المشكلة اني بجد مش جريئة

بخاف من الناس

وشيفاهم نصابين بنات او رجالة لدرجة اني بقيت اخاف من البنت اكتر من الرجل عشان مبقوش فيهم براءة

انا خايفة طول الوقت ومستنية ان حاجة وحشة تحصل ومعرفش اتصرف

بخاف ارد علي حد جرحني مع اني ساعات بتيجي الفرصة ان اردها بس مش في وشه ، ساعات ببقي ممكن اردها من واره واتسبب في الاذي لية زي ما اذاني

خايفة اوي من بكرة

خايفة اوي من ربنا بس الخوف دة برضو مش بيخلني ابعد عن الغلط

خايفة افقد حد قريب ليا

خايفة روتين حياتي تحصل فية حاجة تخليني مش عارفة اتكيف

تصدقوا اني بخاف لو حد من اخواتي خد اسطوانه من اسطواناتي وبوظها

من الاخر انا حاسة اني خنقت نفسي بخوفي و هابتدي اطفح


كان المفروض يكون اسمي خايفة مش جريئة ، يمكن افتكرت ان الاسم هايبهت عليا او اصح من النوم الاقيني جريئة

ودمتم

(06-17-2009, 07:54 PM)جريئة كتب:  المشكلة اني بجد مش جريئة

بخاف من الناس

وشيفاهم نصابين بنات او رجالة لدرجة اني بقيت اخاف من البنت اكتر من الرجل عشان مبقوش فيهم براءة

أبعدي عن الشر وغني له

اقتباس:انا خايفة طول الوقت ومستنية ان حاجة وحشة تحصل ومعرفش اتصرف

وقوع البلا ولا انتظاره
كان فيه قصيدة شعر لأحمد شوقي عن نمله كانت ماشيه تحت جبل وبعدين وقفت وفكرت وقالت لنفسها لو الجبل ده وقع هيقتلني تحته , لازم أجري بسرعه قبل ما يقع , وهي بتجري وخايفه مخدتش بالها ووقعت في شبر ماء , وهي بتصارع الغرق قالت
صاح لا تخشي عظيما .... فالذي في الغيب أعظم
وعلي رأي الشاعر الشعبي
ك...مها في طي...ها

اقتباس:بخاف ارد علي حد جرحني مع اني ساعات بتيجي الفرصة ان اردها بس مش في وشه ، ساعات ببقي ممكن اردها من واره واتسبب في الاذي لية زي ما اذاني

المسامح كريم

اقتباس:خايفة اوي من بكرة

http://songs.6arab.com/fared..5alleha-3ala-alla1.ram

اقتباس:خايفة اوي من ربنا بس الخوف دة برضو مش بيخلني ابعد عن الغلط

الله مات اعملي ما بدالك

اقتباس:خايفة افقد حد قريب ليا

انا نفسي انام واصحي الاقي نص البشر ماتوا (يا ريت النص الرذل ) وفيهم كتير من أهلي

اقتباس:خايفة روتين حياتي تحصل فية حاجة تخليني مش عارفة اتكيف

ركبي تكييف , وخاصة ان اسعاره نزلت

اقتباس:تصدقوا اني بخاف لو حد من اخواتي خد اسطوانه من اسطواناتي وبوظها
من الاخر انا حاسة اني خنقت نفسي بخوفي و هابتدي اطفح
كان المفروض يكون اسمي خايفة مش جريئة ، يمكن افتكرت ان الاسم هايبهت عليا او اصح من النوم الاقيني جريئة

ودمتم

معرفشي تقدري تعملي ده ولا لأ , حالتك كلاسيكيه للأبناء اللي بينشأوا في بيت زجاجي وأهلهم يحوطوهم بشتي انواع الرعايه والعنايه وبيبقوا عاملين زي الارانب اللطيفه وبعد لما يوصلوا لمرحلة الرشد , والمفروض يخلوا عندهم دم ويخرجوا للحياه بيكتشفوا انهم ارانب وسط كلاب وديابه , وطبعا ده مش ذنبهم بقدر ما هو ذنب اهلهم , عشان كده واللي بيعاني من حالتك في اوروبا والدول المتقدمه , بيجيب عجله (بسكلته يعني ) وشنطة ظهر وتقص شعرها وتخليه قصير جدا او تحلقه , وزمزمية ماء و منامه ومطواه و في يوم خريفي تترك البيت لأهلها وتترك لهم رساله انها رايحه تبحث عن نفسها , وتركب العجله وتشرخ , وتلف المدن والبلاد وتشتغل وتصرف علي نفسها , و ........... ومممكن يقابلها سفاح ويدبحها ويبقي خلصت من الدنيا وقرفها , وممكن يقابلها فارس احلامها , وممكن يقابلها سواق نص الليل ( يغتصبها او يوصلها للبلد اللي بعدها أنت و مزاجك ) وبعد عام او عامين تكون اتلطمت تمام وبقت زي القرد وابقي قابلني لو عرفت تسجدها ولا تعلق منها 5 دولار .

[معرفشي تقدري تعملي ده ولا لأ , حالتك كلاسيكيه للأبناء اللي بينشأوا في بيت زجاجي وأهلهم يحوطوهم بشتي انواع الرعايه والعنايه وبيبقوا عاملين زي الارانب اللطيفه وبعد لما يوصلوا لمرحلة الرشد , والمفروض يخلوا عندهم دم ويخرجوا للحياه بيكتشفوا انهم ارانب وسط كلاب وديابه , وطبعا ده مش ذنبهم بقدر ما هو ذنب اهلهم , عشان كده واللي بيعاني من حالتك في اوروبا والدول المتقدمه , بيجيب عجله (بسكلته يعني ) وشنطة ظهر وتقص شعرها وتخليه قصير جدا او تحلقه , وزمزمية ماء و منامه ومطواه و في يوم خريفي تترك البيت لأهلها وتترك لهم رساله انها رايحه تبحث عن نفسها , وتركب العجله وتشرخ , وتلف المدن والبلاد وتشتغل وتصرف علي نفسها , و ........... ومممكن يقابلها سفاح ويدبحها ويبقي خلصت من الدنيا وقرفها , وممكن يقابلها فارس احلامها , وممكن يقابلها سواق نص الليل ( يغتصبها او يوصلها للبلد اللي بعدها أنت و مزاجك ) وبعد عام او عامين تكون اتلطمت تمام وبقت زي القرد وابقي قابلني لو عرفت تسجدها ولا تعلق منها 5 دولار .
[/quote]

اية القصة الدموية دي يا فارس

فات وقت الخروج من المنزل وفات وقت السفر ولو حصل هايبقي لعب في الوقت الضايع

فارس الاحلام وهم في القصص الرومانسية والواقع الي موجود هو حياة اهلك واهلي و الجوازة الي احسن من بلاش وظل راجل ولا ظل حيطة ( حتي الظل خلاص كل سنة وانت طيب )

ودمتم

---

كموس ، ممكن الله يكرمك تصلحلي العنوان احسن يفتكروني جاهلة مش جريئة ؟؟؟

جوجو و كموس مرسي علي التريقة يا شباب المنتدي .. مردودالكوا

بس مرسي علي الردود بجد الجد

الكلام سهل بس كام واحد فينا بيعرف وبيقدر يطبق

كموس .. حالات موت شخص هام في حياتنا حالة بتبقي صعب اوي وخاصة لو مكنش في بديل

منين اعرف ان في حد زبالة ، ما الناس طبيعي في بداية التعارف بيبقوا ملائكة ؟؟؟

ودمتم

---

بفكر اغير اسمي

من جريئة الي " مشروع جريئة " او " جريئة مع وقف التنفيذ " او " محدودة الجراءة "

اية رائيكم .. دام عزكم

اقتباس:تصدقوا اني بخاف لو حد من اخواتي خد اسطوانه من اسطواناتي وبوظها

من الاخر انا حاسة اني خنقت نفسي بخوفي و هابتدي اطفح

لست وحدك. مشكلتك عندي كذلك. ما أفعله هو أني أحاول أن آخذ بعض الوقت لأقنع نفسي أن الدنيا بخير ولن يحصل شرّ ماحق وإنما هذا أمر عارض وحله بسيط ولا داعي للتهويل. ما أسهل الكلام ولكن أخذ النية السليمة والعزم السليم تجاه المواقف بتحدياتها هو جزء من الحل. من المهم أيضا أن يشعر الواحد باستقلاليته وأنه لا يتحكم فيه أحد بشكل ما.

لست هنا لأقدم لك حل ولكن لأقول لك إنك لست وحدك في هذا ولكني أيضا عندي المشكلة ذاتها. نستفيد من خبرات هنا وهناك ولا يوجد شيء قاطع وخاصة لو أن هذه المشاعر لها جذورها في جراح الماضي وما يشبه ذلك.

(06-17-2009, 10:41 PM)Albert Camus كتب:  الرياضة يا جريئة.
ادخلي في جروب بيلعب رياضة معينة .
علشان الاندماج في مجتمع رياضي ، بيخلي الثقة في النفس تطلع زي الصاروخ على فوق.
والتعامل مع بنات مثلك و شباب في نشاط رياضي ، مع مدرب أو مدربة يغير تماماً من شخصيتك.


ويمكن ما نشوفكيش هنا تاني.
عندك مثلاً الاسكواش ، والأيروبيك ، والسباحة ، وووو.
اعتقد انظف مجتمع ممكن تلاقيه هو المجتمع اللي في النادي اللي بيتجمع علشان يتمرن على حاجة معينة تطور من لياقته البدنية والنفسية. جروبات اليوجا برضه كويسة.

تحياتي لك

انا عجباني الفكرة دي يا كموس
بفكر اروح اشترك مع فريق البالية او العب شيش ، او حتي مصارعة او رماية

---

(06-17-2009, 10:44 PM)إبراهيم كتب:  

اقتباس:

لست وحدك. مشكلتك عندي كذلك. ما أفعله هو أني أحاول أن آخذ بعض الوقت لأقنع نفسي أن الدنيا بخير ولن يحصل شرّ ماحق وإنما هذا أمر عارض وحله بسيط ولا داعي للتهويل. ما أسهل الكلام ولكن أخذ النية السليمة والعزم السليم تجاه المواقف بتحدياتها هو جزء من الحل. من المهم أيضا أن يشعر الواحد باستقلاليته وأنه لا يتحكم فيه أحد بشكل ما.

عارف يا هيمة بجد الحل اكيد هايبقي مني او يبتدي من عشان محدش فاضي لحد يمسك بايدة
بس هي حته النية دي الي عاوز شلوت محترم يزق الواحد عشان ياخد الطريق

مرسي علي اهتمامك وردك

اقتباس:جوجو .... مرسي علي التريقة يا شباب المنتدي .. مردودالكو

لا لا لا يا جوجو

انا بعاكسك بس ، طبعا عارفة انك مش بتتريق

وعارفة كمان انك مهتم ترد عليا بجد

يا شيخ بقي روح كدة ، هو انا اعرف من يومين، دة احنا اصحاب من زززززززززززمان

دمت لي

اقتباس:عارف يا هيمة بجد الحل اكيد هايبقي مني او يبتدي من عشان محدش فاضي لحد يمسك بايدة

قد تندهشي! فيه ناس كتير ياما مسكت بيدي وخففت عني وقت الأزمة أنا واثق أنك أكيد هتلاقي ناس ربنا يبعتها لك في الوقت المناسب. من المستحسن لو فيه مساحة في السن .. فرق في السن بينك وبين الناس دول بحيث أن عطاءهم في الحالة دي بيكون غير مشروط.

برضو عايز أقول: حدسك لا يخيبك. لا تحاولي أن تقاومي حدسك وتسيري عكسه. المشكلة مش في الشعور بالخوف ولكن لما الخوف يستبد بينا ويتحول إلى أرق كما يحدث معي أحياناً.

مساءك جميل.

(06-18-2009, 10:00 PM)نضال البال كتب:  صدقي يا جريئة .. انا كان دوما عندي احساس انه فيه وراءك سر ..

" هاتفضلي تواجهي الخوف ومش هاتهزميه .. هاتفضلي تواجهي الخوف .. وتواجهيه .. وتواجهيه.. وتواجهيه.. وتواجهيه.. وتواجهيه"

وادي السر انكشف يا ستي

وتقدري تقولي اني ابتديت الطريق او علي الاقل عرفت هو فين

مرسي علي كلامك

بس تفتكري بجد مش هاهزمه ؟؟؟