حتى لو مانجحتش يا عبد الرحمن( و احنا عارفين انها مش هتنحج)،لكن يكفينا شرف المحاولة.
خلونا نبتدى، مفيش نجاح بيحصل بين يوم و ليلة
بس لازم نبتدى.


:wr:

Array
حتى لو مانجحتش يا عبد الرحمن( و احنا عارفين انها مش هتنحج)،لكن يكفينا شرف المحاولة.
خلونا نبتدى، مفيش نجاح بيحصل بين يوم و ليلة
بس لازم نبتدى.
:wr:
[/quote]


البداية بالتعليم ولا شيء قبله أبداً ، عندما يصبح لديك جيل من المتعلمين تعليماً جيداً لن يسمحوا بنظام مثل هذا أن يستمر ، أما بفرض أن مجموعة إستطاعت أن تزيح النظام الحالي فستتحول هي الأخري إلي نظام من جديد وندور في حلقة مفرغة.

مصر ليست أقل من البرازيل أو الهند يكي تحقق نهضة مماثلة بل لديها قدرات تنافسية تفوق الإثنتين وإذا رجعنا بالزمن 200 سنة سنري كيف إستطاع "محمد علي" أن ينقل مصر تماماً إلي مرحلة أخري بمجموعة من المبتعثين الجامعيين.

(f)

احنا ماوصلناش لمرحلة إزاحة النظام، لكن الفكرة هى ان الشعب دا لازم يتحد و لو فى انه يقول "لاء" فى نفس واحد
الفكرة ان النظام الحالى لازم يعرف ان المصريين تعبوا بجد، رغم انهم عارفين و حفظين الموضوع كويس جداً
الفكرة ان لازم يتعمل لنا حساب رغم عن الحكومة و فسادها
لازم الحكومة تخاف من الشعب علشان تعمل له اعتبار
التعليم شىء اساسى طبعاً، لكن إزاى اطالب مدرس انه يعلم اجيال و اجيال و هو مش لاقى ياكل
لازم موضوع الغلاء يكون له حل و وقفه.
و زى مابيقولوا
(العيار اللى مايصيبش يدوش)

أنا متفق معاكي بس اللي أنا خايف منه تحصل مشكلة تضخم زي اللي حصلت تماماً أما عوموا الجنيه.

يعني الحكومة تزود المرتبات وتضحك علي الناس زي ما هي عايزة ونبدأ في موجة تضخم تبتلع الأخضر واليابس بالمقارنة بما فيه الآن.. بصراحة وبكل وضوح لكل من يجد كلامي نوع من التنظير: أنا -شخصياً- لا أعرف حل لما نحن فيه وتقريباً لا يوجد حل سوي التعليم.

نقطة أخري ان الساحة تفتقد لزعيم يلتف الجميع حوله مثل "سعد زغلول" أو "مصطفي النحاس".. بالطبع هذا الكلام (تكسير مجاديف) بدرجة كبيرة لكن هي الحقيقة المرة.

تضخم اكتر من كدا:(
دا الناس مابقيتش لاقيه حتى العيش الحاف تاكله
لما نوصل لمرحلة ان الناس تموت فى طوابير العيش
و تقف بالساعات علشان بس تجيب عيش بسبب الفساد مش بسبب قلة القمح
يبقى لازم يكون لنا وقفة و قوية
حتى لو ماجابيتش نتيجة دلوقتى او بعد سنه او اتنين او حتى 10
لكن لازم نتحد
بكره مش هنلاقى حتى هواء نتنفسه
هيبيعوه لنا فى ازايز :D:

بالمناسبة سمعت ان الرز هايزيد سعرة بنسبة 30 % تاااااانى:barfy:

Array
تضخم اكتر من كدا:(
دا الناس مابقيتش لاقيه حتى العيش الحاف تاكله
لما نوصل لمرحلة ان الناس تموت فى طوابير العيش
و تقف بالساعات علشان بس تجيب عيش بسبب الفساد مش بسبب قلة القمح
يبقى لازم يكون لنا وقفة و قوية
حتى لو ماجابيتش نتيجة دلوقتى او بعد سنه او اتنين او حتى 10
لكن لازم نتحد
بكره مش هنلاقى حتى هواء نتنفسه
هيبيعوه لنا فى ازايز :D:

بالمناسبة سمعت ان الرز هايزيد سعرة بنسبة 30 % تاااااانى:barfy:
[/quote]

سبب أساسي من أزمة رغيف الخبز علي ذمة "أحمد جويلي" وزير التموين الأسبق هي أن الدقيق الذي يقدم للمخابز الآن هو قمح صافي بدون إضافات كما في السابق وبالتالي الدقيق يُسرب خارج المخايز العادية ، أما في حالة خلط القمح بنسبة من الذرة وبعض الإضافات الأخري يصبح غير صالح للعيش الفينو وما شابه.
زي ما أنتي قلتي بالضبط دي أزمة فساد.

