Array
أسباب موضوعية و سوبر وجيهة للموقف من ناصر و من تلاه
[/quote]

يا زميلة فى مذهب فى الأراء اسمه ( اللى يتلسع من الشوربة , ينفخ فى الزبادى ) هو مذهب ممكن حضرتك تعتبريه بلدى ولا يرتقى لتوجهات الفكرية والثقافية الباحتة - لكن هذا المذهب اعتقد انكتب بيه التاريخ , التاريخ الحقيقى للأمم قياسا على المصالح المتحققة واللى ضاعت ... فانا شخصياً عندما وجدت نفسى رايح الجيش , وواحد بجرة قلم قرر انه يلهف منى سنة و شهرين من عمرى اقعدت أتسال : طيب هو يعمل معاى كده ليه ؟ ومين يعوضنى عن السنة اللى ضاعت .

عشان كده لما بنتلسع من الشوربة , نبدأ نفكر بمصالحنا اللى ضاعت والنظام السياسى المسئول عنها


شخصياً عشان محدش يفتكرنى فلاح حاقد على سيده - اللى هو المفروض سئ الذكر يعنى , انا اهلى كانوا صعيدية انتقلوا الى الاسكندرية من حوالى 120 سنة . وجدى الكبير استقر فى الاسكندرية , واشتغل فيها وكسب - وأولاده من بعده كسبوا واتعلموا فى مدارس الأجانب ... وكانوا من خلفية صعيدية فقراء , لا اولاد جاه او منصب - الفكرة انهم قدروا ينتقلوا من اسرة فقيرة الى اسرة متوسطة . وده كان متاح ايام الملك وقبله , لكن مش بعده ابدااااا

كل هذا قبل المأفون بلارجعة كان ممكن ومحتمل , كلنا بنتعب عشان نحقق الغناء او الشهرة او الأحلام - كلنا لازم نشتغل فى السخرة عشان نتعلم ونكافح, شوف اى انسان بيسافر فى الخارج بيعمل ايه ( بيشتغل 16 ساعة , ويذاكر , وينام , و و و و ) .

قبل عبد الناصر لم تكن الحياة وردى , لكن كانت حياة صحية واساس لدولة قوية فى المستقبل - العالم كله كان بيتخبط فى حروب عالمية , وكانت الاصلاح قادم قادم " قانون الاصلاح الزراعى اللى بينسب لسئ الذكر اختراعه وتنبيه - اصلا القانون ده اتقدم فى منتصف العشرينات , واعضاء حزب الوفد ردوا عليه , ودفنوه دفن بالادلة العقلية والشرعية و و و ... وحظروا ان لو الملكية الزراعية تم تقسيمها او تفتيها , الارض كلها هتروح " .

حتى حكاية " السد العالى " واغانى السد العالى , دكتاترة الجامعة من ايام الملك كانوا حذروا من ان مصر محتاجة السد العالى كمشروع مهم لامن مصر الاستراتيجى , وان البلد هتتدخل مجاعة بحلول عام 1986 اذ لم يتم تنفيذ السد .

قبل عبد الناصر - كانت الصحافة حرة تكتب ما تريد , مقالة واحدة تتسبب فى سقوط حكومة بأكملها , تكتب الصحافة وتكشف البلد وتعرى من تريد ...

الحرية كانت فى الشارع - لا معتقلات ولا يحزنون , البلد كلها كانت صف واحد من اجل الاحتلال , وكانت هتكون صف واحد من اجل التنمية ..

المصانع اللى بناها الاجانب وكانت بتمثل انتاج وطنى لمصر ...



كانت هناك بلد بمقومات رهيبة اسمها " مصر " , كانت فى مشاكل سوء توزيع ثروة , وطبقة غنية تحكم وفقيرة تعمل .... ومن أمتى أتغير ده فى الدنيا ؟ أتغير الباشوات المال , وجاه مكنهم باشاوات الأمن والبوليس , وربنا يخليك لينا يا باشا !

لو كاننا ايام الملك الأن لما ضيعت نصف حياتى فى تعليم لا قيمة له , فى بلد تتعامل معى على انى نفر ورقم يروح التجنيد - مع اننا مش بنحارب حد , فى بلد اصبحت بفضل عبد الناصر - وعبد الناصر وحده , شبابها بيرمى نفسى فى البحر عشان القروش تأكله على احتمال 1 % انه يحظى بحياة كبنى ادم فى دولة تحترم البنى ادم ... لكن فى دولة الحلم الناصرى الانسان لا قيمة له , مجرد كلب يترمى فى المعتقل ستين سنة ولا حد يسأل عنه , او ينداس عليه بأجهزة المخابرات والامن اللى نكلت بالشعب تنكيلا ولا كربايج السخرة ..


