نهار داخلي- صالة منزل مصري

مدام "دلال" تجلس في الكرسي المقابل لجارتها القديمة "درية"، بعد أن أدّت واجب الضيافة، تبدأ "درية" بفتح الموضوع بطريقة غير مباشرة.

درية: إلا هي فين "حنان" بنتك؟.. والله بقالي زمن ما شفتهاش..

دلال: آه مع صاحباتها نزلوا يشتروا حاجات..

درية: ويا ترى اتخطبت ولا اتجوزت.. اوعي تكوني ما عزمتنيش!

دلال: وأنا أقدر برضه ده يوم المُنى يا حبيبتي.. بس أهو بقى لسه النصيب ما دقش الباب.. قعدت ترفض في ده وده وده.. لحد خلاص.. البنت اتعقدت كمان وحاسة إنها هتعيش عمرها كله وحدانية.. ما أنا مش هعيش لها على طول..

تقاطعها درية: ما تقوليش كده، ربنا يخليكِ ليها وتفرحي بيها، وبعدين الحاجات دي قسمة ونصيب.. وبعدين على رأي المثل.. "قعدة الخزانة، ولا جوازة الندامة"..

دلال: قسمة ونصيب ماشي ما اعترضناش، طيب وكلام الناس.. ولما يقولوا عليها بايرة ولا عانس.. ويا ريته على قد كده كنت سكت..

درية "بنبرة قلقة": خير يا أختي كفى الله الشر؟

دلال: خايفة لحد يتكلم عليها بالبطال.. يعني إيه اللي مانعها تتجوز لحد دلوقتي وهي زي القمر وحلوة إلا إذا كانت ماشية لها مع حد..

درية بفزع: لا يا دلال ما تبشريش على البنية.. يتقطع لسانه اللي يقول كده.. إنتِ بتتوهمي!

دلال: على أيامنا كانوا بيقولوا كده.. أمال هيقولوا إيه اليومين دول؟.. ينوبك ثواب يا درية إنتِ زي أختي والله ولولا كده ما كنت فاتحتك أبدًا في الموضوع.. أنا موصية أكتر من حد يجيب لها عريس.. أي عريس.. أي عريس.. مش مهم المؤهل ولا الكلام الماسخ اللي جابنا ورا ده.. المهم البنت تتستر وأفرح بيها بقى وماحدش يشمت فيّ..

درية: والله إنتِ بنت حلال.. أنا كنت هافاتحك في الموضوع ده.. "فتحي" لسه جاي من الخليج وعايز يتجوز وبيدور على عروسة.. "فتحي" ابن أختي لو فاكراه.. معاه دبلوم صنايع بس بقى حاجة تانية.. بيقولوا له يا باشمهندس!

دلال: وعنده كام سنة؟

درية: مش كبير بتاع 35 سنة يعني قريب من سن "حنان".. هاتفق معاهم على الموضوع، ونحدد مَعَاد إن شاء الله.. ومبروك مقدماً يا حبيبتي

دلال: الله يبارك فيكِ.. ربنا ما يوقعك في ضيقة أبداً.. خدي صورتها أهي

!

*******


ليل داخلي- منزل أم "فتحي"

بعد العشاء تحاول "أم فتحي" مفاتحته في موضوع العروسة "حنان" التي حدثتها عنها "درية" أختها..

أم "فتحي": أخيرًا يا "فتحي" هنفرح بيك.. بنت الحلال اللي تستاهلك موجودة بس إنت تأشر..

"فتحي" باهتمام: صحيح يا ماما؟ لقيتوها؟.. ويا ترى عندها كام سنة.. و..

تقاطعه أمه: حيلك حيلك.. خالتك درية كلمتني عنها النهارده.. زي القمر ومعاها بكالوريوس علوم، يعني متعلمة تعليم عالي.. وسنها قريب من سنك يعني تناسبك..

"فتحي" يعد على أصابعه بسذاجة ليحسب فارق السن": آه سنها قريب من سني يعني بالكتير عندها 20 - 22 سنة!

أم "فتحي": فرق 15 سنة يا ابني!.. لا ده فرق 5 سنين بس وكام شهر..

"فتحي" مندهشًا: نعم قصدك 29 سنة وحاجة؟.. يعني 30 سنة!.. يعني واحدة داس عليها المترو والقطر والنقل العام.. قولي كلام غير ده يا ماما!