بصي هاحكيلك موقف مازالت متذكره حتي الآن.. أيام مظاهرات كفاية سنة 2005 كان المواطن البسيط مستاء لأن كفاية تجلب جحافل الأمن المركزي وبالتالي تعطل المرور المتعطل أساساً في وسط القاهرة.
مثل هذا التفكير هو ما جلب المصائب التي نعيشها الآن.. هذا الإضراب لابد أن يبدأ من القاعدة لا من النخبة ، كم نسبة المصريين الذين يعرفون (فيس بوك) ، بلاش (فيس بوك).. كام نسبة المصريين اللي بتعرف تقرأ أصلاً!

موافقة على كلامك
نسبتنا قليلة جداً بالنسبة لشعب من 75مليون نسمة(اللهم لا حسد:D)
لكن هنا يجى دور كل واحد مقتنع بالفكرة، انه يبلغ اللى مابيعرفش يقراء و يكتب
امال لزمتنا ايه بقى!؟
بس نفتح الفيس بوك و نقعد على النت؟
مفيش شىء هيجمع المصريين كلهم على كلمة سواء و لا حتى الخلاص من مبارك نفسه و حكومته الفاسدة
لكن لازم تكون فى بداية نقول بيها "لاء"
بكره الواحد يبقة 2 و الاتنين يبقوا 10 و ال10 يبقوا 100
لازم يبقى فيه بداية
مش بس بداية ، لاء بدايات كتيرة
تفشل و تطلع غيرها

:yes:

لولي العزيزة :9:
أنا متابعة ... :thumbup: من الأعماق أتمنى لكم التوفيق ...
سأنقطع عنكم بعض الوقت لدواعي السفر ... ادعيلي ,,, يا جميل
وصلتني هذه الرسالة من نوارة بنت عمنا أحمد فؤاد نجم بتقول انها مش حتتعتع من بيتها حتى لو كل الناس خرجت

الاضراب ينجح الاضراب يفشل الاضراب يطلع ينزل انا يوم ستة ابريل مش متعتعة من بيتي مش عشان كفاية دعت ولا غير كفاية انا ولله الحمد والمنة على رأي ابن كثير اشرف باني مش عضوة في اي حاجة خالص غير في جمعية اسمها جمعية خريجات الجامعة، اتسست زمان قوي ايام ما كانت ست تتخرج من الجامعة دي يعني جابت الديب من ديله، ووالله فجأتن سذاجة لقيت نفسي عضوة فيها مش عارفة ليه
لكن:
لما توصل حوادث الموت لاكتر من خمستاشر حادثة - اللي انا اعرفهم على الاقل - في طوابير العيش وانا مافيش في ايدي حاجة اعملها يبقى على الاقل الزم بيتي زي ما سيدنا محمد قال
على العموم انا مضربة يوم ستة ابريل بصرف النظر عن مصداقية اي حد ما يهمنيش في حاجة اصلا او انضمام اي حد معايا انشالله اكون انا لوحدي اللي مضربة عشان على الاقل لما ربنا يسألني عملتي ايه وانت عمالة تاكلي وتحشي الاقي حاجة اقولها حتى لو حاجة مش مقنعة قوي بس اسمي حاولت ومش ح اقعد اكسر في مقاديف الناس وايأس بقى والا اروح انتحر امال قاعدة في الدنيا اعمل ايه؟
ماعندناش حركة معارضة حقيقية تحوز على ثقة الناس
ما عندناش شخصية كاريزمية لها مصداقية
ما عندناش خلايا ولا تنظيمات واحسن والله قطعوا
ما عندناش ناس نازلة وسط البشرية اللي بتموت بعضها على رغيف
طب ما عندناش ده كله يبقى على الاقل يبقى عندنا دم، يبقى على الاقل عندنا الحد الادنى من الانسانية اللي يخلينا نزعل
نتقمص ونقعد في البيت
اللي يقدر يروح يغطي اضراب عمال المحلة يروح بس الطريق للمحلة ما اعتقدش ان ح يبقى سلس، عموما برضه نحاول
انا ح احاول اروح اغطي وان شاء الله مش ح اشتري ازازة مية في السكة، ح اخد المية من البيت، والشندوشتات كمان
والله عرفت اوصل للمحلة ح اوصل...ما عرفتش ح ارجع بيتنا واقعد فيه
ومش ح اكل...مش ح اكل طول اليوم ابدا ابسط حاجة بيني وبين نفسي احس اني جعت مع الجعانين
واللي ربنا عايزه ح يكون

