Array


أنا ال300 جنيه اللي بتاخدهم مراتك عمر مرتبي الحكومي في مصر ماوصلهم وأكبر مرتب كنت أحصل عليه كان 150 جنيه والكلام ده مش من أيام سعد زغلول ولا الجنيه الجبس ولكن حتي عام1999; هناك من قبل بهذا الوضع وخاف علي ضياع وظيفة الحكومة منه وظل لليوم كما هو وشافله بجانب وظيفة الحكومة سبوبة جانبية ولا حد يحلقله وهناك من رفض وغامر وإستقال من الحكومة وبحث عن شئ أخر وبعيدا عن السفر للخارج فأنا لي زمايل عملوا بزنس في الغردقة والنهاردة ماشاء الله عليهم مليونيرات بمعني الكلمة في حين من تمسكوا بوظيفة الحكومة لسه قاعدين يتكلموا في قزازة الزيت ولتر البنزين وغلاء الأسعار!

[/quote]

مش كل الناس تقدر تعمل كده يانيوترال .........

لما كل الناس هتبقى فتوات ... اومال مين اللى هينضرب
هههههههههههههههه

يعنى كل الناس هتبقى اصحاب بزنس؟؟فين التوازن الاجتماعى؟؟
لازم يكون هناك اصحاب بزنس ويكون هناك مستهلكين لهذا البزنس , نحن نتكلم عن المستهلكين.
علشان يستهلك لازم يبقى معاه فلوس يستهلك بيها , والا صاحب البزنس سيعانى هو الاخر من الركود والكساد.


Array


هناك جانب أخر للموضوع مش هيعجبك لكن لازم أقوله, عصر يرزقكم من حيث لاتعلمون وتكاثروا تناسلوا وتحديد النسل مؤامرة علي الإسلام إنتهي وأديك شايف النتيجة بعينك في أرقام العنوسة والبطالة ومن الأن فصاعدا اللي هيجيب عيل لازم يكون قادر يصرف عليه أو مفيش داعي منه ووسائل منع الحمل متوفرة ومصر ستمر بمرحلة صعبة لمعالجة أخطاء وخطايا وحماقات من سبقونا وسيسقط ضحايا كثيرين ويجب أن نعي هذا جيدا ونستعد له ونتقبله إذا أردنا أن نتطور.
[/quote]

انا بقى مش ماك فى الكلام ده....

عمر زياده النسل ما كانت عقبه فى طريق التنميه .
الصين خير دليل على ذلك
مليار و600 مليون نسمه فى الصين , والصين على مشارف ان تكون القوه العظمى الاولى فى العالم .
الناس تكتر يعنى عاوزين مستشفيات اكتر, يعنى اطباء اكتر , يعنى مهندسين اكتر , يعنى سيارات اكتر , يعنى منتجات غذائيه اكتر وهكذا........
ده يستلزم خرجيين اكتر , ومصانع اكتر , وجامعات ومدارس اكتر , ومعلمين اكتر وهكذا.........

العيب يا نيوترال عيب اداره
الاداره فاشله.

تحياتى

Array

تاجر في البانجو
[/quote]


تصدق هى دى انسب شغلانه ليا

ههههههههههههههههههههههههههه

:97:

Array

لكن هل الزكاة تحسب علي هذا المبلغ كله, هذا المبلغ ليس وديعة في البنك او ذهب,
و لا ينطبق علية شرط زكاة المال و مفهوم الحول
[/quote]

ينطبق عليه الشرط.....

نحن نتكلم عن ثروه مكدسه قيمتها 40 مليار دولار غير قابله للنقص والزياده.

يعنى المصنع اللى بينتج وعمل الثروه دى تشوف قيمته كام ويدفع عليه زكاه , لانه قائم وثابت منذ اكثر من كذا حول.

الثروه المكدسه بالبنوك ومر عليها اكتر من عام تجب عليها الزكاه.

