تحية..

يعني..من يفتح مضافة كهذه يجب أن يكون من سلالة طيء أو تميم و لكن أن يكون من قريظة و قينقاع فولاه أنها لقاصمة الظهر...أنو يا جماعة أبو أبراهيم و شريكه الحزين..يدخل أحدهم مضافتكم مره و ما أن يغادر حتى تكسرون خلفة عشرين جره كي لا يعود ثانية.

دخلنا مرة و شربنا و تكلمنا...و ما أن خرجنا...حتى انقطعت الماء و الكهرباء ياعمي قولوا كان عنا ضيف..مر يوما و حدثنا
حديثا,,,,,

ما علينا...

لدي قصة..طازه تزعزع الخواصر من الضحك...لن أقصها عليكم..قبل أن أتذوق شيئا مما لديكم..

مر ثلاثة أيام، وتفرغت لكم يا نورس وكمبيوترجي....

أين البقية ؟

هاه

ها هو جقل وأخيراً يعود علينا بقصصه الطيبة ؟

ولكن يريد أن يتغدى بنا قبل أن نتعشى به !!!

على كل حال نحن نسامحك على غيبتك الطويلة...

ولك أحلى فنجان قهوة عربي بالهيل، مع قطعة بقلاوة...

أين النابلسية ؟؟؟؟؟

احكي يا رجل قصتك....


نورس : هل أهل الخليل عندكم مثل أهل حمص عندنا ؟


كمبيوترجي : والله مش ناسيكم.... ومنذ الآن متفرغ لكم بالمضافة ليل نهار....

(f)

أبو أبراهيم,,لأ حبيبي ما حزرت...ما بحكي لشوف شريكك...الحزين....الموضوع....كتير بيستاهل

لاه يا جقل....


صار أبو إبراهيم لا يكفي للاستماع لقصصك... :angry:

إخس :cool:


انتظر النورس، ولكن لا تنتظر أن أقرأ ما ستكتب... :D


(f)

واحد نابلسية عندك لطاولة رقم أربعة :cool:

أهلا أبو إبراهيم ... و الله زمان :D

جقل يا رجل شو بدك بنورس تعال ليكنا قاعدين شو ورانا يعني؟

إحكي يا رجل قصتك و أنا بحكيها للنورس :saint:

يعني لا يفكر النورس إنو ما إلو قيمة يعني عندنا أو اني بعتبر وجوده أو عدمه سواء يعني ... أو لا سمح الله لا سمح الله إنه هون مجرد صبيب قهوة لا أكثر يعني ... أو إنه يعني ما إلو رأي هون و ما إلو دخل في أي قصة ...:devil:

حاشى لله يا جماعة :lol: :lol: :lol:

لا و الله النورس على العين و الراس هو و القهوة العربية الأصيلة اللي لها وصفة خصيصا للمضافة فقط :cool:

يللا يا خليلي تعال خلينا نسمع هالقصة يا رجل تشوقنا :angry:


عموما لا ييجي النورس و نسمع قصة جقل خلوني خبركم هالقصة اللي صارت معي مرة.. إحم إحم :cool:

هادا يا جماعة في بيوم من هالأيام كنت أنا و صديقي ماشيين بإحدى شوارع منطقة تدعى "عبدون" في الأردن و هي من أرقى مناطق الأردن تقع في العاصمة عمان... كنا و الله ماشيين رايحين نزور صديق لنا ساكن هناك...

و الله و احنا ماشيين في أمان الله بنص هالليل و إذا بصوت هالكلاب علا و ارتفع بجانبنا :25: نظرت و اللا يا جماعة في كلبين من نوع "بولدوج" و كلب ثالث بوليسي يحاولون تسلق سور المنزل الي بيحرسوه (الله يحرسهم) و حسيت إنهم ناويين نية جدا عاطلة :eek:

و الله إحنا ما سمعنا هالصوت من هون و أنا تسمرت أقدامي و صرت أكثر من مشلول، التقتت للوراء أشوف صديقي شو صار فيه ولا لقيت صار بأول الشارع اللي إجينا منه!!!!

طبعا أنا بلشت ألعب دور الزلمة اللي مو سائل ولا هامه شي (طبعا هادا الحكي بعد ما طلع صاحب المنزل و هدأ وحوشه و شافني واقف مثل الصنم :emb:) ... المهم هاداك الشب بطل بده يمر من الشارع كله!!! و بعد ألف ترجاية و شتين بوسة شوارب لما قبل يدوس كرامته :nocomment: و يمر من قبال الكلاب اللي صارت وديعة و الحمد لله :D

عموما ذكرني الحادث بمشروع رعاية الأغنام و تنصيبي مدربا لكلاب الحراسة و بس حابب أحكي إني أستقيل من منصبي و ما بدنا هالشغلة كلها :P

تحياتي (f)

و هي :wr: للنورس :cool:

يا ناس يا عسل ... الخليلي وصل

قولو معي امين ،،، يلعن ابو الانتخابات على ابو البلديات .
قردة قايمة في راسي مشان الانتخابات وخاصة انو ابو احمد ( اخوي) مرشح حاله وهو في السجن وانا الوكيل تاعه وراسي انقلب ومخي سكر .

