الحقيقة بعد تأمل طويل وتفكير عميق وعمل دراسة جدوي لدي أحد المكاتب العالمية لقيت إن أحسن حاجة الواحد يعملها في الزمن الأغبر ده إنه يعمل دين جديد لحسابه الخاص

خلاص بقي هرجنا كتير وضحكنا كتير والناس حوالينا عمالة تنصب يمين وشمال وإحنا لسه واقفين في مكاننا ـ عايزين نعمل قرشين ينفعونا في وقت زنقة

بعد تقليب الموضوع من جميع جوانبه وجدت أن الموضوع يحتاج عناصر أساسية يجب توافرها حتي ينجح الدين - المشروع ـ وسأسردها أولا وبعد كده سأناقش كل عنصر علي حده

1- شخصية مركزية ـ أنا طبعا ومش عايز تمرد من أولها بدل ماأقل أدبي عليكم:mad2: ـ عالم تخاف ماتختشيش صحيح يبقي الواحد هو صاحب الفكرة ورأس المال ودراسة الجدوي ودول من بجاحتهم يقولولك إشمعني أنت - وبعد ماأموت وأروح في ستين داهية أبقوا إتخانقوا براحتكم علي خلافتي إنشالله تولعوا في بعض بجاز وسخ

2ـ كتاب مقدس ـ أنا فعلا إستقريت علي إسمه وهو ـالبرميل ـ ودي كلمة أصلها تشيكوسلوفاكي وتعني بالسنسكريتية وعاء الحكمة وفي الهيروغليفية وعاء الطرشي

3- معجزات ـ بصراحة الكدب خيبة وأنا مش شاطر قوي في الحكاية دي لكن محلولة بإذن الله
وسنناقش هذا الموضوع في أول إجتماع لحاملي الأسهم وربنا يسهل ـ بس بقولكم إيه مش عايز غباوة علي غرار معجزة ـومات مسموما ـ بتاعة كيرلس أفندي إحنا جايين ناكل لقمة عيش مش نتحبس - يعني اللي يألف حاجة تبقي في إطار المعقول

ولابقولكم إيه محدش يضمن حد في الزمن الأغبر ده وأنا الذي سأتولي بنفسي تأليف المعجزات
ومفيش إجتماع جمعية عمومية ولا زفت أنا لغيته خلاص محدش ييجي

4 ـالطقوس والأعياد الدينية ـ يعني صلاة صوم وماشابه مع إختيار يوم راحة أسبوعي علي ألايكون الجمعة أو السبت أو الأحد وذلك لتميزنا عن باقي الأديان والطوائف الكافرة

5- التسييح للدين الجديد ـ وهو شئ مشابه للتبشير عند فريق الصليب والدعوة عند فريق الهلال وشعار التسييح سيكون ـ الزن علي الودان أمر من السحر ـ

6- التمويل- مبدئيا سيكون رأس المال من الأعضاء لكن لما ربنا يفرجها والبلية تلعب سنطبق نظرية من دقنه وأفتله

7ـلحظات حاسمة في تاريخ الدين الجديد /حاجة كده زي الموعظة علي الجبل أو محاكمة المسيح وصلبه وقيامته أو خطبة الوداع أو خطبة مارتن لوثر كنج بتاعة i have a dream

8ـ أعداء الدين الجديد/ ودول مهمين جدا لإستدرار عطف الناس علينا وإجتذابهم لدعوتنا عندما يرون الإضطهاد الذي نلاقيه في سبيل دعوتنا - يعني كمثال الولد الشرير كعبة اللي شتم عمو نيوترال ممكن نستخدمه لتوضيح مدي الإضطهاد الذي نعاني منه

9- المؤمنين بالدين الجديد / دول سينقسموا لعدة طبقات

طبقة الحبايب ـ ودول حاجة كده زي التلاميذ أو الصحابة ودول سيكونوا المقربين للشخصية المركزية اللي هو أنا-وقلت مش عايز حد يفتح بقه بدل ملطشله:mad2: ـ وغالبية طبقة الحبايب ـ إن لم يكن كلها ـ ستكون من النساوين تعويضا لهم عما لاقوه علي يد الأديان الباطلة الأخري من ظلم وإضطهاد ودول سيكونوا في حالة إجتماع حميمي دائم مع الشخصية المركزية اللي هو سعادتي ـ لسه في حد عنده إعتراض:mad2: ـ للتباحث في شئون الدين الجديد