ولا تزعل يا عبد الرحمن ولا تحتار آدي مصر عملت أزمة عالمية بالأرز بعدما أوقفت تصديره للخارج
وارتفعت أسعاره عالميا الى سعر خيالي ,,شفت بقى اننا مش زيادة عدد على الفاضي

بسبب قرار منع تصديره رسميا.. "الفاينانشيال تايمز" تحمل مصر مسئولية ارتفاع أسعار الأرز بنسبة 30 % في الأسواق العالمية...............
أدى قرار الحكومة بمنع تصدير الأرز للخارج اعتبارا من أول أبريل القادم إلى حدوث اضطرابات كبيرة في الأسواق العالمية للمحصول ، وإلى زيادة قدرها 30 % مرة واحدة في سعر تصديره.
وقالت صحيفة "الفاينانشيال تايمز" البريطانية إن الزيادة التي وصلت إلى 30 % والتي تعد زيادة غير مسبوقة في أسعار الأرز في الأسواق العالمية ، جاءت بعد قرار مصر ـ أكبر مصدري الأرز في العالم ـ فرض حظر رسمي على تصديره لتلبية الطلب المحلي وخفض أسعاره محليا.
وأوضحت الصحيفة أن هذا القرار من المتوقع أن يؤدي إلى اضطرابات اجتماعية في قارة آسيا على وجه التحديد ، حيث يعتمد أكثر من 2.5 مليار نسمة على محصول الأرز ، مستشهدة على ذلك بأن الفلبين أكبر مستورد للأرز سعت لشراء حوالي 500 ألف طن أوائل هذا الشهر ، وتسعى حاليا لاستيراد ما بين 1.8 مليون طن و2.1 مليون طن دون أن تجد هذه الكمية ، نظرا لأن المخزون العالمي من الأرز هبط إلى أدنى مستوياته منذ عام 1976 .
ولفتت إلى أنه في الوقت الذي زادت فيه الأسعار العالمية للقمح ومحاصيل زراعية أخري منذ أواخر 2006 ، فإن أسعار الأرز لم تبدأ في الارتفاع إلا في يناير الماضي فقط عقب قيام مصر وعدد من الدول الكبرى المصدرة للأرز ـ مثل فيتنام والهند وكمبوديا ـ بتقليص صادراتها ، مما أدى إلى تقلص صادرات الأرز في السوق العالمي بمقدار الثلث.
من ناحية أخري ، أكد تقرير لموقع "أربيان بيزنس" أن قرار الدول الكبرى المصدرة للأرز ـ وعلى رأسها مصر ـ سيؤدي إلى ارتفاع الأسعار بصورة صاروخية في أسواق الخليج العربي ، موضحا أن سعر الأرز في الإمارات قد ارتفع بأكثر من 50% خلال الفترة الماضية ، وأنه من المنتظر أن يؤدي القرار أيضا إلى زيادة التضخم لمستويات قياسية في الخليج ، وهو ما دفع بدولها إلى زيادة المخصص لدعم السلع الرئيسية الغذائية.
وأكد أن قرار مصر والهند وتايلاند بحظر الصادرات أدى إلى رفع سعر طن الأرز إلى 760 دولارا للطن بنسبة 30% في أقل من شهر ، حيث ارتفع السعر العالمي إلى 580 دولارا للطن بدلا من 380 دولارا في العام الماضي ، مشيرا إلى أن المخزون العالمي من الأرز يبلغ الآن 75 مليون طن ، وهو مخزون أقل من نصف المسجل في عام 2000 بعد زيادة الطلب العالمي.