ما علينا

اول شي بدي امسي مسا خاص على جقل

وينك يا عمي من زمان ما شفناك ... انت اللي تركتنا ورحت والله احنا ما بنطرد حد من هون

على كل حال على ارحب والسعة بتقدر تتفضل في اي وقت .
وبتقدر تحكي قصتك سواء كنت موجود او مش موجود احنا هون في المضافة كلنا واحد
سواء انا او ابو ابراهيم او كمبيوترجي

كمبيوترجي :

يا حبيبي شو بفوتك عبدون يا ريت ما تعيدها بلاش يطلعوك ارهابي ولا حرامي ولا ما بعرف شو انت عارف مين ساكن هناك

واياك ثم اياك من الشميساني
خليك على خط الجامعة - رغدان وبالعكس

ومن وكتيش كان صب القهوة او تعمير الارجيلة فيو اهانة .
خدمة الناس الطيبة ما فيها عيب

ابو ابراهيم
هلا خي وان شالله ما تشوف شر ، وشكر الله سعيك في مصاب اخينا طارق .

يا حبيبي الخلايلة نسخة اتيس واعنف واعند من الحماصنة ، يعني بتقدر تقول مثل الصعايدة

يعني من تياستهم بدهم ينزلوا لانتخابات البلديات ختيارية اكل عليهم الزمن وشرب ليس لعلمهم ولا ثقافتهم فقط لانهم من العيلة الفلانية او العشيرة العلانية .

تحياتي

[CENTER]لا أعرف لماذا كنت أتجاهل هذا الموضوع

تحية للجميع (f)[/CENTER]

تحية للجميع...
كمبيوترجي و النورس..و أبو ابراهيم...سماع حبيبي لا تعمل حالك مو سامع...طبعا هذه الحركة مجرد محاولة خسيسة لجلب الأنتباه و تشنيف الآذان .و هذا طريقة تسويق معروفة اسمها الأعلان...و يحق لكل منتج أن يعلن عن بضاعته بالطريقة التي يختارها....و انا أخترت الطريقة أعلاه
سابدا برواية الحكاية..أبو ابراهيم يمكنك الخروج...على اعتبار بأنك لا تريد الأستماع....حسنا أسمعوا و عوا..
نعسان كتير..الساعة اصبحت كثيرا جدا...سأرؤويها لكم على رواق غدا...تصبحو..

مرحبا يا جماعة،

كمبيوترجي، قصتك شبيهة بقصة كلب الست للشاعر أحمد فؤاد نجم، اسأل عنها طارق فهو خبير بهذه الأمور....

ذكرتني بقصة حصلت معي مرة عندما كنت في مرسيليا، إذ كنت أسير في الليل وحدي والساعة تجاوزت منتصف الليل... فصادفت في طريقي في الشارع كلب حراسة راعي ألماني. وأنا تعودت ألا أنظر إلى الكلب إن كنت أريد تلافي شره، وهذا ما حصل فمر بسلام ومررت بسلام.

ولكن بعد أن صار ابن الكلب ورائي، أحسست بضربة على كتفي فإذا به قد قفز علي من الخلف. ثم اشرأب فروه ووقف مقابلي يعوي في وجهي...
من حلاوة الروح، ضربته بيدي ضربة على رأٍسه، فالتوى منهزماً خلف سيارة وابتعد عني....

فتابعت طريقي، وإذا به يعض على بنطالي من الخلف، ولكن دون أن يمسني بأذى، فاضطررت إلى ضربه مرة أخرى على رأسه. وعلى ما يبدو فإن عواءه أيقظ صاحبه فقام وناداه من الباب :"مولود، مولود، تعال هنا".....
فإذا بصاحب الكلب عربي....

تابعت طريقي وأنا أسب الكلاب وساعتها... :mad2:

(f)

النورس، إيمتى الانتخابات ؟ وبتتوقع يربح أخوك أم لا ؟

(f)

حميد، أهلاً وسهلاً بك....
تفضل إلى صدر المضافة..
قهوة أم شاي ؟

(f)

جقل، يقول المثل عندنا : "اقعد عوج، واحكي جالس"....
فتربع على فرش المضافة، أو قف، أو استلقي إن شئت.... وعاجلنا بقصتك قبل أن يغفو الجمع...

(f)

هلا و الله يا نورس :D

ولو كبير القوم خادمهم يا خالي :cool: انت على عيني و راسي يا زلمة :cool:

حميد أهلا و سهلا خيي بأي وقت المضافة مفتوحة 24/7 و القهوة دايما جاهزة بس انت صب اذا ما لقيت حدا :cool:

يللا يا جقل خليتنا صاحيين طول الليل عشان في الآخر تقول نعسان :angry:

نورس الله يوفق أخوك في الانتخابات و إذا نجح الكنافة علي ترى :D

(f)