ثم مت اخيرا جائت النهاية
بعد ان ظللت اترقبها وكلي حيرة هل هناك شيء اخر بعد هذه الحياة
ام انها هكذا تاتي وتذهب مثلي مثل كل الكائنات
لم اتعب كثيرا عند الموت ولم تبلغ روحي الحلقوم ولا يحزنون
لم اخذ فرصتي كي افكر هل سانطق الشهادتين ام لا
الامر كان اسرع وابسط من ذلك بكثير
مجرد حادثة سيارة اثناء نومي بها
المهم اخذوا يغسلون جثتي ويكفنوني
وصلوا علي (طبعا لم يكونوا يعرفون شيئا عن افكاري الادينية)
المهم انا محمول على الاعناق كي اوضع في مثواي الاخير القبر
دخلت القبر وووضعوا فوقي الاحجار
طبعا قبل ذلك وضعوا قطنا في اماكن استحي من ذكرها
هذا معرفته بعد ان ردوا لي روحي
طبعا لا تصدقونني لقد ردوها لي فعلا
ينهار اسود الموضوع طلع جد منهم لله الاخوة بتوع الادينية

المهم في اثنين جايين ناحيتي
اه عرفتهم هما مفيش غيرهم منكر ونكير
سالوني مين ربك؟
طبعا انا لاديني
بس قلت ملهاش لزوم الصراحة دلوقتي
قلت ربي الله
نظر لي احدهما بشك وقال
انت هتشتغلنا يلله؟(تشتغلنا كلمة عامية مصرية تعني تنصب علينا)
قلتلهم انا جاوبت الاجابة الصح
قالوا لي والغيظ يملا اعينهم ما دينك؟
قلت الاسلام
قالولي ماذا تقول في الرجل الذي بعث فيكم؟
قلت اي واحد فيهم
ردوا انت هتستهبل يلله
الراجل اللي اتبعث فيكم في قريش
رددت مستنكرا قريش؟
انت يبدو انك مش عارف عنواني انا من مصر
نظروا لبعضهم باستغراب انت من مصر
غريبة دي
انت المفروض تتبع الاله اوزوريس
يبدو ان الروتين وعدم الدقة في اداء العمل موجود عندكم في الحياتين
الدنيا والاخرة حتى ان الالهة الخاصة بيكم اتعدت ونسيو يبعتولك الملايكة بتوعهم
فتجرات قائلا قصره(يعني خلصوا)انا مش تبعكم ودوني عند الهة الفراعنة
قالولي لا انت هتستنى معانا شوية لحد ما ييجو ياخدوك
المهم انتظرت ولا املك غير الانتظار
ونظرت الى من هم بجواري

الاول عن يميني راجل مات في 1973للاسف حظه سيء كان بيحارب عشان يثبت انه اكثر شجاعة وجدت تحته حفرة نارية من حفر النار

الثاني

حظه اسوا كان ماشي يبصبص على واحدة قدامه جت عربية فرمته رغم انو كان طول عمره متدين (سوء الخاتمة)

الثالث
راجل مية مية قعد طول عمره يسكر ويزني ويسرق بس اخر يوم في عمره راح يصلي(قاللي انا كنت زهقت وقلت اروح اصلي ركعتين اجرب)
لعبت معاه ومات داخل الجامع قبره فيه فتحة حواليه روضة
ارجو من القراء ان لا يظنوا انها الروضة اللي كنا فيها واحنا اطفال
روضة يعني حديقة من حدائق الجنة
بس يا حسرته الروضة مفتوحة قدامه ولكننه مش قادر يدخلها هو مستني يوم القيامة عشان يستلمها

هناك العديد من الارواح تهيم في الجو والهواء الطلق حيث انهم لم يبق منهم جثث يمكن وضعها في القبور نفدوا ولاد الاية تقريبا جثثهم اتحرقت
وعمالين يلفوا الكون

المهم ظللت منتظرا الاخوة الفراعنة عشان ياخدوني بعيد عن المكان دة ولكنهم لم ياتو متفرعنين فيها شوية
فوجئت بالقبر ينضم من حولي ولكنه لم يلمسني او يؤلمني
اتضح ان الضمة كانت متصممة على احجام الناس بتوع زمان
احجام كبيرة عجالي اما انا فنحيف قلت في سري حتى الان انا لسة منضريتش لسة ماشية كويس

