ليش...???

هل سيبحثون عن 255,000 عضو .???



...فقط المشرفين والمؤسسين بخطر وأتمنى أن يكونو خارج مصر ...

نظام غبى بشكل لا يوصف
اعتقد التخريب حصل لأن الجروب ابتديت تاخد جانب البرادعى
يعنى ممنوع نتكلم و ممنوع نسكت و ممنوع نمارس حقوقنا الطبيعية فى طلب التغيير
طيب نعمل ايه يعنى؟
انا بقول ناخد لفافة بانجو

منزعجين من الجروب بسبب عدد أعضاءه وحتى الصحف الغربية تحدثت عنه

دول مرعوبين مش منزعجين

---

كلنا خالد سعيد Plz Like & Share
: من ساعة ما اتعملت الصفحة وأنا منبهر من مركز النديم لعلاج ضحايا التعذيب وهما فيهم محامي في قضية خالد .. دول فعلا بيجاهدوا وأحسن مننا كلنا في الحصول على حقوق أي جد بيتعذب .. مديرة المركز دي انضربت قبل كده وحصل لها عاهة بسبب دفاعها عن اللي بيتعذبوا وفضح الجرائم .. لازم ننضم كلنا لصفحتهم ونشجعهم .. لأن دول ناس محترمة جدا .. صفحتهم المفروض يكون فيها ١٠٠ الف واحد مش بس ٥٥٠٠



http://www.facebook.com/khaledkilled?__a...eem?ref=mf

اقتباس:انا اسمى خالد محمد سعيد

Profile Unavailable

Sorry, this profile is not available at the moment. Please try again shortly.

للاسف شكلهم فعلا نجحوا فى اختراقه

بس مش هيسكتوا ال ربع مليون اللى مشتركين فيه
القمع عمره ما جاب غير نتيجة عكسية

خالد سعيد جديد بالمنصورة: طالبَ شرطيين بأجرة (التوك توك) ..فألقيا به من الدور الثالث

القاهرة - محرر مصراوى - استمراراً لمسلسل التعذيب والعنف وانتهاك حقوق الإنسان على يد بعض رجال الشرطة، قام مخبري مركز شرطة بني عبيد بالمنصورة السبت الماضي بالأعتداء على محمد صلاح (18 سنة) سائق توك توك بالضرب والتعذيب فى مركز الشرطة .

كان محمد صلاح محمود غريب، مصري، يبلغ من العمر 18 عاما، يعمل سائق توك توك بمركز بني عبيد المنصورة، قد قام بتوصيل اثنين من مخبري مركز شرطة بني عبيد يوم 3 يوليو الساعة العاشرة والنصف مساء، فنشبت بينهم مشاجرة بسبب رفض المخبرين دفع ثمن التوصيلة إلى سائق التوك توك، وانتهت التوصيلة بإلقاء القبض على (محمد صلاح) واقتياده إلى مركز الشرطة حيث تم الاعتداء عليه بالضرب والتعذيب في غرفة رئيس المباحث، ثم القاءه من الدور الثالث من مبنى المركز .

وتم نقل محمد صلاح إلى مستشفى السلام الدولي التخصصي بالمنصورة التي أعدت تقرير مبدئي وردت فيه الاصابات التالي:

كدمات في الوجه
كسر في الركبة
كسر مضاعف في الفخذ
كسر في الحوض
اشتباه نزيف داخلي
كسر في اليد اليمنى
اشتباه ارتجاج في المخ
شرخ في الجمجمة نتيجة اعتداء وقع عليه من آخرين

تقدمت أسرته ببلاغ لنيابة دكرنس التي انتقلت إلى المستشفى لسماع اقواله لكن (محمد صلاح) كان قد دخل في غيبوبة قبل وصولها وهو حاليا في العمليات.

وحرر المحضر برقم 2629/2010 جنح بني عبيد، والمحضر رقم 53 أحوال أول المنصورة الذي يتضمن تقرير المستشفى بالاصابات سابقة الذكر.

وقام مركز شرطة بني عبيد بتحرير محضر لمحمد صلاح محمود غريب لقيادته توك توك بدون ترخيص.

والجدير بالذكر أن خالد سعيد المعروف إعلامياً بـ (شهيد الأسكندرية) قد لقي مصرعه جراء التعذيب على ايدي قوات الشرطة في السادس من يونيو الجاري، - حسب رواية بعض الشهود - ونشرت المدونات والمواقع الاخبارية والصحف صورا له وهو مهشم الفكين ومتدلي الشفاه وتظهر عليه آثار ضرب مبرح.

