بداية وحتى تصبح مواطنا أردنيا يجب عليك إتقان الكشرة الأردنية فهذا من أهم ما يميز الإنسان الأردني عن الإنسان العادي

البوز الملوي … والحواجب المعقودة …. وإذا نظر إليك أحدهم فقل له بكل استعلاء:


(أبو الشباب .... ليش بتجح بخلقتي ..... مضيع بوجهي شلن؟)

http://www.alsrg3h.net/indexAr.html

هكذا تكون قد قطعت شوطا كبيرا نحو الأردنة


تابعا للنقطة السابقة ..... فلتسير على مبدأ

اللي بيطلع عليك بعين .... اطلع عليه بنص عين

يعني نظرة انقرافية بحته ...


أي بالكلمات الأردنية:


كلك على بعضك مش شايفك


تعلم فن التعصيب ... وأقل كلمه تطلع زيفك (عصبيتك)


عصب وصيح وبزق وأنت بتحكي


على شرطي المرور .. على الكونترول .... على سايق التاكسي


المهم تتهاوش هوشه يوميه


وتحرق وراها (باكيت) دخان



المواطن الأردني إنسان كالصخر خارق للمنطق والعادة .... ولا يخضع لأي عمليات حسابيه



نضرب مثال..


المواطن الأردني العادي بدفع إيجار بيت 150 دينار(عمان الشرقيه)

كهرباء وميه حوالي 20 دينار

عنده سياره قسطها الشهري 100 دينار(سياره عواي)



وترخيص على بنزين على زيت تقريبا بالشهر 150



دخان بمعدل باكيت باليوم (وهذا مش مدخن ... بيعفط تعفيط) بس 50 دينار شهري
احكي 150 أكل وشرب


وحوالي 30 بالشهر بطاقات شحن (إذا ما كان حبيب .... اذا كان بحب) بده 100 دينار
50 اله و 50 لحبيبته... ليش هي بتتنازل تشحن لحالها

(حبيت تحكي اشحنلي ما حبيت فيه غيرك كتييير)
صار المبلغ 650 تقريبا

وهو كل راتبه 250 دينار ....


كيف بتزبط معه ؟؟؟ الله اعلم


حتى تصبح مواطن أردني يجب أن يكون لديك أو امتلكت في يوم ما أو تحلم بأن تمتلك إحدى السيارات التاليه:
كيا سيفيا

هونداي اكسنت

زعرا BMW 320

نيسان سني (حصريا للتكاسي)


لف (والمقصود مرسيدس 200 موديل 82 وحتى 85)

أو 180 (المقصود مرسيدس موديل الستينات) ... وأنتا بتلفها براحتك




المواطن الأردني مواطن يحب المظاهر


يعني إذا لم يكن معك ولا قرش يجب أن تتعلم فن العرط

(العرط او الخرط او القص وهو الكذب والإدعاء بأنك مليونير)


أي أن تجلس مع الشباب وتوهمم أنك ولدت وفي فمك ملعقة ذهب مع أن الواقع هي أنك ولدت وفي فمك ملعقة خ** (كلمة مشفرة!!) بعيدن عنكو


يعني مارس فن التشبير وعلق الهامر على جنبك وفضي بكيت الفيلادلفيا ببكيت مارلبورو


ولكي تصبح مواطن أردني


يجب أن يكون أحد أقربائك من مواليد ألف وتسعميه وتنكه له سن ذهب


أو أن يكون جدك قد امتلك نصف الشميساني أو عبدون في يوم من الأيام .. وباعها بميتين ليره




حتى تكون مواطن أردني

عليك أن تكون دقرا .. تعلم المداقره


واحد دق عليك الباب احكيله مين ؟

بس يحكيلك أنا فلان ...... قوله ع طول لا مش أنت

المهم تداقر شوي على أي موضوع


حتى لو كنت عارف حالك غلطان


وحتى تكون مواطن أردني

يجب أن يكون لك واسطه في كل دائرة حكومية


قرابه أو نسب أو صحبه أو إبن عم خالة جدها لمرة جار أخوك
المهم تمشي حالك




حتى تكون مواطن أردني
تعلم فن التقسيط ...


موبايل أقساط

سيارة أقساط

أثاث بيت أقساط


جرابات أقساط
.....
لازم يصفي من راتبك كل شهر 13 ليره لانه الباقي أقساط!!!

وتعلم أن تجد كفيلا يكون (خروف)


(الكفيل الخروف: يعني كفيل أهبل يدفع عنك الأقساط التي تتهرب من دفعها)


علشان يخصمو عليه هو


ويخفف عليك شوي من أقساطك




مبروك ... أنت أردني


وسلامتكـــم من الهسهس

شوية مؤثرات:D











:D

:D
:redrose:

كمبيوترجي
كيفك مسيو

هدول الصور اللي انت حاططهم حاولت اضيفهم ما عرفت لساتني ما تعلمت التكنولوجيا متلك لساتني امية بهاي القصص يعني على قدي (يعني انت معلمّ)

فقلت اضعف الايمان بحط الرابط وهنن لحالهم ببحبشوا على الصور اللي الها خص وبلاقوها..

ما قصرت يا النشمي..!!؟





ليلاء

(بذرة لا زالت تنمو)(f)