:)

أهلا وسهلا :)
أنا المسؤولة عن السحلب في القهوة !!!
وقريبا سأحاول إقناع المعلم أبو ابراهيم
بإدخال بعض الكعك البيتي من صنع يدي !!!!!!!
لكني أعتقد أنه يريد المضافة للمشروبات فقط !!!!!!!!!

:bye:

تحية قلبية إلى الجميع..

أحببت أن أنهي يوما مرهقا بالجلوس قليلا في المضافة..

(f) للجميع

[RAM]http://www.freepgs.com/agani/oud/zain1.ram[/RAM]

إهداء خاص لزميلي كمبيوترجي

مرحبا مرة أخرى للجميع ... وشكرا جزيلا لجميع من رحب وجميع من علق، ما علينا....
أما بالنسبة لشعري والله أنا يا جماعة حكيت إني بكتب الشعر كهواية (طبعا هاي الهواية ولدها في داخلي شيء إسمه الحب) بس بما إنو في ناس حبو شعري والله أنا هيك كتيييير تحمست لهالموضوع، و عن جد أنا كتير بتشكرك يا .........
والله يا أبو إبراهيم بالنسبة لهالحبيبة اللي كنت أكتبلها الشعر (و أنا بالمناسبة بطلت لا حب ولا اكتب شعر) فخلوني اوصفلكن ياها:

شعرها .....
موج بحر اســترســل مده ... يغشي العيون يغرق في الماء شاطيها
نسيم الصبح أنعش عطره ... روح الأغاني في العندليب يشـــــديها
رحيق ورد أغشـى عبيره ... عبق الندى خـيـوط الـفـجر يـحـكـيـها

أما عيونها....
عينان كمحار بحر ســـالت أقاطره ... كجريان الآليء كان الجفن حاويها
عـيـنـان أســـاور مــن لامع ذهـب ... مـرآة قـمـر يـخـفي ضـيـاءه فـيـهـا
عينان مبنيتان من ماس ومن حجر ... أقـسـى مـن كـل القلوب جـل بانيها
عـيـنـان ورد كـالـجـوري أحــمــر ... عـصي على القطف قد فاز جانيها

إلى اخر الأبيات اللي ان شاء الله تكون عجبت الشباب ... المهم و بلا طول سيرة و بلا شعر اللي مو الكل فاهمه، خلوني كمل الحكاية .....

هي فتاة كغيرها من الفتيات من ناحية جسمانية (أنثى بالمختصر المفيد)، و لكن التوغل فيها كالتوغل في أعماق غيمة سرمدية تدخلها ثم تقعد حائرا في كيفية الخلاص من عتمتها... هي فتاة كجنون النار في الهشيم ... ما أوقعني في شباك شركها إلا نظرة واحدة كأنها رصاصة الرحمة التي حطمت كل الحواجز التي بنيتها حتى أمنع نفسي أن تحب ... هي فتاة لا تملك من الإحساس غير القليل القليل ... تنظر إليها فترى الهدوء و التروي، فإذا أنت خضت غمار جنونها علمت كم كنت أبلها عديم الخبرة، وهذا كان حالي فأنا لم أحب يوما مخالطة الفتيات قبل دخول الجامعة ... عموما، أحببتها 6أشهر بأيامها ولياليها دون علم أحد، و إذا به البركان يوما ينفجر صارخا بكل كلام الحب الذي قيل، فما لقيت من عيونها السمراء غير الصد والحرمان ... تحطمت في الثقة بالنفس و الأحاسيس بعد ذلك أشهرا ستة أخرى ... حتى أني أصبت بما يسمى "جلطة أو صدمة قلبية"بعدها بحين و لبثت في العناية المركزة 3أيام ... أنا لا أنكر أنها كانت حنونة في هكذا أحيان، فما كان خروجي من وعكتي إلا علي يديها و إشفاقا منها علي !!! ... و المفارقة الكبرى هنا أن علاقتي بها لم تتعدى السلام فقط!!!!! (ما في أهبل من هيك؟؟؟؟!!!!) .... عموما، و بعد شهور طويلة من البكاء و الأحلام و الوهن و إذا بي أستيقظ بعد أن رأيتها في حلمي و بكيت لها حتى تيبست الدموع في العينين و في صوت يقول "لقد نسيتها ... طارت بذكراها الأليمة من بين الضلوع ... غرقت مع دموعي و أهامي في سلة المهملات"، سمعت الصوت و الحمد لله أني صدقته و نسيتها ...

كانت هذه حكايتي مع من أحببتها من العمر سنة أو أكثر قليلا، أما الإسم فتركته للأشعار تفشيه لمن أراد!!!!

و حبيبي إبن الشام، و الله حاجة جميلة خالص هالتقسيمة (حاجة تقرمش)... و منيح اللي في سحلب عشان البرد....

يلا، خلوني أنا هلأ روح ادرسلي شوي قبل ما نام ..... تصبحوا على خير جميعا و إلى لقاء اخر ...