وقالت منظمة العفو الدولية في بيان لها إن "الصور المرعبة دليل صادم على الانتهاكات الجارية في مصر والتي تأتي في تناقض واضح للصورة التي يروج لها المسؤولون المصريون لدى مجلس حقوق الانسان بالامم المتحدة، وتعنتهم في الاعتراف ببعض الانتهاكات الصغيرة" .

وكان خالد سعيد، وفق بيان الشبكة العربية لمعلومات حقوق الإنسان في مقهى إنترنت في حي "كليوباترا" التابع لقسم شرطة "محرم بك" بالإسكندرية حين دخل بعض المخبرين المقهى وبدأوا في تفتيش رواده بغلظة وخشونة.

وحين أبدى خالد اعتراضه على المعاملة المهينة، بدأوا في سبه وضربه بعنف، وحين سقط مغشياً عليه، اصطحبوه إلى مقر قسم الشرطة، ثم عادوا به بعد دقائق، وألقوا بجثته أمام المقهى، بعد أن تكسرت جمجمته وعظام رأسه وتوفي على الفور.

لكن وزارة الداخلية اعلنت في بيان رسمي لها أن "وفاة خالد سعيد جاءت بعد تعاطيه لفافة مخدرة"، مؤكدة ان "الوفاة نتيجة الخنق بسبب انسداد القصبة الهوائية باللفافة التي حاول ابتلاعها".

وأضاف بيان الداخلية أن (قتيل الأسكندرية) كان مطلوباً لتنفيذ حكمين بالحبس صادرين في قضيتي سرقة، والأخرى لحيازة سلاح أبيض، وأنه سبق ضبطه في أربع قضايا سرقات وحيازة سلاح.

المصدر : مركز النديم لتأهيل ضحايا العنف والتعذيب

كلنا خالد سعيد
كل اللي هيحضر الساعة ٩ يعمل لايك من فضلكم .. إحنا هنعمل حاجة كبيرة جدا هيتكلم عليها وسائل الاعلام وهتأثر في كتير من الظباط .. احنا هنعمل حاجة محدش عملها قبل كده بجد .. لو سمحتم كل الناس تشارك .. اتبرع بوقتك .. من نصف ساعة لساعتين .. عشان بجد نوصل صوتنا ورسالتنا .. التفاصيل هتعلن خلال ساعة بس كلنا لازم نشارك .. دي أقل حاجة عشان خالد وكل اللي زيه
26 minutes ago · Comment · Unlike

التصرف الصحيح من وجهة نظري هو أن يتم عمل ضجة كبيرة جدا من أجل " محمد غريب" الضحية الثانية لقسم عبود..
وليس أن يكون مجرد خبر على الهامش في أحد الأيام في صفحة خالد سعيد..
الغضبة يجب أن تكون أكبر وتكون مضاعفة من أجل محمد غريب..
لأن البارحة ليست كاليوم..

مظبوط و مش بس علشان محمد غريب و كمان عبد السميع صابر اللى قتلوه بعد خالد بيومين اتنين بس فى قسم مدينة نصر فى القاهرة

---

اقتباس: كلنا خالد سعيد
بخصوص حملة الساعة ٩ النهاردة: اللي هنعمله مفيهوش أدنى خطر على أي حد فينا لو التزمنا باللي هاطلبه منكم كلكم .. إنتم أكيد عارفين إني باخاف على كل الناس زي اخواتي .. وعمري ما هاقترح حاجة تعرض أي شخص لأي خطر. بس لو سمحتم وعد نتبع بالحرف الواحد كل حاجة في الخطة الي هتتبعت الساعة ٩ .. والموضوع كله هيتم على فيس بوك فأي حد بره... مصر يقدر يشارك معانا ... باقي نص ساعة واعلن التفاصيل ان شاء الله

معلش اتاخرت فى النشر كنت بعمل شاى


كلنا خالد سعيد
Plz Like: شرح تفاصيل اللي هنعمله ابتداء من الساعة ٩ وربع .. يا ريت كل واحد يقرأ وينفذ كل اللي في النوت دي .. وطبعا هيطلع دلوقتي ناس سلبية من الأمن تقول ده مالوش لزمة ومش عارف ايه .. خلونا نركز لأن الموضوع ده هيكون مؤثر جدا



