(06-12-2009, 05:02 AM)إبراهيم كتب:  ...............
عزيزي ليلين:

دع كل واحد يقول كل ما في جعبته. هذه عينة بسيطة بس من ما وصل إليه حال الناس. ما كل هذا الهوس الديني؟! صراحة أعيش يومي بشكل طبيعي ولا عندي كل هذه الأرتيكاريا.

تعرف يا ليلين: في عام 1987 وقف واحد جارنا ورأى الناس المتجمهرة في غرفتي وسط استجوابات تشبه استجوابات كالتي تراها هنا. ولكن طبعاً هم أسئلتهم كانت على شاكلة: هل الأقباط أعطوك مال؟ هل هناك بنت قبطية لحست عقلك؟ إلخ.

فجأة قام واحد جارنا وقال: ما تخلصونا يا جماعة.. يا إما تقتلوه يا إما تسيبوه وكل واحد يروح داره.

سمعت كلمة "يا إما تقتلوه" ولم أصدق ما سمعت بأذني.

بكل سهولة صدقني يا ليلين قالها.

والإنسان على مر العصور يقبر أخاه بإسم الدين والثوابت الميتافيزيقية وربنا يلطف بينا. أنت مستوى يا ليلين وهم مستوى تاني خالص. لا عليك منهم. دع كل نفس متقيحة تخرج ما بداخلها من صديد. اعتبرها قراءة في الظاهرة التي نعيشها حالياً وربما عملت عليها بحث ماجستير أو دكتوراة.. باتكلم جد.

---

نعم يا إبراهيم هؤلاء مرضى بكل مقياس ،و لكن هذا هو حال النادي الآن ، فهناك مجموعة دون المستوى تسللت للنادي و تمارس أمراضها في غفلة من أي رقابة ،و أتمنى ان تنتهي هذه الظاهرة ، إلى ان يتم ذلك فثق ان لديك هنا أصدقاء قادرون و لن يتهاونوا في واجب الصداقة ، فقط ننتظر موقف الرقابة[/color] إحتراما لنادي نتشرف بعضويته .

---

(06-12-2009, 05:53 AM)عاشق الكلمه كتب:  تصدق ياعم بهجت انك قفلت دمى ع الصبح !!

هل انا وجهت كلامى لك حتى تخاطبنى وكأن مداخلتى موجهه لك ؟؟ انا مداخلتى موجهه للجميع , وبما ان بها اقتباسا من كلام بهاء فربما بهاء هو الوحيد الذى له الحق فى اعتبار ان مداخلتى موجهه له .

ثم اين رائحه التعصب فى مداخلاتى ؟؟

انا لن اعلق على بقيه مداخلاتك لشعورى انها ليست لى , وانما موجهه لمن لا تريد توجيه الحوار له , لكن ما استفزنى حقا هو جمعك لى مع من يكرهون ابراهيم ...

...............
صدقنى اكثر ما يستفزنى هو ان يفهمنى احد على محمل خطأ , ولا ادرى ان كان ذلك سوء فهم من الاخرين ام سوء تعبير منى , ومنذ فتره خسرت علاقه كنت اعتز بها جدا لهذا السبب , وهو سوء الفهم .

انا اسف على الاطاله

يا عاشق .
رجاء خاطبني ببهجت فقط ، فحكاية عمك دي مش عجباني .
تقتبس مداخلة موجهة ضدي ثم تطالبني بعدم الرد عليك حفاظا على عدم قفل دمك .
ايه الحلاوة دي .
راجع كل كلمة لي لتجدها في مكانها الصحيح .

(06-12-2009, 05:01 AM)ليلين كتب:  لكن أخبرني، ما الذي يمكن أن يعنيه إن كانت تطوعية أم برعاية مؤسسة؟ هل إحداهما خطأ والثانية صح؟ هل إحداهما خطر والثانية لا ضرر منها؟ ألا تنتج الترجمة في الحالتين؟

بعبارة أخرى، ما القصد من سؤالك؟

القصد من سؤالى يا عزيزى انا اوضحته فى مداخله سابقه ....

ابراهيم عرفات بلدياتى الفلاح القادم من خلف الجاموسه ومن اسره مصريه مسلمه لا يجب ان يضع نفسه او ان يكون سببا فى تأجيج مشاحنات طائفيه على الانترنت وان يكون احد فرسانها , فلا اعتقد انه انسلخ تماما عن اهله ووطنه ونسى ان له اب او ام او اخوه فى مصر لو اندلعت حرب طائفيه فربما طالتهم واكتووا هم ايضا بنارها .

سوا كانت الترجمه بجهد تطوعى او برعايه مؤسسه , فكان يجب عليه ان لا يشارك ولو باسمه فى هذا القرف , فلو انى انا مكانه لجعلت ايمانى وقناعاتى امر شخصى داخلى بينى وبين خالقى ولا شأن للاخرين به , ولم اكن ساجعل من قصتى مثالا ومن نفسى نبراسا يحتذى , ولك اكن سأتطرق الى هذا الامر الا ع الطاير وفى مناسبات قليله وباقتضاب واختصار شديدين .

كما قلت وكما قال بهاء ان قصه ابراهيم والقصص المشابهه كانت سببا فى الاحتقان الطائفى الذى نشاهده على الانرنت والفضائيات وسينزل قريبا الى الشارع فى طبعه بشعه .

