حاليا متوفر عندي بضع حلقات مرايا و وين الغلط، ولكن في الشام توجد عندي من مرايا 84 وحتى شوفو الناس سنة 94 و مرايا 95 موجودة، ناهيك عن وين الغلط بكامل حلقاتها تقريبا:what:

بالنسبة لي فهذه ثروة خاصة احببت ان اشارك اعضاء المنتدى الكرام فيها و اشكر الزميل طارق القداح الذي اتاح لي مساحة ضمن موقعه لرفع الحلقات :97:

المطلوب:

خمساعشرين ورقة عالحلقة :cool:و عملنا ديسكاونت فطلعو طصطعشر ورقة:cool2:

فكل من يريد اي حلقة يضع ردا هنا و سابعث له بالروابط على الخاص

تحياتي

Nils · 10-16-2005, 03:48 PM

مفاجأة حلوة يا معتزل
انا اريد الروابط شنو انا بحب شوفو لابو الغور

**ابن الشام** · 10-16-2005, 05:02 PM

طصطعشر ورقة يا ظالم!!! ، طيب في واحد عرض عليي نفس العرض بسبطعشر ورقة بس "الله وكييييييل"!

طيب يا سيدي خود هالعشرين ورقة وهات الباقي انشالله عمرو ما حدا وفّر :D

شكراً على مشاركتنا بهذه التحف الرائعة (f)

ياه ما أجمل الذكريات :)

معتزل · 10-16-2005, 11:52 PM

تحياتي...

الزميل Nils (f)

على راسي انت و ابو الغور وابو العناتر

راجع الخاص

الزميل ابن الشام :

اي الله الوكيل الله الوكيل ما بتوفي باقل من طصطعش، ما بتوفي معي، بعدين هداك شيت الصبطعش :flam:نسخو مو اصليات :D

ايضا راجع الخاص

تحياتي

Nils · 10-19-2005, 11:06 PM

مرحبا معتزل
هل هناك حلقات اخرى سواء من مرايا او وين الغلط ؟
:97:

أبو إبراهيم · 10-19-2005, 11:26 PM

- شو هاد اللي عم يشرشر من تحت تيابك ولا ؟
- الله يسامحك يا أم ياسين، عم تكتري إدام للأكل....
:lol:
- وإنت ليش تمك (فمك) منفوخ ؟
- فيه حكي.
- إيه بقه. (احكيه)
- هاد حكي ما بينحكى.
:lol:

وأنا وأنا نسخة... من كل شي

وشكراً.

(f)

ابن سوريا · 10-19-2005, 11:57 PM

صحيح عندك حلقة مرايا اللي بآخرها غنية:

"أنا ياباني ..
بدن ياني
في عندن آلة عطلانة
جايي صلحها عالعمياني
.
.
بعتوا تقرير لمدير قسمي
إنن فهمانين كتير
وأنا حيواني"

:D

شو مافي؟

سيزيف · 10-20-2005, 12:27 AM

اقتباس: معتزل كتب/كتبت

فكل من يريد اي حلقة يضع ردا هنا و سابعث له بالروابط على الخاص

تحياتي

حبذّا .

جميعاً أو ما توفر .

(f)

معتزل · 10-20-2005, 02:54 AM

الزميل Nils (f)

اقتباس:مرحبا معتزل
هل هناك حلقات اخرى سواء من مرايا او وين الغلط ؟

له ..في ليش ما يكون في، بس انت راجعلي الرسائل شيت الخاص و بتلاقي :D

الزميل ابو ابراهيم (f):

اقتباس:- شو هاد اللي عم يشرشر من تحت تيابك ولا ؟
- الله يسامحك يا أم ياسين، عم تكتري إدام للأكل....

- وإنت ليش تمك (فمك) منفوخ ؟
- فيه حكي.
- إيه بقه. (احكيه)
- هاد حكي (سياسة)

:D
يخرب عقلك، هي من اكتر المقاطع اللي بحبها و بضل بعيد و بفتق و بما بمل :D

لأ من احلى الشغلات بمرايا 88 بحلقة درس خصوصي :

الاستاذ:
سقط النصيف ولم ترد اسقاطه_____فتناولته واتقتنا باليد ...

شو معناة النصيف؟؟

الطالب:
ناصيف!!!! اسم شخص !!!!

الاستاذ :

ولك النصيف، النصييييف مو نااااصيف مافي الف

الطالب:

اي حذفت الالف لضرورة الشعر :D

كمان مولانا راجع الخاص :saint:

طارق (f) كتب :

[QUOTE]صحيح عندك حلقة مرايا اللي بآخرها غنية:

"أنا ياباني ..
بدن ياني
في عندن آلة عطلانة
جايي صلحها عالعمياني
.
.
بعتوا تقرير لمدير قسمي
إنن فهمانين كتير
وأنا حيواني"

شو مافي؟

عيييب يا سيد طارق، موجودة و نص بس غير متوفرة :what:

انا كما قلت اغلب الحلقات موجودة عندي في الشام، و انا قد حملت على جهازي بضع حلقات من هون و هنيك مشان الذكرى، بس وعد ...بعد العيد لحنجبلكم السلسلة كلها ...ولو بامر الطيبين نحنا (f)

بس على حد علمي ما كانت هيك كمالة الغنية:what:

الزميلي سيزيف: (f)

تكرم مقلتاك، انت بس راجعلي الخاص...

و سنقوم بالتحميل لما تبقى من حلقات موجودة ....

بس ياجماعة قولولي على شو فرطتو ضحك اكتر شي؟؟؟

"خشبة الحبس حبست خمس خشبات....و خشبة سيدي!!!"

تحياتي

aljalil · 10-20-2005, 03:13 AM

اود الحصول على المتوفر منهم
لو سمحتم

تسجيل الدخول
اسم المستخدم:
كلمة المرور:	فقدت كلمة المرور؟
	تذكرني

المواضيع المحتمل أن تكون متشابهة…
الموضوع		الكاتب	الردود	المشاهدات	آخر رد
	وين الغلط؟	Emile	11	1,903	09-04-2006, 03:52 PM آخر رد: تيامت
	وين الغلط .. حزورة ولها جائزة	ابن سوريا	5	1,252	06-04-2006, 08:11 PM آخر رد: bassel