شهيد سوري: مصطفى كرمان






http://www.facebook.com/moustafa.karaman
وجه نبيل صادق مع نفسه وقد قضى بإنفجار

أعزي أسرته وعروسته التي ترملت باكرا وربعه بأحر التعازي

(11-18-2012, 07:12 PM)Rfik_kamel كتب:  شهيد سوري: مصطفى كرمان
وجه نبيل صادق مع نفسه وقد قضى بإنفجار

أعزي أسرته وعروسته التي ترملت باكرا وربعه بأحر التعازي

نسي رفيق أن يقول
وقد قضى خلال قصف النظام السوري لمظاهرة سلمية في حي بستان القصر

من هكذا أشخاص ومن تصرفات النظام الفاشي السوري تعلم الناس أن السلمية لا تنفع مع هكذا نظام

http://www.shababsyria.org/vb/showthread...9?p=792004

اقتباس:الشهيد مصطفى كرمان

لايوجد مظاهرة إلا وخرج بها

عشق العمل السلمي وناضل وضحى من أجل الثورة السورية


هو سوري شيعي المذهب ضحى بنفسه وهذا لم يفعله الكثير

من أبناء الديانات الأخرى ..

نعم إنها سوريا ....كالجسد الواحد ....فهما كانت ديانتك فالذي

يهمني هو أنك إنسان أم لست بإنسان ....





حي بستان القصر | Bostan Al-qasr Neighborhood

هذه الصورة التقطت للشهيد مصطفى كرمان أثناء المظاهرة قبل دقائق من قصف المظاهرة واستشهاده |
martyr Moustafa Karaman during the
demonstration, minutes before shelling the demonstration and his martyrdom
الجمعة | 16-11-2012 | Friday

http://doumarevolution.tumblr.com/post/35853087483

اقتباس:حكاية شهيد
استشهد مصطفى كرمان..مابتعرفوا مين مصطفى تعوا لأحكيلكون :

مصطفى كان يعاني الأمرين من شبيحة النظام ومن بعض الثوار مو لشي بس لأنو شيعي ..
مصطفى كان كل همو يحافظ على الحراك السلمي والمدني وكان مساهم بفعالية باغلب النشاطات ..
مصطفى هو آدمن صفحة “كش ملك” بيحب يشتغل بصمت ومابيهموا اذا الناس عرفوه ..مرة كان في دورة باسطنبول وترجيتو يجي مارضي ومرة حسام قطلبي طلب مني آدمن هالصفحة مخصوص لحتى يحضر دورة بالنضال اللاعنفي وخبرت حسام انو هو صديقي وكمان هالمرة مارضي يطلع
مصطفى بيحب مها اول مرة بشوفون مع بعض كان شهر ١٢ هديك السنة ولما ودعتون قالتلي مها..الله يخليك بدنا يسقط بسرعة مشان اتجوز انا ومصطفى .. كانت قصة حب ثورية من شهرين شفتوا وقلي يازلمة بدي اتجوز ..رجعت التقيت فيه من اسبوع وقالي باركلي اتجوزت شفت مها مبارح هيي مصطفى وضلينا سهرانين وعم نحكي عن كتير شغل ..
مصطفى الو فترة عم بيجهز مدرسة وبكرا كان الافتتاح اليوم بالمظاهرة كنا واقفين وكان عم يأكد على الشباب انو بكرا افتتاح المدرسة ..
كان واقف جمبي لما نزلت القذيفة..شفتوا بغرفة العمليات كانت الشظية مخترقة صدرو وعرفت انو وضعوا صعب بس لما طلعت تماسكت وانا عم واسيها لمها وكذبت عليها وقلتلها مافيو شي
استشهد مصطفى استشهد عريسنا الي صرلو اسبوعين
رح نفتح المدرسة يامصطفى متل ماكنت تحلم ورح نكش الملك لترجع سورية جمهورية ..
هاد وعد يا ابوصطيف ..ووعد الحر دين‬

نسيت إيه نسيت,

في مثل هذه الظروف القذائف تقتل هنا وهناك وهذا ليس حكر على أحد
لكن هذا ليس بموضوعنا
أنا أشيد بأخلاقه وأعتبره شهيد لأن وطني مخلص حسب ما ترضيه قناعاته وعمل مخلصا من أجل تقويم المسار ومن أجل النضال السلمي المدني
لي عودة

