انا اعتقد ببراءة " هشام " كأنسان بيظلم تحت مظلة قضية ملفقة من اولها لاخراها . علما بانى لست من اصحاب المصالح ولا اعمل عنده ولا حتى ورب الكعبة مستفيد بشلم منه ! الا انه يصعب على ان ارى انسان مظلوم الى هذا المدى ولا اقولها




انا اعتقد ببراءة هشام طلعت





ما رايكم ؟

ازاى ملفقه؟؟

راجل صاحب سلطه ونفوذ ويعتبر أحد افراد نظام الحكم واحد صناع القرار فى الدوله , ويرتبط بعلاقات قويه ووثيقه برئيس الدوله واسرته , ثم يتورط فى قضيه , ثم يدينه القضاء ويحكم عليه بالاعدام , فهل يعتقد احد بعد ذلك بأنها قضيه ملفقه؟

على العكس تماما ,, فحكم الاعدام اللذى ناله يؤكد على نزاهه القضاء المصرى , مما يجعلنا فى حيره من امرنا ازاء قضايا اخرى نال المتهمون فيها احكاما مخففه كقضيه ممدوح اسماعيل والعباره الغارقه مثلا ,

http://www.youtube.com/watch?v=PDwNlyG4cKo

(05-29-2009, 04:21 AM)عاشق الكلمه كتب:  ازاى ملفقه؟؟

راجل صاحب سلطه ونفوذ ويعتبر أحد افراد نظام الحكم واحد صناع القرار فى الدوله , ويرتبط بعلاقات قويه ووثيقه برئيس الدوله واسرته , ثم يتورط فى قضيه , ثم يدينه القضاء ويحكم عليه بالاعدام , فهل يعتقد احد بعد ذلك بأنها قضيه ملفقه؟

ما هو ده اللى يخليك تشك إنها ملفقة فعلا
من إمتى أحد أفراد نظام الحكم و صناع القرار بيقع وقعة زى كده و بالسذاجة دى ؟

تلاقى كل الحكاية تضارب مصالح من تحت الترابيزة
و البقاء للأقوى

اقتباس:على العكس تماما ,, فحكم الاعدام اللذى ناله يؤكد على نزاهه القضاء المصرى , مما يجعلنا فى حيره من امرنا ازاء قضايا اخرى نال المتهمون فيها احكاما مخففه كقضيه ممدوح اسماعيل والعباره الغارقه مثلا ,

إزاى فيه نزاهة و فى نفس الوقت شفت الحكم المخفف على بتاع العبارة .. و كان كمان واخد براءة فى الأول
ما هو لازم تحتار عشان شايف القضاء نزيه فعلا

و مين عارف
يمكن طلعوا حكم زى عشان يرضوا الإمارات
و فى النقض الحكم يتخفف لسجن فاخر خمس نجوم .. و أيس كريم كلو كلو

اهلا جريج ...

مش تقول م الاول انك جريج ؟؟ هههههه

(05-29-2009, 04:50 AM)Eng.Gregory كتب:  

ما هو ده اللى يخليك تشك إنها ملفقة فعلا
من إمتى أحد أفراد نظام الحكم و صناع القرار بيقع وقعة زى كده و بالسذاجة دى ؟

تلاقى كل الحكاية تضارب مصالح من تحت الترابيزة
و البقاء للأقوى

يا اخى تضارب المصالح وتلفيق التهم لا يصل الى حد تلفيق تهمه تؤدى بصاحبها الى حبل المشنقه , هذا فضلا عن دور النيابه العامه والقضاء فى الموضوع , الناس دى لا بتلعب ولا بتهرج , والطب الشرعى ومصلحه الادله الجنائيه لهم دور كبير , ولن يصدر حكم بالاعدام دون وجود دلائل وقرائن قويه تدين صاحبه , فلو ان هناك شك 1% انه غير مدان كان يمكن ان يخفف الحكم الى 15 سنه او اشغال شاقه مؤبده على اقصى تقدير .