أم "فتحي": وفيها إيه يا ابني.. ربنا عرفوه بالعقل.. الحاجات دي نصيب.. ومش معنى إنها قعدت كل ده من غير جواز إنها وحشة.. دي بنت طيبة ومنكسرة ومعاها شهادة عالية.. وسنها قريب من سنك يعني تتجوز عيّلة تطلع عينك.. حتى شوف صورتها..

يلتقط "فتحي" منها الصورة قائلاً: آه هي - الله الوكيل- حلوة.. بس ما تلزمنيش يا ماما.. دي عندها 30 سنة عارفة يعني ايه؟.. أنا بصراحة ما أقبلش أتجوز واحدة عشان بعد كده أعالجها!

أم "فتحي": تعالجها ليه بعد الشر البنت زي الفل؟..

"فتحي": السن له أحكام يا أم "فتحي".. دول 30 سنة يعني مؤبد + 5 سنين جُنح!.. طظ في شهادتها اللي أعلى من شهادتي.. بفلوسي اتجوز بنت السلطان.. دوري لي على بنت صغيورة لسه في جامعة، تدلعني، تعدل مزاجي.. مش أصوم أصوم وأفطر على حاجة جملي كده.. انسي الموضوع ده يا ماما

!

*******


فيه ناس هتتنرفز وتطلع عفاريتها لما تسمع الكلام ده!

بيتكلم إزاي الأخ اللي فوق ده.. الحكاية قسمة!
جنح؟
مؤبد؟
جملي؟!!
هي غدوة ولا جوازة؟
مش يتجوز واحدة عاقلة قريبة من جيله وسنه؟؟..


وناس تانية بيقولوا على أنفسهم واقعيين.. عايشين الواقع

طبعًا من حقه يتجوز الصغيرة تدلعه.. مش واحدة عانس!
وليه يتجوز بنت التلاتين لما تكون بنات العشرين "أكتر من الهم على القلب"؟
وليه البنت قعدت لتلاتين سنة من غير عريس.. أكيد الحكاية فيها إنّ!


البنات أنفسهم لما سألناهم عن الإحساس اللي ممكن يداهمهم لو وصلوا للثلاثين من غير زواج كانت إجاباتهم متباينة..

"أكيد كل واحدة محتاجة لوجود "هو" في حياتها، وكذلك الأمر بالنسبة للراجل.. بس لو ماجاش يعني الدنيا تقف؟.. أكيد البنت لما تكون مستقلة مادياً وعندها شغل مش هتشغلها المشكلة لفترة.. بس أرجع وأقول انها هتفتقد هذا الوجود المهم.. المهم ما تأثرش عليها نظرة المجتمع وتقبل بأي عريس والسلام عشان تهرب"..

بنت تانية كان لها رأي مختلف..

"يا خبر.. بعد الشر بعد الشر.. أقعد من غير جواز.. أنا ممكن اتجوز واحد مش حابّاه ومش طايقاه.. عشان ما آخدش لقب عانس.. وبعدين إذا ما كانش هو حنيّن.. لما أجيب عيال هيعوضوني عن حنيته.. الوحدة وحشة.. قال عانس قال

"!

سيدة تزوجت بعد الثلاثين قالت:

"كانوا الأول العرسان كتير.. الظابط والمهندس و... والدي كان بيرفض لأسباب كتير مش موضوعية.. فضل يرفض يرفض.. لحد خلاص ما قربت من عتبة التلاتين.. نوعية العرسان اختلفت.. اللي معاه إعدادية واللي واخد دبلوم.. ويمكن بعد كده اختفت كمان النوعية دي من العرسان.. لحد ما بقيت أتمنى أتجوز حد معاه دبلوم أو أقل مني تعليماً عشان قسوة الوحدة ونظرات الناس اللي ما بترحمش.. وأخيراً اتجوزت.. مُطلق.. وعنده ولد وبنت.. أرحم من إني أكون عانس.."


إحصائيات العنوسة في الوطن العربي بحسب ما ذكرت (مجلة العلوم الاجتماعية) خطيرة.. لكن لنرَ الإحصائيات الخاصة بمصر الصادرة عن (المركز القومي للبحوث الاجتماعية والجنائية)

"نسبة غير المتزوجين من الشباب من الجنسين بلغت بشكل عام حوالي 30%، وبالتحديد 29.7% للذكور، و28.4% للإناث"

*******

يا ترى إنت شايف الموضوع إزاي؟
ممكن تتجوز واحدة عدّت الثلاثين؟..