اعتقد ان ما لا تجب عليه الزكاه هو المبلغ اللى بيشترى بيه الخامات لتصنيعها , وعند عودته مع الربح وخروجه مره اخرى فلا تجب عليه الزكاه ايضا , ولكن ارباح هذا المبلغ عندما تتحول الى البنك ويمر عليها الحول فيجب عليها الزكاه .
اذا تحولت تلك الاموال الى مصنع اخر ومر عليه العام تجب عليه الزكاه.

وده على حسب معلوماتى الدينيه .
يعنى محدش يعتبرها فتوى

ههههههههههههه

Array
يعنى هيتحركوا ويثوروا وياخدوا حقهم من الدوله , ولا هيجتهد ويشوف شغلانه علشان يحسن اوضاعه؟؟

مش عاوزين كلام مرسل
عندك ليهم حلول مبتكره.
انا شخصيا عاوز ازود دخلى واعمل مشروع ومش عارف .
تقدر توجهنى لمشروع يدر عليا ربح كويس؟؟

وبعدين احنا بنتكلم عن ملايين من الناس, مش واحد ولا اتنين ولا حتى الف.

يعنى لو عشره نجحوا من المحتمل ان 990 يفشلوا.
الفلوس بتجيب فلوس يا مورجن , لكن الفقير قح هيفضل فقير.
[/quote]

مش كلام مرسل فيه ناس هتحاول تغير اوضعها و تجتهد لانها مش عندها دماغ للثورة او مش مقتنعة بيها او خايفة منها
فيه ناس تانية شايفة المشكلة في الحكومة و الفقر هيخليها تتحرك و تقف ضد الحكومة و تطالب بحقوقها
اما لو الناس استسلمت و سكتت يبقي خلاص
انا بأيد القرارات ديه لانها صح, الحكومة تحرر الاسعار و تسيبها للسوق
العاطليين مش عاجبهم يحتجوا و يطالبوا بفرص عمل او بدل بطالة و كل ما هيضغطوا الحكومة هتضطر تتصرف
الموظفيين مراتبتهم مش زادت يتحركوا و يطالبوا بزيادة من الحكومة او شركاتهم و يضربوا عن العمل و كل ما هيضغطوا الحكومة و الشركات هيضطروا يتصرفوا
طيب لو الناس شتمت و سبت و دعت علي الحكومة و بعدين سكتت و وقفت تتفرج, خلاص يبقي يستحقوا لان الي مش بيدافع عن حقه مش هياخده
كفاية لحد كده, الناس لازم تعرف ان مفيش حلاوة من غير نار, اوربا مش تطورت من فراغ مرت بمراحلة الاقطاع و رأسمالية المنفلتة و بعدين دولة الرفاه الاجتماعي و لسه بيطوروا لكن احنا متخيلين اننا هننجز و نتقدم براحة و بالساهل
حتي الصين الشيوعية او الهند او ماليزيا مفيهاش الوضع الي عندنا
الي عايز حقه يتحرك و الي مش عايز يتحرك يقعد جنب الحيط و يرضي بنصيبه
كمان فكرة ان الفقير هيفضل فقير مش حقيقية, الفقير هيفضل فقير لو صدق كده و محاولش يغير اوضاعه
لو ضربت ليك مثل هتقولي ده واحد و لو جبت المثل التاني هتقولي احنا بنتكلم عن ملايين,
في 10 بينجحوا و 990 لا علشان ال10 هما الي مقتنعين انهم ممكن يعملوا حاجة
اما الي هيقول 90% هفشل من البداية يبقي مش هيعمل حاجة
كان ليا زميل في الجامعة كان بيمشي من بيته للجامعة علشان مش يدفع نص جنية ميكروباس و كان بيشتري الجبنة الرومي من مصنع صغير و يوزعها علي البقالة الي في حتته بعد ما تخرج كان معاه الي يدفع بيه مقدم شقة بالاضافة ان التجارة علمته و فتتح عينه و قدر بسهولة يشتغل في شركة في مصر الجديدة كمندوب مبيعات و اول مرتب ليه سنة 2001 كان 750 جنية غير العمولة و استمر علي جنب في شغل الجبنة فترة لحد ما دفع مهر جوازه كمان اما في الشركة الي بيشتغل فيها فمرتبه سنة 2006 كان حولي 2500 جنية
في ناس كتير زييه بس في ناس مش عايز تشوف الحقيقة علشان ضد المنطق الي مستقر جواهم

