:Ziyad Rahbani's letter to mini-Hariri

"مش انو الناس بالناس ونحنا بسعد، بس يعني كيف بدنا نقنع الجرايد اللبنانية انو توقف تبخير لحمامة السلام سعد الحريري؟
يعني كيف بدنا نقنعو لسعد انو هوي كان في يرجع علبنان من زمان، وانو هوي شاب تمام بس مش زابطة معو بالسياسة لا بالطول ولا بالعرض، وخصوصي انو الانتصار يللي جرب يبعينا ياه مبارح، لما رجع بالهليكوبتر الفرنساوية طلع مش انتصار، وانو رجعتو بطيارة فرنساوية ما بتشتبه رجعة الخميني بشي؟

يعني مثلاً ليش ما رجع مع السنيورة من روما؟

لش ما رجع مع الامير تركي بن طلال، يللي هوي سعودي كمان واجا على بيروت 5 مرات مع مساعدات؟ ليش ما رجع مع الخطوط الجوية العربية على شي طيارة اماراتية او مصرية او أردنية؟ لش ما جاب معو شوية دوا أحمر لأهل صيدا؟

بسيطة منيح يللي رجعت حمامة السلام، بس كمان عنا سؤال: انو لش القذيفة الاسرائيلية على منارة بيروت القديمة رسالة لسعد الحريري ومش لفؤاد السنيورة؟ بيت السنيورة اقرب للمنارة مش هيك؟ قريطم وينك ووين، رغم انها مفتوحة للاخوة السعوديين متل ما قال الشيخ الحمامة بأول ايام العدوان ورجع تذكر بعدين انو كمان بلبنان في لبنانيي وقال كمان قريطم بخدمتهن ... بس يضلو بعيد!

انو كيف طلع مع خمس جرايد لبنانيي انو القذيفة رسالة لقريطم ومع ثلاثة عنوان "قصف قريطم"؟؟؟ يا خيي وين قصفوا قريطم؟؟؟

يعني السنيورة بيطلعلو رسالة بكل هالعدوان، استكتر عليه سعد القذيفة وبدو ياخدها لالو.

طيب معليش، قبلانين معك انك مقاومة من الاليزيه وانك عذبت حالك وجيت من الرياض عالاليزيه وقطعت المساج مرتين لتعمل اجتماعات، بس المصيبة يا شيخ مش اذا نحنا صدقنا لكن اذا الاسرائيلي صدق وقام بعتلك رسالة عنجد!! هونيك البلوي لكبيرة!

بعدين، يا شيخ، سؤال: ليش النازحين المهجرين المخروبة بيوتهن نايمين بالطرقات والجنينات (صنايع وغيرو) وملاعب الفوتبول من بيروت لطرابلس، وفي بهالوقت اكثر من الف شقة فاضية بالسوليدير؟ انو فكرك مطولة القصة هيك؟

يعني اذا طلع انو معقولة تشتي الدنيي بآب أو اذا طلع أيلول أولو مبلول، فكرك سوليدير بتضل عاصمة موناكو، ولّا المهجرين بيعملو موناكو اختها؟

يا شيخ، يا حمامة السلام وسلام الحمامة، افتح قبلك وبيتك وروّقها شوي، بلا نفخ وبعدك ما وصلت عالبلد، وبلا هيدا اللف والدوران كلما سألوك عن المقاومة. عفكرة بدك تحاسبون مش هيك؟ بدك تحاسب المقاومة؟ مش هيك قلت ب"عكاظ" وعلى ال"سي ان ان"؟

شو بدك بهالقصة، بلاها أحسن لأنو ديوان المحاسبة مفتوح ببير العبد والمربع بالحارة وبكل ضيعة ... شو بدك بالمحاسبة لانو يا ما إلها ستي عند سيدي، وأحسن ما تبتطل الطيارة، الهليكوبتر يللي جابتك قادرة ترجع تنزل وتاخدك.