ماذا أخذتم من عبد الناصر ؟

اصلاح زرعى , فقد ضيع الأرض وبددها من بعده خلفاءه - اللى بحمل عبد الناصر المسئولية الشخصية عن النصائب دى كلها , لأنه لو استمر حكم البرلمان والدستور كما هو , وكما اراد محمد نجيب - لما دخلت مصر أربع حروب ضاع فيها شبابنا كلهم , وما ضاعت فلوس مصر فى اليمن والنكسة والعدوان الثلاثى ...

لا تنمية شفنا ولا مصانع ولا حتى أبرة البابور , كنا دولة فقيرة ومعاها فلوس - فضيع المجنون الفلوس , وبقينا افقر

منه لله ضيع سنة وشهرين من عمرى :rose:


جورو (f)

ليلين (f)

Array
لا يا صاحبي، عبدالناصر لم يكن ظاهرة صوتية فهو كان فعالاً على محاور ثلاث هي:
1) التنمية "الرشيدة" داخل البلد وكان ضمنها: الإصلاح الزراعي، السد العالي، التصنيع، التنمية الاجتماعية.
2) السياسة الخارجية واسم مصر "الخفاق" الذي لم يعرفه التاريخ منذ الفراعنة الأول. وضمن هذا المحور كان هناك: تحقيق الاستقلال الكامل لمصر منذ عهد الفراعنة. والسيطرة الكاملة على قناة السويس بكل ما تعنيه القناة من زخم اقتصادي ورمز لدحر الاستعمار وخضوع مصر للغرب. بجانب هذا كانت علاقات عبدالناصر التي هدمها السادات ومبارك مع دول العالم الثالث (مؤتمر باندونج) والتي ساعدته على حصار اسرائيل ورفع القضية العربية عالياً في المؤسسات والمحافل الدولية (الأمم المتحدة والمنظمات العالمية).
3) الدور الريادي لمصر على الساحة العربية ومحاولات تحقيق الوحدة العربية.

[/quote]

على مهلك بس شوية يا علمانى - انت مش لاقى كلام تكتبه , ولا ايه ؟.

1 - لمعلوماتك , عبد الناصر قيل له " ان الأصلاح الزراعى هيدمر الأرض الزراعية , والمعلم تجاهل هذه الأراء عشان خاطر حركات الرومانسية والتحرر من ظلم الباشاوات , وعشان يلم الشعب فى جيبه " دى بس لمعلوماتك . والنصيبة الأكبر ان المعلم اللى مفروض مثقف ومش عارف ايه , لم يسأل نفسه سؤال : كيف يعطى ارض لفلاح جاهل ؟

* تصنيع ايه يا سيد ؟ عبد الناصر اخد مصر بمصانعها بكل شئ فيها , هو انت مفكر التأميم كان ليه ؟ عشان يأخذ الدولة بمنافعها ويستولى على كل شئ فيها . ويبقى بالطريقة دى حقق القفزة الصناعية المرجوة من تصنيع ابرة البابوار , والأستك , والصاروخ .
لا كان فى تصنيع فى ايام عبد الناصر , ولا يحزنون ! ولو كان زمن عبد الناصر زمن وردى ومش عارف ايه , لما تكن تجد ان كل المثقفين كانوا فى صف غير صفه - بما فيهم الاستاذ الكبير توفيق الحكيم , والعقاد , ونجيب محفوظ !

أما عن التنمية الاجتماعية والمساوة , فاعتقد ان فكرة عبد الناصر عن المساواة كانت ( ان كل الشعب متساوى فى الدخول الى المعتقلات , وان يتم تعذيبهم بالقدر الكافى وعلى قدر التساوى ) , والنبى انت كنت تقدر تفتح بقك وتعترض على حاجة ايام عبد الناصر , كانوا خدوك ورموك مش عايز أقول زى .... ومكنش عارفنا طريقك فين ؟



2 - فى السياسة الخارجية فعبد الناصر لم يكن الا ظاهرة صوتية لم يحقق شئ بظاهرته . بل على العكس انا اجد ان أنجازات ابن دين الكلب " مبارك " أكبر من سئ الذكر بتاعكم ( فالرجل استلم بلد منهوبة ومخروبة ومديونية على البلاطة , موجات أرهاب كادت ان تقسم البلد نصفين , جار معادى على اقصى درجة من التسليح , نصائب عمالة تتحدف على البلد والرجل وقفلها , سجله فى حقوق الانسان مش زى سجل معلمك - اللى كان بيعذب الناس بأقذر وسائل تعذيب ممكنة ) . ومع ذلك فان ابن دين الكلب الاخير مشارك فى جريمة سرقة سنة وشهرين من عمرى , ومش هسامح دين امه عليهم .