دة انا احسن من ناس ضمت ضمة وبعدين انفرج عنها

فوجئت باحد اصدقائي القدامى هذا الصديق اتحرق تماما في انفجار في العراق
لم يبق من جثته ذرة كلنا كنا زعلانين عليه
لقيته جاي زي البرنس برنس روح طليق قاللي
مساء الفل يا دوكتور
رديت اي فل وانا هنا قاللي معلش غمة وتزول
قلتله مش باين
قاللي عموما اي خدمة لو عايز اي حاجة اجيبهالك ممكن كنتاكي بيتزا هت ومتخافش من منكر ونكير دول
انا هرشيهوملك متخافش
قلتله عموما يا باشا مش عاوزين نتقل عليك (ردي السخيف عندما يعرض انسانا علي خدمة واخجل من الموافقة مباشرة)
رد وقال ولا يهمك
قلتله مش ممكن ارجع تاني
رد لية قلتله في شوية مقالات كنت بكتبها على موقع على النت اسمه الادينية عشان خاطري روح امسحه قبل ما ياخدو بالهم منه ويضيفوه على السيئات
ضحك جدا وقال انت جبان جدا هما ميعرفوش حاجة عن النت والكلام دة اهم حاجة بالنسبالهم الكلام اللي انت قلته
انت خرفت مع حد في الكلام
رديت وقلت لا طبعا انا كنت عايش في بلد اسلامي وكنت خايف من حد الردة
قاللي زي الفل هما مبيخدوش بالهم الا من الكلام اللي بتتكلمه
قلتله من الناحية دي انا صاغ سليم
قلتله استنى بس كدة كوسة(الواسطة) انت حر طليق وانا محبوس هنا لحد ما تقوم الساعة دة ظلم
ضحك قائلا متنساش ان انت كنت في مصر الكوسة(الواسطة)هتدنها وراك وانت عايش وانت ميت

رديت وقلت طب شوفلي واسطة للكبير يمكن يرضى عني
قاللي هو مش فاضي اليومين دول قلتله لية خير؟
قاللي بعد زلزال تسونامي اللي كان بسبب ملاك فاشل راح نفذ العملية في المكان الغلط بدل ما يروح اسرائيل ولا امريكا
جابها في الاندوسيين الغلابة
قلت اه تخيل والادينيين الاغبياء افتكرو ان مفيش اله طلع انو فيه بس نايم على ودانه
الدينيين كمان اغبياء كانوا فاكرين انه لا تاخذه سنة ولا نوم
طلع خدله تعسيلة
قلتله يعني بيعمل اية دلوقتي
رد وقال ثورة تصحيح وتغيير
ملايكة امن الاله وملايكة الكوارث كلهم هيتغيروا وفي منهم اللي هيطلع معاش واللي ينزل جن
قلتله بس كدة هو دة اللي شاغله
رد وقال لا مش بس
قلت ايه تاني
رد وقال في شوية ابتلاءات عمال يحضرها
قلت يوووه تاني زي اية
قاللي بعد معمل الايدز للناس اللي بيزنوا ويشذوا عمل الانسان الواقي الذكري وبعض الاحتياطات مما استفزه جدا
فعملهم مرض اسمه التصلب المتعدد قلتله اه دة كان عندي بس نجيت منه بحادثة العربية
قاللي بالظبط
قلتله بس انا مزنيتش ولا حاجة قاللي معلش بقة يا دوكتور
مهو الواقي الذكري استفزه جدا لانه افشل خطة الايدز
فعمل مرض ياخد العاطل في الباطل حظك كدة
هو دلوقتي مركز اوي على السرطانات والابيولا وسارس ولسة ياما في الجراب يا حاوي
وعمال يقول في خطاباته للملايكة
انا هاربي ولاد ادم دةانا هندمهم على اليوم اللي اتولدوا فية
ازاي ادم ياكل من التفاحة عشان عيل صايع اسمه ابليس يضحك علية

قلتله مش هو السبب ساب ابليس لية يضحك على ادم مع انو عارف قد اية ابليس خبيث
دة الواحد لحد ما كبر ابوه وامه كانوا بيحذروه من اصدقاء السوء ومبيسيبوهومش يضحكوا علية زي الله ما ساب ابليس يعمل كدة

وبعدين
قلت يووووه دة قلبه اسود قوي لسة منسيش يا اخي دة انا العبد اللي مش في رحمته اللي بيدعيها اتعمل فيا اكثر من كدة وتسامحت ونسيت

قاللي انت مش هتحترم نفسك وتسكت ولا تروح في داهية؟
قلتله بس انا تبع الاله اوزوريس
قاللي بس اوعى تستفزه ممكن يكلم الاله اوزريس ويقوله سيبلي الولد دة شوية
قلتله طب واوزوريس ممكن يضحي بيا
قاللي اوف لازم تغامر طول عمرك كدة
المهم تركني صديقي مع وعود بان يحاول يشوفلي واسطة عند الكبير عشان اروح عند الاله اوزوريس
ولكن سالت نفسي سؤال
انا هنا على الاقل مفيش ادلة تديني كل اللي عملته شوية كتابة على النت
والاخوة منكر ونكير عمرهم مهيعرفوا يقعدو على الكومبيوتر ويقرو اللي انا كتبته
حتى لو قروا هنكر ان دة كان اسمي
لكن لو رحت عند اوزوريس دة مين عارف نظام الحساب هناك هيكون اية
يمكن يقعدوا يسالوني انت روحت الهرم وللا لا ويحاسبوني ازاي مطوفتش حوالين ابو الهول

