{myadvertisements[zone_1]}

نظام المشاركات محشش فايق

vodka عضو رائد المشاركات: 3,876 الانضمام: Aug 2007 مشاركة: #1 محشش فايق محشش فايق نفسى فى صنف حشيش ينمل الدماغ وينضف النغاشيش عشان انسى طابور العيش واخش فى الغيبوبه وانسى مشكلة الانبوبه وانسى بلدنا المنهوبه وانسى اللى بيجهزوه علشان يبقى رئيس للمخروبه وابقى مسطول وانسى اى مسئول من اللى سابوا الناس فى السيول وانسى ان نظيف اتجوز وبقى بيعول وانسى مجلس الشعب وفتحى سرور وانسى البرادعى وايمن نور وانسى شوبير ومرتضى منصور وانسى تعديل الدستور وانسى اللى ساكنين فى القبور وانسى انفلونزا الطيور وانسى مشاريعنا الفاشله فى توشكى وابو طرطور واخش فى الاستهبال وانسى علاء وجمال وانسى التوريث و النيل اللى نازلين فيه تلويث وانسى ان منتخبنا كويس زى ماقال الريس ربنا يشفية و يقوم و يبقى كويس وانسى تصدير الغاز واحناعندنا ازمة بوتاجاز وانسى الاضهاد واللى بيحصل من الاقباط وانسى قطر العياط وانسى قطر الصعيد وانسى احمد عز واحتكار الحديد وانسى زحمة المواصلات وانسى الانتخابات وانسى فتاوى الفضائيات وانسى العشوائيات وانسى فشل التعليم وانسى هشام طلعت وسوزان تميم وانسى الاهرام وانسى الاخبار وانسى ثروة الريس ال40 مليار اللى مش بالجنيه المعفن لا بالدولار وانسى انه خلى بلدنا افقر من زنزبار وانسى المعارضه وانسى الاحزاب وانسى تامر حسنى وعمر دياب وانسى مشكلة النقاب وانسى ارضاع الكبير وشرب بول البعير وانسى انفلونزا الخنازير وانسى اوربا وامريكا وانسى الصين المتقدمين عننا بسنين وانسى البيت بيتك و تامر امين وانسى ان كيلو اللحمه بقى بتمانين وانسى اننا فى الزباله غرقانين وانسى الماده سته وسبعين والماده سبعه وسبعين وانسى فريق الساجدين وانسى الزمالك والاهلى وانسى اليسا وهيفاء وهبى وانسى الفول والطعميه وازهى عصور الديموقراطيه وجامعة الدول العربيه والجماهيريه الليبيه والكفيل فى السعوديه وانسى بطرس غالى و الضريبه العقاريه وانسى الطلعه الاولى الجويه والمصالحه الفلسطينيه وانسى فتح وانسى حماس وانسى هنيه ومحمود عباس وانسى العراق وافغانستان وانسى ايران و انسى باكستان وانسى ماما سوزان وانسى الاخوان وانسى محمد ابراهيم سليمان وانسى ان حد من 0900 يطلع كسبان وانسى انى مديون وانسى ان كل واحد بيعتدى على كنيسه بيطلعوه مجنون وانسى كل ممثله حيزبون بتاخد فى المسلسل كام مليون وانسى ايامنا السوده واحضان طنطاوى والبابا شنوده وانسى القذافى والبشير وانسى كل ملك وكل امير اللى حاكمين من سنين من غير تغيير وعلشان اعرف ان الصنف كويس لازم ارشح نفسى وابقى الريس 05-05-2010, 12:30 PM {myadvertisements[zone_3]} ليلاء عضو متقدم المشاركات: 405 الانضمام: Feb 2008 مشاركة: #2 RE: محشش فايق فكرك حيلاقيه يا فودكا... 05-05-2010, 09:17 PM {myadvertisements[zone_3]} vodka عضو رائد المشاركات: 3,876 الانضمام: Aug 2007 مشاركة: #3 RE: محشش فايق (05-05-2010, 09:17 PM)ليلاء كتب:  فكرك حيلاقيه يا فودكا... مبين يا ليلاء انه لديه اصرار لعل وعسى ومن جد وجد 05-09-2010, 03:57 AM {myadvertisements[zone_3]}

« السابق | التالي »

المواضيع المحتمل أن تكون متشابهة…
الموضوع		الكاتب	الردود	المشاهدات	آخر رد
	قصيدة محشش لحبيبته	النورس الحزين	1	510	09-15-2005, 01:01 AM آخر رد: النورس الحزين

يتصفح هذا الموضوع من الأعضاء الان: بالاضافة الى ( 3 ) زائر
{myadvertisements[zone_2]}

Translation by Arabic support - Ver: stable 1.0
Powered by MyBB, © 2002-2025 MyBB Group.