Arrayيعنى لو عشره نجحوا من المحتمل ان 990 يفشلوا.[/quote]

حتي لو كلامك صحيح, العشرة دول لو نجحوا البزنس بتاعهم هيكبر ويحتاج عمالة وهيشغلوا ال990 بمرتبات محترمة.

Array
عمر زياده النسل ما كانت عقبه فى طريق التنميه .
الصين خير دليل على ذلك
مليار و600 مليون نسمه فى الصين , والصين على مشارف ان تكون القوه العظمى الاولى فى العالم .

[/quote]

المقارنة بين عدد السكان في مصر والصين لا محل لها من الإعراب ، وإلا علينا أن نقارن أيضاً الموارد المتاحة هنا وهناك ، أقلها مورد المياه والأرض الصالحة للزراعة .

وعموماً متوسط الدخل السنوي للفرد في مصر (2000 دولار وكسر نهاية العالم المالي الحالي) يزيد عن معدله في الصين (1300 دولار) .

Array
مش كلام مرسل فيه ناس هتحاول تغير اوضعها و تجتهد لانها مش عندها دماغ للثورة او مش مقتنعة بيها او خايفة منها
فيه ناس تانية شايفة المشكلة في الحكومة و الفقر هيخليها تتحرك و تقف ضد الحكومة و تطالب بحقوقها
اما لو الناس استسلمت و سكتت يبقي خلاص
انا بأيد القرارات ديه لانها صح, الحكومة تحرر الاسعار و تسيبها للسوق
العاطليين مش عاجبهم يحتجوا و يطالبوا بفرص عمل او بدل بطالة و كل ما هيضغطوا الحكومة هتضطر تتصرف
الموظفيين مراتبتهم مش زادت يتحركوا و يطالبوا بزيادة من الحكومة او شركاتهم و يضربوا عن العمل و كل ما هيضغطوا الحكومة و الشركات هيضطروا يتصرفوا
طيب لو الناس شتمت و سبت و دعت علي الحكومة و بعدين سكتت و وقفت تتفرج, خلاص يبقي يستحقوا لان الي مش بيدافع عن حقه مش هياخده
كفاية لحد كده, الناس لازم تعرف ان مفيش حلاوة من غير نار, اوربا مش تطورت من فراغ مرت بمراحلة الاقطاع و رأسمالية المنفلتة و بعدين دولة الرفاه الاجتماعي و لسه بيطوروا لكن احنا متخيلين اننا هننجز و نتقدم براحة و بالساهل
حتي الصين الشيوعية او الهند او ماليزيا مفيهاش الوضع الي عندنا
الي عايز حقه يتحرك و الي مش عايز يتحرك يقعد جنب الحيط و يرضي بنصيبه
كمان فكرة ان الفقير هيفضل فقير مش حقيقية, الفقير هيفضل فقير لو صدق كده و محاولش يغير اوضاعه
لو ضربت ليك مثل هتقولي ده واحد و لو جبت المثل التاني هتقولي احنا بنتكلم عن ملايين,
في 10 بينجحوا و 990 لا علشان ال10 هما الي مقتنعين انهم ممكن يعملوا حاجة
اما الي هيقول 90% هفشل من البداية يبقي مش هيعمل حاجة
كان ليا زميل في الجامعة كان بيمشي من بيته للجامعة علشان مش يدفع نص جنية ميكروباس و كان بيشتري الجبنة الرومي من مصنع صغير و يوزعها علي البقالة الي في حتته بعد ما تخرج كان معاه الي يدفع بيه مقدم شقة بالاضافة ان التجارة علمته و فتتح عينه و قدر بسهولة يشتغل في شركة في مصر الجديدة كمندوب مبيعات و اول مرتب ليه سنة 2001 كان 750 جنية غير العمولة و استمر علي جنب في شغل الجبنة فترة لحد ما دفع مهر جوازه كمان اما في الشركة الي بيشتغل فيها فمرتبه سنة 2006 كان حولي 2500 جنية
في ناس كتير زييه بس في ناس مش عايز تشوف الحقيقة علشان ضد المنطق الي مستقر جواهم
[/quote]

