زميلنا باسل قد ينقطع عنا اياما لا نعرف عددها ولكن اتمنى ان يرجع وقد حقق ما يرغب وما ذهب من اجله



وصلتني منه هذه الرساله وطلب مني ان اسلم على الجميع واابلغهم عن انقطاعه ولكني سانقل لكم الرساله كما وصلتني ;)

اقتباس:عزيزتي ...

 

أعتذر أولا عن استطاعتي عن الردعلى اتصالاتك و التي لم الحظها الا متأخرا و ذلك لانشغالي بأمور ما قبل السفر و التجهز للسفر .

كما انشغلت بجمع بعض المساعادات المادية و العينية التي رغب بعض الشباب هنا بارسالها معي الى المحتاجين و النازحين و المصابين من لبنان ( حملة ليست بالدعائية ) .

 

المهم خلينا بالعربي ..

لح اوصل على الشام و بدي شوف شو الوضع و بناء عليه بعرف كيف لازم اتصرف ... غالبا لح ضل اسبوع بالشام  مشان المساعدات و ترتيب الأمور و بعدين انشالله الى لبنان .

 

مشاعر غريبة بحس فيها كل ما قربت .. حسيت حالي كتير مأخر عن الرجعة و كان لازم ارجع من قبل بس ظروف العمل ما سمحتلي بس مش مشكلة انشالله بعوض اللي فات .

 

لازم كون بلبنان .. مشان كون جزء من النصر يمكن ماكون حامل بندقية و عم حارب بمعركة عسكرية مع اني بتمنى بس على الأقل لح كون بين الناس بمكاني بالصليب الأحمر و يعني اذا ضمدت جرح واحد بكون قدمت شي اذا خليت طفل يبتسم بكون عملت شي .

 

المشكلة حسب ما فهمت هي ايصال المعونات الى بيروت عن طيق البر و طريق الجو لازم الاتفاق مع اسرائيل و مشان هيك لازم نلاقي طريقة عبر الصليب الأحمر الدولي ... الجواء كتير مشحونة و الوضع بتوقع انو لح ينفجر اكتر من هيك بكتير .. التهديد بضرب تل ابيب او المفاعلات النووية و المخازن الكيماوية لح توسع الحرب و تغرق المنطقة كلها .

 

الحلو بالموضوع انو الشعب السوري فاتح بيتو للبنانيين و للمرة المليون بتبرهن او الشعب السوري و الشعب اللبناني هو شعب واحد بغض النظر عن كل الحكي و التسميات و هيدا شي ما قدر حدى لهلق انو يكسروا و مش لح ينكسر .

 

المجهود يلي قدمتو الجمعيات الخيرية و الناس بسوريا و المنظمات الانسانية مجهود جبار امام ضعف الامكانيات المتاحة .

 

الشي يلي مش عم افهمو انو الشعب العربي شو عم يعمل ؟ انو لمى بيطالب انو يقاطع المنتوجات الأمريكية لازم يقاطع الحكومات العربية أول شي لأنها هي اول منتوجات أمريكية بالمنطقة .. لازم يصير شي مع انو مش لح يصير .

 

 

لسى العالم عم تحكي و الأطفال عم تموت ... مش عم يستوعبوا أنو هدول هنن المستقبل بلاهن بنكون خلصنا و انتهينا ... و لسى عم يقولو حزب ايران و شيعة و ما بعرف شو .. طيب وينن السنة ؟؟ شو عم يعملوا ؟؟ و اسرائيل حزب أمريكا أحسن من حزب الله ؟؟  

كل واحد في يعمل شي غير الحكي ... انشالله يدعي لأضراب مفتوح لترضخ الحكومات لشعوبها .

 

العالم يلي بيكون الوطن بالنسبة الن متل الفندق بيجوا ليناموا فيه كل فترة هدول مالن حق يحكوا على الوطن من بعيد .. يتركوا أمريكا و فرنسا و سويسرا و المانيا و البرازيل و يرجعوا على وطنن ساعتها يحكوا . مش يحكوا و هنن عم يتفرجوا على التلفزيون .. ..... مش لح فوت يهيدا الموضوع هلق لأنو مش ناقصني .