ويا ترى إنتِ كبنت
شايفة إن الاستقلال المادي والنجاح العملي
ممكن يشغلك عن الزواج

ويخليكِ ما تاخديش في بالك من كلام الناس..
عانس.. أو مش عانس؟؟

ولا الموضوع مهما كان احتياج طبيعي للاستقرار العاطفي..

وإن كل ما قربتِ من الثلاثين..
كل ما خوفك من العنوسة زاد؟

منقول

موضوع مهم و شائك فعلا ....

أول الموضوع أنه يجب تصحيح نظرة الرجل للمرأة و تصحيح نظرة المرأة للرجل .... و بعدها يجب تصحيح نظرة المجتمع للزواج ..

نظرة فتحي للفتاة نظرة منتشرة في مجتمعنا البحراني .... و بصراحة الشخص الذي يطوف الخامسة و الثلاثين و يبدا بالتشرط على ان فتاته لا تتجاوز العشرين .... سيبقى أعزب لمدة طويلة .

Arrayيا ترى إنت شايف الموضوع إزاي؟
ممكن تتجوز واحدة عدّت الثلاثين؟..[/quote]

لو فكرت اتجوز النهارده مش هأتجوز غير واحدة عدت التلاتين او الاربعين
ماهو لازميكون فيه تقارب عمرى
Array

ويا ترى إنتِ كبنت
شايفة إن الاستقلال المادي والنجاح العملي
ممكن يشغلك عن الزواج

ويخليكِ ما تاخديش في بالك من كلام الناس..
عانس.. أو مش عانس؟؟

ولا الموضوع مهما كان احتياج طبيعي للاستقرار العاطفي..

وإن كل ما قربتِ من الثلاثين..
كل ما خوفك من العنوسة زاد؟[/quote]

الله ما تكسفينيش بقى يا ليلى :10:

و لو انى مش بنت لكن هأجاوب على دا كمان

الجواز عدة احتياجات و ليس احتياجا واحدا

احتياج مادى و أمنى و انسانى و بيولوجى ايضا

و لذا فالاستقلال المادى لا يغنى عن الزواج

SH4EVER؛

شاكرة لك المشاركة

Arrayأول الموضوع أنه يجب تصحيح نظرة الرجل للمرأة و تصحيح نظرة المرأة للرجل .... و بعدها يجب تصحيح نظرة المجتمع للزواج .. [/quote]

:thumbup:



نبتون؛

Arrayالله ما تكسفينيش بقى يا ليلى :10:

و لو انى مش بنت لكن هأجاوب على دا كمان

الجواز عدة احتياجات و ليس احتياجا واحدا

احتياج مادى و أمنى و انسانى و بيولوجى ايضا

و لذا فالاستقلال المادى لا يغنى عن الزواج[/quote]


شاكرة لكِ الرد نبتونة:D
جميل جداً :thumbup:

كيفك ليلى..

اشتقتلك كتير

حبيت موضوعك كتير .. ولامس كتير اشياء جواتي بعيشها انا وغيري من البنات والصبايا كل يوم بره البيت وجواته..

ليلى
انا عمري هلأ 29 سنة يعني كلمالي عم بكبر متلك ومتل غيرنا من الصبايا وهاد شي طبيعي .. وكتير بعرف كبنت شرقية شو يعني الضغوطات اللي ممكن يمارسها كل الاطراف اللي حوالينا علينا بداية من الاهل ( حتى لو قصدهم شريف ومش اكتر من انهم يطمنوا على مستقبل بنتهم بحياتهم ويفرحو فيها) امتدادا لكتير اطراف تانية الها خص بالعمر بالمجتمع بالشب المتقدم (العريس) بأهل العريس
بقناعات البنت بهاد العريس وبالمقابل قناعاته هو فيها وبكتير صفات الشباب عادة بيرسموها رسم بخيالهم وبيجو يدوروا عليها بالواقع.. واكتر من هيك بكتير

ليلى
انت عارفة انه عنا بالاردن عمر الزواج تغير تماما يعني كان زمان بنت ال16 وال18 يتزوجو هلأ صارت الصبية توصل بعمرها لاكتر من 30 و 35 ولساتها مش مرتبطة