مورجن:

ده مقال الاستاذ محسن محمد فى جريده المساؤ المصريه بتاريخ اليوم 8/3/2008

من القلب
محسن محـمد

تعقد إحدي السفارات العربية الخليجية اختبارا أو لقاء للذين يريدون العمل بها.
الامتحان - ان صح هذا التعبير - في شارع جامعة الدول العربية في الدقي.
من يمر بالشارع كله. وهو شارع طويل. يجد مئات الناس يقفون علي امتداده منذ ساعة مبكرة من الصباح حتي يخيل للمشاهد أن هناك مظاهرة أو تجمهرا.
وتتوقف السيارات ليسأل سائقها:
- هوفيه إيه؟!
وعندما يعرفون أن هؤلاء المتجمهورين طلاب وظيفة وباحثون عن عمل يعجبون لأن بينهم الشبان والشيوخ وأيضا سيدات مع ان السفارة صاحبة الإعلان كانت تطلب رجالاً.
وفي هذا المشهد الفريد هذا الأسبوع ما يدل علي أن هناك أزمة بطالة.
وما يرتديه الواقفون من ملابس متنافرة. البدلة والفستان والجلباب يدل علي أن أصحابها يأملون في اقناع موظفي السفارة بقبولهم رغم أنهم لا يحملون - كما يبدو - المؤهلات المطلوبة.
ولا اعتراض علي طلب العاطلين للوظيفة.
ولكن الاعتراض علي من يقول إنه لا توجد في مصر أزمة بطالة.
والاعتراض أكثر حدة علي من يدعي ان الأعمال كثيرة ولكن الناس لا يريدون قبولها ولا يسعون لذلك.
ومعني هذا ان الوظائف الخالية بالجملة ولكن المصريين يتدللون.
ان مشكلة البطالة ضخمة وتستفحل كل يوم.. والبعض يظن ان الشهادة أو الدرجة الجامعية قد تفتح باب الوظيفة مع أن العاطلين الجامعيين كثيرون.. جدا!
ولا حل إلا بالتدريب المهني وافتتاح مراكزه حتي نستوفي حاجة السوق من السباكين والنجارين والحدادين فإذا تشبعت السوق نبحث بعد ذلك عن النقص في أية مهنة أو حرفة أو صناعة أو تجارة.
ولكن..
لا داعي لأن نقول ان المصريين هم الذين يتدللون في سوق العمل!


اعتقد ان المقال ده يلخص القصه برمتها.

بمناسبة الدعم

هناك مواطنين مصريين معهم جنسية أمريكيةومقيمين في أمريكا ومازال لديهم بطاقة تموين وأقاربهم في مصر يقوموا بصرفها لهم!!!!

أحد أشكال الدعم هو التأمين الصحي وهذا لي تجربة شخصية معه;

