هذا جروب بدأ على الفيس بوك أيضاً ، يؤيد أن يقوم عمرو خالد بترشيح نفسه لرئاسة مصر:

http://www.facebook.com/group.php?gid=99197456297

أكثر ما اعجبني فيه هو البروفيل الذي يظهر عمرو خالد في صورة وهو يأخذ وضعية الرئيس ، شكله أمور فعلاً


المهم، المسألة ليست تهريجاً ، حتى لو لم يقم عمرو بترشيح نفسه فعلياً، ولن تترك له الفرصة على ما أظن.. ولكن الأمر المخيف هو تعليقات الناس الذين دخلوا في الجروب الذي بلغ حتى الآن ستمائة عضو، ولا شك أن العدد سوف يزيد كثيراً ، كما أتوقع في الأيام القادمة، لتبلغ المهزلة إلى أوجها، أترككم مع تعليقات الناس (المصريين) - بالمناسبة الجروب اسمه : ليه عمرو خالد لرئاسة مصر؟ :

عبد الله سليم:
رجل الدين اصلح الناس لقيادة الدولة و الدليل رسول الله في المدينة و هو افضل قائد في التاريخ لأن قيادة الدولة جزء من الدين

تامر حسان:
عمرو خالد لرئاسه الجمهوريه؟؟
انتو محششين ولا اه نظامك بالظبط !!!!
ده ازاى يعنى راجل دين يبقى رئيس جمهورية
ده فيه مليون واحد احسن منه اصلا
عليه العوض ومنه العوض فى بلد فيها ناس بتفكر بالسذاجة ده


آيات الشريف:

اولا كده

انتوا كده بالجروب ده ممكن تضروا عمرو خالد اوووي خصوصا لو كبر الجروووب كمان عن كده

هاتخلّوا كل الناس اللي ضد عمرو خالد تتأكد من كل الادعاءات اللي كانت بتتقال وبتطلع عليه

كل اللي قالوا ان غرضه الرئيسي السياسة والحكم مش الدين والتوعية

كلهم حجتهم هاتبقي اقوي وهايقولوا ان الجروب ده مفتوح بإشرافه وتحت علمه

ودي مصيبة سووودا في حق استاذ عمرو .. خصوصا اليومييين دول وفي الظروف دي


أحمد الهواري:

اكيد طبعا عمرو خالد المصلح والواعظ هو احق واحد ..كفايه انه يزهد الدنيا ومانفسهوش فى عزبتين ولا شالهين فى مارينا ولا صفقات ولا عماير ...ياجماعه خلو عصر نهضه الاسلام ترجع نعم والف نعم ...وبقولها وانا لا اخاف فى الله لومه لائم


بوبا إبراهيم:

على رأس كل مائه عام يأتى من يجدد لهذه الأمه دينها وكما كان عمر بن عبد العزيز لأمته مجددا ومصلحا
وكانت أمته تمر بما نمر به اليوم وعبر بهم الى بر امان ونهض بهم مما هم فيه من فساد وفقر
لا أرى اليوم من يشبه عمر بن عبدالعزيز الا عمرو خالد


أماني السيد:
يا جماعة احنا مش لازم نسكت و لازم نوصل لعمر خالد عشان يعرف ان مصر كلها معاه عشان يجمد قلبه و ميضعفش ابدا

أحمد طارق (مؤسس الجروب) - مع الاعتذار للزميل أحمد طارق زميلنا في النادي :

هو لن يطلبها .. هكذا هي شيم المصلحين المتقين
نحن من سيطلب منه ذلك
مــــين عارف!!
مش ممكن لو حكمنا يكون زي عمر بن عبد العزيز في حكمه
بلاش علشان ماتقولوش بأبالغ شويه
يكون واحد على عشره منه حتى , ساعتها حالنا حيتحسن 100 مره عن الأن بدون مبالغه

أيمن نوير:

انا طبعا بحب عمرو خالد
بس قبل ما نرشحه احنا
هل ممكن هو يقبل ده ؟

حازم عرفة:

الأستاذ عمرو خالد قدوة و علم و قوة


محمد دسوقي:
جاتكم نيلة

يا أمة شخرت من جهلها الأمم

(09-22-2009, 06:42 PM)بهاء كتب:  يا أمة شخرت من جهلها الأمم

انا عمري ما سمعت أمم بتشخر قبل كده
ليه بس يا بهاء؟ ده لطيف خالص ومش بيعض حتى شوف :


وبعدين هذه الصورة لها معنى عميق جدا، فكما ترى ، سيادة الرئيس - مستقبلاً يعني - له راسين في الصورة، وده معناه انه يستمع الى الرأي والرأي الآخر، كل رأس منهما تستمع إلى رأي
يعني قمة الديمقراطية

وبعدين شوف صورته مع آلاف الجموع في المشاركة الأولى عاملة ازاي، ده حتى ميكروفون قناة الجزيرة قدامه يا راجل

يا البير يا صديقى , ده مفهيوش اى سمة من سمات القيادة ( كفاية ان صوته عامل زى العرسه ) ,ده غير انه لم يعمل مدى حياته فى مجال سياسى او حتى اتصال حقيقى مع الجماهير والتعامل مع مشاكلهم , هما ممكن يكون رئيس جمهورية الجهل . فالنظام المصرى يحتاج رجلة مقطع البطاقة , حتى أيمن نور نفسه لا يملك الشخصية المطلوبة - وان كان نصف العمى - وجيمى هيستمد قوته من قوة ابوه وينطبق عليه نفس الكلام لان شخصيته ضعيفة وهيتأكل وسط العالم دى ... لاسف الوحيد المطروح اللى ممكن بجد ينقذ البلد دى , هو عمرو موسى ! لان المواصفات تكتمل فيه , والجيش والداخلية هتخضع ليه !