اه اه اااااااااااااااااااااااه
صوت صراخ عالي جدا في القبر اللي جنبي
الراجل اللي كان بيحارب ومات في 1973(اسمه حنفي)
عمال يصرخ ويتالم ويقول انا كنت بجاهد كنت بحارب في سبيل الوطن
منكر بيقوله
الوطن ياكذاب يا منافق
انت كنت بتقاتل حمية مش لله
حنفي رد وقال حمية يعني اية انا مش فاهم حمى مثلا
انت تقصد بحارب بحرارة مثلا
منكر يرد ويقول لا بالعربي انت بتحارب كي تثبت انك اكثر شجاعة
رد وقال عرفتم ازاي انا كنت بحارب عشان وطني وديني مش عشان اتمنظرولا حمية
رد منكر نظرة عينك كان فيها نوع من الاعجاب بنفسك وانت بتحارب خد العذاب عشان انت نيتك مكانتش خالصة
وخلي بالك مش دة بس عذابك لسة هتخش جهنم لابد الابدين
حنفي يرد دة جزاتي انا لو كنت خنت بلدي لصالح اسرائيل كان احسننلي بدل ماققعد احارب واموت نفسي وكدة كدة اتعذب العذاب دة
ثم سمعت صوت مقامع من حديد تهوي على راس الرجل ولا يموت بل يتعذب فقط ويبكي بشدة
قلت بيني وبين نفسي كويس ان فترة حياتي مكانش فيها حروب والا كان مصيري هيبقى زي الراجل دة
لقيت منكر جاي ناحيتي
قلتله خير
رد وقال احنا مازلنا نتحرى عنك وهنجيب c v بتاعك متقلقش
وساعتها هنعرف ازاي نتعامل معاك
ونتمنى ان مصيرك ميكونش زي مصيره
رددت قائلا ان شاء الله البركة في سعادتك يا منكر بيه
لقيته انتشى وفرح بنفسه وقال
عموما احنا بنعمل اللي علينا
قلتله فعلا يا منكر بية انتم بتبذلوا مجهودات كبيرة ربنا يكون في عونكم اكيد شغلكم دة متعب جدا
خصوصا الاشكال الزبالة اللي زي حنفي دة بيحارب حمية اخص علية ويجي بعد كدة يقرفكم
(قلت بيني وبين نفسي لازم انافق الاخ منكر دة شوية واتكلم كاني مقتنع بمبداه عشان يمكن يرحمني)

منكر المهم انه مش عاجبه كمان فاكرنا سذج وهننخدع فيه وفي فدائيته
مش علينا الكلام دة
قلتله طبعا يا منكر بية طبعااكيد انتم عارفين كل حاجة

قلت لمنكر بيك ان كنت ملتزم حتى لما مت في حادثة السيارة كنت رايح
اعود مريض
سكت قليلا وقال الظاهر في عملك دة الخير لكن لسة هنتاكد من نيتك فيه هل كانت خالصة لله وللا لا

قلتله يعلم الله انها كانت خالصة (بيني وبين نفسي مش المفروض انكم عارفين كل حاجة مش انتو الحكومة)
ووجد نكير هذا التساؤل في عيني فاردف قائلا طبعا انت مستغرب ان احنا بنتاكد وحاسس ان احنا مش عارفين صح؟
قلت لا نكير بية لا سمح الله حاشا وماشا