 

ما عندي وقت كتير .. عم استخدم الموبايل تبعي عواض المودم و اتصل منو لأني لسى عم اتنقل من مكان لمكان تاني و أهلي لسى ما شفتن لأني ماوصلت للشام بعد بعدني عم شوف الأوضاع بالجنوب السوري ... الضيع و البلدات هون صارت مختلطة لبنانيين و سوريين و البيوت مشتركة بينهن .. شي جميل رغم البشاعة .

 

سلملي على الشباب بالنادي يمكن انقطع عنو فترة منيحة و اذا نزلت علي لبنان ماحدى بيعرف شو بيصير .. سلمي على حالك أول شي .. لا تدعي بسلامتي على قدر ما تدعي اقدر أعمل يلي نزلت مشانو .

اتمنى لك كل الخير يا صديقي

قال لي باسل انه رايح لهونيك ....

احسن مننا ع الاقل ... هيك قلت له .. جاوبني و قال : لا ...ماني عامل شي كبير و عمقاوم ....

قلت له: ع الاقل حاطط روحك ع كفك...و رايح تحت القصف ..


لباسل (f)... كن بخير ..


شكرا بلقيس:97:

لا كلام بعد ما قال باسل.

أنا عائد من الغربة إلى وطني عما قريب، عساني لا أكون غريباً هناك أيضاً من جديد...

(f)

رسالة جميلة .. فيها أحساس رائع !


فكرتنى بحكاية المثقفين , والحكى هديا (f)

[CENTER]

اقتباس:لا تدعي بسلامتي على قدر ما تدعي اقدر أعمل يلي نزلت مشانو .

[CENTER](f)(f)(f)(f)(f)(f)(f)(f)(f)(f)(f)(f)(f)(f)
(f)(f)(f)(f)(f)(f)(f)(f)(f)(f)(f)(f)(f)(f)
(f)(f)(f)(f)(f)(f)(f)(f)(f)(f)(f)(f)(f)(f)
(f)(f)(f)(f)(f)(f)(f)(f)(f)(f)(f)(f)(f)(f)
(f)(f)(f)(f)(f)(f)(f)(f)(f)(f)(f)(f)(f)(f)
(f)(f)(f)(f)(f)(f)(f)(f)(f)(f)(f)(f)(f)(f)
(f)(f)(f)(f)(f)(f)(f)(f)(f)(f)(f)(f)(f)(f)
(f)(f)(f)(f)(f)(f)(f)(f)(f)(f)(f)(f)(f)(f)
(f)(f)(f)(f)(f)(f)(f)(f)(f)(f)(f)(f)(f)(f)
(f)(f)(f)(f)(f)(f)(f)(f)(f)(f)(f)(f)(f)(f)
(f)(f)(f)(f)(f)(f)(f)(f)(f)(f)(f)(f)(f)(f)
(f)(f)(f)(f)(f)(f)(f)(f)(f)(f)(f)(f)(f)(f)
(f)(f)(f)(f)(f)(f)(f)(f)(f)(f)(f)(f)(f)(f)
(f)(f)(f)(f)(f)(f)(f)(f)(f)(f)(f)(f)(f)(f)
(f)(f)(f)(f)(f)(f)(f)(f)(f)(f)(f)(f)(f)(f)
(f)(f)(f)(f)(f)(f)(f)(f)(f)(f)(f)(f)(f)(f)
(f)(f)(f)(f)(f)(f)(f)(f)(f)(f)(f)(f)(f)(f)
(f)(f)(f)(f)(f)(f)(f)(f)(f)(f)(f)(f)(f)(f)
(f)(f)(f)(f)(f)(f)(f)(f)(f)(f)(f)(f)(f)(f)
(f)(f)(f)(f)(f)(f)(f)(f)(f)(f)(f)(f)(f)(f)
(f)(f)(f)(f)(f)(f)(f)(f)(f)(f)(f)(f)(f)(f)[/CENTER]

مش كتير عليك باسل

إن شاء الله تنفذ اللى بتتمناه
إن شاء الله[/CENTER]

تحية لباسل من القلب و أتمنى له أن يحقق مراده و أن يعود سالماً لأرضه، و بحق يا باسل أنت باسِل (f)

(f) لبلقيس

(f) لباسل، وترجعلنا بالسلامة يا "دمعة" (f)

باسل مره اخرى

اقتباس:و أموت في قانا مرة أخرى ....

