:Dدشرو : يعني حل عنو
ماني غضران : يعني لست بقادر (وهي بالميداني)
يوه تشكلو آسي : يوه مفرده يأتي شرحها لاحقاَ
تشكلو آسي (بعيد الشر) تعبير يفيد شدة حب المتكلم للمتكلم عنه ....
الواه الواه : تعبير نسائي قح يفيد التمسخر على شيء ما
معبّا بـ بنطرون : يعني واحد أجدب وجاية يحكي
ولا : آداة تستخدم في النهر والشتم
وخنان : مسبة مانها ظريفة بس وضعت للضرورة اللغوية
دشّرني : أي حل عني ... وحل عني يعني اتركني بحالي
أيدي بزنارك : تعبير يستخدم للتعبير عن الرجاء
دخيل الله : أيضاَ تعبير والمقصود به هو الاستغاثة بالله
شعره متل الشوشة : أي أن شعره منفوش ومنكوش
وضرّاب السخن : وهي مسبة.. وتعني .... مابعرف مسبة وبس
يوه الواه الواه : مفردة شهيرة جدأ عند النساء وتفيد الأوية
كوكش : يعني يفتش
بحبش : أيضاً مفردة تعني البحث مع التمحيص
ينمحق : ويعني ينضرب على قامتو .. يسطفل
يبعتلو حمى : أي تصيبه حمى ويمرض
يتحورق : متل يبعتلو حمى
يتقوص : بنفس المعنى
يتأمع : كمان هيك شي
عود يقعد رزك : يعني خيلتنا حاجة تحوص
والمعنى الأدق: يقعد رزك يعني تموت والناس ياكلو رز.. لأنو من المعروف عندما يموت حدى بتصير عزيمة وبيطعمو الناس أوزي على روح الميت والأوزي أكلة معروفة بالشام
وين غاطط : وين مو مبين
والسبع تنعام : يعني إلنا الشرف
حيط بياخذو وحيط بيجيو : تقال للي بيسكر من كتر الترنح
مابيعرف الخمسة من الطمسه : عن الرجل اللي ماعندو ثقافة
سرّي مرّي : عاللي بيخفق برات البيت
شندي بندي : للي بيحكي بلا طعمه شروي غروي
فايت بالحيط – طاقق الفيوز : للدلالة على انو ماعم يلاقي كلمة مناسبة
مجنط : مفلس ولا قرش
كحته : إيدو ماسكه .. بخيل
شاطط ماطط : يعني مدلع زيادة
نعيان : يعني قلبو بارد
نايط = نعيان = بارد
شاضومه : بنت مجلوئة .. يعني كيف بدي إلكن .... قليلة أدب ومصبينه
شحاطة : مايلبسه المرء في قدمه عندما يكون في المنزل
تعسيله : نومة بعض الظهر
مسرسبة : يعني بتحب النظافة كتير
أسسييع أوعى الزيت : بمعنى وسع وفسح طريق
أغّيييييى : هي للأبضايات وبس
تأكلو الدودة العميا : يعني الواحد يموت وياكله الدود بعيد الشر
يبعتلو أتلو شو سمج : كمان يعني يموت وسمج يعني غليظ ..
موسوس : مهووس بشغله
عقلو جوزتين بخرج : يعني عقله صغير
متل الأطرش بالزفة : يعني مالو علاقة بالموضوع
حاج تحوص وتلوص : يعني حاجة تفتل وتدور
شوية لرخار : بعد شوي
بنت عمي : يعني مرتو وطبعاً بالعكس
أووعا : يعني دير بالك
أووعي : ديري بالك

مع ملاحظة قراءة كل حرف ((ق)) ((أ)) ، مثال ((تمحق)) ((تمحأ))
وهذه كلمات متداولة فقط عند أهل الشام الأصليين

قابل للزيادة

**ابن الشام** · 06-28-2006, 01:07 AM

شنّو: لأنّ ، وتفيد التعليل.
شنّو لأنو : كمان "لأن" لكن بزيادة شغف المتحدث.
سجرة : شجرة
أجازة : (بتسكين الهمزة) زجاجة
ولا! : (بتسكين الواو) تعني "يا ولد" وتستخدم لتقليل أهمية المخاطَب.
يزّوز: يتزوج

;)

bassel · 06-28-2006, 08:50 AM

ابن الشام .. :9:
عراسي حارتك

:wr:

أبو إبراهيم · 06-28-2006, 07:32 PM

سحبه النمل : اختفى
أعلي : عقلي
زاروبة : حارة
خرط مشطي : أعجبني
متوك : مرهق
أز بدني : أصابتني القشعريرة
مبوّز : بفتح الواو مدبب مثل المسمار، وبكسر الواو كئيب ومثلها مبوزم وآلب خلئته...
:D

bassel · 06-28-2006, 08:52 PM

آهلييييييين بالشباب :lol:

bassel · 06-28-2006, 09:25 PM

مسكوا من خوانيقو : يعني عم يخنقو
مأحط : يعني منتوف
أحط بكسر الحاء بمعنى افرقنا يعني حل عنا
زابوءة : يعني زاروبة يعني حارة ضيقة
متل زنبع و انبع: بضم الباء بالكلمتين يعني ناس كتار كتير
ييييي على غورو : بمعنى يبعتلوا ولي على غورو ( جنرال فرنسي )
مرة سماوية ( سم ماوية ) : بتشديد الميم يعني مرة قوية متل السم
يحرء حريشك : يعني يلعن ديبك ( منيحة مش مسبة )
نفضوا بوكس هرلوا ( فرطلو ) سنانو متل العلكة : مفهومة
شحو : يعني ليكو يعني ها هو ( للقريب )
شحوكة : يعني ليكوكة يعني ها هو ( للبعيد )
شن كليلة : ما بعرف شو معناها بس تقال بالعراضة بالأفراح
( شن كليلة شن كليلة الله يعيني على هالليلة من هالليلة صاروا عيلة )
و زهرمان بخاري : مو منيحة - بمعنى تاكل سم انشالله
و خنااان أتولي : أتولي بمعنى قاتولي = قاتل - يعنني يصير معك خنان حتى تموت
لسانو بسبع شطلات : يعني بيكر كتير بالحكي أي يحكي كتير
يقطع عمرك = الله يأصف عمرك : يأصف اي يقصف ( يقصم ) عمرك .. يعني انشالله الله بياخد امانتو ( امانته ) يعني تموت ( بعيد الشر )
مبوجأ : يعني صوتو عالي
مجأجأ : متشتش : مبلول كتير
جأجأة : مي كتير بالأرض بلا طعمة

و لنا عودة :D

ياريموثا · 06-28-2006, 10:12 PM

اقتباس: bassel كتب/كتبت
شعره متل الشوشة : أي أن شعره منفوش ومنكوش

متل طارق مثلا :lol:

طيب خدوا هاالباقة اللي خطرت ع بالي ...

قبوع: كيس ورق منفوخ
ها الشب قبوع: تقال للشخص الفاضي المنفوخ و المتعجرف ع شي فاضي
ها البنت شقفة: تقال للبنت الامورة الحلوة السنفورة.

انا ما عندي كاني ماني: يعني انا ما بحب الذبذبة و اللف و الدوران.
خَرّاطة: تنورة.
باب السئاء: يعني باب الزقاق.
دولة : ركوة
السوكة : الزاوية
جليط: كذاب ..و تأتي من كلمة جلط و تعني كذب
سحّيب: كمان كذاب
قضامة : حمص ناشف .
دركشة: طقطقة
ولي ع قطاطك : عبارة تستخدم ل التحبب ...'' ولي ع قطاطكون كلكون'' :kiss:

(f)

كمبيوترجي · 06-28-2006, 10:20 PM

ما عندكم من حكينا :cool2:

متدعدر، متكندر، خاف عقلي، خاف (أشياء أخرى :D )، فاقعة معي، إطلع من راسي وسكّر الباب وراك، شو مالك ماكل حاكل ماخذ شمالك واقف على جنب؟؟؟....

والقائمة تطوووووووووووووووووووول :23:

بس حبيت أسلّم وأستعرض شوية عضلات لدواوين (زجرتاويّة بالشامي) الأردن بمخيماته :cool:

بروتوجراتسي خدّمين الطيبين نحنااااااااا :9:

:redrose:

أبو إبراهيم · 06-29-2006, 12:11 AM

ياريموتا،

شو دخل الشامي باللاضقاني ؟

يعني فرقت شبر بصراحة...

:P

بهاء · 06-29-2006, 12:23 AM

الحمد لله اللى طمنى على مستقبل التفاهم اللغوى ( العربى - العربى ) .

فعندما يأتى لنا أجنبى , نسأله عايز عربى أى نوع ( لبانى - شامى - خليجى - مصرى - مغربى ) .

عندنا كل الأنواع :D

تسجيل الدخول
اسم المستخدم:
كلمة المرور:	فقدت كلمة المرور؟
	تذكرني

المواضيع المحتمل أن تكون متشابهة…
الموضوع		الكاتب	الردود	المشاهدات	آخر رد
	يعني خلاص	* وردة *	2	653	08-23-2012, 04:40 PM آخر رد: * وردة *
	يعني منيح اللي صارت ثورة لحتى "تعرفي" قديش كان حجم الفساد يختي!	Narina	2	1,195	06-26-2011, 11:54 PM آخر رد: Narina
	التعلم عن طريق النت	neutral	43	11,171	01-28-2011, 10:42 AM آخر رد: AmandaFi
	يقول أنه صحفي ..... يعني ...زميل حسنين هيكل !!!!!!!!!!	نسمه عطرة	5	1,734	11-29-2009, 12:55 PM آخر رد: OutLaw
	علاقات الحب عن طريق الانترنت؟	caputcha	8	3,868	11-01-2009, 07:39 AM آخر رد: إبراهيم