(06-12-2009, 03:38 AM)Guru كتب:  المشكلة ليست في عبثية القصة و تراخي عقول مصدقيها. المشكلة هل لو حدثت تلك القصة فعلاً ألم نكن لنسمع عنها و ألم تكن الصحافة لتكتب عنها وقتها؟ هذا هو السؤال!

سواء حدثت تلك الحدوتة أم لا، فموقفي من إبراهيم ثابت و هو أنه يتلوّن كل فترة بلون جديد، هذا ما يضايقني في إبراهيم بوجه عام وهو عدم التمسّك بأراءه التي كاد يموت من أجلها، على سبيل المثال إبراهيم مثلاً يسبّ المسيحية ويلعنها و في نفس اليوم يحدثنا عن قصته الميلودرامية التي كادت تتسبب في مقتله، فقد دافع عن المسيحية و ترك الإسلام الذي كاد أهله أن يقتلوه! أشياء كتلك تجعلك تفقد المصداقية في من يروي تلك القصة أصلاً، ثم بعد فترة يحدثك عن عظمة الأخوة السعوديين و قبح المصريين الذين تربى معهم، و في نفس اليوم تجد له مشاركة عن تخلّف الوهابية التي حولت مصر لجحيم!

أمثلة التناقض في إبراهيم لا تحتاج لتذكير، ولكن تحتاج للتعلّم فقط! ماذا قد يحدث للإنسان عندما يبيع مبادئه و نفسه و عقله و فكره و أفظع شيء....انتماءه لبلده! عكس أعضاء كثر هنا..لن أذكر أسمائهم فهم يعرفون أنفسهم! ورغم عيشتهم المترفة في دول الخليج أو أوروبا أو أمريكا، إلا أن بلادهم و عشقهم لها هو المحرك الأساسي لوجودهم في نادي الفكر أصلا!

عموماً شخص كإبراهيم لا يمكن الوثوق في رواياته للأسف!، الزميل بهجت يرى أن إبراهيم "ليّن" و لكن الوصف الصحيح هو "متلوّن" فاللين هو ما قد نراه يحدث من الحكيم الرائي مثلاً عندما "يكبّر دماغه" عن المشاكل و يعود بنفس طيبة ليتحاور مع من كان يشاكسه، أما التلوّن هو أن أبيع قناعاتي كل يوم من أجل مكاسب وهمية أصلاً، فما بالكم لو كان هناك مكاسب حقيقية على أرض الواقع....ألن يتلوّن من أجلها؟


المشاركة كلها شخصنة × شخصنة و لكن الزميل إبراهيم هو من لم يرفض التحدث عن تجربته و التي جزء منها شخصيته !

و أخيراً أقول هنا على الملأ....هل تستطيع يا إبراهيم أن تعطينا أسمك الحقيقي أثناء وجودك في مصر و تستطيع تزويدنا بالأسماء الحقيقية لبلدك و محافظتك و أهلك؟ طبعاً الإجابة هي : لا أستطيع خوفاً على حياتي. وعلى مستقبلي وووووو....ولكن الحقيقة هي أن القصة كلها هجصة كبيرة و أنت نفسك لم تعد تصدقها و لم أقتنع بها أبداً منذ قرأتها أصلاً!

شيء وحيد سيعيد لك إحترامك لنفسك و إحترام الجميع لك و هو الإعتراف بأن تلك الرواية هي محض إفتراء في فترة ما كنت تكره الإسلام فيها و ها قد عدت لرشدك و الحمد لله ستترك تلك الأفعال المشينة ومش هتعملها تاني و هتسمع الكلام وتبقى مؤدب وتشرب اللبن كل يوم وتبطل تلعن دين أم مصر اللي عيشتك في خيرها لحد ما ادتك الكلية ببلاش و اللي طبعا مش هتقدر تدخل حد من عيالك فيها إلا لو كنت عامل خميرة كويسة واللي مش أكتر من 25% من الأسر بتقدر توفرها في أمريكا و بعدين طيرت على برة وبقيت تلعن مصر ليل و نهار!

حاجة تقرف أن يخسر الإنسان نفسه...فعلا شيء غاية في التقزز.

للرفع

كلامك موضوعي ومنطقي

وعيب يعدي عليه ٣٠ مشاركه دون التعليق ليه من صاحبنا والمدافعين عنه ، لانهم لا يجدون الا الرد علي اخطاء الاخرين ورسم صوره انهم مسامحين ولطفاء وعفيفي اللسان

(06-12-2009, 05:54 AM)بهجت كتب:  يا عاشق .
رجاء خاطبني ببهجت فقط ، فحكاية عمك دي مش عجباني .

حاضر يا عمى

(06-12-2009, 05:54 AM)بهجت كتب:  تقتبس مداخلة موجهة ضدي ثم تطالبني بعدم الرد عليك حفاظا على عدم قفل دمك .
ايه الحلاوة دي .
راجع كل كلمة لي لتجدها في مكانها الصحيح .

