نادي الفكر العربي / الســــــــاحات العامـــــــة / قضايا اجتماعيــــــة v / حابس بقلبو !!!

{myadvertisements[zone_1]}
 
تقييم الموضوع:
  • 0 صوت - 0 بمعدل
  • 1
  • 2
  • 3
  • 4
  • 5
نظام المشاركات
حابس بقلبو !!!
bassel غير متصل
عضو رائد
*****

المشاركات: 2,109
الانضمام: Jan 2005
مشاركة: #1
حابس بقلبو !!!
هاد مرة موظف وقف عند البقالية يلي بيحارتو وأشترى شوية غراض
وعند الدفع طلب من صاحب البقالية أنو يسجلهن عليه بالدين فرفض صاحب البقالية

وقلو ما بتعامل انا إلا بالكاش موني!!! فقلو الموظف متعجب بدك كاش ؟؟

قلو صاحب البقالية أي ليش لأ ؟ فجاوبو الموظف :

لأنوالكاش غير متوفر بالأسواق المحلية

لأنه تجمع بأيدي شلة من الحرمية

والحرمية صارو كتار

والكترة غلبت الشجاعة

والشجاعة كنز لا يفنى

والكنز موجود بالمغارة

وااالمغارة ما بتفتح إلا لعلي بابا والأربعين حرامي

والأربعين حرامي صارو ملايين
والملايين عم تندفع لضعاف النفوس رشوة

والرشوة صارت حق

والحق يا حسرتي ضاع

والأكل ما عاد منو غذاء

والغذاء مقابل النفط
والنفط جاب البلا على روسنا

وروسنا تمرمطت بالأرض

والأرض مقابل السلام

والسلام صار استسلام

والاستسلام ضيّع الكرامة

والكرامة خسر أدام الوحدة

والوحدة صارت حلم

والحلم سيد الأخلاق

والأخلاق تحول لنفاق

والنفاق جمع نفق

والنفق لازم يتكمّل

ولحتى يتكمّل بدو متعهد بناء صالح

وصالح ما عاد بهالأيام

وبهالأيام صارت المفاهيم مقلوبة

والمقلوبة بدها بيتنجان ولحمة

واللحمة ماعادت تفوت لبيت الفقرا ولو نطحو الحيطان

والحيطان صار ألها أدان

وألأدان معبية البلد

وهالبلد صار في أكل هوا

والهوا صار فيي تلوث

والتلوث عشعش بالنفوس . والسجل المدني والقضاء

وللقضاء على القضاء صار بدو قضاء وقدر

والقدر علينا مكتوب

والمكتوب ما في منو هريبة

والهريبة تلتين المرجلة

والمرجلة ما عادت لكل واحد

وكل واحد ألو ساعة
والساعة أتية لا ريب فيها

يوم يأخذ كل ذي حق حقه الذي شفط منه في الدنيا

وعلى الدنيا السلام مشان الحصول على الأختام

والأختام عند المدام

والمدام كانت شامية وهلأ صارت روسية شقرا

والشقرا بتهز الأرض

والأرض بتتكلم عربي

والعربي مو عرفان وين حاطو

والله اذا منضل على هالحالة لتسحبنا الكلاب

والكلاب أحسن من البني أدم

وأدم علق علقة مصخمة مع حوا

وحوا ما بتعرف غير كلمة بدي

وبدي ألعن أبو هالحالة
03-24-2006, 03:47 PM
زيارة موقع العضو عرض جميع مشاركات هذا العضو إقتباس هذه الرسالة في الرد
{myadvertisements[zone_3]}
Deena غير متصل
عضو رائد
*****

المشاركات: 1,133
الانضمام: Dec 2001
مشاركة: #2
حابس بقلبو !!!
(f) مسروقة؟؟؟

يمكن مسلوقة

........... توقيعك مميز وفيه حسرة
03-25-2006, 08:51 AM
عرض جميع مشاركات هذا العضو إقتباس هذه الرسالة في الرد
{myadvertisements[zone_3]}
bassel غير متصل
عضو رائد
*****

المشاركات: 2,109
الانضمام: Jan 2005
مشاركة: #3
حابس بقلبو !!!
مسروقة .. يمكن مسلوقة ؟؟؟ ما فهمت عليك شو قصدك ؟ يعني انا سارقها أو سالقها ؟
انا أخدها من ايميل بعتلي ياه صديق الله و كيلك نسخ من هون و لصق هون !! اذا كان هيدا قصدك !!


اما تميز توقيعي فشكرا لك ... و بالنسبة للحسرة فنعم معك حق

(f)(f)
03-26-2006, 11:14 AM
زيارة موقع العضو عرض جميع مشاركات هذا العضو إقتباس هذه الرسالة في الرد
{myadvertisements[zone_3]}


الانتقال السريع للمنتدى:


يتصفح هذا الموضوع من الأعضاء الان: بالاضافة الى ( 1 ) زائر
{myadvertisements[zone_2]}
إتصل بنا | نادي الفكر العربي | العودة للأعلى | | الوضع البسيط (الأرشيف) | خلاصات التغذية RSS