Arrayأنا متابعة ...:thumbup: من الأعماق أتمنى لكم التوفيق ...
سأنقطع عنكم بعض الوقت لدواعي السفر ... ادعيلي ,,, يا جميل [/quote]
اه والله احنا محتاجين التوفيق و دعواتك كمان
ماتغيبيش كتير علينا و تروحى و ترجى بالف سلامة يا غالية

اسمعى نجم قال ايه عن المصريين و شوية اشعار تانية


عزيزي القارئ دي قصيده ل احمد فؤاد نجم لو انتا مصري ارجو عدم الزعل

Arrayعشان انت مصرى
.. احمد فؤاد نجم


عشان انت مصرى لازم تعانى
وتفقد كرامتك بكل المعانى
وتحرق فى دمك سنين مش ثوانى
واوعى تصدق كلام الاغانى
بتاع الحضاره وكانى ومانى
ده كله هجايص مايدخل ودانى

عشان انت مصرى العذاب بيناديك
بتبدا فى يومك حاجات بترازيك
فى نومك فى قومك تعكنن عليك
تضايقك ولسه العماص فى عينيك
مافيش ميه تشطف صابونه فى ايديك
وجسمك ملزق وريحتك عاديك
فتلبس وتنزل وفيك اللى فيك

ورايح لشغلك حتحتاج مواصله
ادى المترو واقف وكهربته فاصله
وفى الميكروباص خناقه وحاصله
اوتوبيس فرامله عايزالها وصله
وتوك توك ده تايه ومحتاج لبوصله
بتوصل لشغلك بدم اتحرق
فى زحمه وكتمه وحر وعرق
رئيسك سايبلك كومه ورق
ده غير دمغه ضايعه وملف اتسرق
وفى كام مواطن عامللك قلق
بيشكى تقول له روح اندعق
وعركه وهوجه وشاى اندلق
ومخك خلاص من الصداع اتفلق
هترجع لبيتك ده لو كان فى بيت
هتوصل هتندم ياريتك ماجيت
مراتك بتصرخ خلاص استويت
عيالك بتطلب وهات كيت وكيت
تزعق تهاتى ياناس اتهريت
ولاحد سامعك مهما هاتيت

عشان انت مصرى وده للاسف
فلازم تاسى تعيش تتقرف
وكل الاساسى فى حياتك ترف
فتنسى الكرامه وتنسى الشرف
وتسرق وتنصب او تنحرف
ودمعك بيجرى وجرحك نزف
مش انت اللى مصرى؟؟؟ جتك القرف[/quote]

Array

وطبعا مفهوم من كلام عم نجم أنه ينتقد الظروف السيئة التى يعيشها المواطن المصرى


عشان انت مصرى********* ارفع لى راسك

ده انت اللى دايما حامى العروبة******** بتخرج تناضل ولو فى عز طوبة

وقال فيك رسولك خير جند ارض ***** هتفضل حاميها وصاين ألف عرض

حضرنا على المرؤة جوازك****لكن عقبتك ان الصبر كاسك

فاستحمل شوية ظلم اللى قاسى*****ولاهف تملى ماسى وماسك



عشان انت نجم هتفضل حبيبنا

كلامك ده هو صويت من صويتنا

ويعلا شعرك بكل طول وعرض

ويفضل كلامك صاروخ أرض أرض




عشان انت احمد ما فيك كلمتك

مكانك فى قلبى تغلغل تربع

فؤادى بشعرك خلاص استطبع

مش انت اللى نجم سلام ليك مربع [/quote]



Array


الحقنا يا ريس


الحقنا يا ريس حالنا مش كويس

فى حكومة نظيف مش لاقيين الرغيف

ووزير التموين ياعينى عليه مسكين

الناس واقفه طوابير هيلاحق على مين؟

و وزير الماليه حساباته مهلبيه

من غير ضمير و افكاره يهوديه

ووزير التجاره قوله يدينا أماره

بنسأله عن المكسب ادانا الخساره

اما عن الداخليه فصوتى يا وليه

داخلها مفقود والخارج مالوش ديه

ووزير الخارجيه بيلف كعب داير

بندور عليه ....... بيقولولنا هاجر

اما عن التعليم فاسأل المعلمين

قال حطوهم فى كادر وادوهم ملاليم

وياعينى على الطلبه وأولياء الأمور

فخلاص فى الشوارع بينظموا المرور

والمواصلات كمان بقت اخر جنان

مش بتكلم عن الزحمه بتكلم عن النظام

ولا الميكروبصات شغل اراجوزات

والاتوبيس زحمه وغاليه التاكسيات

ووزير القوى العامله عمل ايه فى البطاله؟

شبابنا ياقاعد ع القهاوى يا غرق فى العباره

ووزير الثقافه شغال فى الهيافه

ياريت يسيب الوزاره ويروح يبيع جوافه

ووزارة الاعلام حدث ولا حرج

قولوا عليها ياباسط يمكن يجينا الفرج

الحقنا ياريس خلاص الكيل طفح

ياتغير الوزاره يا تودينا رفح

ولا نروح اسرائيل او ياخدنا عزرائيل

الحقنا يا كبير العيله دى حالتنا اخر نيله

[/quote]