 

متألم الى حد الموت ...  

 

للمرة الثانية أكون في قانا و أموت فيها .. صدف ان يكون يومي الأول في لبنان يوم موتي في قانا  ...  

ما سمعناه من أجهزة الاتصال من وصف هناك من المسعفين و اللجان الشعبية  في صور شيء بشع يقتل النفس و يخنق الروح و يرمي بالانسانية بعيدا ....

 

أطفال ... اطفــــال تيبست ايدهم من الكسور و التشنجات و هي ممدودة الى السماء هذا الوصف الغالب ممن كان هناك .... ربما كانت تنادي الله أو تستجير به أو تبحث عنه .. لا أعلم  

 

لم أعد املك ما أقوله ... الحكومات و الشعوب و الدول و و و و  ..... و هناك من يقول سلام مع اسرائيل أو يقول شيعة و سنة و من الى الآن يتكلم عن كيفية بدىء الحرب .... تفاهة البشر مقرفة  

 

حزين جدا.... متألم الى حد الضمور  

قالت لي أمي اليوم على الهاتف .. ان الحرية و النصر وقودها الشعوب ... و عندما سألتها و هل الشعوب هي الأطفال .... بكت و ابكتني ....

 

حالنا اليوم كما قال توفيق الحكيم، ننظر وراءنا في ندم وحولنا في خوف وأمامنا في يأس!

 

لربما كان وسط الموت حياة ... لربما نبتت من هذه الأرض المروية بدماء الأطفال شجرة الكرامة .

 

مازالت كلمات : النصر , الشهادة , المعركة , الصهيونية , فلسطين عربية , الدين لله و الوطن للجميع موجودة و لم تمت .. رغم من يستهزء بها و رغم من يتناساها و من نسيها .. الا انها موجودة على الأقل لدي و لدى بعض ممن أعرف ....و اليوم زاد ايماني بها ... زاد ايماني بأنه لا سلام مع اسرائيل و الحرب ستطول ولن تنتهي ... وجدود لا حدود يا أليس هي المعركة .

 

الحرب ... لابد من الحرب .. كم اتمنى ان تكون هذه بداية حرب استرداد الأرض و الشعب و الكرامة ... كم اتمنى لو ان الشعوب تدوس على حكامها و تمضي ... مشكلة الشعوب هما امها فقدت حس المبادرة .. نسيت كم تملك من قوة ... نسيت ان عددها يفوق عدد حكامها و كلابهم .. نسيت لو ان كل عربي بصق بصقة واحدة لغرق كيان صهيون بمن فيه ...

كم اتمنى ان ارى اضراب مدني .. مظاهرات لارغام الحكومات على طرد سفراء الاجرام .. كم اتمنى ان يجعل الشعب قادته يرون ان قوة الحكومة هي من الشعب و ليس من أمريكا .... أاااه

 

كم تمنيت ان يحذف هذا اليوم من حياتي ...  

جدا حزين و متألم  يا صديقتي ... كم لدي من الكلام و كم اتمنى ان اتكلم .. لكن الألم أحرقني  

 

 

إننا ننهض عن مائدة العمر ولم نشبع ‏

تركنا فوقها منسف أحلام ‏

نحن أكملنا مدار العمر فرساناً

وقد متنا شباباً

طلال سلمان





باسل

بالسلامة ياسيد الكل (f).. كنت أتمنى أن أكون في مكان كمكانك .

كن بخير باسل أنت وكل أهلنا في لبنان وقل لهم إننا معهم حتى لو عجزنا عن أن نكون معك هناك لنصرتهم.

يرجع بالسلامة ...(f)

الله يكون بعونه ... و عون أهلنا في لبنان (f)