انا معاكي انه كتير فيه بنات بيتشرطو وبدهم فارس احلام غريب بصفات يمكن من حقهم انها تكون موجودة بالشب او العريس ازا بدنا نسميه
بس برضو ليلى
ازا بدي احكي عن نفسي
عن حالي انا كليلاء
عمره ما كانت القصة رغم كل وكترة اللي بيتقدمو دلال ودلع وشروط وفلوس
ولا مرة ولا مرة

الناس بتقعد بتلومك لانك رفضت فلان بن فلان الطبيب ولا المهندس ولا الاستاذ
طيب على اي اساس هنن بلوموني ؟

انا اللي قعدت معه وحكيت وتحدثت مش هم؟
انا اللي عرفت شوي من طباعه رغم انها قليلة جدا مش هم؟
انا على عيني وراسي انه متعلم وابن ناس بس ورغم انه هاي اساسيات الي مهمة وما بتنازل عنها بس في شي مهم مخفي عن عين الغير بيكون بس الفتاة والشب هنن الاقدر على تمييزه من اي حد تاني؟

ياما ناس متعلمين يا ليلى ووالله معاهم اعلى الشهادات لكن لا يفقهو بأسلوب التعامل اي شيء؟

وياما ناس مش متعلمين على قدر كبير من الثقافة والاطلاع اله اسلوبه بيسحرك
بتتاخد وانت بتحكي معه وبتحاوره؟

طبعا حاليا ما عادت القصة مجرد شهادة وتعليم وبس صارت بكتير اكبر صارت الوضع المادي الصعب اللي بيعيشه الناس وخاصة الشباب وما مخليهم يقدروا يتزوجو ويفتحوا بيت ويحافظو على استمرارية الحياة فيه واستقراره؟

الشب بيكون شخص لحاله بس مجرد ما قرر الزواج وربنا بكتير اوقات بيسرها بس مجرد قرار الزواج معناه انه صرنا شخصين اتنين وبيت ومسؤوليات مشتركة
حقوق
واجبات
فواتير مي وكهرباء
مصاريف ومواصلات
ضيوف وعزايم وولايم
اهله واهلي
هو وانا؟
كتير كتير قصص ..يعني والله القرار مش سهل
يعني مش الزواج معناه البس فستان ابيض وطرحة والكل يغني ويرقص وساعة زمن وبس؟
ابدا لا؟

هاد عمر جديد
انا بدي لما اتزوج الاقي عمري والاقي حالي بالزواج مش اضيع حالي والباقي من عمري بهاد الزواج ؟
مش بس انا وغير يكتير بنات انا بحكي بلسانهم ..
يمكن كان العمر زمان ورغم انه لساته بمجتمعات مهم جدا خاصة مشان قصة الانجاب والولادة بس برضو هلأ تغيرت كتير مفاهيم واللي لساتهم مش متزوجات ومرتبطات بكونوا مثقفات ومتعلمات ومحترمات وكل شيء موجود فيهم من ادب وجمال حتى لو كان نسبي مش كتير بس موجود

يعني مش بس قصة عمر هي؟
وياما ناس تزوجو زغار وما تهنو بالحياة او كتير صارت مشاكل حرمتهم من تذوق طعم الحياة الحقيقي ونكهتها بظل الزواج؟
وياما ناس كتير تأخروا لحتى تزوجوا وربنا اكرمهم بأحسن قسمة وبأحلى نصيب؟

يعني يا ليلى..

ربك لما يريد كل شي بيهون
وكل صعاب بتتذلل وبتتيسر
كتير قصص وعوامل مهمة بهالموضوع؟

عكل الله يكتب للجميع احلى قسمة واحلى نصيب

قولي آمين يا ليلى يا ست الحلوين


ليلاء (بذرة لا زالت تنمو)(f)

اهلا ليلاء (f)

كيفك؟

Array
انا بدي لما اتزوج الاقي عمري والاقي حالي بالزواج مش اضيع حالي والباقي من عمري بهاد الزواج ؟
[/quote]

اصبتى يا ليلاء :thumbup:

Array
الشب بيكون شخص لحاله بس مجرد ما قرر الزواج وربنا بكتير اوقات بيسرها بس مجرد قرار الزواج معناه انه صرنا شخصين اتنين وبيت ومسؤوليات مشتركة
حقوق
واجبات
فواتير مي وكهرباء
مصاريف ومواصلات
ضيوف وعزايم وولايم
اهله واهلي
هو وانا؟
كتير كتير قصص ..يعني والله القرار مش سهل
يعني مش الزواج معناه البس فستان ابيض وطرحة والكل يغني ويرقص وساعة زمن وبس؟
ابدا لا؟
[/quote]
ينصر دينك:barfy:

ال:barfy:يعني أني بصرخ بيها مش أني معصب:D

لهيك ومن على منبري هذا أقول: جتها مصيبة اللي عاوزة جواز:D

تعليقي هو

بالنظر إلى حال الشباب العربي بقول أنني لا ألوم أي بنت عاقلة لو بقيت عانس ولم تتزوج طوال حياتها ... والعكس صحيح بالنسبة للشباب...