مفيش حاجة اسمها سياسة خارجية , غير ان المعلم زى ما قال نهرو بالضبط فى كتاب هيكل بتاع زيارة جديدة للتاريخ ( عايزين نتكلم , ليه نعمل مؤتمر ونظهر على التلفاز ؟ . فى النهاية الدول الكبرى هى اللى بتعمل مؤتمرات , وبتأخذ قراراات - واحنا بنطلع ردود افعال , ليس الا )


3 - اما زمن الريادة , والوحدة العربية - وامة عربية واحدة , فهى احلام تعكس حلم عسكرى لا يعرف شئ عن الشعوب والوحدة بين الشعوب .............. والفرق بين الاتحاد الاوربى , وخرافة الامة العربية الواحدة لو باين للعين عن كيفية التخطيط لدمج بلدان ببعضها , مش عشان هوى القائد ومزاج سعادته انه يبتلع بلدان الخليج , ويتسبب فى شق الصف العربى اكثر ما هو مشقوق .


تقدر تقولى ( حجم الاراضى الاسرائيلية قبل وبعد الناصر كانت كام ؟ ) ليه حق يقولوا عليه , كان صهيونى :D

Array
يعني مش كفايه عشان نعرف الفرق نقرا الادب المصري ايام عبد الناصر وقلة الادب بعد ناصر؟
يا اخي حتى السينما
الغناء
المسرح

انا لا احب عبد الناصر ولا اكف عن التفكير في اخطاءه القاتله .... ولكن مصر ايام عبدالناصر كان بلد بكل معنى الكلمة ... بعد عبد الناصر اصبحت الابتذال هو السائد ... لا اجد كلمة لوصف عهد السادات ومبارك افضل من "مبتذل"
[/quote]

فعلا يا حاج سيربيكو - لكنك تنسى ان البلد قبل عبد الناصر كانت فعلا متعلمة , تنسى ان يوسف شاهين على سبيل المثال كان دراس فى فيكتوريا كولج , وانت عارف ان دى كانت مدارس اجانب . قبل عبد الناصر كان " على الكسار " , " نجيب الريحانى " , " عبد الفتاح القصرى " , والأجيال اللى ورائهم طلعت على الأجداد المؤسسين هؤلاء .

حتى الرقص الشرقى كان وقتها فى الأبتذال واللى بتقلع وخلاص , وكان فى " كيتى " وناهد شوقى " وست بترقص يطلق عليها فنانة استعراضية ..



الجيل المؤسس قبل عبد الناصر - هو اللى انتج واستمر فى العطاء حتى اختفى ( اما بالهجرة من مصر , لان الجو معدش جو ابداع نهائى , او لان الناس ماتت ) ..

هل طه حسين اللى نادى بمجانية التعليم الاساسى , كان خريج جامعات سئ الذكر الفاشلة ؟ هل نجيب محفوظ تعلم فى جامعة من بتوع التقارير الامنية اللى هرب منها احمد زويل بعد كده ؟


* كل ما حدث ان الرجل استلم بلد كان فيها مقومات , راح بدل ما يحافظ عليها ويكبرها - خربها , ووصلنا الى ما وصلنا اليه الأن .. من كون سعد الصغير هو رمز الغناء , وهيفاء وهبى هى رمز الاستعراض , وانيس منصور رمز المفكرين ..

