منذ عام 2009 أي منذ عودتي لسوريا لم أشترِ موبايلاً جديداً. والآن قررت شراء موبايل على نظام "أندرويد" لميزاته في الاتصال بالخارج من خلال الوايرلس، ببرنامج "فايبر" مثلاً.
فبماذا تنصحوني، وما هي آخر صرعات الموبايل التي تستخدمونها؟
مثلاً:
Sony Xperia بتنوعاته
أو
HTC
الخ
ببالي هالموبايل:
http://www.mobile-sy.com/node/72
شو رأيكم؟

خالص تحياتي
طارق

أول شي تحية ألك

تاني شي : خيارك رح يكون نتيجة عدة عوامل أهمها الميزانية منشان أقدر أعطيك نصيحة . وبشكل عام هذه بعض النصائح :

السوني يعتبر افضل خيار مقارنة بالسعر لأن الـ اتش تي سي يأتي اغلى بدون مبرر و السامسونج سيكون خيارك الثاني لكن السوني تعتني جدا بالكاميرا و الترفيه السمعي إضافة لشعبية أجهزتها بالسوق السورية .

إن لم يكن لديك خبرة بالسوفتوير ( أندرويد ) فحاول أن يكون الجهاز محدث للأيس كريم ساندويش 4.0.4 بعد هذا أعمل للجهاز Root وهو ان تمتلك صلاحيات مطلقة بالجهاز مما يسمح لك مثلاً بتنزيل برامج البروكسي .

شخصيا لا أفضل أن تكون بطارية الجهازك أو ذاكرته مدمجة متل بعض أجهزة السوني لذلك تفقد هذه النقطة إضافة لمسألة الكأميرا الأمامية من أجل محادثات الفيدو ( سكايب ) .

اسئل البائع أن كان الـ Gps يعمل أم تم تعطيله .... بعض الأجهزة التي يستوردها "مخلوف" أو التي تباع بالوكالات يتم تعطيل الـ Gps بشكل نهائي .

الجهاز يلي وضعت رابطه ممتاز و يلي معظم الشروط فيما عدا الذاكرة المدمجة ( الفكرة أنك قد بياناتك ستكون عالقة بالجهاز لو أحببت بيعه لكن ربما لن تهمك هذه الجزئية )

بالتوفيق

هلا وغلا حميد
لك وحشة، ومشكور عالشرح استفد منه كثيراًن وفعلاً لم أنتبه للذاكرة وهذه مثلبة بالنسبة لي مهمة، كذلك البطارية
يبدو خبرتك منيحة بموبايلات الأندرويد

طيب شفلي هالإصدارين وقللي رأيك

http://www.mobile-sy.com/node/114

http://www.mobile-sy.com/node/82

الأخير (Ray) جربته عند بنت عمتي، ويبدو ممتازاً، ومواصفاته ممتازة بالنسبة لسعره

مودتي

ما بدها حكي Sony Xperia J
بس بظن بطاريتو مدمجة للأسف
خيار تاني Sony Xperia go
هاد مضاد صدمات و مي عمق متر لمدة 30 دقيقة

أنا اللي عاجبني بالـ J بطاريتو
بس معالج الـ GO كمان أقوى بكثير
بس شو العلة إذا البطارية مدمجة؟

ما في علة ابداً ... بس في حال كنت من الناس يلي بستهلك بطارية و حبيت تغيرها لانها تعبت بدك تفك الجهاز بس يمكن تهريه بالهنا وما تحتاج لتبدلها

الموبايلات متل النسوان يا خيو ^_^ فلا توجع راسك و خود يلي بتشوفو مناسب لميزانيتك و احتياجاتك

معك حق حميد

لوني كنت بعدني بفرنسا كنت اشتريت أفضل نوعية بلا تردد، بس حالياً عمبفكر وفكر ومبارح ظليت كذا ساعة بالسوق وكأني بدي أتجوز
من قبل كنت أشتري بخمس دقايق وأمشي

بس حالياً وعالأغلب استقريت على الـ Xperia P رغم علة البطارية وعلة الذاكرة المدمجة. ما عمبلاقي شي أفضل بصراحة.

تحياتي

وبدك تقص الشريحة sim لتناسب الجهاز متل الايفون يعني ... لأنو هو يدعم micro sim وليس mine sim

اشتريته اليوم ومشي الحال
Xperia P

وهلق عمبشتغل عليه وكلشي تمام لحد الآن. بس ناقصو شوية برامج متل الفايبر
شو تنصحني أعمل؟ وكيف بركب عليه بروكسي؟
وبما أن نواته لينوكس، بيقبل بروكسي socks شي؟
في مشكلة أن المتصفح الكروم العربي فيه مش كثير زابط
وبتنصحني شي أحدث النظام للأندرويد 4.1 ، اللي عليه حالياً 4.0.4

مودتي

(01-15-2013, 01:06 AM)ابن سوريا كتب:  اشتريته اليوم ومشي الحال
Xperia P
------ مبرووووووووك
وهلق عمبشتغل عليه وكلشي تمام لحد الآن. بس ناقصو شوية برامج متل الفايبر
------ في مشكلة صغيرة بخصوص الفايبر أنو أحياناً ما عمل تصل رسائل التفعيل لأن عصابتي الاتصالات عنا حاجبة تفعيل الفايبر .... في حال ما وصلتك الرسالة لبعد أكثر من يوم رح خبرك عن طريق للتحايل على الحجب ...
شو تنصحني أعمل؟ وكيف بركب عليه بروكسي؟
------ لا تستطيع فتح جوجل ستور لتنزيل البرامج لانه حاجب خدماته عن سوريا .... كما لا تستطيع تركيب بروكسي حتى تحصل على صلاحيات "رووت" يعني تصير أدمن بالجهاز وهذه بدها عملية برمجية قد يجدها البعض "معقدة"
وبما أن نواته لينوكس، بيقبل بروكسي socks شي؟
------ كل أجهزة أندرويد نفس البرمجية ... بدك تحصل بالأول على الصلاحيات عن طريق عمل "رووت root " للجهاز
في مشكلة أن المتصفح الكروم العربي فيه مش كثير زابط
------ رح أعطيك رابط لبرنامج وهو عبارة عن ستور للبرامج نفس يلي بجوجل ستور
http://www.1mobile.com/app/market/?cid=31
وبتنصحني شي أحدث النظام للأندرويد 4.1 ، اللي عليه حالياً 4.0.4
------ أنا ما حدثت للأن لكن بشكل عام يقال أن التحديث يستهلك مزيد من البطارية و سرعة الجهاز كما أنو الأيس كريم يلي هو 4.0.4 ممتاز جداً برأيي
مودتي
----- ميت السلامة