انا لم اقتبس المداخله ياعزيزى , انا اقتبست سطرين منها يعبران بوضوح اكثر عن وجهه نظرى , وقلت انى اتحفظ على لغه بهاء وذلك نظرا لان السطرين فيها اهانه موجهه لابراهيم , وحتى لا يعتقد ابراهيم انى اوافق بهاء على تلك الاهانه , وانا لم اراجع مداخلاتك , وانما راجعت مداخلتى انا لارى ما الذى اغضبك منها , وها هى المداخله ....

(06-12-2009, 03:06 AM)عاشق الكلمه كتب:  

(06-12-2009, 02:41 AM)بهاء كتب:  لو كنت فعلا مؤمن بالعلمانية - ومش بتاجر بيها انت راخر , كنت واقفت ضد كاهن الافكين هذا لان بسببه حتى الان وبسبب أمثاله الوف الشباب تنضم يوميا الى الجهاد الألكترونى , بسبب هذا المغفل والللى عمله زملاءه " أباظة وناهد " ظهرلنا " حليمو ووسام والشيخ عبد الرحمن وبيبو و أتماكا و الزعيم رقم صفر و و من ألوف الشباب ضاعت بسببهم " .

رغم تحفظى على لغه الخطاب اللتى يستخدمها بهاء الا انى سمحت لنفسى ان اقتبس هذا المقطع الذى يعبر بشكل افضل عن مقصدى من كلامى الموجهه لابراهيم فى مداخلاتى ..

التجارب والتحولات الايمانيه هى تجارب روحانيه خاصه بأصحابها ولا شأن للاخرين بها وقد لا يملك الاخرين القدره على تفهمها وتفهم اسبابها , تماما كما يفعل نيوترال ويسخر من ميلودراما ( بحبك ) , ولا اجد سبب وحيد يدعو ابراهيم الى كتابه قصته ونشرها بكل الوسائل المسموعه والمقرؤه سوى ما اشار له بهاء , وهو انه خدمه لاهداف تبشيريه .

وقسما بالله انا لايعنينى ان كان ابراهيم مبشر او لا , او اذا كان ذلك هو عمله الرئيسى اولا , او اذا كان يتكسب من هذا العمل او لا , كل ذلك لا يعنينى بذره لانى لا اعرفه ولا يعرفنى , كما انى لن اتأثر بذلك لا بالسلب ولا بالايجاب , واعتقد ان ذلك ايضا لا يعنى الجميع , ولكن ما يعنينى ويعنى الاغلبيه حقا هو كما قال ابراهيم نفسه وهو ان نقدم الحب للجميع ونستقبل الحب منهم , وتلك القصه لا تخدم هذا الهدف ابدا , وقد اوضح بهاء انه بسبب مثل تلك القصص انضم الالاف من الجانبين الى الجهاد الالكترونى , واخشى ما اخشاه ان يتحول الجهاد الالكترونى الى جهاد فى ميادين القتال .

ثم يأتى ابراهيم نفسه ويتحدث عن الطائفيه والتمييز ضد الاقباط ويتحفنى بروابط عن احداث عنف بين مسلمين ومسيحيين على انها احداث طائفيه ويدين ويستنكر ذلك !!

هل تستطيع ان تشير الى ما اغضبك فى تلك المداخله او الى ما اوحى لك بأنى اكره ابراهيم ؟؟

هل عندما اختلف مع ابراهيم فى طريقه تفكيره او اسلوبه او اهدافه فيعنى ذلك بالضروره انى اكرهه ؟؟ وهل عندما اعبر بطريقتى واسلوبى وقناعاتى انا عن ما كان يجب ان يكون فهل ترى فى ذلك كراهيه وتعصب ؟؟

يعنى جاوبنى علشان انا عاوز افهم برضو الناس بتفكر ازاى !!

(06-12-2009, 01:56 AM)الحكيم الرائى كتب:  نترال يعنى ايه مسيحى تايوانى ومسيحى اصلى ؟!!هل زعلك ان ابراهيم مسيحى تايوانى واستطاع ان يكون دائرة حوله ما ,ما المشكلة بين المسيحيين الذين يمتهنون الدين من حقق نجاحات اكثر من ابراهيم وركب المرسيدس الاخر موديل وعنده طيارة خاصة ؟ موش فاهم كلامك يانترال وحتى لا اقولك مالم تقصده ياريت توضح لنا قصدك بحكاية ان ابراهيم تايوانى وصعبان عليك اللى هو فيه وتتمنى مثلا لو قطقط مكانه وترى ان ابانوب اكثر ايمانا وعمقا منه؟!!!!!

مسيحى تايوانى يعنى مصطنع يعنى عامل مسيحى لكنه فى الحقيقةdoesn't give a fuck والمسألة بالإضافة للإحساس الشخصى وأن كلماته تصل إلى على إنهpretending and not for real فهناك دلائل موضوعية..... من أين سمع أبو خليل بالمسيح? فى التلفزون أم الإعلانات المبوبة بالأهرام أم فى موقف الميكروباس بتاع بلدهم? إبراهيم سمع عن المسيح من الإنجيل ونفس هذا الإنجيل الذى سمع إبراهيم من خلاله عن المسيح به عدد لانهائى من التناقضات والأخطاء والهرتلة فوق قدرة أى إنسان أن يدافع عنها وهنا يظهر معدن المسيحى الأصلى من التايوانى.... المسيحى الأصلى سيدافع عن كتابه بشتى الطرق والوسائل الممكنة ولن يقر أبدا بخطأ واحد بالإنجيل وسينحصر دفاعه غالبا فى أنت فاهم غلط, أنت أقتطعت الفقرة من سياقها, أنت جاهل, أنت إبن قحبة بل وعنده إستعداد لتعريض نفسه للسخرية والإستهزاء فى سبيل الدفاع عن كتابه وأكبر مثال على هذا أبانوب فأبانوب عنده إستعداد أن يقول بأن الديناصورات هى التنانين العضام واللى مش عاجبه يضرب دماغه بالحيط!! لكن إبراهيم لأ وعندما يرى القضية خسرانة يفتح ويبتدى يستهبل بل وعنده إستعداد إنه يستهزئ بالإنجيل علشان الموضوع يعدى وميتزنقش فى كورنر ومشغلها نظام هناك إختلاف فى مفهوم الوحى بين الكتاب المقدس والقرأن, دى لازم نفهمهاmetaphorically , دى كان ربنا بيهزر ودى كان ربنا عنده إمساك إلخ ولو راجل أمسكه فى حاجة, طيب ياعم الحلو لو دى metaphorical ودى بيهزر ودى عنده إمساك ما جايز برضه المسيح نفسه تهريج ولا metaphorical ولا نتيجة إمساك!! والقصة ومافيها إن الراجل نجح فى الحصول على فيزا أمريكا عن هذا الطريق وعرف يسلك نفسه لكن إذا كان الإنجيل ولا المسيح هيعمله صداع فبلاش منه أحسن!!

المشكلة ليست فى إبراهيم لوحده ولكن وبسبب الظروف الإقتصادية المصريين أصبحوا كائن هلامى عديم اللون والطعم والرائحة ومن الملاحظ أن المصريين لايحلو لهم القيام بعمليات التحول إلا فى مكانين; الخليج وأمريكا !! والحدق يفهم وعلى العموم كل واحد حر يعمل اللى يعمله لكن وعلى رأى المثل قعد عوج وأتكلم عدل ومتوصلش إنه يشتمنا ونسكت له!!

---

اقتباس:تعرف يا نيوترال.. سأقول لك على سرّ:


برغم كل خلافاتنا ومشادتنا هنا وهناك في هذا الموقع فأنت شخصيتي المفضلة في نادي الفكر وأحبك جداً.

ربما أقول هذا لأني أعرفك جيداً ولنا دردشات ودردشات بالتلفون ولست مجرد شخصية افتراضية لي.


نريد المزيد من تألقك الحواري واسلم لنا يا ملك الكوميديا والفكرة في نادي الفكر.

سجدنى ياواد كمان سجدنى
أنا لن أضحك عليك وأقول لك إنك شخصيتى المفضلة لكنى بالفعل لاأكرهك وأراك شخص طيب وعلى نياته لدرجة تصل أحيانا للسذاجة ولكن having said that فهذا لايعطيك مبرر أن تسبنا على الملأ وخاصة وكما قلت لك سابقا فهى ليست المرة الأولى وأعتقد أنه فى المرة القادمة التى سيتلاعب برأسك الشيطان لفعلها وبسبب ماحدث ستفكر فى عاقبة ماتفعله وتعيد فيه النظر.

أنا لم أطالب ولو لمرة واحدة بغلق شريط لك ولم أبلغ ولو مرة واحدة عن مداخلة لك ومن حقك أن تعبر عن نفسك كما تريد وأعلم أنى بتصرفى معك لن تغير رأيك بل ستزداد عنادا لكن أنا لايعنينى أن تغير رأيك أو لا وكل مايعنينى أنك لاتسبنا فى مكان أنا متواجد فيه.... عايز تشتمنا نو بروبليم وبراحتك وعندك المنتديات مالية الدنيا لكن هنا لأ نقطة ومن أول السطر.

(06-12-2009, 05:02 AM)إبراهيم كتب:  عزيزي ليلين:

دع كل واحد يقول كل ما في جعبته. هذه عينة بسيطة بس من ما وصل إليه حال الناس. ما كل هذا الهوس الديني؟! صراحة أعيش يومي بشكل طبيعي ولا عندي كل هذه الأرتيكاريا.



بكل سهولة صدقني يا ليلين قالها.

والإنسان على مر العصور يقبر أخاه بإسم الدين والثوابت الميتافيزيقية وربنا يلطف بينا. أنت مستوى يا ليلين وهم مستوى تاني خالص. لا عليك منهم. دع كل نفس متقيحة تخرج ما بداخلها من صديد. اعتبرها قراءة في الظاهرة التي نعيشها حالياً وربما عملت عليها بحث ماجستير أو دكتوراة.. باتكلم جد.

---

انت بتخرف بتقول ايه يا ابراهيم ...

اين هو الهوس الدينى ؟؟ بهاء ملحد وانا مسلم , فهل تقصدنى انا بالهوس الدينى ؟؟

اين الهوس الدينى فى مداخلاتى ؟؟ واين الصديد الذى يخرج منى ؟؟ شاور عليه بسرعه علشان اسد الحنفيه بالضبه والمفتاح .

