بدون تعليق !

للمعلومة هذا الاخ الطويل هو زميلنا كومبيوتر جى:lol:

Array


بدون تعليق !
[/quote]

بخصوص الصوره ديه يا حج اتماكا
اذا مشيت في وسط البلد هتلاقي كتير ، وهتلاقي نفس الصفحة المفتوحه ونفس الكتاب اللي بيتنقل منه الواجب واحد ، تلاقي بقى واد - بت مش مشكله ، الموضوع واحد ، طبعا ده لا يقلل مطلقًا واطلاقا في ان الناس ديه غلابه وطلعان دين ابوهم ، واهاليهم غلابه او نصابين او بيسرحوهم بيكون مستقبل العيال ديه معروف ، البت تبقى ( حِبْله مش حامل ) وهي عندها 13 سنه ، وتلاقي صوتها أخشن من صوتك يا اتماكا ، طبعا مش ارجل منك :D الا انها تعصي الله وتدخن جميع انواع الدخاخين ، واهو الواد الصغير اللي هتخلفه هيعمل شغل ليها ، وان تعبت أهي هتأجره باليوميه لأي حد من زمايلها
طبعًا أنا مش مهتم بأولاد الشوراع وقضيتهم والكلام بتاع اليومين دول ، لان شبرا وامبابه وبولاق وعزبة الصفيح والقرود والهجانه وغيرهم كتير يستحقون ما يستحقه أولاد الشوارع ، قلة قليلة في مصر هي ما لا يطلق عليهم أولاد الشوارع ( ربنا يقلل منهم عشان نستحق دعم اكبر) .. ايه دنيا
اسيبك أنا بقى عشان اروح اعمل الواجب والحق اشتري بكتة مناديل فلورا اسرح بيها

أجمل تعليق حول صورة الطفل:

( سنتعلّم مهم أفقرتمونا )

وشكراً للرب على أي حال.

لخبطنى اتماكا بموضوعك:D:
انا دخلته من خارج الساحة الإجتماعية ، قلت هو انا فين بالظبط:D
حسبى الله و نعم الوكيل

المهم
عامر باشا(f)
اولاد الشوارع ضحايا لأسر للاسف اولادها هربوا من البيوت و عايشين فى الشوارع من غير لا مأوى و لا اهل ولا مدارس ولا اى شىء نهائى.
بيكونوا عرضه للعصابات إنها تشدهم لها و تحولهم لوحوش فى المجتمع.
لكن اللى قاعدين بيذاكروا دول لهم اهل و لهم مدارس بيروحوها الصبح أو بعد الظهر ، و بعد كدا بيذاكروا و يعملوا واجباتهم
لو دول وصلوا للمستوى المتدنى فى اخلاقهم اقدر الومهم و الوم اهلهم
لكن كمان اللى قعدين بيذاكروا فى نظرى احسن على الاقل من اللى مقضينها على القهاوى ، او اولاد الذوات اللى مفروض يكون لهم بصمة فى الحياة لكن مقضينها فى البارات و البلاوى اللى بيعملوها.

لكن اولاد الشوارع ما اقدرش الوم غير اهلهم لحد ما بوصلوا لسن معينه، بعدها اعيب عليهم هما كمان ، لأنهم للاسف فضلوا القذارة على النظافة.
لكن كمان بلوم المجتمع اللى ماذال( مازال- مش عارفه بتتكتب إزاى -محدش يعيب عليا) لا يقبل إنسان يحاول يكون له شأن لا لشىء غير انه كان و كان و كان
بالظبط زى اللى دخل السجن و خرج
اخد جزاءه و خلاص
لكن بنفضل نحط راسه فى الارض ،لغلطه انقضى امرها و انتهت و اتعاقب عليها،
إحنا اللى بنحول الناس لمجرمين بردود افعالنا معاهم
احنا السبب فى خيبيتنا التقيله

و مفيش ورد
ضايقتنى:(

Arrayللمعلومة هذا الاخ الطويل هو زميلنا كومبيوتر جى [/quote]

؟
Arrayاسيبك أنا بقى عشان اروح اعمل الواجب والحق اشتري بكتة مناديل فلورا اسرح بيها[/quote]
وأنا بأسأل روحى شفته فين شفته فين أتاريك لابد فى المترو خط المؤسسة - الجيزة
Array( سنتعلّم مهما أفقرتمونا )[/quote]
أفضل تعليق

كتب السيد / عوليس

( سنتعلّم مهم أفقرتمونا )