الحمدلله عالسلامة يا شيخ، بدك تطول بالك على هلكم نازح ومهجر وتطول بالك اذا سمعت هيك يعني شوية حكي بغير لهجة بالحمرا وغيرها (هيدا جنوبي على بعلبكي على لهجة اهل برج البراجنة)، وحياتك ما بدهن يقعدوا ولا دقيقة بس صحابك قالوا انو خليهن يتحملوا مسؤولية مغامرتهن..

رح ناخد بنصيحتك وبدعوتك ونتضامن كلنا سوا، مع انو في ناس قادرة تتحمم وفي ناس انجأ قادرة تتيمم، معليش كلنا سوا وكتر خيرك على كل شي، بس عنا سؤال زغير بالنسبة للتضامن والوقفة كلنا سوا، انو يعني بس لنعرف قديش رح تضل واقف معنا: قديش فيك تقعد بلا مساج؟

زياد"


http://angryarab.blogspot.com/2006/08/ziya...i-hariri-5.html

اقتباس:قريطم وينك ووين، رغم انها مفتوحة للاخوة السعوديين متل ما قال الشيخ الحمامة بأول ايام العدوان ورجع تذكر بعدين انو كمان بلبنان في لبنانيي وقال كمان قريطم بخدمتهن ..

:nocomment:

>>

اقتباس:يا شيخ، يا حمامة السلام وسلام الحمامة، افتح قبلك وبيتك وروّقها شوي، بلا نفخ وبعدك ما وصلت عالبلد، وبلا هيدا اللف والدوران كلما سألوك عن المقاومة. عفكرة بدك تحاسبون مش هيك؟ بدك تحاسب المقاومة؟ مش هيك قلت ب"عكاظ" وعلى ال"سي ان ان"؟

شو بدك بهالقصة، بلاها أحسن لأنو ديوان المحاسبة مفتوح ببير العبد والمربع بالحارة وبكل ضيعة ... شو بدك بالمحاسبة لانو يا ما إلها ستي عند سيدي، وأحسن ما تبتطل الطيارة، الهليكوبتر يللي جابتك قادرة ترجع تنزل وتاخدك.

هدا اللي بيجي عليه زياد .... حقيقي ربنا يكون معه :yes:



<<

لا افهم الحقد من عملاء سوريا على منطقة السوليدير وكانها حسكة بحنجرة سوريا وعملائها في لبنان
عون يريد ان يحرقها

وحزب الله يردد بانها تثير غضبه وغيرته
هل الدمار والخراب في بيروت هو اكثر شاعرية بالنسبة لهؤلاء الناس؟؟

اذا تبرع اليوم سعد الحريري ببناء خمسة جسور ولمن نسمع احد من جماعةبري او حزب الله تبرع ولو ببناء جسر واحد فمن هو الذي يضحى بماله لاجل وطنه ؟اصحاب الخطابات الهمايونية ام من يدفع المال لاجل اعادة بناء وطنه؟

اقتباس:  journalist   كتب/كتبت  
اذا تبرع اليوم سعد الحريري ببناء خمسة جسور ولمن نسمع احد من جماعةبري او حزب الله تبرع ولو ببناء جسر واحد فمن هو الذي يضحى بماله لاجل وطنه ؟اصحاب الخطابات الهمايونية ام من يدفع المال لاجل اعادة بناء وطنه؟[/SIZE]

أنا سمعت أن حزب الله وزّع 500 مليون دولار على المتضررين وأحرج الحكومة اللبنانية ؛ 15 الف دولار لكل عائلة متضررة.