انتوا مبتفهموش ولا انا اللى مبفهمش ؟؟ نفسى حد يطلع بجمله واحده من مداخلاتى ويقولى الجمله دى فيها هوس دينى او انها تنضح بالكراهيه تجاه ابراهيم .

فاكر من حوالى سنه لما اتماكا عمل موضوع عنك ومسكك تقطيع هو واحمد ومعظم المسلمين وكان اول موضوع يشير الى عملك التبشيرى , ودخل ايضا بعض الاخوه الاحباب من الملحدين واستفاضوا فى شرح تناقضاتك وما الى ذلك ؟؟ كنت الوحيد ايضا الذى دافع عنك , وطلبت من احمد واتماكا الانتهاء والاكتفا بذلك , وقلت ان هذا هو ابراهيم عرفات , فمن اراد ان يعرفه على ذلك اهلا وسهلا , واللى مش عاوز يعرفه يسكت ويريحنا , وقد استجابا احتراما لى وانتهى الموضوع .

جاى النهارده تقوللى هوس دينى وصديد ؟؟

اذا كان اصل خلافى معك الان هو انى من يتهمك بالترويج للطائفيه والهوس الدينى , جاى انت تجيب اللى فيك فيا انا ؟

فينك يا احاه علشان تقول احه ؟

والله غريب امرك ,,, منذ يومين فقط كنت انا عاشق الكلمه نوعيه فريده متسامحه وياريت اكثريه المسلمين مثلى , واليوم انا مهووس دينيا واتقيأ صديد .

صلاه النبى احسن ,,, ما ترسالك على موقف يا اخى .

---

(06-12-2009, 06:33 AM)neutral كتب:  سجدنى ياواد كمان سجدنى

سبحان الله ...

رغم انك عمرك فى حياتك ما سجدت لكن استطاع ابراهيم عرفات انه يسجدك غصب عنك

من لم يسجد لله طوعا هيسجده ابراهيم عرفات كرها

(06-12-2009, 05:07 AM)Albert Camus كتب:  معلش الرسم بتاعي مش قد كده
ولكن لم أستطع مقاومة الفكرة

عجبك الفضايح دى ياعم إبراهيم? خليت رقبتنا زى السمسمة قدام الناس!

إحنا أحسن حل ناخد هدنة من بعض ونواصل فى مناسبة أخرى وبالمناسبة مشفتش الواد إبنى أحاه? الواد مختفى بقاله يومين وخايف يكون عمل فى نفسه حاجة.

(06-11-2009, 03:43 PM)بهاء كتب:  يعنى انت مش مشكلة عندك القيام بأى نشاط تبشيرى هينتج عنه رد فعل معاكسة وتجييش للجماهير الحمير فى معارك دينية عقيمة , مش مشكلة عندك ان مجتمعتنا الان بتعانى من أثار ردات الفعل المعاكسة من زمن حرب افغانستان والتيارات الوهبية المدعومة بالنقد السعودى . مش مشكلة عندك نهائيا ان بسبب هؤلاء الحمير انتقلت ثورة الاسلام على الانترنت , وأقسم بسلنتوحة المقدس انى قابلت ناس كتيرة وكنت انا شخصياً سبب دخولهم فى دومة التيار السلفى جملة " انا لقيت واحد اسمه زكريا بطرس بيشتم ... انا كنت بعمل بحث لقيت موقع اسمه اسرائيليات نازل شتيمة فى الأسلام ... انا لقيت واحد بيشتم فى الشعرواى " وللمفارقة المضحكة صاحب موقع ابن مريم الاستاذ عمرو بن العاص قالى فى مرة : ان سبب انشاءه للموقع كان بسبب قصة الشعرواى اللى نشرها الواد اللى اسمه أباظة .

لحد إمتى المسلمين يطالبوا إنهم يتعاملوا معاملة خاصة ؟
بمعنى المسيحيين من زمان و هما متعرضين لإساءات كتيرة
إيه المشكلة لما يحصل العكس بقى ؟!
هتحصل هوجة و هيصة .. لازم يحصل كده

لما تتعمل شوية رسوم دانماركية عن الرسول.. الدنيا تتقلب
رغم إن المسلمين بادئين بمهاجمة الأديان و العقائد الآخرى و عدم السماح لهم بحرية التعبد فى دولهم
يبقى لازم المسلمين يدوقوا من نفس الكأس

المسيحيين شافوا كتير إساءات للمسيح و العدرا فى أفلام و رسومات
ثاروا فى الأول و كسروا سينمات برضه
لغاية لما بعد كده عرفوا إن " للكعبة رب يحميها "
لازم المسلمين يمروا بالمرحلة دى عشان يكتسبوا النقطة دى

مثال حى .. النادى هنا
تفتكروا لو طلعت رسوم تانية مسيئة للرسول مثلا .. هل الأعضاء المسلمين هنا تتوقعوا إنهم هيخرجوا فى تظاهرات همجية يكسروا و يحرقوا و يتوعدوا ؟!
أعتقد لأ ..
عشان خلاص عدوا المرحلة دى
و المفروض إن كل المتدينيين يعدوا المرحلة دى
مش لازم " نحسس " على كل دين عشان الناس مش تزعل
مش لازم نراعى المسلمين بس و نقول مش عاوزين نعمل فتنة طائفية
لو مكنتش عاوز تعمل فتنة طائفية مكنتش تسمح بواحد زى الشعراوى و لا زغلول النجار و لا أبو إسلام يطلعوا يقولوا القرف بتاعهم ده
لو عاوز تراعى المسلمين يبقى تراعى كل أصحاب الأديان
أو على رأى عادل إمام " يا نعيش عيشة فل .. يا نموت إحنا الكل " !

