كلنا خالد سعيد‏
الجنود اللي في الصورة دي مش إسرائيلين والبنتين دول مش من فلسطين ... الأمن في إسكندرية بيحاصر بنتين معاهمش غير مصحف ... أكتر من خمسين عسكري حوالين بنتين ... لكن البلطجية اللي في وسط البلد اللي نزلوا بالسيوف والأسلحة البيضاء .. بعتولهم شوية ضباط يتهددوا ويرجعوا القسم .. برافو عليكي يا داخلية يا صوت البلطجية


ثورة الصمت ٢٣ يوليو ٢٠١٠
أجدادنا ثاروا على الظلم .. واحنا لازم نثور على إهانة الكرامة

من هو القاتل الحقيقي لهبة بنت ليلى غفران؟
ما تخفيه عنك وسائل الاعلام المصرية
وكيف خدعت الشرطة والمباحث الشعب المصري والعربي ثانية
والقاتل الحقيقي ابن أحمد نظيف رئيس الوزراء ينعم ويرتع



فكرنى الموضوع دا بمسلسل رمضان قبل اللى فات
قضية رأى عام

http://www.youtube.com/watch?v=WT21CQyHuQM&feature=related

http://www.youtube.com/watch?v=ZLRSJTPnCkI&NR=1

http://www.youtube.com/watch?v=4uFLRPapI58&NR=1


‫غريبة باقى تسجيل الحلقة اتمسح من اليوتيوب‬
ليه يا ترى؟
لأن ليلى غفران قالت فيها ان قاتل ابنها ابن مسؤول كبير

---

Omar Mohamed Hima
انا عارف الناس دى ساكنين عندنا فى ديرة الرمل بالتحديد فى المحروسه واحد اسمه ياسر كلابو والتانى اسمه اسلام العربى والحكومه بتاجرهم فى الانتخابات

نداء إلى الدكتور محمد غنيم: نرجوك تبنّى قضية محمد صلاح



لازم كلنا نوقع على النداء ده من فضلكم .. اذكر اسمك الأول وسنك والمحافظة

رسالة إلى الأب الرحيم
الدكتور محمد غنيم

أولا: إنت راجل في مقام والدنا .. شخصيا مكنتش أعرف إنت مين لحد ما سمعت إنك زرت محمد صلاح .. دخلت على الإنترنت وقريت معلومات عنك وفوجئت إن فيه لسه في مصر رجالة زيك. إحنا فخورين باللي عملته وبمركز الكلى اللي عالجت بيه ١٢٩ ألف مصري من غير ولا مليم. إنت راجل مصري بجد.

يا دكتور إنت أعلم مننا بحال مصر واللي بيحصل فيها .. وشفت اللي حصل لمحمد صلاح والضغوط غير العادية على أم محمد صلاح .. وعارف إنهم ناس غلابة وفيه تدخلات وإرهاب عمال يحصل للأم المسكينة اللي مش عايزة غير إن إبنها يخف وربنا يشفيه وتاخد حقه. الأم دي دلوقتي يا دكتور مش بتعرف تكلم حد ومتراقبة ليل نهار.

الأم دي يا دكتور تم تهديدها إنه لو متنازلتش عن القضية هيتعمل قضية موازية لابنها الغلبان .. ولو اتنازلت ابنها هيتعالج على نفقة الدولة ويلاقوا ليه وظيفة.

يا دكتور كرامتنا بقت للبيع وللايجار ... واحنا للأسف بقينا عايشين في غابة.

قضية خالد سعيد أسهل بكتير من قضية محمد صلاح .. لأن خالد من أسرة ميسورة الحال وأخوه أمريكي .. إنما مين لمحمد صلاح يا دكتور؟

ده نداء من القلب للقلب ليك يا دكتور ... وأرجوك لازم تكون قدوة لشباب مصر وتقول لأ للظلم.

تبنى قضية محمد صلاح أرجوك .. عيّنله أكبر المحاميين ورجعله حقه.

احنا كلنا وراك.