فعلها الطائفي من قبل وكعادتهم لايتعلمون. انظر الى http://www.nadyelfikr.com/showthread.php?tid=48315

ولاحظ اغلاق الموضوع من معجبي أديبنا الكبير رغيف دياب ورفيق القرداحي.





http://www.nadyelfikr.com/showthread.php?tid=48315

(11-19-2012, 12:14 AM)Rfik_kamel كتب:  نسيت إيه نسيت,

في مثل هذه الظروف القذائف تقتل هنا وهناك وهذا ليس حكر على أحد
لكن هذا ليس بموضوعنا
أنا أشيد بأخلاقه وأعتبره شهيد لأن وطني مخلص حسب ما ترضيه قناعاته وعمل مخلصا من أجل تقويم المسار ومن أجل النضال السلمي المدني
لي عودة

نتمنى أن تذكر لنا هذه العبارة "في مثل هذه الظروف القذائف تقتل هنا وهناك وهذا ليس حكر على أحد" عندما تسقط القذائف على الأحياء والقرى العلوية حتى تحافظ على مصداقيتك.

ونحن أيضاً نشيد بأخلاقة
وأخلاق غياث مطر قبله
والكثير من الشهداء
ولكن هل تظن أن الناس ستبقى تخرج لتقتل وتنال شهادة حسن سلوك من رفيق؟
رئيسك قال إن التحركات كانت سلمية حتى رمضان أي ستة أشهر من النشاط السلمي المخلص
كان نتيجتا حوالي 5000 شهيد
من الطبيعي أن يدافع الناس عن أنفسهم ويردوا عدوان جيش ابن أنيسة.
هل فهمت يا رفيق أن للصبر حدود.

أولا, حسب خريطة الإشتباكات فبستان القصر هو منطقة من المناطق الأشد إحتداما وهي في هذه اللحظة منطقة إشتباك رئيسية , أساسا يجب أن يكون هناك حظر تجول رسمي في هذه المنطقة بالذات أو عمل على إجلاء المدنيين ,من الواضح أن وجود المسلحين بشكل نشيط في هذه المنطقة يشكل خطرا على أي عمل مدني سلمي وهذا ما يفهم من تعبير "سقوط المدنيين هنا أو هناك".

ثانيا , أنا أعرف أنك سترد بشكل تحريضي طائفي, لكن حفظا على نقاء الموضوع لأنه مخصص لرجل نبيل ما كان ليتكلم بلغتك هذه ولم يكن يحتاج لمن "يدافع" عنه بهذا الشكل, فأرجو إحترام ذكره بأن نستحضر أفكاره ومبادئه وملاحظاته العقلانية للإستفادة منها ونتعامل معها بإحترام وتقدير وحفط لذكراه بدل الردود الإنتقامية واللا مجدية واللتي من الممكن أن تتقاذفها في مواضيع أخرى

أورد هنا ب"النيابة" عن الثورجية بعض من أفكار وملاحظات الشهيد السوري المصلح مصطفى كرمان تخليدا لذكراه وبشكل حيادي قدر الإمكان وغير متعلق بإتفاقي أو خلافي مع آراءه:



مصطفى كرمان:

"حكم سلمية من وحي الثورة السورية:

نحن نعشق محمد المدني و لا نلتفت لمحمد المكي!
المقاومة المدنية لم تفشل ولكن من استعملها لم يؤمن بها وكان ينتظر فشلها ليسخر منها و يعود لما يؤمن به من سلاح!
في المقاومة المدنية الكل مسؤول وبالتالي الكل شريك في رسم ملامح المستقبل و في المقاومة العسكرية فئة قليلة تفعل و الباقي يجلس في مدرجات المشجعين!
وسائل المقاومة المدنية لا تحصى و الكل يصبح فيها منتجا و للعسكرة وسيلة واحدة و هي السلاح!
بعض الذين يدعمون العسكرة هم سلبيون لأن الأمر لا يكلف إلا الجلوس و دفع المال وتجهيز العتاد!
التسليح الداخلي نتائجة وخيمة والتدخل الخارجي نتائجه كارثية والنظام ساقط لا محالة حتى بدونهما ومع ذلك نصر على أنه المقاومة المسلحة خيار واقعي و المقاومة المدنية خيار طوباوي!
أصحاب المقاومة المدنية عليهم أن يعملوا الآن لأنها مرحلة عمل مجانية دون مسؤوليات فالناس لا تتوقع منا شيئا و حين يسقط النظام ويجلس أصحاب العسكرة على كرسي النظام ستصبح الساحة كلها للخيار المدني!
تشترك المقاومتان المدنية والعسكرية في إسقاط النظام لكن المدنية تنفرد في إقامة الديمقراطية!
في المقاومة المدنية الأداة في خدمة الفكرة وبالتالي لا نهاية للأدوات وفي المقاومة العسكرية الفكرة في خدمة الاداة وبالتالي فهي أحادية على طريقة تعبدون ما تنحتون!
عندما نقول أن للحرية ثمن فنحن نمهد الأرضية لمن يبيعها ويطلب مقابلا لها .. إنها في الحقيقة مجانية كالهواء لأن الجميع يتنفسها وهذا ما أدركه بلال حين قال أحد أحد مع أنه كان عبدا لا يملك حريته الشخصية!
الثورات قامت و نجح بواسطة 10% من الشعب و الحراك المدني سينجح حتى لو كان العاملون له 10% من نسبة الثوار والبقية يؤمنون بالعسكرة!
كيف تستهجن شخصا جالسا في الخارج يدعو إلى المقاومة المدنية ولا تستهجن نفس الشخص الذي يدعوا الآخرين إلى حمل السلاح وهو جالس في بيته يدفع غيره إلى حتفه وهو في مأمن!
الثورة خرجت للحرية والديمقراطية والكرامة ثم قالوا إنهم رفعوا سقف المطالب إلى إسقاط النظام و من ثم إلى إعدام الرئيس وهم في الحقيقة كانو يخفضون السقف في كل مرة!
الثورة السورية هي كالذي كاد أن ينهي أساسات البناء و لكنه بدأ بفك الأخشاب قبل جفاف الإسمنت فالتوقيت قد يحدد بقاء البناء أو انهياره!
هيئة التنسيق طبيب يقوم بجراحة دون تخدير و المجلس الوطني كاهن يعالج المرض بالرقي و التمائم!
المقاومة المدنية تجعل القتل معادلة صعبة وما نشهده من صرخات الضمير العالمي ستذوي مع العسكرة وستتحول الضحايا إلى أرقام لأنه نتيجة طبيعة لصراع بين طرفين .. أما المقاومة المدنية تحول المعركة إلى معركة أخلاق و إسقاط اقنعة و المراقب يتعاطف مع الضحية ويفتح قلبه لفكره!
العسكري ينشق لأنه يقتل الأبرياء العزل ومن هذا الباب فهو انشقاق أخلاقي .. لكنه لن ينشق و هو يرى الطرف الآخر يهاجمه و حتى إن انشق فسيكون انشقاقه طائفيا!
أقصى آمال العسكرة آن ينشق نصف الجيش و عندها ستتحول الثورة إلى حرب أهلية و يفنى الجميع!
عندما يقيمنا التاريخ لن يقول كم قتل من الثوار بل سيقول كم مات من السوريين حتى أقاموا دولة الحرية و الكرامة!
إذا كان حق الكلام والقرار فقط للذي قتل وعذب أهله فقد وضعنا رقابنا تحت رحمة الانتقام و الغضب!
لأصحاب المقاومة المدنية قدرة على إقناع الأفراد بعيدا عن العقل الجمعي لذلك فالشعار الجديد هو: واحد واحد رح نقنع الشعب واحد واحد!
النظام جرنا إلى ساحة قوته وضعفنا و هي السلاح و الطائفية .. كالتمساح الذي يسحب فريسته إلى الماء ليقضي عليه!
نحن بعد شهور نتبع وسيلة الشيطان التي باعنا إياها لنستعملها ضده!
الكذب هو الامتحان الذي سقط فيه الجميع .. و الثورة امتحان ليعلم الله الذين صدقوا و يعلم الكاذبين!"

كلام رائع جدا ...بل مذهل في حال قراءته بتمعن ... اؤمن بكل حرف ورد في هذه العبارات ...اقتبستها من صفحة ايام الحرية
--------------------------------------------------------------------------------------------------------------------------
"بكل مافيني من سذاجة ..... يللي عم بصير بالاردن حاليا حرك فيني شي كتير حلو , وجاي على بالي شوف الشعوب العربية كلها منتفضة وعم بتصيح وتهتف واولهن الشعب الفلسطيني , وخلي هداك الوقت يطلعلا امريكا ومين لف لفا مع صرمايتنا !!!"

