أننا لسنا بحاجة إلي تزكية من نوبل لكي نحبه.
نحن في الحقيقة بحاجة إلي ونس نجم؛ فحسه في الدنيا بمئة نوبل. والضحكة العفية علي وجهه المتبل بالألم تجدد الأمل في الورد المفتح في جناين مصر: المصانع والمدارس، وحديثاً المدونات، التي عرف نجم الشاب كـــيف يدخل عصرها ويصــــبح واحداً من فرسانها.
عاد الفاجومي بعد سنوات احتجاب استحكمت فيها العتمة، وأحكم الخناق؛ عاد مع آلام الطلق الجديدة ليثبت سلامة نظريته حول قدرة مصر علي الولادة.
وبدلاً من حنجرة الشيخ إمام الشجية حملت الهواتف النقالة ومواقع الإنترنت قصائده الجديدة، وحمّله الشباب العديد من القصائد العنيفة التي يؤلفونها نسجاً علي منواله ويبثونها علي مدوناتهم بتوقيعه.
ولم يتبرأ نجم من القصائد، وعندما سئل في ذلك قال: شباب صغيرين عايزين يستخبوا فيا أو يحتموا بيا أقول لهم لأ؟ .
ليس لدي نجم معطف، لديه شهامته وجلباب نظيف يخرج منه الشباب وإليه يعودون فيلمهم في حجره كما تلم الفرخة كتاكيتها تحت جناحيها.
علي أن ظاهرة نسبة القصائد السياسية لنجم ليست وليدة اليوم، فبعض قصائد انتفاضة 1977 كانت لشعراء آخرين مثل سيد حجاب ونجيب شهاب الدين، وزين العابدين فؤاد، وقد نسبت إلي نجم ليس بسبب خوف شعرائها، ولكن لأن جسم نجم لبيس في عرف الأمن وفي عرف الجمهور أيضاً!
10-06-2007, 01:19 PM
عرض جميع مشاركات هذا العضو إقتباس هذه الرسالة في الرد
{myadvertisements[zone_3]}
بنى آدم غير متصل
من أين جاء العالم وأين ينتهى ؟
*****

المشاركات: 2,287
الانضمام: Mar 2007
مشاركة: #10
ادعو ا لأحمد نجم .... بالشفاء العاجل ...
اعزائى جميعا
لم احس فى حياتى بتأثر كما احسست وانا اسمع الشيخ امام عيسى وهو يشدو بأشعار احمد نجم ولكى لا احرم الاعضاء من جماله اليكم موقع سوارى لأغانى الزمن الجميل وستجدوا به اعظم واروع الأغانى على الإطلاق للشيخ امام ولغيره واغانى نادرة كثيرة كما ان به أشعار للعظيم صلاح جاهين تتلوها الراحلة سعاد حسنى بصوتها المتهدج الجميل والملىء بالشجون عن فلسطين وعن الحياة
موقع سوارى
10-06-2007, 04:59 PM
عرض جميع مشاركات هذا العضو إقتباس هذه الرسالة في الرد
{myadvertisements[zone_3]}


المواضيع المحتمل أن تكون متشابهة…
الموضوع الكاتب الردود المشاهدات آخر رد
  تضرع وتمني بشفاء الدتور سامي الخيمي / سفير سوريا بلندن بالشفاء jafar_ali60 0 893 10-21-2011, 07:29 AM
آخر رد: jafar_ali60
  ايران ستتحول الى كبار مصدري البنزين في القريب العاجل على نور الله 0 805 10-29-2010, 01:03 AM
آخر رد: على نور الله
  كأنك مفيش ..شعر لأحمد فؤاد نجم AhmedTarek 5 2,351 10-17-2010, 03:46 AM
آخر رد: بسام الخوري

الانتقال السريع للمنتدى:


يتصفح هذا الموضوع من الأعضاء الان: بالاضافة الى ( 1 ) زائر
{myadvertisements[zone_2]}
إتصل بنا | نادي الفكر العربي | العودة للأعلى | | الوضع البسيط (الأرشيف) | خلاصات التغذية RSS