من شباب الفيس بوك إلى ظباط الشرطة
Jul.04, 2010 الوقفات الصامتة

قبل ما نقرأ كل حاجة: يا ريت علطول نبقى فاتحين صفحة كلنا خالد سعيد عشان نتابع منها أي جديد يتقال

http://www.facebook.com/elshaheeed

في الفترة اللي فاتت قدرنا كلنا نتجمع وعرفنا قضايا كتير ومشاكل في بلدنا. وقرر الآلاف مننا يكون ايجابي وحضر الوقفة الصامتة .. وفيه كتير جدا غيرهم بيشاركوا باللي يقدروا عليه. إمبارح فيه شاب اقترح إننا نتكلم مع قرايبنا ومعارفنا من ظباط الشرطة نفهّمهم إننا عارفين اللي بيحصل من بعضهم وإننا مش هنسكت على كده وعملنا استطلاع رأي وهاكلمكم عنه بكره.

بس خطر في بالي فكرة طيب ليه منكلمش الظباط اللي على الفيس بوك كمان؟ هما فيهم كتير جدا محترمين وولاد ناس وإحنا لازم نوجهلهم رسالة إنهم حتى لو هما كويسين لازم يغيروا من اللي حواليهم الوحشين أو يفضحوهم لو مفيش منهم أمل ولازم يقفوا في صفنا ضد أي ممارسة فاسدة بتهين كرامة أي مصري حتى ولو كان مخطئ ومجرم. لازم كل الناس تحترم القوانين وأولهم ضباط الشرطة.

اتحمست وبدأت أعمل سيرش على فيس بوك على كل ظباط الشرطة اللي موجودين في الجروبات او اللي قالوا انهم بيشتغلوا ظباط أو خريجين وطلاب في كلية الشرطة ولقيت ٤٠٠ إسم وجمعتهم كلهم والفكرة إننا كلنا لازم نبعتلهم ونشرح لهم اننا خلاص متضايقين جدا من الوضع ومش عايزين اللي حصل لخالد وغيره كتير يحصل لناس تانية وعايزين نوقف الضرب والتعذيب في الاقسام .. وسوء استغلال بعض الشرطة لمناصبهم بالاستفادة منها بشكل غير قانوني.

المهم دلوقتي قبل ما أديكم بيانات الظباط اللي كلنا هنراسلهم عن طريق بعت رسالة ليهم لازم يكون فيه اتفاق شرف ما بيننا كلنا إننا هنعمل التالي:

- محدش يراسل ظابط شرطة من بروفايله الأصلي اللي فيه معلوماته الحقيقية. لو بروفايلك فيه أي معلومة حقيقية أو صور اعمل اشتراك فيس بوك جديد وحط صورة خالد سعيد في الاشتراك – بس بلاش اسم خالد عشان فيس بوك ميقفلش الاشتراك- وابعت منه. ضروري جدا الموضوع ده لأني مش عايز أي حد يتأذي. ومفيش أي حد يخاف لأنه مفيش أي قوة تقدر تجيب أي معلومة عنك طول ما انت مش حاطط المعلومات دي لأن فيس بوك شركة أمريكية وممنوع تدي أي جهة الآي بي أدرس بتاع أي حد إلا لو طلع حكم محكمة من أمريكا والكلام ده على لسان و احد من مسؤوليهم.

ومهم جدا إنه مهما كان الظابط محترم معاك في ردوده إنك تديلي أي معلومة شخصية عنك حتى اسمك الأولاني .. لأنه أكيد فيه منهم هيحاول يوصل لمين اللي بيكلمه عن طريق انه يساله. وأكرر تاني مستحيل يوصل لك أبدا لو انت عامل اشتراك مجهول جديد ومش حاطط أي معلومات شخصية فيه. محدش يقدر يعرف إنت مين من على الفيس بوك نهائيا الا لو انت قايل.

ويعني هما مستنيين نقول لهم؟

طبعا مستنيين .. تخيل إنت لو بتعمل حاجة غلط في الشارع ومحدش بيبصلك ولا بيكلمك ولا بيقول لك ده غلط .. مع الوقت هتعمل كده من غير ما تحس بأي شعور ذنب .. ولكن تخيل في نفس الوقت إنك بتعمل حاجة غلط وفجأة فيه ألف واحد جم يكلموك بكل أدب يا فلان ده غلط .. صدقني إنت هتقف عن الغلط .. لو مش عشان نفسك واحترامك ليها .. فهيبقى عشان الناس اللي وقفتك دي .. لأنك ساعتها هتؤمن إن اللي بيغلط ممكن يتحاسب. فمش عايزين أي حد يخش ويتكلم بسلبية عن الفكرة ويقول ده مالوش فايدة.