إمضاء:
شباب مصر على الفيس بوك

http://www.youtube.com/watch?v=4YfvGe6a_g4&feature=related منع والدة محمد صلاح من رؤيته او حضور التحقيقات معه


http://www.youtube.com/watch?v=lv2apRyMSkE&feature=related والدة محمد صلاح ضحية التعذيب فى الدقهليه امام المستشفى

‏انا اسمى خالد محمد سعيد‏ LIKE>>by Mizo Mage: كام واحد مرمي في السجن نتيجة بلطجة ظابط أو مخبر كام واحد مات زي خالد و احنا مسمعناش عنه..علي فكره خالد ممكن يكون أخو حد فينا أو أبوه أو إبنه أو حبيبه أو قريبه، لازم كلنا نبقي إيجابيين دي بلدنا كفايه خراب و دمار و مص في دم الشعب الشقيان، لو فضلت مكانك و كان موقفك سلبي يبقي انت مستني دورك تبقي زي خالد..تضامن معنا لأخذ حق خالد و اللي زيه كتير

---

الحلقات الممنوعة من العرض الخاصة بالعقيد عمر عفيفي و التي منعت الداخلية

‏‫كلنا خالد سعيد‬‏ ‫يوم ٢٣ يوليو مش لازم يكون يوم عادي .. وقفاتنا التلاتة اللي فاتت كانت كويسة وناجحة بس لازم المرة دي نعمل فرق بجد ونوصل صوتنا بجد .. خاصة إنه قبل ٤ أيام من محاكمة قتلة خالد .. ولأن دي وقفتنا كلنا .. ساعدونا في اقتراح الأفكار .. كلنا نخش نحط أفكارنا وكلها هتتقري .. الوقفة دي اقترحها شاب في الجروب .. ممكن تبقى انت اللي مقترح سر نجاح الوقفة اللي جاية .. شارك!‬

‏‫كلنا خالد سعيد‬‏
‫الشباب اللي قدموا أفكار .. بجد شكرا فيه أفكار أكتر من رائعة وقابلة للتنفيذ .. الخطوة اللي جاية فلترة الافكار مع محامي عشان نشيل أي فكرة تسبب أي خطر ونقلل عددهم ونعمل استطلاع رأي .. المرة دي لازم تكون ثورة صمت وإسكندرية بالذات لازم يكون فيها ١٠ آلاف واحد على البحر من مكتبة إسكندرية للمنتزه! .. ممكن؟‬

عندك فكرة لثورة الصمت؟ دوس هنا بسرعة! ‬

‏‫كلنا خالد سعيد‬‏ ‫خبر رائع: المحامي العام يأمر بالتحقيق مع الرائد محمد الثابت في واقعة التزوير اللي قام بيها بسبب صحيفة الحالة الجنائية المزورة اللي قدمها في قضية خالد واتهامه بتهم غير صحيحة ووضع أرقام محاضر ملفقة ... لازم تفهموا يا داخلية إن الناس صحيت .. وفهمت ومش هتسكت عن حقوقها‬



‏‫كلنا خالد سعيد‬‏ ‫المصدر الأمني ومخبرين الصحافة والإعلام لقوا قضية خالد بتفضحهم فطلعوا بحركة جديدة: أخو خالد يهودي مرتد عن الإسلام .. والله العظيم بجد؟ طب عشان تتفضحوا أكتر أحمد دلوقتي في صدد بناء مسجد باسم أخوه .. وعامة المرتد عن دينه هو اللي بيقول على كتاب ربنا بتاع (الضابط بتاع الوقفة) .. وهو اللي بيسب الدين لشباب مصر .. وهو اللي بيعذب الناس ويتلذذ بعذابهم .. ده اللي أي دين سماوي سواء إسلام أو مسيحية أو يهودية يتبرأ منه‬


‏‫كلنا خالد سعيد‬‏ ‫كنت هاعترض على الكتابة على العملة لو كنت عايش في بلد بيديني فرصة أعبر عن رأيي .. الناس اللي بتقول الفكرة دي مش متحضرة والأجانب .. الأجانب أصلا مش بيحترمونا وخش على النت وشوف .. كرامتك مش في ورقة عملة .. غير إن اللي شايف ان دي وسيلة مش حضارية يجيبلنا تصريح بأي وسيلة حضارية نقدر نشارك فيها بعشرات الآلاف من غير ما يمنعنا الأمن‬


‏‫كلنا خالد سعيد‬‏ ‫فيه واحد بيموت كل شهر في أقسام الشرطة من التعذيب .. وفيه أكتر من واحد بيتعذب كل يوم .. دول الحالات اللي بيتبلغ عنها لمنظمات حقوق الإنسان .. أعتقد أضعاف الرقم ده هي الحقيقة لأن الكل للأسف بيخاف والكل عارف إن مفيش حد بيحميهم من المخبرين وأمناء الشرطة والضباط معدومي الضمير ... لازم كلنا نشارك في ثورة الصمت يوم ٢٣ يوليو .. كفاية إهدار لكرامتنا وإنسانيتنا وتضييع لحقوقنا‬