وشكراً للرب على أي حال.
تعليقًا على الصورة وهو تعليق لو وجدته أسفل هذا البورتريه لقلت حقا وصدقًا كلام مولانا عوليس
أما ونحن عباد الله عشنا الصورة واقعا وليلا ونهار نراها بناسوتيتها وشحمها ولحمها وطلع عنينا
هقولك على حاجه اخرها امبارح وانا بشتري كتاب تاريخ البطاركة من عند الحج مدبولي في طلعت حرب ، الواد قاعد في زاوية حاطط المناديل بدل العسليه اللي في الصوره ، ولو بصيت لوشه علطول هتسب بالدين لكل اللي بتشوفهم بيكلموا عن حقوق الاطفال واليونسكو والكلام اللي بالك فيه ، الواد تقريبا معجبش امه او اللي مسررحاه الايراد اللي جابه ، وعاديك فوق عينه ازرق من الورم وتحتها اسود وكام خرابوش هنا وهنا وهناك ، وبيعمل برضوه الواجب!!! العجيب ان العيال ديه مش بتطلب منك فلوس بالبوق ، ولكن بالحال ، يعني كما يقول الخطباء : ولسان حالهم أدركونا فنحن .... ، .... ، ..... .
هذه الصورة اللي بلانا بيها اتماكا ومشي عمرها مش كتير ، لان هذه الطريقة في استدرار العطف - بعدما ضج الناس من فقرهم ، او ارادوا حيلة جديدة للنصب او او او قل ما شئت - اتت نتيجة لقسوة قلوب الناس اللي بتلبس نضيف ومحنتفه حناتيف ، مهو الناس دي اللي قاعده في جروبي قاصد الواد اللي بيكتب الواجب او في ريش او اي مقهى مجاور ليه لو بصوا للواد هيقولك شايف التسول وصورتنا قدام العالم وممكن يضربوا الواد والله ....... ما علينا هنرغي ليه
___________

كمان بلوم المجتمع اللى ماذال( ما زال( من اخوات كان - وجايه من الزوال ، وفي السودان يطلق على الرجل : زول أي خدمه احسن من لسان العرب - مش عارفه بتتكتب إزاى -محدش يعيب عليا) لا يقبل إنسان يحاول يكون له شأن لا لشىء غير انه كان و كان و كان ..
هو الموضوع يا ليلى موضوع مجتمع بس واللا حكومة
لو تعرفي فيه عيال بعد ما بيخرجوا من المؤسسة نفسها بتاعة الرعاية المشاكل بتاعتهم بتزيد اضعاف اضعاف ما كانوا جواها ، ده اذا غضضنا الطرف والعين والرجل عن اللي بيحصل جوه المؤسسات وسنينه من ( ........................ بلاوي يعني ) وبيضروا يتشغلوا مع امثالهم في الضياع اللي كانوا بره لانهم اهل خبره
فيبيع بانجو قطاعي للعيال الصغيره او برشام او يسرح مع العيال بتوع الصيني مش يبيعوا بس لأ ينصبوا ويسرقوا ، والشكل من بره موال تاني او لو ربنا كرمه يشتغل على توكتوك بتاع اي حد ، طب لو هيجوز يعمل ايه ده موال لذيذ قوي ،، وهيوصل في النهايه الى قوله غضِب الناس عليه : وعلى ايه .. يا عم عندك البت فلانه اهي ظبط نفسك معاها وفلانه تجيب علانه ومتعرفيش الواد ابن مين وسلسله لا تنتهي .........
المشاكل ديه موجوده من زمان قوي لكن الان فقط طفت على الساحة من كاام سنه قريبه
هقولك على شيء ابقي روحي زوري الاماكن اللي جمب مقابر البساتين مش المقابر لان اللي عايشين فيها برنسات دول معديين ، وبتلاقي احدث موديلات العربيات عندهم جوه الترب ، شوفي الهجانه مثلا بعد الماظه ، ومش هقولك ع النسوان اللي بتجيب بربع جنيه كشري واللا مكرونه ويفطروا بيها ، الفقر في مصر ممتاز ، فيه صورة شوفتها مؤخرا لمكان في المغرب قالبين عليه الدنيا فيه من المكان ده بقى في مصر هنا ملايين الامكنه ... ما علينا

___________

وأنا بأسأل روحى شفته فين شفته فين أتاريك لابد فى المترو خط المؤسسة - الجيزة

لا أنا بطلت اسرح بنفسي بقى كبرت وبقيت اسررح العيال ، لو عايز اعلمك الطريقه تحت امرك يا حج احنا في ديكي الساعه لما نخدمك انت عارف ان انت غالي عليا

__________
ليغفر لنا الله

لسه شايف ديه : يا وِلْدِى ليه تتقهر .. هى الحيـــــاه هاتدوم ؟
عِشها خلاص وانتِهى .. مشّيها يوم ورا يوم
وبكره ييجى الفــــــــــرج أو حتى ما يجيشى
راح تمشى من وسْطها حتما مريض مهموم
بنى آدم
مش هينفع اعلق عليها من حلاوتها

Array


بدون تعليق !
[/quote]

الصورة علي ما أظن حاصلة علي جائزة أفضل صورة عربية من إحدي الجهات - لا أتذكرها الآن- وهي مصورة في دمشق بواسطة مصور سوريّ .. الصورة كانت موضوع برنامج BBC Extra أمس علي إذاعة بي بي سي العربية.

:redrose:

Array
الصورة علي ما أظن حاصلة علي جائزة أفضل صورة عربية من إحدي الجهات - لا أتذكرها الآن- وهي مصورة في دمشق بواسطة مصور سوريّ .. الصورة كانت موضوع برنامج BBC Extra أمس علي إذاعة بي بي سي العربية.

:redrose:
[/quote]
ولي عالفضايح.. كمان أفضل صورة طلعت :(

هذا جزء من الحملة على سوريا و الضغوطات الغربية التي تستهدف مناعتها القومية الصامدة .

للطفلة (f)