النكتة ..
الخبر اللى قريته إن الدول الإسلامية بتطالب مش فاكر فى الأمم المتحدة و لا فين
بتطالب بإصدار قوانين أو قرارت ضد إحتقار الأديان
طبعا إفتكروا إحتقار و إذدراء الأديان بس بعد ما رسوم الدنمارك طلعت !!!

(06-11-2009, 03:43 PM)بهاء كتب:  فى وقتها كنت بقرأ وأجادل بعنف لانى كنت عايز أفهم : هو انا قضيت طول عمرى حمار بردد وأدافع عن ما لقنت وانا صغير ؟ ولا هما اللى حماير .

وأقتضت المرحلة انى أصادق وأتكلم مع ناس بالهبل أغلبهم حاليا فى البلوك عندى او محدش فينا بيعبر التانى لانى زى ما قولتلك : خلص وجدت ما كنت أبحث عنه , ونزلت الستارة من على عينى وأصبحت أرى الناس فعلا زى ماهما . فأنا يا زميل كنت على الأتصال ومعرفة بالتيار الاصولى بداية من أصحاب منتدى الجامع الاسلامى مرورا بأبن مريم وانت طالع على التوحيد وكل ما تبعه من منتديات . فضلا عن ان اسمى فى البالتوك كان معروف لشوية أعضاء منهم صاحب شبكة الحقيقة trutheye , وطبعا منهم أنت وناس كتيرة . أغلبهم ناس كويسة , لكن ما يحملونه من افكار وصل بينى وبينهم الى مرحلة التصادم ..

تجربتك إنت يا بهاء جديرة أيضا بالمناقشة و الدراسة

إنت كنت مسلم عادى
و من بعدها إشتركت فى منتديات إسلامية متطرفة زى بن مريم مثلا و وصلت للإشراف فيها
و ممكن تكون إشتركت مع المتطرفين دول نتيجة لتسخيين حصل لك من مواقع قبطية معينة بتهاجم الإسلام

إزاى بقى قدرت تخرج من دايرة التطرف و التعصب دى ؟!

و مش شرط يكون الإلحاد هو الحل الوحيد للخروج من دائرة التعصب دى
أعتقد فيه مسلمين برضه بعد فترة من مجادلات النت الحمقاء دى أكيد فاقوا و عرفوا إن الحكاية كانت كلها مراهقة فكرية و لعب عيال
و برضه فضلوا مسلمين ..
لكن مسلمين دماغهم أكبر من إنها تتآثر بكلام لواحد زى زكريا بطرس أو غيره

يمكن لولا المواقع القبطية يا بهاء اللى إنت بتقول إنها سبب فى الفتنة الطائفية
كان زمانك دلوقتى لسه مسلم عادى - أو مسلم تايوانى بحسب تعريف نيوترال ..
يمكن .. مين عارف

يمكن لولا المواقع القبطية اللى شايف إنها سبب فى الفتنة الطائفية مكنتش تتوقع وجود منتديات كاملة للملحدين العرب !

مش بمدح المواقع القبطية دى
لكن أقصد إن مجال الحرية ع النت خلى كل واحد يقول اللى فى نفسه كله
خلاص مبقاش حد فى نفسه حاجة و مقالهاش
خلى المجال مفتوح بصورة أكبر
مبقتش النظرة مسلم أو مسيحى بس
بقى فيه كمان هندوسى و بوذى و ملحد و لا دينى

فيه عبارة عجبتنى قالها الزميل بهجت وسط الكلام
" العقائد الدينية لا تلائم الرجال الأحرار ولا تعنيهم "

اقتباس:ليه مصر بالتحديد اللى ظهرت فيها هذه الحركات التبشرية الحادة جدا فى الخطاب , لدرجة ان احمد ابو أسلام فى احد المرات وهو فى زيارة فى السعودية لاحد الامراء . وهو عمال يتكلم معاه يطلب منه دعم مالى من اجل مكافحة التنصير , الراجل قاله بالحرف " التنصير ده مشكلة أقباط مصر , مش مشكلتنا " .

كل ده يقودك الى تساؤلات غريبة , وفى البداية حتى وان حاولت ان تفهم منطق هؤلاء فى التبشير - لكن بعد كده تلاقى ان الامر غير مستوى معهم . منين انت تسعى الى الحوار ونازل شتيمة فى محاورك ؟ مين اللى واقف وراء البالتوك , وبيدفع مرتبات منتظمة لاتحاد الدولى فى شتيمة مسلمين مصر ؟

واشمعنى مسلمين مصر بالتحديد ؟ وليه كل الدعاة المبشرين اللى سامعين صوتهم من اصل مصرى ؟

شفت بقى ...
أهو ده اللى قاله إبراهيم فى موضوعه عن التطرف و الشخصية السعودية

البالتوك موجود فى كل مكان .. مش فى مصر بس
ليه تآثيره ظاهر فى مصر بس ؟
و لو كان البالتوك ممنوع فى السعودية و عشان كده مالوش تآثير ع الشخصية السعودية
طب ليه ما إتمنعش البالتوك فى مصر ؟!

