هناك حيث انت ولا اعرف اين .. راحت روحي تطوف لتعانق ذرات الامل المتناثرة في
الهباء علها تجد سبيلا لتتحد معها..
وترغمها على اعلان الوجود
واهداءه اروع أحساس وتوشوشه قائلة:
" لما قطر الندى يلمس الوردة واوراقها وتخجل منه وتستحي من كتر ما تقل عليها الندى بلمساته
لما فراشة تيجي من بعيد وتنقي زهرة او وردة وتوشوشها وتخبرها اسرار اسرار
لما تيجي نحلة تخبي عسلاتها بقلب زهرة وترجع تاخد غيرهم بعدين ..
لما نملة تحمل حبة القمح على ضهرها وتوقع منها وترجع تحملها مرة تانية ويقسى الهواء عليها وويقعها مرة تانية وتالتية وتعاود تحملها من جديد.. وتنجح وما تيأس
لما ورقة الشجر ما بتوقع الا بفصل الخريف ويخلص عمرها وتسلّم الامانة لورق شجر جديد.. وتعلن عن بداية حياة جديدة
لما يقترن العطش بس بالصحراء وبواحة بندور عليها متل السراب من بعيييييييييد..
لما تحس ضعفك كسرك.. وبلحضة قلب كله تحدي واصرار..
لما تزرع بذرة حب بتربة قلبك وتسقيها وتخاف عليها وتتفاجأ ياهالفلاح المسكين انه انت بتتفانى بالزراعة والعناية وغيرك بيتفانى بالاهمال... واللامبالاة!!
لما خدش صغير بإيدك او إصبعك يعلّم طول العمر وكل ما تشوفه تتذكر قصة عمر لانه الجرح بيعلّم..
لما تقرر تنسى وبالصدفة تكتشف انك عمالك بتتذكر
لما تضحك وانت مخنوق وتكابر وتتحدى الدمعة وعليها تكبر وتكبر..
لما تحس انه زمنك غير وانت غير والعز للساقطين والاغبياء هم بس اللي بيكسبوا
لما تحس انه تغير طعم الاشياء ولونها وريحتها
لما طموحك وعيونك بتعانق السما وبدك من فرحك تطير وتطير بس ما بتنسى انه رجليك لازم يضلوا على الارض
لما رقتك يسموها هبل
وحزنك يسموه نكد
وكبرياءك يسموه غرور
وعزة نفسك يسموها تعالي وشوف الحال
لما تضحك لما لازم يكون ضحك
وتبكي وقت البكا
وتمزح لما يكون مزح وتكست لما تسمع .. وتحسن تصغي وتحترف الاصغاء
وتمتهن بديع الكلام
لمّا تسكت وانت بتحكي وتتألم بصمت ما يحسه غيرك..
لما تحلك ببكره احلى وانت بعز الكابوس..
لما تطلب رحمة ربك وعفوه حتى لو تعصيه
لما
ولما
ولما ولما
.........
وقتها عنجد انت انسان
انسان انسان..
مش جسد من بره بيشبه الناس ومن جوه اجوف فاضي.. متل اللي بيدخن سيكارة وبيسافر مع دخانها
بيروح الدخان وبيرجع هو لحاله لا عمل ولا استفاد شي.. غير السعال وتعب البال وخنقة الرئة.. وخسارة الفلوس
بحث
قائمة الأعضاء
التقويم
وثائق المساعدة
