تذكرت شعرا جميلا " بسيطا كالماء وواضحا كطلقة مسدس " للمبدع الراحل رياض الصالح الحسين الذي أحب سورية مثلنا ..


يا سورية الجميلة السعيدة
كمدفأة في كانون
يا سورية التعيسة
كعظمة بين أسنان كلب
يا سورية القاسية
كمشرط في يد جرَّاح
نحن أبناؤك الطيِّبون
الذين أكلنا خبزك و زيتونك و سياطك
أبدًا سنقودك إلى الينابيع
أبدًا سنجفِّف دمك بأصابعنا الخضراء
و دموعك بشفاهنا اليابسة
أبدًا سنشقّ أمامك الدروب
و لن نتركك تضيعين يا سورية
كأغنية في صحراء.

:redrose:

بلا عيد جلاء بلا بطيخ..العيد الحقيقي لكل مواطن سوري شريف هو عيد الحركة التصحيحية المجيدة وحطوا خطين تحت مجيدة..... حين اصبح الشعب السوري قطيعا في مزرعة ملك الغابة, الذي يوفر الحماية الكاملة لهذا القطيع...
:wow:

عندما اتذكر ما كنا نتلقاه في المدرسة عن المستعمر الفرنسي البيغض الذي كان يسوم اهلها سوء العذاب وينهب خيرات البلد يخال ألي أن القوم يتحدثون عن شرير من اشرار السينما الهندية وأفلام الكرتون ! ..

نعم .. المستعمر الفرنسي كان في نهاية المطاف مستعمر همه الوحيد نهب البلد .. ولكن .. كم عدد المستعمرين (الوطنيين !!) في سورية اليوم وفق هذا المنطق ؟؟ ..

الغريب في الأمر أن هذا (المستعمر !!) قدم خدمات لسورية، فعلى سبيل المثال يدين التنظيم العقاري في سورية لهذا المستعمر (البغيض) فهو الذي سن قانون السجل العقاري، وبدأ أعمال المسح العقاري، وحتى المخططات المستخدمة في ادارة السجل العقاري (الطابو) فهي في غالبها نتاج حقة الا ستعمار البغيض ! ..

وردة للوطن السوري (f)

Array


عزيزي خوليو؛
لا بد لكل بلد في البدء الاستقلال، ولا بدك تعملي متل "هومو مدري شو"، أنه يعيش الاستعمار ويسقط الاستقلال؟
بعدين لشو وقفت على 30 سنة يعني؟:D
مشان لما تيجي يكون البلد جاهز، مهو نحنا اللي بنعمل البلد .. وبدون استقلال كان الوضع برأيي أسوأ.
شوف هاي جزر القمر استقلت من كم سنة بس عن فرنسا وشوف كيف حالتها اليوم، وكيف في جزيرة اختارت ترجع لفرنسا.


شو بدك بالحكي، ما حدا بيبني البلاد غير أهلها.

محبتي
(f)
[/quote]


هناك فرق بين انتداب فرنسا لسوريا وبين الاستعمار الاستيطاني الصهيوني لفلسطين ...فهي لم تهجر السوريين ولم تحل محلهم فرنسيين ....بعكس حكمها بالجزائر ...


طبعا المقارنة هنا بين السيء والأسوأ ....برأي الوضع بأيام فرنسا سيء ولكن الوضع الآن أسوأ ....


وهل طارق أفندي زار الجزر المذكورة وقارنها مع سوريا حاليا ...من دون أن أزورها أنا اعتقد أنها أقل سوءا من سوريا ....كذلك المقارنة مهمة بين السوري القابل للتعلم والتطور بعكس القادم من أدغال إفريقيا ...ليس عنصرية ولكن السوري مر عليه عشرات الحضارات بعكس وسط إفريقيا أوجزر معزولة تم اكتشافها قبل 500 سنة ...

كل سنة وكل الاخوة السوريين بالف خير (f)

وتهنئة خاصة للأ خ العزيز حميد الغالي (f)

Arrayسبيشال ..
يا رجل .. إي البوستين بدهن كل هاللف والدوران .. كتوب موضوع قول فيه بدك بوستين منّي .. وما بدها تلف وتدور وتدخلي سوريا والجلاء والاستعمار والوطنية وما بعرف شو .. مشان هالبوستين ..

صدق فرويد لما اعتبر الوطنيّة عبارة عن عمليّة "تحويل" لليبيدو الجنسي المكبوت .. ..

[/quote]

بعد هالرد .. ماني عرفان إذا فعلا أنا اللي بدّي البوستين !!!
ودخلتلي فرويد هلئ .. وعملتني مكبوت وعرفان نفسيتي من أولا لآخرا .. لك يا زلمى .. اللي بيسمعك بيقول بفيق الصبح عنشيد حماة الديار .. وما بحكي غير باسم سوريا والوطن .. والقوميّة والوطنيّة ضاربة أطنابا عندي ..