انا ساعات لما اشوف مبارك على التليفزيون بخاف منه بصراحة , بتحس انه راجل قادر على السيطرة وتثق فيه كقائد - لكن عمرو خالد لو اتكلم فى ميكروفون وواحد واقف بعيد مش شايفه , هيقول " هو رئيس مصر بقى حرمة "

(09-22-2009, 08:16 PM)بهاء كتب:  يا البير يا صديقى , ده مفهيوش اى سمة من سمات القيادة ( كفاية ان صوته عامل زى العرسه ) ,ده غير انه لم يعمل مدى حياته فى مجال سياسى او حتى اتصال حقيقى مع الجماهير والتعامل مع مشاكلهم , هما ممكن يكون رئيس جمهورية الجهل . فالنظام المصرى يحتاج رجلة مقطع البطاقة , حتى أيمن نور نفسه لا يملك الشخصية المطلوبة - وان كان نصف العمى - وجيمى هيستمد قوته من قوة ابوه وينطبق عليه نفس الكلام لان شخصيته ضعيفة وهيتأكل وسط العالم دى ... لاسف الوحيد المطروح اللى ممكن بجد ينقذ البلد دى , هو عمرو موسى ! لان المواصفات تكتمل فيه , والجيش والداخلية هتخضع ليه !

انا ساعات لما اشوف مبارك على التليفزيون بخاف منه بصراحة , بتحس انه راجل قادر على السيطرة وتثق فيه كقائد - لكن عمرو خالد لو اتكلم فى ميكروفون وواحد واقف بعيد مش شايفه , هيقول " هو رئيس مصر بقى حرمة "

يا نهار أسود، يعني هو ده اللي مضايقك من عمرو خالد؟
يعني لو كان فيه صفات القيادة كنت حتعديها؟
طب مهدي عاكف قائد وبه صفات القيادة ووشه كشر وصوته مكلكع يعني حتوافق عليه؟

عمرو موسى هو أفشل من يمكن أن يتولى البلد ولن يكون إلا ظلاً للنظام الذي حكم منذ 30 سنة.
بصراحة لو قام "فرد" بتولي البلد فهذه بحد ذاتها مصيبة. حتى لو كان أصلح شخص على الأرض.
لو لم تصل مصر إلى مرحلة الإدارة المؤسسة وتتخطى مرحلة الرئيس الفرد، فسوف تبقى تحت ظل الدكتاتورية والقمع والفساد.
مبارك على التلفزيون حاليا = بوريس يلتسين في أواخر أيامه في روسيا، قطعة من الحجر المتكلمة والتي تحاول التماسك بالعافية كي لا تسقط على الأرض من شدة الوهن.

صوته بيعكس فقر التجربة والخبرة , فضلا عن انه تقريبا شبه امى فى مسائل الاقتصاد - حتى لو كان خريج من كلية تجارة - فهذا لا يعنى انه بيفهم فى الاقتصاد او حتى عنده خطة حقيقة من اجل نهضة البلد . انا متفق معاك فى نقطة عمرو موسى , لكن مش المشكلة ان يكون تابع لنظام 30 سنة - المشكلة ان النظام الحديدى السياسى على البلد قتل ظهور اى مرشح , وأيمن نور ده فلت وهو الأمل الحقيقى بالنسبة لنا , لكن فى الواقع أيمن نور لكى يصل الى مرحلة الكرسى هتكون اشبه بحرب ..

وأيمن سلاحه الوحيد هو كره الشعب لنظام مبارك ولأبنه جيمى , لكن يقف على الناحية تانية جيمى بالدخلية والحربية - السلاح - وصحيح ان الشعب اصلا سلم القضية وباعها , فأنا اتنبأ ان ممكن تحصل مصدمات حقيقة قد تشعل البلد بين انصار ايمن نور والداخلية لانها هتزور الانتخابات القادمة .والبلد حاليا تقف على بعد شعرة من العنف , خصوصا ضد اجهزة الشرطة - اللى اصبحت من وجهة نظر المواطن مكوشة على البلد . الاخوان المسلمين خارج اللعبة ولن يصلوا الى الحكم لانهم بكل بساطة بعاد عن ادوات الفعل الحقيقى فى المجتمع المصرى وهو " الجيش " .

لهذا اعتقد ان ما سيحدث ان وزير المخابرات هو اللى هيترشح امام ايمن نور , وان لم ينجح ايمن نور فى جذب الشباب وادخلهم فى لعبة الانتخابات واقناعهم ببرنامجه كما حدث مع اوباما , فالدخلية هتزور الانتخابات وهيمر الامر مرور الكرام , ويصبح وزير المخابرات رئيس شرف والفعال الحقيقى هو جيمى .

(09-22-2009, 08:25 PM)Albert Camus كتب:  'مبارك على التلفزيون حاليا = بوريس يلتسين في أواخر أيامه في روسيا، قطعة من الحجر المتكلمة والتي تحاول التماسك بالعافية كي لا تسقط على الأرض من شدة الوهن.

إبحث عن من إستلم من يلتسن سيكون هو نفسه من سيستلم من مبارك

(09-22-2009, 10:03 PM)vodka كتب:  

(09-22-2009, 08:25 PM)Albert Camus كتب:  'مبارك على التلفزيون حاليا = بوريس يلتسين في أواخر أيامه في روسيا، قطعة من الحجر المتكلمة والتي تحاول التماسك بالعافية كي لا تسقط على الأرض من شدة الوهن.

إبحث عن من إستلم من يلتسن سيكون هو نفسه من سيستلم من مبارك

هو بوتين خد قراره خلاص؟