اقتباس:  journalist   كتب/كتبت  
لا افهم الحقد من عملاء سوريا على منطقة السوليدير وكانها حسكة بحنجرة سوريا وعملائها في لبنان
عون يريد ان يحرقها

وحزب الله يردد بانها تثير غضبه وغيرته
هل الدمار والخراب في بيروت هو اكثر شاعرية بالنسبة لهؤلاء الناس؟؟

اذا تبرع اليوم سعد الحريري ببناء خمسة جسور ولمن نسمع احد من جماعةبري او حزب الله تبرع ولو ببناء جسر واحد فمن هو الذي يضحى بماله لاجل وطنه ؟اصحاب الخطابات الهمايونية ام من يدفع المال لاجل اعادة بناء وطنه؟

على ذمة تلفزيون المستقبل "وهي وااااااااااااااسعة" أنهم ثلاثة جسور فقط...
وعلى ذمة تلفزيون أل بي سي أن هناك ثلاثة اشخاص لبنانيون لم اسمع بأحدهم قبل الآن تبرع كل منهم على حدة ببناء جسرين أو أكثر مما هدمته الحرب............

والحقيقة إذا طلع الأستاذ زياد الرحباني "أحد أعلم الوطن العربي" عميل سوري فهذا شرف لسوريا ولي شخصياً...

والحقيقة أن حزب الله يحوي رجالاً فعلاً وأناس تستحق كل احترام فهو يعيد بناء ما تهدم :
بمال طاهر وبدون شروط وإملاءات سياسية...

زياد فقد روح الاصالة وأصبح بلا موهبة ويعتا ش على امجاد الماضي

الافضل له أن يعود لنفسه أولا ويشبعها تهبيرا

ثم لينقد وبأصالة من يشاء

احب زياد القديم لانه صديقي المفضل

اتمنى انه لم يمت

اقتباس:  journalist   كتب/كتبت  
اذا تبرع اليوم سعد الحريري ببناء خمسة جسور ولمن نسمع احد من جماعةبري او حزب الله تبرع ولو ببناء جسر واحد فمن هو الذي يضحى بماله لاجل وطنه ؟اصحاب الخطابات الهمايونية ام من يدفع المال لاجل اعادة بناء وطنه؟[/SIZE]

كلامك بيموت من الضحك
بالفعل أنو هناك أصحاب خطابات همايونية... والشويخ سعد هو واحد من هؤلاء...
يعني بربك أنت تعتبر سعد الحريري رجل سياسة أو رجل دولة؟؟!!
بالفعل انها مهزلة
سلام

اقتباس:  Kamel   كتب/كتبت  
زياد فقد روح الاصالة وأصبح بلا موهبة ويعتا ش على امجاد الماضي
الافضل له أن يعود لنفسه أولا ويشبعها تهبيرا
ثم لينقد وبأصالة من يشاء
احب زياد القديم لانه صديقي المفضل
اتمنى انه لم يمت

زياد هو، هو لم يتغيّر.
الجالس في قطار متحرّك يرى الجبال تسير بعكس اتجاهه :)

تحياتي

اقتباس:  الكندي   كتب/كتبت  

اقتباس:  Kamel   كتب/كتبت  
زياد فقد روح الاصالة وأصبح بلا موهبة ويعتا ش على امجاد الماضي
الافضل له أن يعود لنفسه أولا ويشبعها تهبيرا
ثم لينقد وبأصالة من يشاء
احب زياد القديم لانه صديقي المفضل
اتمنى انه لم يمت

زياد هو، هو لم يتغيّر.
الجالس في قطار متحرّك يرى الجبال تسير بعكس اتجاهه :)

تحياتي

هلأ شيلك من نيوتن ودالامبير وتنظر ع سمانا :duh:

الزلمة ما عاد طلع معو شي ونص فرقتو هجت ع أوستراليا وامريكا
الحقيقة بيطلع أحيانا:emb: بس مش متل الأول أبدا

(يعني مهما مها .....سانجب لك ولدا اخضر يا سنونوتي وهيدا الهيلاسيلاسي ) لن تتكرر

يعني هو رفيقي اكثر من اي حدا

ولله انت بس بدك تعارض كالعادة:lol: