الزوج يدخل البيت مساء بعد عودته من العمل.....


الزوج: (بأشمئزاز) شو ولة (بكسر التاء)


الزوجة: (بأشمئزاز) أهلين


الزوج: وين الشّوايع؟


الزوجة: أندفسو


الزوج: تلسعتو شي أبل ما تندفسو


الزوجة: خرا


الزوج: عاسيرة الخرا كيفو أبوكي


الزوجة: جاية لعنا بوكرة هوة و أمي


الزوج: (و هو يتدشق) لك ما ألتلك مية مرّة ما بحب حدا يجي لعنا يوم الجمعة


الزوجة: ليش بئا... أمك القرقفانة كانت عنا الجمعة الماضة


الزوج: ما تئولي عن امي قرقفانة ولة (بكسر التاء)


الزوجة: (بصوت منخفض) عظرايين الي يئشّا نشالله


الزوج: شو عم تبربتي ولة (بكسر التاء)


الزوجة : شحاري ولا شي


...يفتح الباب و يدخل عاطف الأبن الأكبر.....


الزوج: بابا عاطف تعى شربلك كاسة شاي


عاطف: سيبني يا خي كامشة (يدخل الى التواليت الملاصقة لغرفة الجلوس)


الزوجة: عاطف...... عاطف...... ولااا عاطف ....


عاطف: ....... نعم (مع صوت أطلاق ريح خفيف)


الزوجة: و نعامة انشالله ..... بدك تسمم شي ؟؟؟


عاطف: لاء تلسعت سوركة عند رفيئي بدي اندفس.. نعسان (يدخل غرفة النوم)


الزوجة: بالنائص ...... يلعن ابوك عرصا (بسرها) .....



الزوجة: مارح تجبلنا الصطالايت بئا؟؟


الزوج: بوكرا


الزوجة: عظرايين (بسرها و هي تتجه لغرفة النوم)


الزوج: يفتل( برّام الأنتير) الى المحطات اليونانية و القبرصية.

:lol:

:98:

عليي الطربوش
شايف هالقصة بمسلسل : ضيعة ضايعة يقوم بدور الزوج باسم ياخور ولا أتذكر اسم الزوجة

يا سبحان الله ... يا سيدي بسيطة بس انشالله ما يطالع شي موضوع تاني شايفو ب ليالي الحلمية مثلا كمان :D

تحياتي

شو يعني قرقفانة و سوركة؟ :D

Array
شو يعني قرقفانة و سوركة؟ :D
[/quote]

لا حول الله كيف بدنا نترجمون هدول <_<

Array
لا حول الله كيف بدنا نترجمون هدول <_<
[/quote]

بالعربي :D

Array
بالعربي :D
[/quote]

منيح انو خبرتيني بالعربي انا راح بالي للبورتوريكي

طيب ماشي للعربي بس قوليلي "اذا بتريد " بالأول :D

"اذا بتريد " بالأول:D

طيب ماشي

القرقفانة من قرقفان و القرقفان هي التسمية المحلية لنوع من انواع العصافير الضئيلة الحجم جدا و تشبيه الشخص بالقرقفان فيها نوع من الاستهزاء و تقليل القيمة بالاضافة للكلمة المضحكة بحد ذاتها

اما السوركة و ما ادراكي ما السوركة ...... السوركة (بكسر الكاف) هي عبارة عن شيئ يؤكل و في نفس الوقت ممكن ان يستعمل كسلاح بيولوجي قاتل
تصنع اساسا من الحليب و تنشر في الشمس للتتعفن و تتيبس و تكون عبارة عن دعابيل مفردها دعبولة (مكورة) .... و رائحتها .. يعني .. حاجة ما تتوصفش بصراحة !!