و لا يكونش الأقباط هما اللى دخلوا الإنترنت فى مصر مخصوص .. و عملوا مشروع حاسب لكل بيت مخصوص
و ستبوا البالتوك مخصوص فى كل بيت مصرى عشان يستقصدوا المسلمين المصريين بالذات !!!

اقتباس:القصة ومافيها إن باراهيم عامل نفسه قال يعنى الواد منفتح على الثقافات المختلفة وأفقه واسع علشان يجيب رجل الزبون وهو أساسا لم يقرأ كتاب واحد من الذى يضعهم وكل المسألة إنه عايز زبونين سعوديين يمشى بيهم نفسه لغاية لما تفرج.

مينفعش يا نيوترال ..
عشان تجيب رجل الزبون لجهة محددة يبقى لازم توجهه للجهة دى و تحاول تخفى عنه أى حاجة تانية

أبونا زكريا مثلا بيجيب كل صغيرة و كبيرة فى الإسلام عشان ينتقدها
عمره ما هيجيب نقطة واحدة لصالح الإسلام ..
حتى لو كانت فيه حتة جميلة فى الإسلام فعلا .. هيخبيها أو ع الأقل ممكن يقول إنها موجودة أصلا فى المسيحية

مش معقول أبشر عن المسيحية - كوظيفة أو مهنة يعنى - و أنا بنشر كتب عن جمال و جلال الإسلام
قد يكون الزميل إبراهيم عنده إتجاه تانى للتبشير .. و هو تطبيق قول المسيح
" ليضيء نوركم قدام الناس، لكي يروا أعمالكم الحسنة و يمجدوا أباكم الذي في السماوات"

اقتباس:فينك يا احاه علشان تقول احه ؟

والله غريب امرك ,,, منذ يومين فقط كنت انا عاشق الكلمه نوعيه فريده متسامحه وياريت اكثريه المسلمين مثلى , واليوم انا مهووس دينيا واتقيأ صديد .

صلاه النبى احسن ,,, ما ترسالك على موقف يا اخى .

أحاه صحيح يا عاشق

(06-12-2009, 07:51 AM)neutral كتب:  [quote='Albert Camus' pid='391746' dateline='1244772462']
مشفتش الواد إبنى أحاه? الواد مختفى بقاله يومين وخايف يكون عمل فى نفسه حاجة.

بابا , بتسأل عنى يا بابا ؟ أخيرا ندمت وقررت تعترف بأنك " بابا " وتتدينى كل فلوسك , وتشحت فى الشوارع عسى انى اسامح واغفر لك ... يا حببيبى يا بابا , سبحان عوضين ومعجزاته

اقتباس:لحد إمتى المسلمين يطالبوا إنهم يتعاملوا معاملة خاصة ؟
بمعنى المسيحيين من زمان و هما متعرضين لإساءات كتيرة
إيه المشكلة لما يحصل العكس بقى ؟!
هتحصل هوجة و هيصة .. لازم يحصل كده

طبعا يا جريج مع احترامى وحفاظى على صداقتنا لكن انا لا يسعنى الا انا اقولك ان كلامك مش صحيح .. المجتمع بما وصل اليه من دحل ثقافى وبداية خطوه على مجتمع تعددى لن يقبل مثل هذه الهجمات بشكل سوى , فضلا عن ان تدنى مستوى المعيشة والتعليم بيجعل هؤلاء لقمة سائغة لتيارات اصولية هتسعى الى تجنيد جنود على أسس جديدة .

وبما ان حضرتك رجل مدافع عن المسيحية وواخد الموضوع جد زيادة عن اللزوم , فياريت تقولى هل الكنيسة كانت بتلعب قبل أقباط البالتوك فى " تفنيد الاسلام والرد على حججه ؟ " الكتب كانت موجودة ومتداولة بين أبناء الجماعات المسيحية . وأنا شخصيا قريت فى كتب كتبه البابا شنودة انه " شرط الترقية هو كتابة كتب ترد فيها على الأديان الاخرى والعقائد المسيحية الاخرى التالفة من وجهة نظرهم " . وكانت الكتب موجودة بداخل الكنيسة المصرية , وكل الناس من المسيحين قادرين على الوصول اليها بل على العكس تجد تسجيلات لأنبا بيشوى والبابا شنودة بيرد فيها على موضوعات يعاد طرحها الان وتركيز الضوء عليها ...