العزيزة ليلاء؛
أولاً حمد لله على سلامتك
تانى شىء
اللهم آمين
بعدين
جميل جداً كلامك :thumbup:
(f)

سيسبان العزيزة ؛
(f)

كمبيوترجى ؛

Arrayبالنظر إلى حال الشباب العربي بقول أنني لا ألوم أي بنت عاقلة لو بقيت عانس ولم تتزوج طوال حياتها ... والعكس صحيح بالنسبة للشباب...[/quote]

اعرف كتير سواء شباب او فتيات بيمتنعوا عن الزواج لأنه لم يجدوا الشخص المناسب بعد.
بصراحة مش بشوف انها مشكلة بالمرة.

(f)

Arrayبالنظر إلى حال الشباب العربي بقول أنني لا ألوم أي بنت عاقلة لو بقيت عانس ولم تتزوج طوال حياتها ... والعكس صحيح بالنسبة للشباب...[/quote]

اه طبعا عشان توفر تكاليف الجيزة . اخص عليك يا كومبيو طلعت بخيل موت و عمال تحوش الريالات و الدراهم و بس على كده

عموما مش انت لوحدك اللى كده لى صديق اردنى و امه مصرية زى حالاتك كده مضرب عن الجواز. شاب زى الفل و مهندس بأمانة عمان و جاوز الثلاثين بعدة سنوات و لم يتزوج بعد كل ما يحوش قرشين يدخل بيهم مشروع أو يشترى عربية

و المهم انه نفسه يتجوز و شاب مستقيم جدا و لكن ساعة الجد ما تلاقيش فعل
كل ما يشوف عروسه يققعد يطلع القطط الفاطسة : لأ اصل عقليتها تافهه لأمش هى دى
فكرنى بحكاية سأذكرها مع احترامى لكل البنات و الستات فى المنتدى و فى الدنيا كلها و انا اذكرها من باب المثل بس و الله

واحد راح السوق لبياع الحمير يطلب حمارا اذا رأى زحاما اعرض و ان رأى غير ذلك تقدم و يرضى بالقليل من الطعام و يصبر عند البلاء و مش عارف ايه و ايه فقال له البياع انتظر حتى يسخط الله القاضى حمارا فتشتريه
هو عايز حمار بصفات و عقل القاضى

برضه من يذهب ليتزوج و يريد عروسة تجمع بين مواصفات هيفاء وهبى و اينشتاين و الوليد بن طلال
ما ينفعش
انت لا تتزوج لتناقش مراتك فى البورصة و لا فى دول الرايخ الرابع القادمة
زوجة يعنى الهدوء و الحنان و الاحتواء
مصاريف الزواج و ما بعد الزواج هى شر لا بد منه يا كومبيو فاقدم و لا تتردد

طول عمرى اعرف ان مستلزمات الحموم هى صابونه و بس
تغسل بيها شعرك و جتتك و تتنشف و تخرج من الحمام
فقط لما تزوجت و خلفت عرفت ان الموضوع غير كدا خالص و ان الواحد كان جاهل
فيه شامبو للشعر للكبار و اخر للصغار و شاور جيل بنكهات مختلف (تقولش هناكله) و صاون سائل للايدين و كريمات للايدين و الرجلين و بالمرز (فيزلين يعنى ) للشعر عشان يغذيه
امال احنا كنا عايشين ازاى قبل كده و ايه لزوم المصاري دى كلها عشان دش واحد ان شالله عننا ما استحمينا خالص

لكن بحساب الربح و الخسارة بتخسر فلوسك يا كومبيو بس بتكسب نفسك

و نصيحتى للشباب و البنات كونوا واقعيين فى طلباتكم و امالكم

و للبنات بالخصوص العنوسة خير من الجوازة النكد يعنى ما تخديش واحد مدمن او ما يقدرش يفتح بيت و تقولى اصلى واقعية