اما عن مسأله الوقعه والسذاجه فواضح من خلال احداث القضيه وملابساتها انه ساذج فعلا وبرياله , وكلف ظابط فاشل واهبل بتنفيذ العمليه , والمثل بيقول " لا ... الاهبل , ولا تخلى الاهبل .... "

(05-29-2009, 04:50 AM)Eng.Gregory كتب:  


إزاى فيه نزاهة و فى نفس الوقت شفت الحكم المخفف على بتاع العبارة .. و كان كمان واخد براءة فى الأول
ما هو لازم تحتار عشان شايف القضاء نزيه فعلا

و مين عارف
يمكن طلعوا حكم زى عشان يرضوا الإمارات
و فى النقض الحكم يتخفف لسجن فاخر خمس نجوم .. و أيس كريم كلو كلو

مهو الحكم ده يشهد بالنزاهه للقضاء المصرى , ويؤكد على عدم تدخل السلطات واصحاب النفوذ فى احكام القضاء , مما ينفى اى شبهه تدخل لصالح ممدوح اسماعيل فى قضيه العباره , والا كان الاولى التدخل لصالح هشام طلعت , فبحكم المناصب والثراء والنفوذ والتقرب من دوائر صنع القرار فهشام اولى بذلك , وبما انه لم يتدخل احد لصالح ابن المجرمه ممدوح اسماعيل , فكيف يكون الحكم مخففا بهذا الشكل ؟؟

هل على اعتبار مثلا ان هشام طلعت كان متعمدا للقتل ومحرضا عليه فى حين ان قضيه ممدوح اسماعيل صنفت على انها قتل خطأ؟؟

اقتباس:على العكس تماما ,, فحكم الاعدام اللذى ناله يؤكد على نزاهه القضاء المصرى , مما يجعلنا فى حيره من امرنا ازاء قضايا اخرى نال المتهمون فيها احكاما مخففه كقضيه ممدوح اسماعيل والعباره الغارقه مثلا ,

نزاهة قضاء ايه بس يا عاشق انت , كيف شخص يتلقى راتبه من الحكومة ؟ ويكون صناعة قراره حرة . المشكلة بس ان المسألة فى القضاء مستخبية شوية لان الناس مش بتفهم فى القانون كلهم , ويسهل دس السم فى العسل . وقياساً على " قضية العبارة " و " قضية هشام " المتهمين فى كلتا القضية هما اللى اعترفوا ان محرك الاحداث الحقيقى رجلين اعمال . لكن فى حالة " ممدوح اسماعيل " الرجل اللى لا اتقبض عليه وطلع ببراءة غريبة , وكان هربان خارج البلاد تقريبا ! يأتى موقف هشام طلعت اللى تقريبا سلم نفسه وعاد بطوعه الى ارض الوطن , وهو عارف ان هناك شبهة القاء القبض عليه وتعطيل مصالح الشركة - لكان بقى فى الخارج .

نظرية " انه قاتلها " نظرية عبيطة لا قيمة لها , لان المجرم دائما يحسب احتمال الوقوع . ولما انقبض على السكرى كان من الطبيعى ان " هشام " يضع احتمال ان القصر ينهار على دماغه , وازى وعد بالبراءة ؟ فلماذا لا يبقى فى الخارج , فى اى بلد مش بينها وبين مصر اتفاقية تسليم - ويتحجج بانه عنده شغل ؟

لكن ما ينعكس حقيقة انه رجع ومش فى باله , وظن بان التهمة عبيطة وملفقة وانه هيسهل كشف الامور - لكن ارتد كل ده فى وجوه , فى مشهد شكسبيرى لا يعبر الا عن ان الرجل " تم الغدر بيه " .

(05-29-2009, 11:08 AM)بهاء كتب:  نزاهة قضاء ايه بس يا عاشق انت , كيف شخص يتلقى راتبه من الحكومة ؟ ويكون صناعة قراره حرة .

القاضى بيحكم بالقانون ومواد القانون وفى النهايه ضميره هو الحكم على قراراته واحكامه , وحتى لو ان القاضى لا يتقاضى راتبه من الحكومه وضميره ميت فسيقبل بالرشاوى لتغيير احكامه لصالح من يدفع اكثر , لكن الواقع يثبت ان القضاء المصرى انصف الكثير والكثير من المصريين فى قضايا ضد الدوله والحكومه نفسها , وفى قضايا ضد الوزراء ورئيس الجمهوريه بصفته , والقضاء يصدر الاحكام بناء على مواد القانون وليس معنيا بتنفيذها .

(05-29-2009, 11:08 AM)بهاء كتب:  المشكلة بس ان المسألة فى القضاء مستخبية شوية لان الناس مش بتفهم فى القانون كلهم , ويسهل دس السم فى العسل . وقياساً على " قضية العبارة " و " قضية هشام " المتهمين فى كلتا القضية هما اللى اعترفوا ان محرك الاحداث الحقيقى رجلين اعمال . لكن فى حالة " ممدوح اسماعيل " الرجل اللى لا اتقبض عليه وطلع ببراءة غريبة , وكان هربان خارج البلاد تقريبا ! يأتى موقف هشام طلعت اللى تقريبا سلم نفسه وعاد بطوعه الى ارض الوطن , وهو عارف ان هناك شبهة القاء القبض عليه وتعطيل مصالح الشركة - لكان بقى فى الخارج .

نظرية " انه قاتلها " نظرية عبيطة لا قيمة لها , لان المجرم دائما يحسب احتمال الوقوع . ولما انقبض على السكرى كان من الطبيعى ان " هشام " يضع احتمال ان القصر ينهار على دماغه , وازى وعد بالبراءة ؟ فلماذا لا يبقى فى الخارج , فى اى بلد مش بينها وبين مصر اتفاقية تسليم - ويتحجج بانه عنده شغل ؟

لكن ما ينعكس حقيقة انه رجع ومش فى باله , وظن بان التهمة عبيطة وملفقة وانه هيسهل كشف الامور - لكن ارتد كل ده فى وجوه , فى مشهد شكسبيرى لا يعبر الا عن ان الرجل " تم الغدر بيه " .

من له مصلحه فى تلفيق تلك التهمه الى هشام طلعت مصطفى ومن المستفيد من اعدامه ؟؟
عندما قام طلعت السادات فى احدى جلسات مجلس الشعب منتقدا احمد عز وسياساته وتطور الموقف الى ان خلع حذاؤه مهددا بضربه به , كانت عقوبته جراء ذلك هى سنه واحده سجن بتهمه اهانه المؤسسه العسكريه , وبناء عليه فأى كلام عن خصومات سياسيه ادت الى تلفيق تلك التهمه له هو كلام غير منطقى بالمره , اذ يكفى تلفيق تهمه مخله بالشرف تؤدى به الى السجن لفتره من 3 الى 7 سنوات لتكون كفيله بالقضاء على مستقبله السياسى , لكن الخصومه السياسيه لا تدفع الخصم الى محاوله القضاء على خصمه بهذا الشكل الواطى , ولو ان الهدف هو القضاء على حياته تماما فيمكن الوصول الى ذلك الهدف بعده طرق ووسائل اخرى مضمونه وسريعه ودون اكتشاف الفاعل .

عودته من الخارج كان نتيجه ان هروبه سيثبت التهمه بحقه , وعودته ستظهر امام الرأيى العام وكأنه برىء ولا يخشى شيئا , كما انه لم يكن يتوقع ولم يكن يعلم ان المتهم السكرى سجل له المكالمات اللتى دارت بينهم , ولم يكن متأكدا ان هناك قرائن وادله عديده ضده , اذ كان يعتقد ان المتهم السكرى اعترف بأنه حرضه على القتل دون ان يكون لديه اى دليل على ذلك , لكنه فوجىء بكم الادله والقرائن امام النيابه العامه واثناء التحقيقات .

اعود واكرر ان القاضى لو رأيى اى احتمال لبراءته ولو بنسبه ضعيفه لكان الحكم حينها يتراوح ما بين 15 سنه او تأبيده , ولا اعتقد ان سيحصل على البراءه بالنقض , لان محكمه النقض لا تقوم باعاده المحاكمه مره اخرى , وانما تطلع على الملف وتتأكد ان الاجراءات الاداريه سليمه وان القاضى استند فى حكمه الى المواد القانونيه المناسبه لهذا الحكم .

الادله كثيره لادانته , فما هى ادلتك انت لبرائته وان التهمه ملفقه له؟
موضوع انه رجع من الخارج ليس دليلا ويمكن تفنيده بسهوله كما اوضحت لك .

عموما ربنا يكون فى عونه الان , اصعب شىء فى الدنيا ان يرفرف الموت فوق رأس انسان وينتظره كمن ينتظر ضيف قد يصل بين لحظه واخرى .

اقتباس:القاضى بيحكم بالقانون ومواد القانون وفى النهايه ضميره هو الحكم على قراراته واحكامه , وحتى لو ان القاضى لا يتقاضى راتبه من الحكومه وضميره ميت فسيقبل بالرشاوى لتغيير احكامه لصالح من يدفع اكثر , لكن الواقع يثبت ان القضاء المصرى انصف الكثير والكثير من المصريين فى قضايا ضد الدوله والحكومه نفسها , وفى قضايا ضد الوزراء ورئيس الجمهوريه بصفته , والقضاء يصدر الاحكام بناء على مواد القانون وليس معنيا بتنفيذها .

اه قولتلى , هو اصلا كان فى مصر قانون قوى ؟ عشان يكون فى قضاة ... عندما يتحقق استقلال القضاة المادى عن الدولة , ابقى تعالى كلمنى عن مؤسسة القضاء وعلاقتها بالسلطة التنفيذية ! وانا شخصياً مش عارف ايه علاقة القضاء بالسلطة التنفيذية فى قضية العبارة . ولا فى كمية القضايا السياسية اللى كان قرار القاضى جاى من الرئاسة وقرارات سياسية ( زى قضية ايمن نور مثلا )

اقتباس:من له مصلحه فى تلفيق تلك التهمه الى هشام طلعت مصطفى ومن المستفيد من اعدامه ؟؟

وقد يظهر لك غدا , ما خبى عنك اليوم - مع العلم ان الكيانات الاقتصادية العملاقة زى هشام طلعت لها عدوات لا تتخليها اصلا ! وده طبيعى فى صراع رؤؤس الاموال والفرص الاستثمارية .

اقتباس:عودته من الخارج كان نتيجه ان هروبه سيثبت التهمه بحقه , وعودته ستظهر امام الرأيى العام وكأنه برىء ولا يخشى شيئا , كما انه لم يكن يتوقع ولم يكن يعلم ان المتهم السكرى سجل له المكالمات اللتى دارت بينهم , ولم يكن متأكدا ان هناك قرائن وادله عديده ضده , اذ كان يعتقد ان المتهم السكرى اعترف بأنه حرضه على القتل دون ان يكون لديه اى دليل على ذلك , لكنه فوجىء بكم الادله والقرائن امام النيابه العامه واثناء التحقيقات .

طيب بما انك استدليت على التسجيلات , ما رأيك ان الشركة المصنعة للتليفون قالت : ان التسجيلات يسهل تزويرها ؟ فضلا عن ان اى قضية لا يعتد فيها باى تسجيل صوتى او مرئى نظراً لسهولة تزويرهم ...

اما عن عودته فطبعاً " كلامك كلام فارغ " لان ممدوح اسماعيل هرب من مصر , وهذا لم يمنع براءته ! وحضرتك طبعا لا تعرف ان مدينة " مدينتى " الشركة المخططة للمشروع شركة امريكية ,و طلعت اصلا ليه شركاء فى دول كتير . كان ممكن يتحجج انه عنده شغل وازمات بسبب الازمة الاقتصادية وانه هيرجع بعد شوية . لكن عودته كانت صحك البراءة , لانه يعرف ان التحريض على القتل مع سبق الاصرار والترصد اقل حاجة فيه " 15 سنة سجن " .


فقولى كده لو انك اعتمدت على نظام سياسى جيلاتنى بيشهد صراعات بين حرس الحديد الجديد والقديم - هل ترمى بنفسك فى التهلكة عشان احتمال تنجى او لا تنجى ؟ انت بتهزر ولا ايه ...

اقتباس:الادله كثيره لادانته , فما هى ادلتك انت لبرائته وان التهمه ملفقه له؟

الادلة اغلبها تم تلفقيها فى دبى , وهى دولة انا لا اثق فيها " شرطة وحكومة واى جهاز " - فاى شئ فيها يشترى بالفلوس , ونظام قضائها مترهل , وجهاز بوليس عديم الخبرة .. فضلا عن وجود شركاء اماراتيين من مصلحتهم ازاحة هشام طلعت من السكة .

وهرجعلك بأدلة براءته , وباين ان القضاء بتاعتنا ده " شربة خرج "

(05-29-2009, 01:13 PM)بهاء كتب:  اه قولتلى , هو اصلا كان فى مصر قانون قوى ؟ عشان يكون فى قضاة ... عندما يتحقق استقلال القضاة المادى عن الدولة , ابقى تعالى كلمنى عن مؤسسة القضاء وعلاقتها بالسلطة التنفيذية ! وانا شخصياً مش عارف ايه علاقة القضاء بالسلطة التنفيذية فى قضية العبارة . ولا فى كمية القضايا السياسية اللى كان قرار القاضى جاى من الرئاسة وقرارات سياسية ( زى قضية ايمن نور مثلا )

انا راييى ان خضوع السلطه القضائيه للسلطه التنفيذيه فى مصر هو خضوع ادارى وتنظيمى , حيث يتبع القضاه وزير العدل والذى بدوره تابع للسلطه التنفيذيه , مما كان له اكبر الاثر فى تقليص دور القضاء كمؤسسه ....

اقتباس: ولأسباب تاريخية بنشأة القضاء الحديث، تمكن القضاة في مصر من إنشاء ناد لهم سنة ١٩٣٩، وأدركوا أنه وسيلتهم الوحيدة والمثلي، للحفاظ علي استقلالهم والدفاع عن حقوقهم ومصالحهم المهنية، وكان لإنشاء النادي دور كبير في بناء التقاليد القضائية، وترسيخ مفهوم استقلال القضاء كمؤسسة واستقلال القاضي الفرد، ليس فقط في مواجهة السلطة التنفيذية وتدخلاتها،

ولكن استقلال القاضي في مواجهة أي شخص آخر، ولو كان زميله في المحكمة، وسواء كان في محكمة أعلي أو في منصب أرفع، ومهما كانت درجته في الأقدمية المهنية، إلا من خلال طرق الطعن المقررة في القانون، ولذلك لم يعرف في مصر ـ ما يسمي في بعض الدول العربية الأخري ـ ما يسمي بـ«عدالة الهاتف أو الحكم بالهاتف»، ولم تتجرأ السلطة التنفيذية في أي عهد من العهود، ومهما ضاق الهامش الديمقراطي من التدخل لدي قاض في أي قضية، سواء تصريحاً أو تلميحاً أو توجيه القضاة إلي رأي معين في أي نزاع، ولكنها كانت تلجأ إلي تقليص استقلال القضاء كمؤسسة.

هذا الاقتباس من مذكره قدمها المستشار هشام البسطاويسى نائب رئيس محكمه النقض الى مؤتمر يتناول «دور القضاة في الإصلاح السياسي في مصر والعالم العربي»، قام بتنظيمه «مركز القاهرة لدراسات حقوق الإنسان»، بالتعاون والتنسيق ودعم: «مركز بحوث التنمية (فرنسا)، والفيدرالية الدولية لحقوق الإنسان، والشبكة الأورومتوسطية لحقوق الإنسان، والمفوضية الأوروبية , والذى انعقد بالقاهره فى ايام 1 ,2 ,3 ابريل 2006 بالقاهره .


وعموما ياعم متزعلش نفسك ,, برىء برىء ,,, وياما فى الحبس مظاليم .

(05-29-2009, 05:36 AM)عاشق الكلمه كتب:  اهلا جريج ...
مش تقول م الاول انك جريج ؟؟ هههههه

بصراحة أنا مكنتش واخد بالى إن الإدارة غيرت الإسم
شكرا للإدارة على حل المشكلة دى

اقتباس:يا اخى تضارب المصالح وتلفيق التهم لا يصل الى حد تلفيق تهمه تؤدى بصاحبها الى حبل المشنقه , هذا فضلا عن دور النيابه العامه والقضاء فى الموضوع , الناس دى لا بتلعب ولا بتهرج , والطب الشرعى ومصلحه الادله الجنائيه لهم دور كبير , ولن يصدر حكم بالاعدام دون وجود دلائل وقرائن قويه تدين صاحبه , فلو ان هناك شك 1% انه غير مدان كان يمكن ان يخفف الحكم الى 15 سنه او اشغال شاقه مؤبده على اقصى تقدير .

الطب الشرعى و الأدلة الجنائية مظنش عملوا حاجة من نفسهم
لأن كل حاجة كانت جاية من دبى

تصوير الكاميرات و ملابس السكرى و السكين و كل حاجة جت من دبى
مكنش ينفع إن فيه حاجة تتلفق
يمكن لو كانت كل الحكاية دى حصلت فى مصر مكنش حد هيسمع إسم هشام طلعت خالص
و كنت هتلاقى أى مسطول أو مختل عقليا هو اللى قتل سوزان تميم

اقتباس:مهو الحكم ده يشهد بالنزاهه للقضاء المصرى , ويؤكد على عدم تدخل السلطات واصحاب النفوذ فى احكام القضاء , مما ينفى اى شبهه تدخل لصالح ممدوح اسماعيل فى قضيه العباره , والا كان الاولى التدخل لصالح هشام طلعت , فبحكم المناصب والثراء والنفوذ والتقرب من دوائر صنع القرار فهشام اولى بذلك , وبما انه لم يتدخل احد لصالح ابن المجرمه ممدوح اسماعيل , فكيف يكون الحكم مخففا بهذا الشكل ؟؟

مين قال إنه مكنش فيه تدخل من السلطات و من أصحاب النفوذ ؟
أمال إزاى عملوا حظر للنشر فى قضيته ؟؟؟ و من إمتى بتتعمل حاجة زى كده ؟
إلا عشان خاطر عيونه ..

و مكنتش بتشوف المقالات اللى نزلت بالهبل تمجد هشام طلعت فى الأهرام و أخبار اليوم
و قبل ما يتقبض عليه بيوم و لا إتنين كان بيعمل لقاء ع البيض بيضك ..
و للصدفة الكوميدية البحتة كان حضرته بيتكلم عن إنشاء بنك للعفاف

[my-youtube width=425 height=344]http://www.youtube.com/watch?v=qe0vVJOkLLM[/my-youtube]

أعتقد مشكلة هشام الوحيدة إن الموضوع كان على نطاق دولى و كان شكلنا هيبقى وحش
أصل دبى جابت كل الأدلة خلاص ع الجاهز اللى بتقول بكل تأكيد إن ده قتل و ده حرض يعنى شريكه فى القتل
كنا هنعمل إيه ساعتها طيب ؟

حظ ممدوح إسماعيل إنه قتل كام ألف واحد .. لكن كلهم غلابة مصريين و جوه مصر
and what happened in Egypt stay in Egypt

مش عارف إذا كنت شفت حلقة برنامج الحقيقة مع طلعت السادات بخصوص الموضوع ده و لا لأ
بس كانت فيه حاجات غريبة جدا عن اللى بيحصل فى البلد دى
رغم إنى أساسا مش بحب حاجة إسمها طلعت السادات و بحس إنه بالظبط زى الواد محروس بتاع الوزير لما بقى عضو مجلس الشعب

