عايز اعترف بسر خطير للجميع انا بصراحة كنت مدمن جدا على ساحة الشكاوى بالنادى,لانها زمان ايام العز كانت اكثر ساحات النادى حيوية,وكل يوم كنت تلاقى اعضاء النادى معورين بعض ورايحين القسم اقصد ساحة الشكاوى يعملوا بلاغات فى بعض ,كانت عاملة زى برنامج تروستورى,وفى ايام الملاحم يعنى زى ايام حرب العراق حرب 2006 ,كنت تلاقى نصف الاعضاء يامطرودين يا اما واخدين انذرات بالطرد,لدرجة كنت ساعات بفتكر هفتح النادى الاقيه متشمع بالشمع الاحمر وعليه مخبر بيقول النادى متشمع يا افندى.
ولم يكن مكان مفتوح ايامها الا ساحة الشكاوى فكنت تلاقى فلان ماسك فى علان وفلانة بترقع بالصوت الحيانى ,والادارة اضطرت ساعتها تعمل محكمة للفصل فى منازاعات الاعضاء,وكان ممكن لو معندكش فلوس تجيب محامى كانت جمعية عدالة للجميع توفر لك محامى,طبعا الايام دى راحت وكل الاعضاء بياخدوا حقهم بايديهم ومعدش حد بيشتكى شئ لادارة النادى ..
ودولة كل ما اروح ازور ساحة الشكاوى تيجى على بالى الذكريات الحلوة دى وتفر الدمعة من عينى
لكن هنقول ايه مادايم الا الله
وحدوه

فعلاً.
نحن في عصر البشطركة.

الحمد لله عادت الساحة المجيدة ساحات الشكاوى الى مجدها وانتشعت بالزملاء والزميلات المبطوحين والمبطوحات لا استطيع كتم دموع الفرح وهى تنهمر بغزارة من السعادة احمدك يارب

البشطركة جابت مفعولها.
الا صحيح البتاع اياه طلع قصده عليك ؟ طب هو ليه مقالش في وشك؟ خاف تعوره؟

صدمتنى
:lol22:
وانا كنت خايف يكون قصده على
نخلص هنا ونروح نبشطره

والله يا حكميو انا زعلان على مستر بهجت اللى هيجيى مش هيلاقى الموضوع بتاعة , هينصدم - ويروح يفتح موضوع فى الشكاوى وتشتعل الحرب من جديد ..

ايه فين ايام زمان , لما كان فى النادى فيه سجن

انتباتنى حالة من النشوة وانا اتلقى انذارى الاخير اليوم من الادارة بسبب مخالفتى لقوانين النادى فى المداخلتين 21 و31 واحسست انا وصنا لمستر سين قمة اللحن فى سيمفونية الملحمة الغزوية وهى احداث طيعية تحدث فى ايام فى الملاحم ففى احداث العراق نلت انذارا اخيرا وفى احداث لبنان تم ايقافى والان فى احداث غزة القى انذارى الاخير فاشعر اننى فى بيتى وبين اهلى لكن الذ يحيرنى ماذا سيحدث لو تمت المحكمة الدولية لقتلة الحريرى او مثلا لا قدر الله وحدث شئ بسوريا بظن دى باخد فيها اعدام

بهاء أخد طرد 3 ايام اكيد بسبب انتهاكه لقوانية النادى فى المداخلة 6 و 7 و9 حاجات زى كدة
ودى من الحاجات اللى بتضايق
هل بهاء هو الوحيد اللى طول لسانه
الجميع فقد توازنه تحت وطأة الاحداث من اول طارق القداح الى احدث عضو بالنادى
والجميع قال كلام يدخل تحت وطأة قانون العقوبات من اول طارق القداح اللى قال لى بالحرف انى نرجس واخذ يغمز ويلمز من هنا الى يوم يبعثون الى الاعضاء الذين سبوا عرض ام مصر والمصريين والبصاق الذى انهال شمالا ويمينا علينا والمواضيع التى توضع كل يوم كيدا فى مصر والمصريين
ومع ذلك الوحيد الذى طرد هو بهاء
لان بهاء بمنتهى البساطة عضو مصرى فى منتدى اصحابه شوام
لكن صراحة ياطارق النادى نادى وليه جمهور ببهاء وطنطاوى ونترال ووضاح وبهجت والمعتزلى وعاشق واحمد كامل الى اخر القائمة
اى حدممكن يدفع ال 300 دولار بتوع نشر الموقع لكن منين تجيب ناس محترمة تخلى النادى نادى وتخلى له جمهور
اتعرض على عشرات المرات الاشتراك بنوادى اخرى ورفضت قلت بدأنا السكة هنا ونكملها هنا وهنط شمال ويمين ليه
لكن بصراحة ياطارق حاسس بمرارة شديدة تجاهك
لان نفس الفلم بتعمله فى كل الاحداث الكبيرة وغالبا بتبقى اراؤنا مخالفة لارائك
اول شئ بتعملوه انكم تدوا طرد لكم واحد مصرى
ربما دعوة لنا جميعا مصريين وشوام نفكر فى الوحدة الافتراضية بتاعتنا دى اللى حتى على النت كمرأة للواقع ماشية بصعوبة
يا ااخى حتى كان من باب ذر الرماد بالعيون اطرد لك حد من اللى تف علينا وعلى اللى جبونا واللى شتنمونا واتمسخروا باللى خلفونا
لكن هتقول ايه امر الله غالب

حكيم

شوف يا عم ... عليكم بخاصية التبليغ، لأنه من غير تبليغ فعلى الأغلب لن ينظر أي مشرف إلى أي مخالفة، لكن لو تم التبليغ فستتحرك الإدارة ضد أي عضو ...

المشكلة أن الناس تتراشق في النادي بالشتائم والسباب وأقذع الألفاظ والأوصاف أحيانا ... والذكي طبعا هو من يلجأ إلى خاصية التبليغ ... المشرف مش ممكن يفلي ويتابع كل المواضيع في النادي بحثا عن مخالفات!!!!!

يا عمي بلغوا عن المخالفات وشوفوا كيف يتم معالجتها، لكن ما تقعدوش -وأوجه كلامي للجميع- تلطموا كل شوية وتقولوا الإدارة متحيزة ومن الكلام ده ...

ما بعتقد أن المسألة تتعلق بكون الإدارة ,,, شوام ( عيب يا شباب )

النادي حر ومتحرر جدا ,, ومن الممتع التواجد فيه ، لأنه يستوعب آراء الجميع وتوجهاتهم ووجهات نظرهم المختلفة والمتضاربة بالفعل ،، لا أعتقد أن هنالك ضير في الاختلاف وحدة النقاش أيضا ,, بالعكس هذا مثمر لأنه يكشف كل خبايا المسائل المهمة المتناولة في النادي ,,

الطرد والمنع لا يتناسبان مع عنوان النادي الرئيس ,, والمشاركات المسيئة , تحذف ببساطة ..

أرى أن الأعضاء هنا يعدون النادي بيتهم أو مكانهم المفضل الآمن ,, فلا تطفشوا حدا وتعملوا مثل أرباب العمل الجائرين , من يخالفهم الرأي يفنشوه ,,