هل هناك من وسيلة لتحميله مجانا من على النت؟ و لكم جزيل الشكر. (f)

يبيعونه هنا:
http://arabiccartoons.net/catalog/product_...products_id=432

شاكر جزيلا لكل من يساعد

لازم نعرف الاول احنا بندور في ايه عشان نوصل لحاجه والرابط مش موضح في الصوره غير راس بطاطس

يعني ده فيلم كارتون ولا برنامج اطفال ولا طبق مسقعه ؟

أخونا فانجيلس ( على وزن: أبونا أنجيلوس :P :lol2: .. أسامي تفقع المرارة ... و البيضان كمان :23: ):

شوف يا سيدي هو فيلم كرتون للأطفال و له شعبيته و اسمه بالانجليزي هو Sesame Street بس أنا عايزه بالعربي عشان الأرض بتتكلم عربي و تقول: "الله". :duh:

و ما هواش طبق مسقعة الله يخليك و لكنه كدة و العلم عند الله طلع طبق "خُـبيزة" أو عدس بالبشملة.
عندك سكة أو طفاشة تجيب بيها الفيلم و ينوبك ثواب؟:cool: ورينا الهمة :wr:

يا ابراهيم ما تفرسنيش .. :mad:

مش عارف تميز بين برنامج اطفال و فيلم كارتون .
ده برنامج متعدد اللهجات -حتي العربي منه -بعيد عنك وعن السامعين نعرات سياسيه .

بيتذاع في الاردن وفلسطين بعنوان (حكايات سمسم)
وبيتذاع في مصر بعنوان (عالم سمسم)
و بيتذاع في دول الفرنجه (سيسمي ستريت)
وكله تحت رعايه الشركه الام (Sesame Workshop)

و طبعا الحلقات من بلد لبلد مختلفه -قلنا نعرات سياسيه- .. والمصريه تفقع بزياده وخاصه حواديت فلفل وعم جرجس (مفيش عم محمد وده اللي فاقعني طبعا و مكرهني في المسلسل :yes: )

الخلاصه : لو كان كارتون كنت جبتلك أبوه , لكن المشكله انه برنامج اطفال وليس كارتون (رسوم متحركه) ... الموضوع صعب شويه

عموما هحاول و بكره هيكون عندك الخبر اليقين .. ده لو لسه يعني ما اتطردتش من المنتدي

سلام (f)

افتح ياسمسم ليس برنامج متعدد اللهجات لكنه برنامج باللغة الفصحى من انتاج مجلس التعاون الخليجي و بمشاركة ممثلين من عدة دول عربية
عزيزي ابراهيم اسف لاني لا استطيع مساعدتك

اقتباس:مش عارف تميز بين برنامج اطفال و فيلم كارتون

أللاه! وأنا اش عرفني؟ ما كانش على أيامنا تلفزيون.. كنا لو عايزين نتفرج ع التلفزيون نروح القهوة و ندفع ربع جنيه أو حاجة زي كدة و لما كنت في الاعدادية دخل التلفزيون بيتنا و أيامها كنت متدين لسؤ الحظ.. شفت الدنيا؟ تقدر تشوف لنا أي حاجة؟ بس باللهجة المصرية!

أخي Nils:

أشكرك على اهتمامك و رغبتك في المساعدة. على فكرة، لم أنسَ طلبك بخصوص كتب لـ يونغ و أنت في بالي فيما سألت. لو أنت مقيم في الولايات المتحدة عندي كتاب إضافي مستعمل له Memoirs و لا أملك كتب بالعربي له و يمكن أن أرسله لك بالبريد.(f)

اقتباس:والمصريه تفقع بزياده وخاصه حواديت فلفل وعم جرجس (مفيش عم محمد وده اللي فاقعني طبعا و مكرهني في المسلسل

أنت أكيد بتهزر يا أبونا فانجيلوس.. بتتكلم جد فيه عم جرجس و الكلام ده؟ طب اسمع.. :what: و هاجيب لك من الآخر، لو فيها عم جرجس، يا ريت تسُك لنا ع الشاي.. خلاص. هانشرب كازوزة.. باتكلم جد.

اقتباس:بيتذاع في الاردن وفلسطين بعنوان (حكايات سمسم)

مادام فيها جرجس، ما تشوف لنا النسخة الفلسطينية؟ و ينوبك ثواب يا شيخ و تروح الجنة حدف. تقدر؟

اقتباس:ما كانش على أيامنا تلفزيون.. كنا لو عايزين نتفرج ع التلفزيون نروح القهوة

:o هو البرنامج ده قديم من ايام التليفزيون ابو قناتين .. معقول ؟

اقتباس:يا ريت تسُك لنا ع الشاي.. خلاص. هانشرب كازوزة.. باتكلم جد

لا متخافش من عم جرجس ده أليف ما بيعضش و الاهم انه مالوش في المفاخذه :D:duh:
كل وظيفته في البرنامج حاجتين لا ثالث لهم :
1 - يروح وييجي من الكنيسه .
2 - يقف في الدكان عشان يبيع ل"فلفل" لانه غالبا باقي الحي مقاطعه ومحدش بيشتري منه الا فلفل .. طبعا الكلام ده سر و الحكومه مغطيه عشان الفتنه .

عموما البرنامج بيعبر فعلا عن الطفل المصري بدايه من الجرابيع ونهايه بولاد الاكابر و هناك حلقه تم تصويرها بالكامل في اسيوط وسط اشكال تقطع الخلف كدليل علي الحياديه التامه اللي وصلت بيهم حتي للملابس , يعني هتلاقي مثلا (طنط خيريه) زوجه عم (جرجس) لبسها كله جلاليب وعبايات مزركشه من شارع الشواربي ولن تراها يوما ترتدي بلوزه او الجيب او الاختراع الفاسق (الجينز) ... يعني النسخه المصريه المعدله هتعجبك لانها هترجعك لذكريات الوطن بين الزرايب و الاجلاف :lol:

اه قبل ما أنسي ... البرنامج العربي مش موجود منه غير الاغاني لان هواه تسجيل الحلقات ورفعها للنت في الحاجات دي شبه منعدمين .. لو اعرف يا خال ابراهيم انك مغرم كنت سجلتلك كل حلقات رمضان اللي فات وشحنتها لك فيديكس :what:

شكرا لك أخ فانجيلس على اهتمامك .. و رغم أني لا أطيق بعض الأسماء و لكن دعنا نشجع بعض ألا نزكي روح التحزب ضد أي إنسان .. معذرة.. نهارك سعيد.