[my-youtube width=425 height=344]http://www.youtube.com/watch?v=sfuiNsoxyCI[/my-youtube]

(05-30-2009, 04:23 AM)Greg كتب:  الطب الشرعى و الأدلة الجنائية مظنش عملوا حاجة من نفسهم
لأن كل حاجة كانت جاية من دبى

تصوير الكاميرات و ملابس السكرى و السكين و كل حاجة جت من دبى
مكنش ينفع إن فيه حاجة تتلفق
يمكن لو كانت كل الحكاية دى حصلت فى مصر مكنش حد هيسمع إسم هشام طلعت خالص
و كنت هتلاقى أى مسطول أو مختل عقليا هو اللى قتل سوزان تميم

بصرف النظر عن كل ذلك ,,, فهناك ادله وقرائن امام المحكمه وبناء عليها حصل على حكم بالاعدام عن جداره واستحقاق .
وكان ممكن القاضى يطسو 25 سنه ويترك الكره فى ملعب الحكومه , بحيث ان ارادت الافراج عنه فيمكن لها ذلك بعد فتره زمنيه بحجه عفو رئاسى او لظروف صحيه , لكن الحكم يؤكد وجهه نظرى .

(05-30-2009, 04:23 AM)Greg كتب:  مين قال إنه مكنش فيه تدخل من السلطات و من أصحاب النفوذ ؟
أمال إزاى عملوا حظر للنشر فى قضيته ؟؟؟ و من إمتى بتتعمل حاجة زى كده ؟
إلا عشان خاطر عيونه ..

و مكنتش بتشوف المقالات اللى نزلت بالهبل تمجد هشام طلعت فى الأهرام و أخبار اليوم
و قبل ما يتقبض عليه بيوم و لا إتنين كان بيعمل لقاء ع البيض بيضك ..
و للصدفة الكوميدية البحتة كان حضرته بيتكلم عن إنشاء بنك للعفاف

ورغم ما تراه انت تدخل , ورغم حظر النشر علشان خاطر عيونه الا انه ايضا حصل على حكم بالاعدام عن جداره واستحقاق , وهل تعتقد ان حظر النشر كان له اى تأثير على حكم بالاعدام ؟؟ يعنى لو مكنش هناك حظر نشر كان سيحكم عليه بالاعدام مرتين مثلا ؟؟

(05-30-2009, 04:23 AM)Greg كتب:  أعتقد مشكلة هشام الوحيدة إن الموضوع كان على نطاق دولى و كان شكلنا هيبقى وحش
أصل دبى جابت كل الأدلة خلاص ع الجاهز اللى بتقول بكل تأكيد إن ده قتل و ده حرض يعنى شريكه فى القتل
كنا هنعمل إيه ساعتها طيب ؟

ساعتها كان ممكن ياخد تابيده بدلا من الاعدام بعد تكييف وتوصيف قانونى لموقفه فى القضيه يحصل به على هذا الحكم , وكان برضو شكلنا مكنش هيبقى وحش ادام دبى والامم المتحده و مجموعه دول اللى محدش له دعوه بالتانى خالص

(05-30-2009, 04:23 AM)Greg كتب:  حظ ممدوح إسماعيل إنه قتل كام ألف واحد .. لكن كلهم غلابة مصريين و جوه مصر

العباره كان عليها عدد لا بأس به من جنسيات مختلفه من غير المصريين , واعتقد انه يمكنهم مقاضاه الحكومه المصريه او ممدوح اسماعيل امام محاكم دوليه , ده غير ان حادثه العباره سمعت فى العالم كله , والقضيه كانت اهم من قضيه هشام طلعت بمراحل .

عموما انا قلت ان الحكم الخاص بهشام يثير الحيره , ويبدو ان المسأله تعود اولا واخيرا الى ضمير القاضى , بدليل ان النائب العام اعاد قضيه ممدوح اسماعيل مره اخرى الى المحكمه بعد حصوله على البراءه لعدم اطمئنانه الى الحكم .

تحياتى لك .