طبقة الفواتير - اللي هو سعادتكم وستكونون حلقة الوصل بيني وبين الطبقة الثالثة وهي طبقة القطيع ولكن يحظر تماما عليكم إجراء أي إتصال بطبقة الحبايب ـ إحنا دين محترم وليه سمعته في السوق ومش عايزين كلام الناس يكتر علينا -أنتم فاكرنها سايبة ولا إيه

طبقة القطيع ـ ودول مجموعة الحثالة والمغيبين الذين سيتم السيطرة عليهم عن طريق الفواتير بتوجيهات من الشخصية المركزية ـ أظن دلوقتي عرفتم هو مين:) -

10ـ قصص تحول من أتباع الديانات الباطلة الأخري للدين الجديد ـ ودي أنا كنت ناوي أناقشها في الإجتماع الذي سنناقش فيه موضوع المعجزات وبما إني لغيته فسأتولي بنفسي تأليف تلك القصص


سنناقش غدا التفاصيل لكل العناصر السابقة

وانا رايح اوزع نسخ من البرميل على حسابي الشخصي دعما للدَين الجديد



وبس انت نسيت نقطة مهمة وهو وجود يوم معين للحساب في الاخرة

اي شكل اليوم دا


وعاوز اكيد شفاعتك مقابل خدماتي


واحنا ان شاء الرب حنكون اول امة على الدور

ارجو ضمى لمجموعة الحبايب لأسباب خاصه

ارجو تحديد ميعاد الحشر باليوم والساعه

ما النتيجه التى ستترتب على ايمانى بالدين الجديد

يعنى هقعد فى الملكوت السماوى ولا هدخل جنة رضوان

ولا هتاخدنا فى العيد الصغير على ملاهى لاس فيجاس مع منحه مليون دولار تصرف نقدا

كمان الجهاد ايه نظامه ؟ يعنى اتباع الديانت الكافره فلوسهم حلال ونسوانهم حلال ام ظروف الدعوه سوف تختلف بعد ميثاق حقوق النسان واتفاقيات جنيف

ملحوظه لازم تكتر من الجزر داخل البرميل عشان انا شفت رؤيا فيها الجزر داخل الفتحه المقدسه حسيت بعدها بسلام روحى ونفسى وطراوه

احترس من قطقط والشيخ امام فهم من اشد اعداء الدين الجديد:h:

لاحظ عالم الإجتماع الفرنسي أوغست كونت أهمية الدين في المجتمع وهو العالم الوضعي فنادى في آخريات حياته الى دين جديد يقوم على عبادة إمرأة ترمز الى الإنسانية !

لا يا نيوترال ده انت طلعت خيخة خالص
فين يا عم انت الثواب و العقاب؟
موش لما الواحد يعمل حاجه حلوه كده (يموت نفسه عشان رفعة البرميل مثل ) المفروض نديله جايزه؟
و لما واحد يسيب دينه و يروح لدين تاني ملعون ابو الدين التاني لازم نعاقبه؟
و بعدين كل اللى قلته حلو بس فين المحرمات؟؟؟
عايزيين مثلا تحرم المشي على الرصيف ، او ان الواحد يحط صباعه في مناخيره عشان ينضفها لان المناخير عورة ، و طبعا لازم تبقى فاهم اللعبه ، على رأي الحاج ال باتشينو (بص من غير ما تلمس ، المس من غير ما تدوق ، دوق من غير ما تبلع) يعني تعالى على الجرح يا عمنا ، المصريين بيحبوا الفول حرم على امهم الفول ، السعوديين بياكلو الضب قلهم ده اريكسون من عمل الشيطان .
اساس اي دين المعجزات و المحرمات و الثواب و العقاب انت نسيت تلتين الدين.

تمتعوا بالشهوات وبالدنيا الفانية التي تركض بكم وستلقيكم يوما ما الى بطنها

استمتعوا احبابي ولا تاباهوا لاي شي نحن نعيش فقط ولا ندري الى اين نسير

اذا كنت راكبا في قطار سريع وجاء احدهم وسالك الى اين انت ذاهب
فقلت له لا ادرى انا فقط اريد ان اتناول وجبة الافطار والغداء وان اتفرج على الطريق وما بعد ذلك لا يهمني اين يسير بي القطار

ماذا سيقول عنك الرجل ان اجبته هكذا


استيقظوا احبابي قبل ان ياتي من يوقظكم

اقتباس:لا يا نيوترال ده انت طلعت خيخة خالص

في حد يكلم الشخصية المركزية بالأسلوب ده:mad2:
روح كده تطاول علي الشخصية المركزية لأحد الأديان الباطلة وشوف أتباعه هيعملوا فيك إيه:what:

اقتباس:فين يا عم انت الثواب و العقاب؟

ياعم أنت:o
بنبيع بليلة إحنا
ماشي ـ حسابك بعدين

أنا وضعت القواعد والأساس للدين الجديد وكل ماتقول عليه تفاصيل ستأتي لاحقا في البرميل

طيب تقدر تقولي إيه إسم الإله أو إسم الدين الجديد:what:

طبعا متعرفش لأنك كافر

الحقيقة أنا كنت بعمل مفاوضات اليومين اللي فاتوا مع عدد من الألهة لإختيار واحد لعبادته ورسيت علي إتنين منهم ـ الإله عوضين والإله حنفي

عايزين بقي نسيبنا من عقدة الخواجة والألهة بتاعتهم زيوس وجوبيتر ومارس وباخوس والكلام اللي مش جايب همه ده

بالنسبة للإله عوضين - هو كويس ومهاود وإبن حلال بس لقيت إن في مشكلة ممكن نواجهها في المستقبل وهي إننا سنتهم بإننا بنعبد إلهين والمسلمين بالذات مش هيقدروا يفهموا الطبيعة الخاصة للإله عوضين وإنه إله واحد بس له أقنومين وطبعا كالعادة هيشردولنا
ده ياراجل البيبي المسلم بينزل من بطن أمه علي صرخة واحدة ـ الإنجيل محرف والمسيحيين بيعبدوا ثلاث آلهة وعايزين نتعلم من أخطاء الأخرين ولذلك وقع إختياري علي الإله حنفي

بالنسبة للثواب والعقاب كله هاييجي في البرميل بس أنا دلوقتي بدرس الكتب المقدسة السابقة لتفادي أخطائها ـيعني الحركات بتاعة كهيعص والإله السيكوباتي بتاع العهد القديم مش هتاكل مع الناس اليومين دول ولازم نكون مبدعين شوية

طيب و النبي يا عم ماينفعش ابقي الشخصية المركزية التانية؟ يعني لما تموت ايقى ريس مكانك ، و النعمة دا انا ادبرلك موته عجب بس انت قول اه .
انا ماعنديش مانع تخليه عوضين و لا مصيلحي ، ماهو احنا يا با (انا اعتبرت نفسي تاني واحد و موش عايز اسمع نفس) بنحط اللى احنا عايزينه و نشيل اللى موش عايزينه ، ملعون ابو اللى يخالفنا ، بس انت كده هاتضيع الناس من ايدينا ، اضربلنا كام سطر من البرميل ، و لا اضربلك انا ، انا ايدي فيها البركه ، و انا اقترح انك تكتبه بطريقة جديدة ، يعني كأنك بتكتب برنامج مثلا ، لغة C ولا java و اه عليك لو عملتلنا صفحتين بالفلاش تبقي واد مجدع ، و ماتخدش في نفسك كده ، شخصية مركزية دي قدام الناس بس ، انما لما تكلمني كلمني عدل
و ابقى اسأل

اقتباس:طيب و النبي يا عم ماينفعش ابقي الشخصية المركزية التانية؟

لأ

شكلك مشاكل وبتاع إنقلابات ومؤامرات والبيان رقم واحد وكل الشغل ده والمشرحة مش ناقصة قتلي

بيان هام
المدعو سبرنج شخص هرطوقي مبتدع ولايمثل الديانة الجديدة ويجب الإبتعاد عنه

سفر الجحيم بق 1 ـ البرميل المقدس

تبت يدا سبرنج وتب ـ سيصلي نارا ذات لهب ـ وجيرل فرينده حمالة الكتب ـ في جيدها حبل من قصب

يا عم ابوس ايدك ، بلاش والنبي الكلام التقيل ده انا اموت في الأفيون عايز فص ، خرمان ، اديني سطر يفوقني ، انا خلاص تبت (من التوبة يعني) موش هاعارضك تاني يا مولانا قصدي يا أبونا قصدي... الا هو احنا المفروض نقول لحضرة سمو قداستك ايه؟ عايزين حاجه جديدة كده... الماما مثلا ، صاحب النظارة؟ ، كاشف اللحاف؟ شوفلنا حاجه كده حلمنتيشي.
و بعدين انا عايز افهم برميل ايه و نيلة ايه هو احنا فاهمين حاجه؟