الاساس انهار (f)

بالنسبة لعبد الناصر فانه وجد قرارت ومشاريع مدروسة من قبل ولم تتمكن اي وزارة قبله على تنفيذها فقام بتنفيذها ولهذا وجد التايد الجماهيري له

فمثلا مجانية التعليم فكان هذا مطلب الدكتور طه حسين با عتبار التعليم حق للانسان كالهواء
وابقي التعليم الخاص لمن يريد ان يدفع وابنته لم تحصل على مجموع ليدخلها الجامعات المصرية فادخلها الجامعة الأمريكية ودفع رسومها

بالنسبة للسد العالي فدراسته موجودة ومركونة على الرف وقام بها مهندس يوناني فاعاد عرضها عاى عبد الناصر
فشكل لجان لدراستها فاقروها فقام بتنفيذه

تلاصلاح الزراعي دراسات تمت من حزب الوفد قبل ذلك ومركونة فتبناها ونفذها لانها مطلب جماهيري

الحرب مع اسرائيل هي من هاجمته في غزة في1955 وقتلت الجنود المصريين وهم نيام
فتبين له انه لابد من تسلبح الجيش المصري للدفاع عن نفسه ولهذا هاجمته اسرائيل في1956

تاميم القناة ناتج عن ايقاف تمويل السد العالي من فبل الدول الكبري

طيلة فترة حياة عبد الناصر كان المصري محل احترام وتقدير
من كل الشعوب والدول العربية والأجنبية واللي خربها ولدنات السادات

الزميل ينسى ان الفترة الزمنية التي حكم عبد الناصر مصر هي16 سنة فقط
مرت عليها لحتى الان 39 سنة فاي سوء تعليم حالي لا ينسب لفترته

يا ترى لو جاء قائد عربي وحرر فلسطين وأزال دولة اسرائيل وأعاد اللاجئين ، هل ستقولون له في معرض التقليل من قيمة وأهمية إنجازه ان فكرة تحرير فلسطين فكرة قديمة وأنك لست أول من فكر بها ، هذا النوع من الردود يذكرني بقصة بيضة كولومبوس

Array
يا ترى لو جاء قائد عربي وحرر فلسطين وأزال دولة اسرائيل وأعاد اللاجئين ، هل ستقولون له في معرض التقليل من قيمة وأهمية إنجازه ان فكرة تحرير فلسطين فكرة قديمة وأنك لست أول من فكر بها ، هذا النوع من الردود يذكرني بقصة بيضة كولومبوس
[/quote]

انا لااقصد الاقلال من انجازاته بالعكس ابين عظمته في اتخاذ قرارات حاسمة لمشاريع اشيعت دراسة واحجم من سبقوه على تنفيذها
كما اردت ان ابين ان قراراته تتخذ نتيجة دراسات وليس كما يدعي اعدائه من ارتجالية في اتخاذه للقرارات وانها ردات فعل

يا بهاء ضياع سنة أو سنتين من عمرك مسألة لا يلام فيها عبد الناصر بل مبارك الذي تعيش في عهده و في فترة لا حروب فيها (استنادا لكامب ديفيد) و بناء عليه روح حاكم مبارك و عهد مبارك .. أما الرجوع الى الماضي و التاريخ على طريقة السنة و الشيعة و الحق في الخلافة و أسلوب "لو كان و لو محصلش لكنا" فعمره ما حيحل مشكلة ...

هذا خطأ منطقي اسمه قراءة التاريخ باثر رجعي ، او ادعاء الحكمة باثر رجعي واصحابه يعرفون بالnegationists لانهم ينفون ما اعتبر حقائق تاريخية بواسطة بقية المؤرخين : http://en.wikipedia.org/wiki/Historical_re...m_(negationism) وهي رديفة للبروباجند وان كان هناك فرق بسيط بينهما
السئ في هذا التيار هو قلب الحقائق وانكارها والحقيقة هنا هي "ان جودة حياة المواطن المصري تحسنت في عصر عبد الناصر" ويدلل عليها المعايير الصحية نفسها من عدد سكان ومتوسط عمر المواطن الخخخخخ
بهاء ، استفد من السنة في دراسة اللغة اليونانية او اي شئ اخر مفيد وهذا ماكنت سافعله لو كنت مكانك.
تحياتي

Array
هذا خطأ منطقي اسمه قراءة التاريخ باثر رجعي ، او ادعاء الحكمة باثر رجعي واصحابه يعرفون بالnegationists لانهم ينفون ما اعتبر حقائق تاريخية بواسطة بقية المؤرخين : http://en.wikipedia.org/wiki/Historical_re...m_(negationism) وهي رديفة للبروباجند وان كان هناك فرق بسيط بينهما
السئ في هذا التيار هو قلب الحقائق وانكارها والحقيقة هنا هي "ان جودة حياة المواطن المصري تحسنت في عصر عبد الناصر" ويدلل عليها المعايير الصحية نفسها من عدد سكان ومتوسط عمر المواطن الخخخخخ
بهاء ، استفد من السنة في دراسة اللغة اليونانية او اي شئ اخر مفيد وهذا ماكنت سافعله لو كنت مكانك.
تحياتي
[/quote]