بس أنا مقتنع بتجارب الناس اللي بنوا وطن .. يمكن أنا مجرد حدا بيحكي وبيعبّر عن حبّو للوطن ..
متل ما حكا طارق(f).. الإستقلال أول خطوة لنبني الوطن .. اللي بيحمي وبيبني مجتمعنا القوي .. اللي رح يربى فيه ابني وابنك وأخوي وأخوك ..

إذا إنت متصور إنّو وجود فرنسا لهلئ رح يكون أحسن من وضع هلئ .. فأنا مافيني أشوف هيك ..وبشارطك إنّك كنت رح تحكي إنّولازم نخلص من هيمنة الفرنسيين علينا .. وفرض ثقافتن .. ولازم نبلّور نحنا وثقافتنا .. وأول خطوة بالتحرر منن إلخ ..

خلينا نشوفك ..

عن إذنك حابب أروح هلئ أمارس تحويلي لليبيدو الجنسي المكبوت عندي بطريقتي :P(f)

Arrayهلأ إنت مو رايح عسوريا .. !! .. آ خاي !!
طيّب سماع لقلك .. بعطيك مهلة سنة زمان بسوريا .. منرجع بعيد الجلاء القادم منّاقش الموضوع .. ووقتها أظن رح آخد أنا دور "الوطني" ضد إنبطاحيتك [/quote]


فيني افتحلك صفحات عن الأخطاء والملاحظات والإنتقادات على بلدنا .. بعرف مانها منيحة بنظرنا وإن كان مو بكل الجوانب ..
بس هالشي مو أبدا بيعني أتمنى لو ضالل الفرنسي ومظبطلي مؤسساتي ومعيشني تحت كنفه .. من كل عقلك بعدين مفتكر الفرنسيين لو ضالين رح يبنوا بلدك متل ما عبيعملوا بفرنسا نفسها ..
لأ لأ .. رح يستفيدوا من خيراتها وما يسألوا لا عليك ولا علي .. وإلاّ ما كانوا طلعوا بالأساس

ودخلك ليش هالحكي هلأ .. طلعواوياريت ما طلعوا !!!!!!
عنّا وطننا .. من حقنا نفرح بعيدو .. وواجب علينا نبنيه .. مو لأجلّو قد ما لأجلنا نحنا ..

وهي جوريّة إلك من هون .. من سوريا :redrose:

Array..وبشارطك إنّك كنت رح تحكي إنّولازم نخلص من هيمنة الفرنسيين علينا .. وفرض ثقافتن .. ولازم نبلّور نحنا وثقافتنا .. وأول خطوة بالتحرر منن إلخ ..[/quote]

طبعاً يا سبيشال .. أنا ما عبناقش إنّي "أؤيد" وجود استعمار فرنسي لسوريا .. بالعكس فأنا "في حال وجودو" -ووجود أي تدخل أجنبي بالسيادة الوطنية من أيّاً كان- رح كون أول المقاومين إلو بكل الوسائل الممكنة بإيدي .. شأد ما كان هالاستعمار حنون و حبّاب معنا وابن ناس:)..

أنا كل يلي حكيتو فوق .. كان عبارة عن أحكام قائمة عمنطلق "نفعي" بحت .. ووفق هالمنطق بظن إنّو لو ضلّو الفرنسيين فاحتماليّة يكون الوضع بسوريا أحسن من الوضع الحالي أكبر من العكس .. على الأقل.. عالمستوى الثقافي يا أخي .. عمستوى تكرّس المفاهيم الثقافيّة التقدّمية .. طيب إذا مو الثقافي .. فالعمراني .. مو أكتر -مع إنو أظن كمان في أكتر- ..
بس هل "نفعيّة" الموضوع تكفي لإنو أيدو وطبّلّو وزمّرلو .. !!
أكيد لأ .. ماني من الناس يلي ممكن يساومو عبلادن بمقاييس برغماتية .. وهالفكرة مو واردة عندي أبداً .. أنا أؤمن بإنو الشعوب قادرة "تقلّع شوكا" بإيديها .. شأد ما كان هالشوك "معلّق" وإيديها "طريّة" ..


بنفس المنطلق مثلاً .. ولتوضيح الفكرة .. أنا ما ممكن أيّد مثلاً "مدينة أفلاطون الفاضلة" البرجوازيّة يلي رح تحقق الرخاء والتقدّم والحضارة والازهار .. مع إنو بمفهوم "نفعي" فهيّ "فاضلة" .. لكن بمفهوم "إنساني" و"تقدّمي" و"حداثي" (ولإني ابن فلسفة هالعصر) فهي مدينة دكتاتوريّة .. صلبها قائم "عالطبقيّة" .. تطعن بحقوق المساواة ..
لكن هل تنكر إنو هيّة "مدينة فاضلة" !!!!!


وهي جبسة من بستان النادي :97:


خوليو

خوليو
كل ود ..(f)