أولا اشكر فارس على موضوعه ثقافة القبيلة اللي عرفني على البطل مايكل نبيل .
وآدي موضوع عجبني جدا من مواضيعه هاحطه مع شوية تعليقات مع الاشارة اني هاحطه هنا لان نادي الفكر العربي هو منبر الحرية الوحيد الذي اعرفه ولا المنتديات المسيحية ولا الاسلامية تعرف شيئا عن الحرية ، والمنتديات المسيحية عن تجربة خاصة مجرد دكتاتوريات طائفية مليئة بالكره والانقياد والعته والتطبيل الفارغ .
http://www.maikelnabil.com/2007/12/blog-post_19.html
منذ عام كنت أعمل بأحد الصحف المسيحية ... و كان عملى يتطلب منى أن أزور الكثير من الكنائس و الأديرة و أتعامل مع الكثير من رجال الدين المسيحى ... و فى أحد المرات نزلت بأحد أديرة سوهاج ... طلبت مقابلة المسئول عن الدير ... أخبروة عن وجودى و أدخلونى إلية ... و بمجرد أن وقعت عينة على حتى حدث الأنفجار العظيم .... فقبل أن أتدارك الموقف فوجئت بهجوم عنيف على و على الصحافة كلها .... أنتم اللى بتولعوا البلد ... بتبيعوا كلام ... كلامكم كلة أثارة و شعللة .... لو تسيبوها هاتعمر .... أهة عندك موضوع الكشح , أديكم زعقتوا و قلتم للدنيا كلها , حصل حاجة ؟ ... ما أخدناش غير الفضيحة .... المسيح قال من ضربك على خدك الأيمن حول لة الآخر .... المفروض لما تحصل حاجة نستحمل و مانعترضش .... طيب يا أبونا : ما المسيح نفسة ماعملش كدة و لما أنضرب قال للى ضربة أنت بتضربنى لية ؟ .... طبعا سيادتة أنفجر أكثر ... أهة الصحافة علمتكم الجدال و المقاوحة .... أنا عمرت كتير فى الدير دة , لكن مش بالصحافة و الخناق زى ما أنتم بتعملوا ... لكن بالعلاقات مع المسئولين ( سيادتة راهب وحيد فى الدير , يعيش بمفردة على مئات الأفدنة , و يعيش بجانبة آلاف المسيحيين لا يجدون قوتهم ) .... فى النهاية وضع لى خلاصة كلامة فى مجموعة من النصائح أهمها أن السياسة و الصحافة و الثقافة و الأنترنت و الكتب كلها ضارة روحيا و أنى يجب أن أتركها جميعا حرصا على حياتى الروحية ... سألتة عن الشئ المفيد روحيا , فأخرج من جيبة صورة دينية و كتب على ظهرها " الرب معك " و وقع تحتها ... أخذتها و تركت لة الدير و عند الباب نفضت رجلى لكى لا يتبقى فى حذائى أى ذكرى من ذاك المكان
اليوم أريد أن أسأل مسيحيى مصر سؤالين مهمين يجب الوصول لحل لهما قبل أن يتحدث أحد عما يسمى ب" الملف القبطى "
السؤال الأول : لماذا تشكون من الأضطهاد بينما أنتم تضطهدون الأقليات الأخرى , أو على الأقل تصمتون على أضطهادها ؟
منذ فترة ( أتشرف بأنها أنتهت ) واظبت على حضور مؤتمر تثبيت العقيدة التى تقيمة الكنيسة فى دير الأنبا أبرام فى الفيوم ... و كم كنت أصدم من موقف رجال الكنيسة من البهائيين و المورمون المصريين , و الرفض لأى وجود لأبناء هاتين الديانتين فى مصر .... قال أية ... " دول ناس فاسدين .... بيشتروا الناس بالفلوس ... بيستغلوا أن مصر فيها فقرا كتير و يضحكوا عليهم بالفلوس .... هو فين الحرية الدينية لما يستغلوا فقر الناس و يخلوهم يغيروا دينهم ؟ " .... و اللى يغيظ أكتر قصة كان حكاها الأنبا موسى فى المؤتمر أياة , حكى فيها أن واحد من المورمون قاللة : " وافقوا على وجودنا فى مصر , و أحنا هندافع عنكم من الأضطهاد " .... و الأنبا موسى رفض عرضة .... طيب لما أنتم بتضطهدوا الأقليات اللى أقل منكم يبقى زعلانين لية لما الأغلبية بتضطهدكم ؟ و لما حد بيجيلكم بيعرض المساعدة بترفضوها , يبقى هانعملكم أية ؟
برضة الجريدة المسيحية اللى قلت أنى كنت شغال فيها - مش هقول أسمها علشان محدش يقول أن الموضوع عداوة شخصية - فوجئت أنهم ناشرين مقال فى العدد 13 بتاريخ 4/8/2006 عنوانة " الطوائف الناسفة للأوطان : الصراعات الطائفية و تمزيق الأوطان تحت الدعاوى السياسية " , و كل المقال هجوم على البهائية و الدروز و الأنبا ماكسيموس الشهير بماكس ميشيل .... فإذا كنتم تهاجمون معتقدات الآخرين و مقدساتهم , بل تعديتم ذلك بأتهام أبناء هذة الأديان و الطوائف بأنها " طوائف ناسفة للأوطان " , أذن ما الذى أخطأ فية محمد عمارة أو زغلول النجار ؟ و لما أنتم بتستخدموا أسلوب التخوين مع اللى مختلف معاكم و تقولوا أنة بيخرب البلد , يبقى بتزعلوا لية لما بيقولوا أقباط المهجر خونة ؟
موضوع البهائيين دة من المواضيع اللى عاملالى صداع كبير فى كلامى مع المسيحيين حاليا , و بسمع تعبيرات غريبة جدا .... قال أية " لو سيبنا البهائيين , مصر هايبقى فيها 50 دين " .... طيب و مالة ؟ دى حتى التعددية حلوة .... ثم يعنى أذا كان كتر الأديان دة حاجة وحشة يبقى كفاية دين واحد فى مصر و نمشيها أسلام ؟ ولا هيا حلوة ليك و وحشة لغيرك ؟ .... " أنت لما بتدافع عن البهائيين تبقى بتدافع عن الديانة البهائية و دة غلط " ... طيب يعنى أنت لو لقيت واحد مسلم مظلوم و وقفت معاة , كدة بقيت مسلم ؟ هو المسيح علمك تقف مع المظلوم و لا علمك الندالة ؟ .... و المصيبة التقيلة أن كل معلوماتهم عن الديانة البهائية واخدينها من مصادر مسيحية أو أسلامية و محدش فيهم فكر يفتح موقع بهائى علشان يعرف الحقيقة فين بدل الكدب اللى عمالين يقروة , و بعدين يتحمقوا قوى لو حد خد معلومة عن المسيحية من القرآن و قال أن الأنجيل محرف
طبعا ما يفوتنيش هنا أعدى على الممارسات اللى بتمارسها الأغلبية المسيحية ناحية الأقليات المسيحية الأقل عددا .... يعنى فى قرية من قرى أسيوط عندنا , كان فية كنيسة للكاثوليك و كنيسة للبروتستانت .... فراح القسيس الأرثوذكسى يقدم ورق كنيسة تالتة فى القرية و رايح يقول للمحافظ " يعنى هما الخواجات يبنوا كنايس , و أحنا لأ ؟! " .... سيادة القس بيعتبر المصريين الكاثوليك و البروتستانت خواجات .... أية الفرق بين الكلام دة و بين كلام الأسلاميين اللى بيعتبروا الدين وطن , و أن الغير مسلم مواطن من الدرجة التانية أو حتى غير مواطن أساسا ؟ .... طبعا ما ننساش هنا القضية اللى لسة موجودة قدام القضاء حاليا و اللى مرفوعة بأسم البابا و اللى بيطالب بيها بمنع الأنبا مكسيموس ( ماكس ميشيل ) عن ممارسة الشعائر الدينية أستنادا على الخط الهمايونى .... طيب لما الخط الهمايونى عاجبكم و مصرين على تنفيذة يبقى ماتعترضوش بعد كدة ؟
و حتى لو بصينا شوية للماضى .... هوا عبد الناصر لما طرد اليهود من مصر , المسيحيين عملوا أية ؟ .... 60 ألف مواطن مصرى أنطردوا من مصر بسبب معتقدهم و المسيحيين محدش فيهم نطق بكلمة , بالعكس كانوا فرحانين بالصداقة الخيالية بين عبد الناصر و البابا كيرلس , و ذبحوا اليهود بسلبيتهم .... عملوا أية لما عبد الناصر قفل المحفل الماسونى و منع الماسونية فى مصر ؟ .... عملوا أية لما السادات منع طائفة شهود يهوة من ممارسة نشاطهم فى مصر ؟ .... عملوا أية لما تمت مصادرة أماكن عبادة الطائفة البهائية و أهدائها لجهات أسلامية ؟ .... ولا حاجة .... طول عمر مسيحيي مصر بيتفرجوا على غيرهم بيتظلموا و عمرهم ما فكروا يقفوا جنب مظلوم , و أهة الدنيا لفت و أتحط المسيحيين فى نفس الوضع اللى كان فية غيرهم قبل كدة , لكن أزاى عايزين حد يقف جنبهم و هما عمرهم ما وقفوا جنب حد ؟
نرجع أكتر فى التاريخ , نلقى الأمبراطور ثيئودوسيوس اللى أعلن المسيحية ديانة رسمية للدولة .... طيب أنتم زعلانين لية دلوقتى أن الأسلام ديانة رسمية للدولة ؟ .... المعابد الفرعونية اللى تم أغتصابها من أيدين عبدة الديانة المصرية و حرقها زى ما حصل مع السيرابيوم , أو تحويلها لكنايس زى ما حصل ما دير الأنبا شنودة فى سوهاج ... نفتح أكتر فى ألحان الكنيسة نلاقى لحن " أيطاف أن نى أسخاى " اللى بيصلوا بية فى عيد الصليب بيقول " لما وردت مكاتبات السلام التى لقسطنطين إلى الأسكندرية قائلة أغلقوا البرابى ( معابد الأوثان ) و أفتحوا أبواب الكنائس ... الأساقفة سمعوا ففرحوا و القساوسة أبتهجوا و سبع رتب الكنيسة مجدوا إلة السماء " ( كتاب خدمة الشماس - جمعية نهضة الكنائس - ط 9 - ص 180 ) ... طيب لما أنتم بتحتفلوا فرحانين لمدة 1700 سنة أنكم فى يوم من الأيام قفلتم دور العبادة بتاعة غيركم بسلطة الدولة , يبقى لية متضايقين أن الدولة بتضيق عليكم فى بناء الكنايس ؟ .... ندخل بقى على الليتورجيا و اللى أهتمت الكنيسة أنها تحط فيها طلبة خاصة علشان الأمبراطور الأرثوذكسى اللى هوا أساسا مستعمر محتل البلد .... طيب لما أنتم كدة , زعلتم لية لما مهدى عاكف قال أنة معندهوش مانع لو واحد ماليزى حكم مصر , طالما أن المستعمر لو كان على نفس الدين و المذهب يبقى تمام ؟ ... و محدش يقولى الأحتلال الأنجليزى أو الفرنسى , لأنهم كانوا مختلفين فى المذهب , و لو كان المحتل أرثوذكسى كنا شفنا كلام تانى
السؤال الثانى : لماذا تشكون من الأضطهاد و أنتم سلبيين لا تطالبون بحقوقكم ؟
من كام سنة كانت نزلت مصر لجنة دولية مطلوب منها أنها تكتب تقرير عن أضطهاد الأقباط فى مصر ... أستقبل اللجنة مسئول حكومى مسيحى , و لما اللجنة عرضت علية الهدف بتاعها مرضيش يرد عليهم و راح واخدهم على قاعة محكمة و فتحلهم دفتر القضايا اللى شغالة فى الأسبوع دة , و خلى اللجنة تفصل أسامى المسيحيين عن أسامى المسلمين , و المفاجأة اللى لقيتها اللجنة .... من بين آلاف القضايا اللى موجودة فى الدفتر مكنش فية غير 4 قضايا رافعها مسيحيين , و كل باقى القضايا رافعينها مسلمين .... بص المسئول ( اللى هوا مسيحى ) لرئيس الجنة و قالة : المسيحيين مش بيشتكوا ولا بيطالبوا بحقهم ... الدولة هاتعرف أزاى أنهم مظلومين علشان تنصفهم أذا كانوا هما مش بيطالبوا بحقوقهم ؟
يعنى مثلا رفعت السعيد رئيس حزب التجمع .... الراجع اللى شايل على كتفة أنة يدافع عن حقوق المسيحيين فى مصر , لدرجة أنى ماشفتش واحد بيدافع عن حقوق المسيحيين زية بالطريقة الموضوعية اللى بيقولها .... و ساعة التعديلات الدستورية الأخيرة كان هوا أول واحد طالب بتمثيل نسبى للمسيحيين و أقترح طريقة عملية للموضوع دة , فى الوقت اللى كان البابا بيصرح فية أنة موافق على المادة التانية من الدستور اللى هيا أساسا المسلمين المثقفين مش راضيين بيها ... أحب بقى أسأل المسيحيين أزاى بقى ردوا الجميل للراجل دة ؟ هو فية كام مسيحى جوا حزب التجمع ؟ .... أنا على فكرة مش عضو فى حزب التجمع لأنى مختلف مع أيديولوجية الحزب جدا , لكن أنا بسأل الناس العادية اللى معندهاش أيديولوجية أساسا , لية مافكرتوش تقفوا ورا الراجل دة و تدوروا على حقوقكم حتى على الأقل علشان تردوا للراجل دة جميل الدفاع عنكم ؟ ... طبعا ما ينفعش أنسى سعد الدين أبراهيم اللى أتسجن 4 سنين علشان مؤتمر الأقليات اللى يعتبر المسيحيين هما أول المستفيدين منة .... عملتم أية علشان تردوا الجميل للراجل دة ؟
سلبية المسيحيين السياسية أنا معايشها بنفسى ... من نشاطى مع حزب مصر الأم و من بعدة الحزب المصرى الليبرالى .... الحزبين دول فى رأيى بيقدموا حلول نهائية لكل مشاكل المسيحيين فى مصر ... من أول إلغاء المادة التانية و خانة البطاقة , لقوانين دور العبادة , للهوية المصرية و رفض فكرة العروبة , و الأهتمام باللغة المصرية القديمة , ليبرالية و علمانية و علاقات قوية مع دول البحر المتوسط و الغرب .... عايزين أية أكتر من كدة ؟ .... هو فية أساسا أحسن من كدة ؟ .... و مع ذلك أقبال المسيحيين على الشغل معانا فى الحزب ضعيف جدا , لدرجة أنى بلاقى سهولة أنى أجيب المسلم للحزب عن المسيحى .... و كل ما أكلم واحد مسيحى ألاقية بيتلكك بكلام فاضى ... قال أية السياسة حرام .... السياسة مضرة روحيا .... أنا عندى خدمة فى الكنيسة .... سألت أب أعترافى و قاللى لأ .... و ألاقيهم فى الكنيسة خدوا الشباب بالجملة عملولهم عضوية فى الحزب الوطنى .... طيب يا جماعة بلاش حزب , بلاش سياسة .... تعالوا نتكلم فى الثقافة , هانتكلم فى الحياة العامة طالما السياسة مش عاجباكم .... لا ماينفعش , أذا مكنش الكلام فى الكنيسة يبقى بلاش .... لأ و فوق دة كلة كم التريقة و التهزيق اللى باخدة منهم .... يعنى هوا جزاء اللى يطالبلكم بحقوقكم أنكم تتمسخروا علية و تقولوا علية مجنون و عبيط و بيودى نفسة فى داهية ؟
أنا بصراحة نفسى أفهم .... هما المسيحيين فى مصر عايزين أية بالظبط ؟ .... طول النهار يشتكوا و يقولوا عايزين حقوقنا , و لما ييجى حد يديهم حقوقهم يبعدوا عنة و يرجعوا يترموا فى حضن الحكومة اللى هيا أساسا سبب مشاكلهم .... هما متوقعين مشاكلهم هاتتحل أزاى ؟ .... ليهم 14 قرن مش بيعملوا حاجة غير أنهم بيصرخوا و يصوتوا .... طيب هوا الصراخ و الصوات بيحل حاجة ؟ ما تقوموا تطالبوا بحقوقكم و تحلوا مشاكلكم ؟ ولا أنتم فاكرين نفسكم هاتقعدوا بهوات و ييجى غيركم يحللكم كل مشاكلكم ؟
أنا مش بنكر أن المسيحيين فى مصر مضطهدين , و مش بنكر أن كتير من حقوقهم مسلوبة و أنهم بيتعاملوا على أنهم مواطنين من الدرجة التانية , و الكلام دة أنا عايشة بنفسى لأنة مكتوب عندى فى البطاقة أنى مسيحى , و بالتالى كل اللى بيقع عليهم بيقع عليا و أنا حاسس بية .... لكن بصراحة بالطريقة اللى المسيحيين ماشيين بيها دى عمر ما مشاكلهم هاتتحل , و ياريت يفوقوا و يبتدوا يدوروا على حقوقهم , لأنهم شغالين بنفس أسلوبهم من 1400 سنة و كل شوية حالتهم بتبقى أسوأ من الأول .... فوقوا بقى ... لا يضيع حق وراؤة مطالب .... فوقوا قبل ما الزمن يفوقكم .... فوقوا قبل فوات الأوان.
...........................................................................................................
اقتباس:المسيح قال من ضربك على خدك الأيمن حول لة الآخر .... المفروض لما تحصل حاجة نستحمل و مانعترضش .... طيب يا أبونا : ما المسيح نفسة ماعملش كدة و لما أنضرب قال للى ضربة أنت بتضربنى لية ؟ .... طبعا سيادتة أنفجر أكثر
ده أكبر دليل على تخلف الارثوذوكس المصريين . أغلبيتهم_وعائلتي من تلك الاغلبية_ مجرد معاتيه لا يفقهون شيئا إلا الانقياد وراء القيادات الكنيسة وما تقوله ولكن عندما تحاورهم من الكتاب المقدس مصدر العقيدة يصيرون خرسا وصما وبهائم أحيانا . واصدقائي من قريتي حدثتهم كذا مرة عن كفر التسبحات الارثوذوكسية وانها تخالف العقيدة المسيحية لم يكن لهم رد إلا السخرية واتهامي بالكفر وتسميتي نسطور .
اقتباس:السؤال الأول : لماذا تشكون من الأضطهاد بينما أنتم تضطهدون الأقليات الأخرى , أو على الأقل تصمتون على أضطهادها ؟
سؤال عبقري ،الارثوذوكس المقصودون هنا يمارسون الاضطهاد على الاقليات الاخرى . مع الفرق ان الخنوع والضعف هما شيئان متأصلان في العقيدة المتناقلة لديهم .ولذلك نجدهم يمارسون الاضطهاد بشكل خانع شوية وفي حدود بسيطة .