مين بس قالك ان تيار - ضد ناصر - تيار بيحكم بأثر رجعى , هل تنسى ان كان هناك حزب الوفد واعضاء فيه اعتارضوا على الاصلاح الزراعى ؟ هل انت بحاجة الى حكمة وادراك عشان تعرف ان نتيجة الحروب هى خراب ودمار على مصر ودماغ مصر ؟

تعالى اسلم معاك واقول ( ماشى عبد الناصر لاقى شوية مشاريع بحاجة الى التنفيذ قام منفذها , هل يعنى هذا انه عبقرى ام صاحب بروباجندا ؟ هل يعنى حبسه لحرية المواطن ورميهم فى السجون بحاجة الى انتظار كام سنة عشان نحكم بأثر رجعى انه قرار غير حكيم ؟ ) , من أمتى يصلح عسكرى فى دولة مدنية مكتملة الأركان - انه يصبح على رأسها ؟


انا لا احكم بأثر رجعى - مفكرين زمانه وأدباء زمانه حكموا على ناصر فى وقتها , ولو عندى وقت لطلعتها من الكتب ...

الان سوف يحدث الشئ نفسه - توريث ديكتاتور صغيروو يدعى جمال , وما اشبه الليل بالبارحة . فالشعب اللى رضى على نفسه بعد ان كان يحكمه ملك وبرلمان وصحافة حرة وقدرة على الانتقال بين الطبقات , ان يحكمه عسكرى بروووم - سوف يقبل ان يحكمه خريج الجامعات الاجنبية , وابن سعادة الرئيس , و و و و وتستمر المبررات لحكم الطغاة طالما ان هناك ناس تبرر .

اما عن الاستفادة من السنة المهدرة , فانا هحاول ان استفيد منها على اى حال - وان لم يكن هذا هو الموضوع (f)(f)


Array
يا بهاء ضياع سنة أو سنتين من عمرك مسألة لا يلام فيها عبد الناصر بل مبارك الذي تعيش في عهده و في فترة لا حروب فيها (استنادا لكامب ديفيد) و بناء عليه روح حاكم مبارك و عهد مبارك .. أما الرجوع الى الماضي و التاريخ على طريقة السنة و الشيعة و الحق في الخلافة و أسلوب "لو كان و لو محصلش لكنا" فعمره ما حيحل مشكلة ... [/quote]

لا طبعا , لان السبب الرئيسى فى وصول مبارك وحكم العسكر للحكم ( هو جمال عبد الناصر ) , كما ان السبب فى تردى الصحف القومية ووزارة الأعلام المصرى ( هو هيكل بيه ) . لو كان العسكرى البرووم ساب الحكم لساسة , ورجع بالجيش للثكنات لما حدث كل ما حدث وراحت البلد فى شربه مايه , وضاع منى سنة وشهرين :(:(



سنعود

Array
لا طبعا , لان السبب الرئيسى فى وصول مبارك وحكم العسكر للحكم ( هو جمال عبد الناصر ) , كما ان السبب فى تردى الصحف القومية ووزارة الأعلام المصرى ( هو هيكل بيه ) . لو كان العسكرى البرووم ساب الحكم لساسة , ورجع بالجيش للثكنات لما حدث كل ما حدث وراحت البلد فى شربه مايه , وضاع منى سنة وشهرين :(:(
سنعود
[/quote]

برضو ؟!!:)... لا حول ولا قوة إلا بالله !!!

بهاء مصمم ومصّر (إلحاحاً:)) ... ماشي يا سيدي، "عبدالناصر" هو السبب في مشاكل حكومات مبارك بعد موته بـ 40 سنة. ومحمد علي باشا هو المسؤول عن فساد فاروق الأول بعد موته بـ 100 سنة، لأن الظاهر بيبرس هو المسؤول عن فساد حكم "قلنسوة الغوري" بعد 300 سنة. آه صحيح، "قسطنطين الكبير" كان أيضاً مسؤولاً عن سقوط القسطنطينية بعد 1150 سنة ... بس انت تعلم يوناني كويس وولا يهمك (f)