قاللي لا من حقك تستغرب لكن لازم تعرف ان مسؤلياتنا كترت ومعدناش قادرين الناس بقت كثير جدا منهم المجانين ومنهم اليهود ومنهم المسيحيين والبوذيين ومبقيناش عارفين نقييم مين ولامين
والادهى من ذلك الاوباش الجداد دول اللي هنخليهم يندموا اشد الندم
وهندمرهم
دول هيشوفوا عذاب شديد جدا بس نعرف نمسكهم
قلتله مين دول يا نكير بيه
رد وقال الا دينيين فاكرينها سيبه حياة من غير دين ههه
دول سنتهم جاز وبنزين وقطران وهنبدل جلودهم ونريهم العذاب الوان
منكر بيقولوا ان الدين بيتعارض مع العقل والمنطق وهما اللي بيفهموا
تدخلت قائلا اعوذ بالله من غضب الله دول ناس وحشين قوي
حتى لو كان الدين بيتعارض مع العقل والمنطق لازم يؤمنوا بية هما فاكرين نفسهم اية الزبالة دول
نظر منكر لي نظرة شك وقال لايوجد لو
لا يتعارض الدين ابدا مع العلم والمنطق
قلت طبعا يا منكر باشا طبعا انا بس حبيت افترض مجرد افتراض يا منكر بية
رد نكير قائلا لا تفترض اي افتراضات انت المفروض تؤمن وبس تلغي اي افتراضات تماما
قلت في سري يعني مطلوب اني اكون حمار اتربط في اي مكان وارعى فية وخلاص
واردفت قائلا طبعا يا نكير بك افتراضات اية وكلام فاضي اية احنا علمنا قاصر طبعا وملوش قيمة
رد منكر طبعا حتى القران متفتكروش انكم فهمتوه دة ميعرفش تاويله الا الله
قلت في سري ولما هو ميعرفش التاويل بتاعه غيره واجع دماغنا بيه لية
الا انني اردفت سبحان الله
قالوللي سنتركك الان ونعود قريبا انت عارف شغلنا كثير وخصوصا بعد زلزال تسونامي مات ناس كتير قوي ولسة محققناش معاهم ولا جبنا الcvبتاعتهم
قلتلهم كان الله في العون يامنكر بيه ونكير بية انتو بتبذلو مجهودات كبيرة جدا لخدمة البشرية في سري(تعذيب البشرية)
المهم ذهبوا وتركوني وحدي في ظلمات القبر والدود ابتدا يزحف نحوي اية القرف دة موت ودود انا كنت طول عمري بقرف من الحشرات دي
المهم جاللي صديقي اللي مات في العراق اسمه امجد
قلتله يا امجد انت
فين؟
قاللي اامر يا دوكتور قلتله الدود اعمل اية في الدود عمال يهجم عليا من كل ناحية مفيش مبيد اقدر اقضي بيه علية؟
قاللي بس كدة غالي والطلب رخيص ثانية واحدة طلبك عندي
ولقيته جاب علبة مبيد وموت الدود تماما
قلتله الف شكر يا امجد نردهالك في الافراح
صوت بكاء شديد
طفل عمره 6اشهر ويقوم منكر ونكير باستجوابه
من ربك؟
ووواء
ما دينك؟
وووواء
ماذا تقول في الرجل الذي بعث فيكم؟
ووووووووووووواء
ينظر منكر الىنكير ويقول يبدو انه كافر انه لم يجاوب لاجابة الصحيحة
تدخلت قائلا هذا طفل لم يبلغ ولم يعقل ما يقول
يرد نكير انه طفل ولكنه مولود على الفطرة يجب ان يشهد الشهادتين والا فسوف يعذب عذابا شديدا
ثم من طلب رايك لا تنسى وضعك هنا انت مجرد عبد عبد حقير لا راي لك انت تنفذ وبس مش تناقش وتتفلسف
كدت انفجر من الغيظ ولكنني قلت ملهاش لازمة المشاكل وتذكرت قراراتي السابقة البطولية وما ترتب عليها من اضرار
فقلت انا اسف ياباشا كل ماردته ان اوضح ان كان هناك سوء فهم
قال انت اللي هتفهمنا شغلنا هههههههههههه
احنا بقالنا في المهنة دي قرون ويا ما شوفنا الاشكال دي اطفال صغيرة بتتظاهر انها مش فاهمة حاجة لكن هما ولاد جنية وفهمين كل حاجة
قلتله يا منكر بيه ممكن اتجرا واسال جنابك سؤال؟
رد اسال وماله
قلت فين دور الله في الموضوع دة هو تركلكم الموضوع من بابه
انتم اللي بتحاسبو وتقيمو وتعذبو
رد وقال اااه
انت فاكر ربنا فاضيلكم يزبالة انتم خلاص متم وبقيتم تحت السيطرة
كل ما هناك انكم هتتحاسبو وتتادبو على ذنوبكم
ام الله فوراه حاجات تانية الاخ بوش اللي خلى جنوده يغتصبوا المسلمين في ابو غريب
عشان الملايكة اتاخروا في الوصول لمكان الحادث ومنجحوش يمنعو الاشياء المزرية اللي حصلت
البنات العريانة على الدش واللي عمالين يثيروا الشباب ويبوظوهم
والادهى من ذلك
الجهاز الجديد اللي اسمه كومبيوتر والمواقع اللي عليه
قال ايه مواقع بتناقش الاديان وعاوزة تلغيها

هو سعادتك شرفت هنا كمان ...أهلا و سهلا