مما يجعلنى أشك فى دوافع هؤلاء المسيحين الجدد , اللى ظهروا على البالتوك وأنتشروا على الأنترنت فى مظهر هو اقرب للتنظيم منه للعفوية . والفضائح اللى حصلت بعد كده من اكتشاف ان الناس دى بيدفعلها فلوس ؟ ومرتبات منتظمة وارقام غبية جدا ... فلو كانت حجتهم هى مهاجمة الاسلام والانتقام منه , فعشان ايه ؟ وليه تهاجم ؟ وايه نتيجة الهجوم ؟

المسيحين فى مصر 8 مليون , والمسلمين 70 مليون ... تخيل انت لو حصلت مجزرة جماعية المسيحين دول هيروحوا فيه ؟ ده مجرد حتة مسرحية " كنت أعمى والان ابصرت " اسكندرية كلها اتلمت فى محرم بيه , ولما البقر مطالوش حد ضربوا راهبة غلبانة فى صدرها . والغرابة ان اللى ضرابها واحد بيبع مخدرات على ناصية الشارع ... فهل بجد انتوا عايزين تنقلوا الصراع ده للشارع , او على الانترنت ؟

القوانين فى مصر ماشية ببطء فى صالح الجميع , فكل ما نتخلص من شر الارهاب نحصل جميعاً على حقوقنا او يحصل جميع أهلنا والناس اللى قاعدة فى مصر على حقوقهم , لكن هل عشان نطفى نار الاصولية نوجهها بأصولية معاكسة ؟

بصراحة مش قادر أفهم

لو مكنتش عاوز تعمل فتنة طائفية مكنتش تسمح بواحد زى الشعراوى و لا زغلول النجار و لا أبو إسلام يطلعوا يقولوا القرف بتاعهم ده

طبعا كلام مغلوط , لو افترضنا ان عاشق هو رجل دين للاسلام , وجريج هو كاهن للمسيحية ؟ فهل من المعقول ان يقول رجل دين رأيه فى دين أخر بالأيجاب ؟ مستحيل طبعا , ما عدوك الا ابن كارك .. وبالطبع كاهن المسيحية لن يقول شئ جيد فى حق الاسلام .. الا طبعا ان يتفقوا على اسلوب العيش المشترك , وتجنب الفتن الطائفية والتأكيد على ان مسلمين مصر ومسيحينها شركاء فى الوطن , وكل طرف هيستشهد بخير جنود الارض و مبارك شعبى مصر ..

لكن هنا قضايا لاهوتية مشتركة بين الاثنين مينفعش فيها الحلول الوسط , وده شئ طبيعى جدا ومفهوم جدا - ولو رجعنا للكتب المسيحية مثلا هنلاقى البابا شنودة نفسه بيرد على الاسلام وربما هاجمه , ولن تجد مسيحيى يقول : ايوه يا جماعة احنا بنعبد خروف زى ما المسلمين بيقولوا ..

الشعرواى قال ايه ؟ كلام دينى من دينه , كان أولى بك ان تعترض على تخصيص التليفزيون للمساحات الدينية واللى بتتعارض مع مفهوم المواطنة وسيادة الدولة على الجميع .. أحمد ابو اسلام اصلا هو نتيجة رد فعل مباشرة " لزيكو بقلظ " , وهو اصلا كان بيكافح سياسيا ضد البلد - والواد صاحب شبكة الجامع الاسلامية هو اللى اقنعه ان يكتب يرد على مسيحين مصر فى الخارج وزكريا بقلظ تحديد .. واللى مش مصدق يروح يسأله برضه عشان محدش يتهمنى بألصاق التهم بأحد

www.aljame3.net

فاضل مين ؟

زغلول النجار ؟ عايزه يسمى عليك ويسخر السبوبة ؟ الاولى بك ان تعترض على تخصيص مساحات فى التليزيون والاعلام لشخص بيدافع عن دينه , فضلا عن أبو الزغلاليل ربنا يأخده امين يا رب لم يهاجم المسيحية مباشرة كما تفعلوا انتم .. يمكن اتعرض لنقطة ان المسيحية محرفة , لكن هذا كله مفهم تحت المشاكل اللاهوتية بين المسيحية والاسلام .فضلا عن ان ابو الزغلاليل يمثل طائفة رجال الدين , فلماذا تنقل العداء الى الشارع والرجل العادى ولا تكتفيه بينك وبين أبو الزغلاليل . .

اقتباس:يمكن لولا المواقع القبطية يا بهاء اللى إنت بتقول إنها سبب فى الفتنة الطائفية
كان زمانك دلوقتى لسه مسلم عادى - أو مسلم تايوانى بحسب تعريف نيوترال ..
يمكن .. مين عارف

لا يارجل , والنبى ايه ؟ هتخلى مواقع الغجر دى صاحبة فضل على ؟
لا يا زميل لو كنت استمريت فى قراءة الزبالة المكتوبة واسلوب اللى اقرب الى الردح منه الى شئ اخر لكنت الان بجاهد فى أفغانستان , لكن انا من قبلها كنت بقرأ فى كتب زى قصة الحضارة واهتميت بهيكل واى كتاب مكنش يسلم تحت أيدى - يمكن الاقباط ساعدونى انى عرفت " ان المسيحية هى وجه من وجوه الاسلام والاثنين شبه بعض , كل واحد عنده شوية حاجات عمال يقولك انت حمار مش فاهم .. انت مش مملؤء نعمة من الروح القدس . والثانى يرد عليه ... أنت بتفهم عربى ... لازم ترجع للتفاسير عشان تعرف معانى الايات "

يعنى ما أوسخ من ستى الا ست ستى

أحمد ربك يسوع ان فى مصر الامن حديدى واى فتنة بتحصل بتتلم فى دقيقة , والا كان الصراع انتقل الى الشارع .. وساعتها مش اللسانة اللى هتكلم , ده السلاح هو اللى يتكلم