فيميل

المنيحة لا تحتاج إلى سؤال

هاتي كعكاتك والناس هنا تنتظر أن تتذوقها بفارغ الصبر

(f)

كمبيوترجي الحالم

أنصحك بإيجاد فتاة أخرى تنسيك الأولى.
فلا يفل الحديد إلا الحديد :D

سلامتك والخمد لله على السلامة بعد النوبة القلبية...

(f)

النورس

أنا بالمرعى إذا سأل عني أحد.... :D

اقتباس:  أبو إبراهيم   كتب/كتبت  
 

(f)

النورس

أنا بالمرعى إذا سأل عني أحد.... :D

يا رجال طنيب عليك بس خلي الموبايل مفتوح لانو كثير ناس عم بتحاول تتصل عليك وانت حضرتك ما بترد وبيجو يسألو هون في المضافة .

والله انا حكيت الهم انك سارح مع الغنمات في المرعى بس انت عارف في ناس ما بتحب تروح المرعى ولا تشوف الغنم

يعني انت مش غشيم بهيك امور



دير بالك على العنزتين تعوني لبين ما ايجي

سلاماتي

هذه نكتة، راعي غنم مع موبايل....

على فكرة هناك بائعو المازوت في دمشق يجولون بطنبر ( عربة ) يجره حمار أو حصان ويبيعون المازوت...

هؤلاء البائعون اشتوا موبايل قبلي وقبلك...

فهل نبقى على رعي الغنم أم نغير إلى بائعي مازوت ؟

:D

اقتباس:  أبو إبراهيم   كتب/كتبت  
هذه نكتة، راعي غنم مع موبايل....

على فكرة هناك بائعو المازوت في دمشق يجولون بطنبر ( عربة ) يجره حمار أو حصان ويبيعون المازوت...

هؤلاء البائعون اشتوا موبايل قبلي وقبلك...

فهل نبقى على رعي الغنم أم نغير إلى بائعي مازوت ؟

:D

صدق الرعيان عندنا لديهم موبايلات ولديهم اجهزة (ووكمان ) ونظارات شمسية .

انسانا من الموبايل احنا متفقين من الاول ما بدنا اي شيء يتعلق بالعلم او التكنولوجيا او اي تقنية حديثة .
يعني بدنا اياها على البساطة .

يا أبو إبراهيم وينك يالشيخ :?:

تراه الوظع تكركب شوي بغيبتك ...

نريد إشرافك و ملاحظاتك على الإقتراحات التي تنهال بالكمشات لمشروع رعي الأغنام.....

صحيح ...

هل سيتم إضافة منتوجات المشروع على ليستة المضافة للمأكولات و المشروبات؟؟؟

مسا الخير عليكم جميعا ... بتسمحلي خيي ابو ابراهيم فوت ؟؟

لا لا ما حطول ..طيلسة شغلة نص ساعه و قايم ...شو هالبرد ..حوووووووح !! عندك يا ولد ..شاي ..لا بدون سكر ..في قرفه ...طيب مومشكلة حط نعنع ...يسلمو ...............

اي والله شفه بترد الروح...

هاد يا اخوان قبل كم يوم كنت بمحاضره عم يلقيها دكتور سويدي عن شغله بالمايكروييف ..هاد وانا بنص القعده و اذ اللي ورايي بيعطيها سعله ...من دين عزمه..طبعا اقرف شي عندي انو واحد ينفخ بوشي ...بس غضيت نظر ...المهم مالكم بالطويل بعد شي خمس دقايق الشب عطس ... و انا وصلتني كم طرطوشه و التفتت لورا لحتى بهدلو و اذ الشخص اللي ورايي يخزي العين ...حيط قاعد على كرسي شي مترين بالطول و رايح متلهم بالعرض و وشه احمر والمخطه عم تشر من انفه ...انا قلت لحالي و خاصة اني مو ناقصني كفين قدام العباد اخصوم الشر ، و مديت ايدي لجيبتي و عطيته محرمه و انا عم ابتسم ، اخدها اخونا و ما طاوعه ضميره يقول شكرا .. مخط فيها و انا عم اطلعله ..الت لحالي خرج يطلع الشب شريف مكه و يرجعلي المحرمه بس منيح انو ما عملها ...المهم مالكم بالطويل ركزت كل انتبهاي بقفايي(بلا معنى) و كل ما اسمع ارهاصات عطسه ..دغري اهجم لقدام و انثنى نصين ...المهم بعد شوي حبيت ارجع لورا و طقطق ظهري و انا عم سب الدكتور على اخت المحاضره على اللي قاعد ورايي ...و اذ الله و كيلكم ما حليله يعطسها الا بنص نقرتي ... انا هون افعت معي قمت بنص المحاضرة والتفت عليه و قلتله بصوت عالي : يلعن اخت الحمار و عيشتو ... و حملت حالي و طلعت لبرا ..طبعا ما تسألو عن موقف المحاضر السويدي .. ولا عن موقف المشرق على المحاضره ولا عن اللي ورايي ولا عن الضحك اللي طلع ، ولا عن القتله اللي كنا حناكلها ......

يالله ان شاء الله دايمه ...والله مستعجل شوي..خلص غير مره ...يالله :

سلام عليكم