---------------------------------------------------------------------------------------------------------
في بيت عيلة بحرستا .. ابنهن من أعز صحابي .. وبنتهن صديقة قريبة كتير عالقلب ..
ببيتن في دفا عائلي وهيك أيمان حلو وبسيط متل ايمان السوريين ..
هلق البيت انقصف ..
وهالصديق ألو سنة .. بالمعتقل
بس هالناس هي نفسها بنفس البساطة والطيبة والايمان
وهالبنت .. لهلق بتدافع عن حقوق أي شخص ما تظلمه الثورة .. وما بتحكي بنوب بنفسية نحنا اللي عم نضحي بتستحي تحكي هيك
ما بتعرف اصلا ً لو حاولت انها تحكي هيك ..
وأهلها الله يكون معهن ويقويهن ..
لأنو طالما عنا أهل متل أهلو لحسين غرير .. معناتا سوريا لسى فيها مين يحن عليها ..
الله يحميكن ويقويكن
---------------------------------------------------------------------------------------------------------
جورج صبرة بالنسبة الي انحرقت , العوض بسلامتنا , والله ينور طريقكن احسن شي !!
---------------------------------------------------------------------------------------------------------
الثورة بحاجة زعران وقبضايات ونخوجية , بس في شعرة صغيرة بينهم وبين المجرمين !!
---------------------------------------------------------------------------------------------------------
في احد الاماكن التي تخضع لسيطرة الجيش الحر" لواء التوحيد تحديدا " في حلب , نقاش محتدم حول قضية ما , فيأتي بعض عناصر الجيش الحر ليفردو عضلاتهن في النقاش , وواحد منهم ماسك بايدو المسدس وملقمو , وقالب خلقته شبرين بالعرض , وعم يستنى نكشة ليقوص , بس مين بدو يقوص ما بعرف !!
طبعا فلينا , وماعرفنا اذا صار في قواص ولا لأ ...... وبس هيك !!!!
---------------------------------------------------------------------------------------------------------
وعلى فكرة .... مافي شي اسمو الطائفة الكريمة , كل الطوائف لعينة بدون استثناء
------------------------------------------------------------------------------------------------------
كلنا بنتذكر باول الثورة كيف الكل كان يلزق كل شي بضهر النظام , عند وجود اي مظهر مسلح , والكل بيتذكر كيف تم التعامل مع احداث جسر الشغور من قبل اعلام الثورة والاعلام الداعم الو , والكل هلىء بيعرف انو يللي صار بالجسر اكتر من نصو تم التستر عليه بهدف حماية الثورة , والكل كان يقول انو هدول يللي عم يقطعو الطرق ويشلحو العالم مو جيش حر , وهدول يللي عم يغتالو فلان وفلان مأجورين للنظام ............كل هالحكي
مابهم
بس انو وقت كنا نقول في اسماء اشخاص وسخين كانت شغلتن مشلحين ومحششين وزعران قبل الثورة , وبلشو يعملو ثوار مسلحين وجيش حر , كان الرد انو هدول مالهن قيمة , وطبيعي يعملو هيك , بس رح يتحاصرو بالاخير .... طيب شو رأيكن انو كلهن هلىء تقريبا رؤساء كتائب , وفي منهم الن كلمة بمنطقتن ما بتصير كلمتين , ومشكلين ضمن المجالس العسكرية الثورية , ومنهم قيادات كمان !!!!!!!
---------------------------------------------------------------------------------------------------------
هلىء انا حاطط صورة بروفايلي علم الاستقلال ,بس انا من الاشخاص يللي لازالو بحبو علمنا يللي ربينا عليه , وحاطط علم الاستقلال كرمز مو اكتر , يعني مارح اتبناه كعلم سوريا لا هلىء ولا بعدين ......
بس استفسار في حال حطيت علمنا الحالي ..بصير معادي للثورة ياترى ؟؟؟؟؟
---------------------------------------------------------------------------------------------------------

by Moustafa Karaman on Wednesday, February 15, 2012 at 4:32pm ·