هنقول ايه للظباط؟

دي أهم نقطة .. لازم نفهم كويس وده انتم هتشوفوه بنفسكم إن مش كل الظباط زي بعضها وإن فيه ناس أنا شفت بروفايلاتهم فوق الاحترام وتحس إن ده أخوك الصغير أو الكبير ومتدينيين وبيخافوا ربنا مسلمين أو مسيحيين .. ولازم نفهم برضه إن حتى الوحش اللي فيهم هو بيعمل كده وبيرر لنفسه .. فمينفعش ابدا انك تخاطبه بجهل أو تشتمه .. لأن ده مش هيغير موقفه بالعكس ده هيخليه مصر على اللي بيعمله. لازم نجمع بين الحزم في الكلام وبين الاحترام والأدب الشديد وتوصيل الرسالة بدون الاهانة. أي حد معانا لازم يقسم على كده .. لأني مش باعمل كده عشان حد يدخل ظابط بأهله أو يدعي عليه.

الظباط لازم نحسسهم بحاجتين: إنهم جزء مننا ولازم يكونوا في صفنا ضد أي حد بيضرب وبيعذب وإنهم في موقعهم كظباط دورهم أهم مننا لأنه يقدر يغير الفساد ده. وفي نفس الوقت إننا زعلانين ومتضايقين ومش هنسكت تاني على ضرب مواطن أو إهانة كرامته.

عايزين نقول لهم إن سبب من أسباب تخلفنا بين الأمم هو قمعنا للرأي الآخر .. وهو إننا بنهين كرامة البني آدمين .. لأن مفيش واحد هتتهان كرامته وهيقدر ينتج ويبدع ويشتغل في بلده وينتج فيها حاجة مفيدة.

عايزين نقول لهم إن قانون الطوارئ بيتطبق على أي حد بيقول لأ .. وده غلط .. لأن قانون الطوارئ المفروض بس يتطبق على تجار المخدرات والارهابيين.

لازم نفهمهم إننا زعلانين من ممارسات منهجية .. بس معندناش أي خصومة مع الظباط المحترمين وخاصة إن فيه منهم كتير بيضحي بحياته في سبيل مصر وعشان يحمينا من مهربي المخدرات أو اللي بيهددوا أمن الناس.

مش عايزين الموضوع يبقى عن خالد .. لأن خالد مش حالة فردية عايزين نكلمهم عن حالة بلد وعن قضايا تعذيب وأخبار انتشرت في الصحف. وعن تجاربنا الشخصية وعن سماعنا إن أي حد بيروح القسم بيتبهدل وبيتهان كرامته لو كان غلبان ومالوش ضهر.

عايزين نبعتلهم الفيديوهات والملفات ونسألهم ترضى ده يحصل لأخوك أو لأختك أو لوالدك أو والدتك .. هل ترضى إن ده يحصل لقرايبك؟
فيديوهات زي دي:

ضرب ضابط شرطة لواحد في سن والده معتصم في الشارع: http://www.youtube.com/watch?v=ja3NDvo3_zA
فيلم تجميعي لبعض مشاهد التعذيب في الأقسام: http://www.youtube.com/watch?v=bpeHBPCZcwk
الفيلم التسجيلي: وراء الشمس وده أول جزء وهو تسع أجزاء: http://www.youtube.com/watch?v=5smt2p-tpBk
الأمن المركزي بيعتدي على المواطنين في الشرقية أيام الانتخابات: http://www.youtube.com/watch?v=qH1dpH49chw
رجائي سلطان اللي اتعذب رغم اعاقته الذهنية: http://elshaheeed.org/?p=201
موقع النديم اللي فيه حالات تعذيب كتير جدا: http://www.alnadeem.org

عايزين نقول لهم إن مفيش اي مبرر إنك تمسك واحد وتعذبه بكل وحشية لحد ما يعترف .. لأن ناس كتير هتعترف بأي جريمة لو اتعذبت.

عايزين نقول لهم إنهم لازم لو يعرفوا أي ظابط شرطة بيرتكب أي مخالفات يبلغوا عنه لمديره وتصعيد الأمر .. ولو محصلش استجابة يبعتوا القضية للإعلام عشان يتم فضح أي واحد مش بيحترم البدلة اللي هو لابسها.