التقرير السنوي للمنظمة المصرية : 12 حالة وفاة نتيجة التعذيب بأقسام الشرطة | الدستور‬

مكالمة محامي المخبرين المتهمين بقتل خالد سعيد & 2009 عام الانتهاكات الحقوقيه مرتضي منصور : بلدنا بالمصري 13/7

في مباريات الأهلي والزمالك يحتشد في إستاد القاهره أكثر من ١٠٠ ألف مشجع
ولو نزل الوقفه الجايه في القاهره ١٠ الآف يبقي ده نجاح عظيم
لماذا لا تحاولوا التواصل مع قادة ألتراس الأهلي رد ديفيلز و ألتراس الزمالك وايت نايتس والأثنين لديهم القدره التنظيمه لحشد عشرات الألاف من أجل قضيه عادله كما يحتشدون من أجل مباراة كره

فكرة حلوة فارس

خبر منيل جديد
ضحية جديدة للشرطة.. ضابط يعذب عجوزاً لاعتراضه علي اعتداء المخبرين علي ابنته

الخميس, 15-07-2010 - 11:42الأربعاء, 2010-07-14 17:53 | سمير رمضان

* حوادث ومحاكم

إلغاء التقييم
ضعيف
مقبول
جيد
جيد جداً
ممتاز


يرقد الآن بمستشفي بنها الأميري أحد ضحايا تعذيب الشرطة الحاج سعيد السيد متولي، والذي يعمل صياداً بكفر موريس في بنها بين الحياة والموت وسط ذهول أهله وحزنهم عليه، خاصة بعد أن أكد لهم الأطباء أن حالته ميئوس منها، وذلك بعد أن قام أحد ضباط مركز بنها ويدعي «أحمد. ع »ـ ملازم أول ـ بالاعتداء عليه وتعذيبه.

التقت «الدستور» أهالي الضحية داخل الحجرة المحتجز بها بالمستشفي فاقداً الوعي تماماً منذ 10 أيام.

وقالت الحاجة «رقية» ـ زوجته: بداية المأساة عندما ذهب زوجي لزيارة ابنتي التي تقيم بقرية «ميت عاصم» وطلبت منه أن يظل عندها يومين، وما إن دخل لينام استيقظ علي صوت صراخها وشاهد المخبرين يعتدون عليها بالضرب في وجود الضابط لإجبارها علي الإرشاد عن مكان شقيق زوجتها وعندما طلب والدها من الضابط بلهجة حادة أن يأمر المخبرين بالتوقف عن ضرب ابنته قاموا بضربه قائلين له «اتكلم مع الباشا كويس يا ابن....» وأخذوه معهم ولم نعرف عنه شيئاً لمدة يومين حتي جاء إليهم مخبر من أهل القرية، وقال لهم «الحاج سعيد محبوس في المركز».

وأضافت الحاجة «رقية» أن النيابة أفرجت عن زوجها لكن الضابط أصر علي حبسه رغم تدهور حالته الصحية، وقاموا بعدها بنقله للمستشفي في حراسة مشددة وتقييده في السرير مع أنه لا يتحرك أو ينطق.

وأشارت إلي أن وكيل النيابة قال له بالحرف «ساعدنا ياعم سعيد إنت مش أول واحد يحصل معاه كده»! واستمعت بعدها النيابة إلي أقوال الضابط في المحضر الذي قمنا بتحريره ضده واتهمناه فيه بتعذيب زوجي، وبعدها أرسل الضابط أمين شرطة من المركز يطلب منا التصالح معه بعد أن قال لنا الضابط إن الحاج سعيد لن يري الشارع مرة أخري، لكننا رفضنا التصالح.

وعن حالته الصحية أكدت ابنته أن والدها يتقيأ دماً ولا يسمع، لأن الضابط داس علي أذنه بحذائه وأيضاً لا يأكل ولا يشرب أي شيء، بالإضافة إلي أنه في غيبوبة تامة منذ 10 أيام.

