(04-07-2011, 06:44 PM)بسام الخوري كتب: ليلى لاتنسونا من هتافاتكم 
...بالروح بالدم نفديك يا بسام 
مثلا
دا علشان يتقال عليا اجندات تااااااانى
بس ما تقلقش فى التحرير بنهتف لسوريا و ليبيا و اليمن و تونس و فلسطين
بنهتف للكل
اقتباس:randomless
ايه رأيك استاذة ليلي فى كلام بلال فضل ونوارة نجم؟
اقتباس:اللعب بقى ع المكشوف وكل شيجين انكشفن وبان
الفيديوهات دي معمولة لصالح الثلاثي المرح عشان تضرب مظاهرة الجمعة، أولا: دول مش ظباط جيش. معلومة مؤكدة. ثانيا: مش عايشين في مصر. ثالثا: مش مسموح لظابط الجيش انه يتظاهر، ويحق للشرطة العسكرية في حالة ما اذا تظاهر انها تضربه بالرصاص.. واي حد دخل الجيش عارف الكلام ده، والناس اغلبها داخل الجيش، الناس مش سيس ولا عندها واسطة تخليها ما تروحش الجيش وتتهرب من التجنيد، يعني الكلام ده يخض الناس ويخليهم ما يروحوش مظاهرة الجمعة
ومظاهرة الجمعة فعالة، وفيه ضوء اخضر من المجلس العسكري وحكومة شرف اننا نتظاهر الجمعة عشان نشكل ضغط يقوموا يحققوا لنا مطالبنا، وده وزير العدل بنفسه بيقول الكلام ده، ووزير العدل ما يقدرش يصرح تصريح زي ده من غير ما ينسق مع رئيس الوزراء والمجلس العسكري
ولما ناس تدعي ان ظباط جيش حينزلوا مظاهرتنا يوم الجمعة يبقى عايز يبوظ لنا اليوم ده ويخوف الناس عشان ما تجيش، ثم ان الناس فعلا مش عايزة مواجهة مع الجيش...
واي حد حينتحل لبس ظابط جيش وينزل مظاهرتنا عشان يضربها لنا حنسلمه للشرطة العسكرية.. احنا مطالبنا مدنية وسلمية وما نعرفش الناس دي ومالناش دعوة بيهم، وهم بيقتحموا علينا مظاهرتنا ليه؟ لو هم ظباط جيش فعلا ما يروحوا في حتة تانية او يوم تاني، جايين لنا يقرفونا احنا ويدخلونا معركة مش بتاعتنا ليه؟
وعموما احنا مش معانا الاخوان؟ خلاص يبقى امان.. مدام المظاهرة فيها الاخوان المسلمين يبقى المندس ليلته مطينة بطين
ايه بقى حالة الهبل دي؟
بقى دول ظباط جيش يا اخواتي؟ امال المزز الكتاكيت اللي بنشوفهم في الشارع دول ايه؟ استبدلوا الجيش الحقيقي وجابوا لنا نجوم من هوليوود وقفوهم في الشارع وخبوا الاصليين؟
اصل لو دول ظباط الجيش الاصليين يبقى عملوا فينا جميلة انهم خفوهم
طب اوجد سبع اختلافات بين الفيديو الاول والثاني
نوارة دايماً كوميدية فى كتابتها
بس فيها عيب ، انها بتتكلم بصيغة الجمع و ساعات بتشطح فى كلامها
انا شخصياً ما خفتش لما شفت الفيديوهات دى بالعكس
و متوقعة انقلاب عسكرى فى اى وقت حتى من قبل ما اشوف الفيديوهات دى انهارده.
و سواء نزل ظباط الجيش او الشرطة او إخوان او ناس من المريخ فنزولى كان اساسى
زى ما نزلت قبل كدا ، لأنى مقتنعة ان الشارع هو المحرك الاول و الفعال للمجلس الاعلى لتنفيذ طلبات الثورة. غير كدا اتعودنا قبل كل مليونية على شطحات كتيره و على مفاجات اكتر.
من هنا لبكره لسه هنسمع كتير.
نيجى لبلال فضل
من فتره كتب مقالة عجيبة ، فى الفترة اللى زاد فيها الهلاوس البصرية و السمعية الخاصة بموضوع الإغتيلات و التفجيرات و حرق الكنائس و و و و عند الكل
حتى هو نفسه طلع فى برنامج يسرى فوده و اتكلم كأن الدنيا هتتقلب و شويه و التتار هيطلعوا من قبورهم و هيجموا علينا ههههههههههه
و كتب معلومات مغلوطه فى مقالته بشكل ملفت بخصوص موقف معين
من وقتها و انا بقرا كلامه بحذر شديد جداً
مابقيتش فاهمه اوى هوبيعمل ايه بالظبط
الفتره اللى فاتت ، قبل الاستفتاء و بعده بقا الرغى كتير جداً
و اللى بيتعمل فعلياً كشىء ايجابى على ارض الواقع قليل جداً
فالبنسبة لى اى شىء بقراه لا بستبعده كله ولا بصدقه كله
بسيب الايام يا تثبته او تنفيه
و اهى النقاشات المختلفه بتوضح صور كتيره للكل
اقتباس: البكري
دول اتنين نصابين عملاء وعاملين نفسهم ضباط وتلاقيهم من اتباع الضابط المجنون العميل بتاع امريكا عمر عفيفي وأي واحد عاقل هيعرف كده من اسلوبهم وطريقة كلامهم ونظراتهم
وده برضه الى قال عليه بلال فضل في مقالة النهاردة في المصري اليوم
كل شىء جايز
زى ما بيقولوا خالينا ورا الكداب لحد باب الدار
بينا و بين يوم الجمعة ساعات بسيطة
بحث
قائمة الأعضاء
التقويم
وثائق المساعدة
طلعوا رجالة و نفذوا وعدهم و نزل بعض الظباط ميدان التحرير