عايزين نقول لهم إن كلنا بنحب مصر .. وإن كلنا همنا واحد .. وإن للأسف سبب من أسباب اللي احنا فيه دلوقتي إن كل واحد فقد الثقة في الطرف التاني .. واحنا لازم نحط ايدينا في ايد بعض .. لأن كلنا مواطنين وكلنا لينا نفس الحقوق والواجبات

دلوقتي .. قبل ما أحط بيانات الظباط .. عايز كل واحد يقسم بينه وبين نفسه إنه هيعمل كده ومش هيوصل أي صورة سلبية عن شباب الفيس بوك برسالة خايبة يبعتها لضابط .. حتى لو الضابط شتمك طنش الرد وكمل في اللي احنا بنعمله .. لأن أي واحد يشتمك ده معناه إنه مقتنع باللي انت بتقوله وهو مش لاقي كلام يقوله.

طيب وايش ضمنا إنهم ضباط؟

أنا تعبت جدا في جمع البيانات وضفت كل الأسماء اسم اسم بعض تمحيص وتأكد إنه شرطة .. أكيد أنا عرضة للخطأ بس ده عمره ما هيزيد عن ٢ أو ٣ في المائة .. ولو حد بعتلك إنه مش ظابط بلغنا مباشرة على الوول عشان نحذفه من القائمة.

أهم حاجة في الموضوع:

بعض الظباط وللأسف مش عاملين احتياطاتهم وبروفايلاتهم مفتوحة .. عايز وعد من كل المشاركين إن مفيش أي واحد مننا ياخد أي سكرين شوت أو يحاول يفضح أي ضابط .. إحنا مالناش أي علاقة شخصية بحياة أي ظابط ولا داخلين نؤذيهم كأشخاص .. إحنا قضيتنا هي التعذيب في سجون مصر وقضيتنا معاهم مهنية بالدرجة الأولى .. يا ريت منستخدمش مبدأ الغاية تبرر الوسيلة .. لأنه للأسف هو ده نفس المبدأ اللي هما بيستعلموه معانا.

يا ريت يا جماعة مفيش أي حد يحاول يتعرف على أي معلومات شخصية خاصة بأي ظابط .. احنا داخلين نراسلهم وبس.

تلخيص للي هيحصل

أولا: هتعمل اشتراك جديد على فيس بوك وتخلي صورتك هي صورة خالد اللي في بروفايل الصفحة عندنا خلي الاسم يعبر عن جنسك لو ولد أو بنت

ثانيا: هتدخل على الملف اللي هنحطه في الصفحة بعد ما كلنا نكون قرينا التعليمات دي وتبدأ تدوس على لينك لينك لكل ظابط

ثالثا: هنبعت لكل ظابط مجموعة رسائل من اللي هتطرح على الصفحة طوال فترة الساعة بس أهم حاجة لازم تكتب كل حاجة باسلوبك وتعبر عن نفسك .. لازم تشرح لهم اللي جواك بجد مش اللي انا باكتبه على الحايطة بتاعة الفيس بوك

رابعا: هنضيف الظابط بالاشتراك الوهمي عشان بس لما يخش على الانترنت يلاقي فجأة فيه ٤٠٠ واحد صورتهم خالد سعيد بيحاولوا يضيفوه على فيس بوك

خامسا: محدش هيدي أي ظابط أي معلومة نهائيا عن نفسه وهنتكلم بكل أدب وإيجابية ولو غلطوا فينا مش هنغلط فيهم

سادسا: هنبلغ عن أي حاجة غريبة زي مثلا ان شخص طلع مش ظابط على الوول طول الساعة

شباب: بجد عايزين نوصل صورة مشرفة للناس كلها .. وعايزين نوصل صوتنا للظباط دول .. لأن فيهم ناس أكيد محترمة ومش مبسوطة عن الوضع الحالي ولازم نفهمهم إن كلنا معاهم.

وربنا يوفقنا كلنا

سيتم وضع القائمة على الموقع هنا بعد ربع ساعة من قراءتك للرسالة دي

http://elshaheeed.org/?p=208

الضباط ممسوكين من لقمة عيشهم ..
وده حيعمل موجة كبيرة من التذمر
لو انا ضابط دخلت لقيت 400 طلب اضافة من خالد سعيد...حلعن اليوم اللي .. ( كملوا انتم )
مش حلو الاقتراح