وفي عين شمس اتهم شاب ضباط وأمناء القسم بتعذيبه وإهانته وتلفيق تهمة الاتجار في المخدرات له ولأصدقائه وذلك من خلال شكوي رسمية حملت رقم 2272/ ع تقدم بها «حسين شعبان حسين» إلي وزارة الداخلية يتهم فيها مباحث قسم شرطة عين شمس ـ الملازم أول ـ «أحمد. ش» و«أيمن. ص» والأمينين علي حسين والشريف حفني بالتعدي عليه بالضرب والسب وتعذيبه وإطفاء سيجارة في جسده.

وقال «حسين» إنه كان جالساً علي مقهي ومعه ثلاثة من أصدقائه في عين شمس ثم فوجئ بالأمناء يقبضون عليهم وعندما سألوهم عن سبب القبض عليهم قاموا بضربهم وإهانتهم أمام المارة، وعندما ذهبوا إلي قسم الشرطة قام الضابط بإطفاء سيجارته في قفاه وساعده الأمناء علي ضربهم وتقييدهم.

وأشار سعيد إلي أنها المرة الأولي التي يدخل فيها قسم شرطة ومع ذلك قاموا بعمل استمارة معلومات له وتسجيله علي أنه مجرم خطير.

---

خافى منا يا حكومة

فارس شوف اللينك دا

كلنا خالد سعيد‏ عاجل للإعلام ومنظمات حقوق الإنسان: مش بنقول لكم منظومة إرهاب .. الدكتورة سهام فؤاد رئيسة قسم الطب الشرعي في عين شمس واللي عملت سؤال عن خالد أخدها النهاردة ضباط أمن الجامعة لمكتب العميد عشان يحقق معاها ضباط من أمن الدولة أربع ساعات عن الامتحان بتاعها والخبر مؤكد وموثق كمان .. يا رب الست دي تطلع قوية وتكلم الاعلام وتقول ...اللي حصل لها .. الحمد لله احنا بقينا ١٨٠ الف فاضح للفساد والإرهاب



كلنا خالد سعيد‏ من حق مرتضى منصور الدفاع عن أي مصري حتى ولو كان مجرم ده قراره المهني الشخصي .. بس مش من حقه يطلع في التلفزيون يطلع يقول إن أحمد سعيد أخو خالد الله يرحمه يهودي ومرتد عن الاسلام وعشان كده أمريكا بتدافع عن حق خالد !! للدرحة دي فاكرينا ساذجين؟ .. ده كلام لازم يتحاسب عليه ويترفع عليه قضية سب وقذف

كلنا خالد سعيد‏ ‬‏ ‫يا مرتضى منصور أحمد سعيد مش مرتد عن الإسلام زي ما قلت زورا وبهتانا .. أحمد سعيد مسلم متجوز بنت بلده من إسكندرية إنجي أحمد عبداللطيف في سنة ٢٠٠٦ .. أحمد سعيد عنده آدم ومريم .. للأسف الشديد بسبب خوفنا وجبننا بقه اللي بيحارب عشان حقه بيتحارب وتتشوه سمعته .. وللأسف كلنا بنتفرج عليه .. البلد دي بلدنا .. ولازم نتحد .. الظ...لم ده مش هينفع معاه إلا مئات الآلاف من شباب مصر .. إنتم فين يا أحسن جيل في مصر من خمسين سنة؟‬

اقتباس:مرتضى منصور
بموقفه الانسانى فى وقوفه بجانب الغلابه ودفاعه عن المخبرين
علمنا معنى الانسانية وضرب لنا اروع الامثلة فى يقظة الضمير
فى دفاعه عن الغلابة .ربنا يجعله دائما نصير الحق والمظلومين
علمنا كيف تكون المواقف وكيف نرى الآخرين ومتى نبدأ ومتى نتراجع
...علمنا من مواقفه عدم التخاذل وانه لايضيع حق وراءه مطالب
علمنا الارادة الصلبة القوية وعدم الانحناء فهو دائما قويا فى الحق .عنيدا فى العدل
علمنا من خلال مواقفه انه لامكان عنده للوصولية ولامكان عنده للانتهازيه لامكان عنده لاستغلال المواقف

‏كلنا خالد سعيد‏ المادة ٥٤ من الدستور المصري: للمواطنين حق الاجتماع الخاص فى هدوء غير حاملين سلاحا ودون حاجة إلى إخطار سابق، ولا يجوز لرجال الأمن حضور إجتماعاتهم الخاصة، والإجتماعات العامة والمواكب والتجمعات مباحة فى حدود القانون.

‏كلنا خالد سعيد‏ لازم شعار الشرطة في خدمة الشعب يرجع تاني .. البلد دي بلدنا