اقتباس:منذ فترة ( أتشرف بأنها أنتهت ) واظبت على حضور مؤتمر تثبيت العقيدة التى تقيمة الكنيسة فى دير الأنبا أبرام فى الفيوم ... و كم كنت أصدم من موقف رجال الكنيسة من البهائيين و المورمون المصريين , و الرفض لأى وجود لأبناء هاتين الديانتين فى مصر .... قال أية ... " دول ناس فاسدين .... بيشتروا الناس بالفلوس ... بيستغلوا أن مصر فيها فقرا كتير و يضحكوا عليهم بالفلوس .... هو فين الحرية الدينية لما يستغلوا فقر الناس و يخلوهم يغيروا دينهم ؟ " .... و اللى يغيظ أكتر قصة كان حكاها الأنبا موسى فى المؤتمر أياة , حكى فيها أن واحد من المورمون قاللة : " وافقوا على وجودنا فى مصر , و أحنا هندافع عنكم من الأضطهاد " .... و الأنبا موسى رفض عرضة .... طيب لما أنتم بتضطهدوا الأقليات اللى أقل منكم يبقى زعلانين لية لما الأغلبية بتضطهدكم ؟ و لما حد بيجيلكم بيعرض المساعدة بترفضوها , يبقى هانعملكم أية ؟
كلام فارغ يردده كثير من الارثوذوكس كالعمي ولا يفقهون شيئا ونفس الشراء والبيع يرددونه عن الكاثوليك والانجيليين الذين بدأوا ينتشروا _وانا شديد الفرح لهذا لان عهد الطوائف المعقدة انتهى_ .وطبعا الارثوذوكس زيهم زي غيرهم عندهم سلبية وقابلية للاستهواء لا تحد ولا تحصر ، يعني عندما تكلم ارثوذوكسيا عن قبول الآخر : الانجليلي او الكاثوليكي تجد عنده اشاعات لا حصر لها _تماما كالمسلمين_ عن عقيدة هاتين الطائفتين مثلا من سنتين كنت في معهد بسيط لدراسات اولية عن المسيحية وفي أحد المرات قال لنا المدرس المعاق ذهنيا بتاع العقيدة ان الكنيسة الكاثوليكية معناها الكنيسة الجامعة ليه ؟! لانهم مبيؤمنوش إلا بالرسائل الجامعة ولولا اني خجول شوية وفيه بنات معانا كنت قمت هزقته ، ولما كلمت العبيد اصحابي عن الكلام ده لم أجد إلا التسخيف والاستهزاء ، وبرده المصييبة الكبيرة هي في رفض الديانات الاخرى رفضا باتا ، انا عاجبني في البهائية انها تشمل كل المذاهب والافكار ولكن لو قلت لشخص هذا كمجرد فكرة بسيطة فانا كافر ملحد وابن ستين في سبعين .
اقتباس:برضة الجريدة المسيحية اللى قلت أنى كنت شغال فيها - مش هقول أسمها علشان محدش يقول أن الموضوع عداوة شخصية - فوجئت أنهم ناشرين مقال فى العدد 13 بتاريخ 4/8/2006 عنوانة " الطوائف الناسفة للأوطان : الصراعات الطائفية و تمزيق الأوطان تحت الدعاوى السياسية " , و كل المقال هجوم على البهائية و الدروز و الأنبا ماكسيموس الشهير بماكس ميشيل .... فإذا كنتم تهاجمون معتقدات الآخرين و مقدساتهم , بل تعديتم ذلك بأتهام أبناء هذة الأديان و الطوائف بأنها " طوائف ناسفة للأوطان " , أذن ما الذى أخطأ فية محمد عمارة أو زغلول النجار ؟ و لما أنتم بتستخدموا أسلوب التخوين مع اللى مختلف معاكم و تقولوا أنة بيخرب البلد , يبقى بتزعلوا لية لما بيقولوا أقباط المهجر خونة ؟
موضوع البهائيين دة من المواضيع اللى عاملالى صداع كبير فى كلامى مع المسيحيين حاليا , و بسمع تعبيرات غريبة جدا .... قال أية " لو سيبنا البهائيين , مصر هايبقى فيها 50 دين " .... طيب و مالة ؟ دى حتى التعددية حلوة .... ثم يعنى أذا كان كتر الأديان دة حاجة وحشة يبقى كفاية دين واحد فى مصر و نمشيها أسلام ؟ ولا هيا حلوة ليك و وحشة لغيرك ؟ .... " أنت لما بتدافع عن البهائيين تبقى بتدافع عن الديانة البهائية و دة غلط " ... طيب يعنى أنت لو لقيت واحد مسلم مظلوم و وقفت معاة , كدة بقيت مسلم ؟ هو المسيح علمك تقف مع المظلوم و لا علمك الندالة ؟ .... و المصيبة التقيلة أن كل معلوماتهم عن الديانة البهائية واخدينها من مصادر مسيحية أو أسلامية و محدش فيهم فكر يفتح موقع بهائى علشان يعرف الحقيقة فين بدل الكدب اللى عمالين يقروة , و بعدين يتحمقوا قوى لو حد خد معلومة عن المسيحية من القرآن و قال أن الأنجيل محرف
ينصر مخك انا حاسس انه بيكتب بالظبط اللي انا قرفان ومخنوق منه في حياتي .
