معروفة الفهلويات اللبنانية موهيك ؟؟
من نفس نمرة " حرب الاخرين على أرضنا " ولبنان الأخضر " و " العناصر المندسة " ونسب كل شيء إلى " العدو الاسرائيلي " أو" الشقيقة سورية " حتى خصام الزلمي مع مرتو .

متل ماقلت لن اعرفكم عليها فالكل يعرفها لكن ساحكي لكم فهلويتان أي عدد 2 فهلوية سمعتها ببخش أذني :

الأولى : كان أحد السياسيين يحلل ويحلل حتى حلنا حلً وصرنا محلولين من كتر تحليلاتو شو مهضومة ورايقة وبالأخير حب يضرب متل فقال " ومتل مابيقول المثل اللبناني :

"ما كل ما يتمنى المرء يدركه" .

بقا هدا طلع متل لبناني .:aplaudit:


ومن شي يومين كمان عل O tv كان فيه أستاذ تاريخ بالجامعة اللبنانية عم يشلح عفواً عم يشرح تاريخ الدولتين اللبنانية العظمى . و باقي جمهوريات الموز يعني سوريا وفلسطين وغيرها . والحقيقة لقد أجاد وأصاب فقال ( مو بالحرف لأن هيك درر بدها عيقري متلو ليعيدها عالغايب ) : أن متصرفية جبل لبنان هي قديمة جداً وتضم الأقضية الأربعة ( راشيا وغيرها التي اقتطعها غورو واضافها إلى جبل لبنان حتى يزبط اسم " دولةلبنان الكبير " وأن "ساي كس بيكو " لم تقسم سوى سوريا !!!! إلى دولة دمشق و دولة جبل الدروز ودولة حلب ودولة دمشق التي عادت وتوحدت ..... وبعد لت وعجن وطق حنك خلص الحبيب إلى نتيجة فهلوية بتلبق لهيك فهلوي وهي :

" وهيك منشوف منشان ما يضلو يقولو أن لبنان جزء من سوريا...
.. لبنان كدولة أقدم من سوريا " كمان:aplaudit:
يعني ماا شتهيت إلا أني شيل هالمحرمة اللي بجيبة جاكيته العلوية وادحشلو ياها بتمو ..

مع تحياتي (f)