مبارك ينصح بوتين بعدم التخلي عن السلطة

[right]- 15/02/2008 [/right]

ياعم بوتين اعقل ها تسيب السلطة ليه
ما انا ربع قرن قاعد حصل لي بس ايه
دا الكرسي يا ابني جنة للي بيقعد عليه
تبقي البلد ف ايدك مفتوحة ولا البوفيه
تغرف وتملا جيبك وجيوب ولاد الايه
وتخدم اصدقائك في أميركا والاليزيه
اطلب من بوش فترة وها يخسر يعني أيه
دا كريم وايده فرطة بس انت اضحك عليه
قل له ان الفودكا ملكه والكافيار والفيليه
قل له ان الغاز بتاعه ما تعزش شيء عليه
قل له أنا قاعد بحسك ومصيرك بين أيديه
ابعت نظيف بتاعك فهمه ها يقول له ايه
يقول له بوتين عاوز الى يطبطب عليه
*****
لو شايفه فاتح بقه على حد م الجيران
اعمل نفسك مطنش خليه ياخد الامان
وبعدين اعمل منظر يعني تطلع بيان
دي أمور أنا مجربها وبأعملها من زمان
تبقي انت واحد منا وتنضم للخلان
*****
ياخسارة دا انت نونو لسا في سن الشباب
ليه تترمل في عزك وتسيبها للكلاب
لو فيه عندك عيال يبقالها الف باب
دا السلطة البعد عنها بدون الموت عذاب
ها تبقى ايامك صعبة وتشوف النوم سراب
أنا ناوي اخدها دايركت
من الكرسي للتراب
*****
بس انت اديني رنة وانا ابعت لك سرور
ترزي لكن معلم أيده تتلف في حرير
دا حجة في المغالطة ومكلمة في الزور
يعمل من الحق باطل ويسمي الضلمة نور
في سهرة واحدة منه ها يظبط الامور
لو كان دستوركو عاصي يحلبه لو حتى تور

:aplaudit:

-ليلى- · 02-22-2008, 01:25 AM

:D

تسجيل الدخول
اسم المستخدم:
كلمة المرور:	فقدت كلمة المرور؟
	تذكرني

المواضيع المحتمل أن تكون متشابهة…
الموضوع		الكاتب	الردود	المشاهدات	آخر رد
	رئيس فرنسا الاستعمارية بزيارة حكومة الاحتلال ببغداد ...ع شكلو شكشكلو ....؟!	زحل بن شمسين	0	365	09-15-2014, 07:30 PM آخر رد: زحل بن شمسين
	اختطاف رئيس وزراء ليبيا ثم اطلاق سراحه	رضا البطاوى	0	572	10-10-2013, 11:50 PM آخر رد: رضا البطاوى
	صورة رئيس المؤمنين مرسي على القمر..	وهيب وهيب	1	888	09-26-2013, 08:12 PM آخر رد: vodka
	الغرب يهلل لضرب سوريا ولكنه لن يفعل بسبب بوتين	رضا البطاوى	12	2,289	08-30-2013, 04:21 PM آخر رد: مصطفى علي الخوري
	رسالة حرب من اوباما لايران	السيد مهدي	1	636	03-27-2013, 06:59 AM آخر رد: الأزرق