اقتباس:طبعا ما يفوتنيش هنا أعدى على الممارسات اللى بتمارسها الأغلبية المسيحية ناحية الأقليات المسيحية الأقل عددا .... يعنى فى قرية من قرى أسيوط عندنا , كان فية كنيسة للكاثوليك و كنيسة للبروتستانت .... فراح القسيس الأرثوذكسى يقدم ورق كنيسة تالتة فى القرية و رايح يقول للمحافظ " يعنى هما الخواجات يبنوا كنايس , و أحنا لأ ؟! " .... سيادة القس بيعتبر المصريين الكاثوليك و البروتستانت خواجات .... أية الفرق بين الكلام دة و بين كلام الأسلاميين اللى بيعتبروا الدين وطن , و أن الغير مسلم مواطن من الدرجة التانية أو حتى غير مواطن أساسا ؟
عند الارثوذوكسي البروتستانتي اسخف من المسلم وأكثر غباوة وبرودا وجمودا من الحجر ولا يفهم شيئا في شيء وهو كافر مضلل ، والسبب انه يرفض ان تكون هناك نصوص كالنصوص الارثوذوكسية التي تجعل من العدرا السبب الوحيد للتجسد ، وتجعل القدسين آلهة مع الله بدونهم لا يكتمل ايمانك ولا بد من تمجيدهم والصلاة لهم وهم سينجحونك ويرفعون رأسك ولو خيبان ومبتفتحش كتاب هيخلوك الاول على الفصل دول قديسين كانوا بيصحوا بال3 سنين ورا بعض ومبياكلوش الا مرة في الشهر مش عاوز ربنا يستجيبلهم ! . وبرده لان الكنيسة البروتستانية ترفض الطقوس المتخلفة في اغلبيتها وتركز ايمانها على الجوهر وتبتعد عن الشكليات التافهة التي تضعف الايمان وتجعله هشا مهترئا يسهل هدمه لان صاحبه لا يعرف عنه شيئا.
اقتباس:هوا عبد الناصر لما طرد اليهود من مصر , المسيحيين عملوا أية ؟ .... 60 ألف مواطن مصرى أنطردوا من مصر بسبب معتقدهم و المسيحيين محدش فيهم نطق بكلمة , بالعكس كانوا فرحانين بالصداقة الخيالية بين عبد الناصر و البابا كيرلس , و ذبحوا اليهود بسلبيتهم .... عملوا أية لما عبد الناصر قفل المحفل الماسونى و منع الماسونية فى مصر ؟
بصراحة عبد الناصر ده طلع مقلب كبير في التاريخ ، ومعظم المصريين واكلينه . وعبد الناصر ده هو اللي وصلنا للحالة الزبالة دي بدكتاتوريته المتخلفة وعروبته الرجعية . بقى فيه حد في الدنيا يغير اسم بلده على مزاجه مرة الجمهورية المزفتة ومرة جمهورية مصر البدوية.
اقتباس:نرجع أكتر فى التاريخ , نلقى الأمبراطور ثيئودوسيوس اللى أعلن المسيحية ديانة رسمية للدولة .... طيب أنتم زعلانين لية دلوقتى أن الأسلام ديانة رسمية للدولة ؟ .... المعابد الفرعونية اللى تم أغتصابها من أيدين عبدة الديانة المصرية و حرقها زى ما حصل مع السيرابيوم , أو تحويلها لكنايس زى ما حصل ما دير الأنبا شنودة فى سوهاج ... نفتح أكتر فى ألحان الكنيسة نلاقى لحن " أيطاف أن نى أسخاى " اللى بيصلوا بية فى عيد الصليب بيقول " لما وردت مكاتبات السلام التى لقسطنطين إلى الأسكندرية قائلة أغلقوا البرابى ( معابد الأوثان ) و أفتحوا أبواب الكنائس ... الأساقفة سمعوا ففرحوا و القساوسة أبتهجوا و سبع رتب الكنيسة مجدوا إلة السماء " ( كتاب خدمة الشماس - جمعية نهضة الكنائس - ط 9 - ص 180 ) ... طيب لما أنتم بتحتفلوا فرحانين لمدة 1700 سنة أنكم فى يوم من الأيام قفلتم دور العبادة بتاعة غيركم بسلطة الدولة , يبقى لية متضايقين أن الدولة بتضيق عليكم فى بناء الكنايس ؟ .... ندخل بقى على الليتورجيا و اللى أهتمت الكنيسة أنها تحط فيها طلبة خاصة علشان الأمبراطور الأرثوذكسى اللى هوا أساسا مستعمر محتل البلد .... طيب لما أنتم كدة , زعلتم لية لما مهدى عاكف قال أنة معندهوش مانع لو واحد ماليزى حكم مصر , طالما أن المستعمر لو كان على نفس الدين و المذهب يبقى تمام ؟ ... و محدش يقولى الأحتلال الأنجليزى أو الفرنسى , لأنهم كانوا مختلفين فى المذهب , و لو كان المحتل أرثوذكسى كنا شفنا كلام تانى
كلام في الصميم ، والازفت من كده انه لو مكانتش عقيدة الخنوع الارثوذوكسية موجودة وقت دخول الغزاة العربان انا متوقع ان الاسلام كان سيطرد بالقوة والجبروت الفرعوني ،ولو حتى كان فيه ابطال مسيحيين زي الجبابرة الكاثوليك الاسبان او الجبابرة الارثوذوكس اليونايين او الرومانيين _اللي الارثوذوكس الاقباط بيكفروهم_كانوا طردوهم . ولكن للأسف عندما يصبح الخنوع عقيدة فلا مستقبل ولا تاريخ ولا اي حاجة .
اقتباس:السؤال الثانى : لماذا تشكون من الأضطهاد و أنتم سلبيين لا تطالبون بحقوقكم ؟
قريب خالص ناقشت السؤال ده مع شوية مسيحيين خيبانيين من سني في جروب معفن طلعت منه، وقعدت احكيلهم عن فوائد الحروب الصليبية وشجاعات الاسبان في ذبح الغزاة وسحقهم ومواقف المسيح الشجاعة سواء عند محكامته او مع الباعة في الهيكل وانه لو جاتلي الفرصة اني احارب واروح في ستين داهية مقابل ان الاقباط يتحرروا من المهانة الاسلامية ويكونوا دولتهم ويحييوا لغتهم مش هاتاخر . وكانت ردودهم الردود المتخلفة المعتادة : التسامح وتقبيل الارجل والمؤخرات وترك كل شيء على الله ، وهو يدافع عنا ومصر شعبها مبارك وكله اشطه واحنا وطننا السما وملعون ابو هويتنا ولغتنا واصلنا وتاريخنا وارضنا اللي اغلى من كل حاجة المهم نروح السما . والاسبان دول مش مسيحيين ، يعني هما بروح اهاليهم اللي مسيحيين قوي . ده لو الواحد منه وريته المذابح في العهد القديم ممكن يكفر علطول لانه هيتصدم وهو ولا فاهم حاجة ولا منيل حاجة .
اقتباس:عايزين حقوقنا , و لما ييجى حد يديهم حقوقهم يبعدوا عنة و يرجعوا يترموا فى حضن الحكومة اللى هيا أساسا سبب مشاكلهم .... هما متوقعين مشاكلهم هاتتحل أزاى ؟ .... ليهم 14 قرن مش بيعملوا حاجة غير أنهم بيصرخوا و يصوتوا .... طيب هوا الصراخ و الصوات بيحل حاجة ؟ ما تقوموا تطالبوا بحقوقكم و تحلوا مشاكلكم ؟ ولا أنتم فاكرين نفسكم هاتقعدوا بهوات و ييجى غيركم يحللكم كل مشاكلكم ؟
بالنسبة لهذا الموضوع اؤكد لكم ان من حولي هم مرضى نفسيين بداء الاضطهاد ، واي دبوس يشكل مسيحي يبقى الدنيا خربت طب لما الموضوع كده يعني انتم مش عارفين ان المسيحية مقرونة بوجود الاضطهاد والضيق يعني يا تقبلوا وتحترموا نفسكم او تقوموا تأخدوا حقوقكم بنفسكم .
بحث
قائمة الأعضاء
التقويم
وثائق المساعدة
/
لماذا يشتكي المسيحيون من الاضطهاد