المستشفي الذي كنت أعمل به كان يستقبل حالات التأمين الصحي وله تعاقدات مع عدد من الشركات , وكنت أدخل العيادة الخارجية لأجد عدد بين 50 إلي 80 شخص منتظرين وبالخبرة وبالتجربة والخطأ علمت أن أقل من العشرة منهم يكونوا مرضي يستحقوا الحجز في القسم الداخلي والباقي إما قادم لمتابعة روتينية أو بيستهبل وعامل عيان علشان يزوغ من الشغل وهناك فئة إكتشفتها وكانت غائبة عني وهي الذين يتاجرون بأدوية التأمين الصحي حيث يتركها للصيدلي بنصف الثمن!!!!
وفي واحد منهم لاأنساه كنت كل ماأدخل العيادة ألاقيه قدامي وطبعا بسبب الزحمة وضيق الوقت كنت بخلي الممرضة تجمع من العيانيين القادمين لتجديد العلاج الورق وأمضيه مرة واحدة من غير ماأبص فيه علشان أشتري دماغي وفي يوم كانت الأمور هادية والعيادة بتنش
ولقيت صاحبنا في وشي جاي يجدد العلاج ورابط رجله كالعادة فقلت ياواد يانيوترال شوف الجدع ده حكايته إيه وبصيت في العلاج اللي بياخده لقيت حوالي أربع أنواع مضادات حيوية غالية الثمن ونوعين من الفيتامينات وسبراي مضاد حيوي ومسكنات وموسعات للشرايين ولستة طويلة عريضة تعملها حوالي 800 جنيه لو تم شرائها من السوق
وكل هذا لعلاج قدم سكري تم علاجه منه وخرج من المستشفي منذ عدة شهور فقلت حتي لاأظلم الرجل أشوف رجله وطلبت منه إنه يفك الرباط فلقيته متردد ومش عايز يفكه فقلتله لو مفكتش الرباط مش بس سأمتنع عن تجديد العلاج , هكتبلك متمارض ومش هديك أنت الورقة ولكن هتصل بشئون العاملين في شركتك أبلغهم فأضطر إنه يفك الرباط لأكتشف أنه لاأثر لأي شئ وإن رجله أحسن من رجلي وإن كل الحكاية إنه بياخد الدوا يبيعه للصيدلي بتاع التأمين الصحي وطبعا طردته من العيادة وقلت له مشفش وشك تاني والمضحك إنه معتبر أن مايحصل عليه من بيع الدوا حق مكتسب وجزء من دخله وأنا قطعت عيشه وراح جاري علي مدير المستشفي يشتكي له إني شتمته وطردته!!! وإنه سيذهب لشركته ويقدم شكوي بسوء معاملة المستشفي له!!

الدرس المستفاد من القصة; المال السايب يعلم السرقة وأن حجم الهدر والفاقد في أي شكل من أشكال الدعم يستلزم إعادة النظر فيه
بالكامل وأن الأفضل من هذه الفوضي تعويض المحتاجين نقديا بعد تحديدهم وحصرهم.

Arrayالمقارنة بين عدد السكان في مصر والصين لا محل لها من الإعراب ، وإلا علينا أن نقارن أيضاً الموارد المتاحة هنا وهناك ، أقلها مورد المياه والأرض الصالحة للزراعة .[/quote]


أنا لاأعرف لماذا حقيقة بديهية كتلك تستعصي علي الفهم!

عاشق الكلمة بنفس دخله اليوم ولديه طفلين= مواطن من الطبقة المتوسطة لديه بعض المشاكل

عاشق الكلمة+ 8 أطفال= مواطن شحات

Array
وطبعا طردته من العيادة وقلت له مشفش وشك تاني والمضحك إنه معتبر أن مايحصل عليه من بيع الدوا حق مكتسب وجزء من دخله وأنا قطعت عيشه وراح جاري علي مدير المستشفي يشتكي له إني شتمته وطردته!!! وإنه سيذهب لشركته ويقدم شكوي بسوء معاملة المستشفي له!!

[/quote]

غلطان يامعلم .....

كان المفروض تقلع جزمتك وتديله 100 جزمه على دماغه ابن الكلب الحرامى ده.
وساعتها كان يبقى معاك الف حق ولاحد يقدر يلومك.


لكن على حسب معلوماتى يانيوترال وانت ادرى طبعا ان التامين الصحى ده مش دعم.
ده مثل التامين الاجتماعى , يتم استقطاع جزء من راتب العامل شهريا حتى اذا مرض يتم علاجه من هذا الجزء.

ومعنى كده ان ابن الكلب الحرامى ده بيسرق حق غيره المريض والسليم معا.