موضوع حلو (f)

فكرتنى القصة دى بالشباب المصريين اللى بيحموا حدود مصر
و كل سنة يموت منهم واحد او اتنين
هيفضل دا مصيرهم دايماً
لا لشىء غير انهم بيحبوا بلدهم
ربى يرحم كل شهيد بيدافع عن وطنة بجد و بحق
مش بفتونة و قرصنة

ثانك يو حميد
تسمح لى بسؤال حميد
هى الحدود المصرية شىء مستحدث؟
الجندى المصرى اللى تم اصطيادة من قِبل قناص كان بيعمل ايه؟
بيدافع عن النظام و لا بيدافع عن حدود بلدة؟
ليه "بيصطادوا" كل سنة مجند مصرى لا حول له و لا قوة واقف بيحرص الحدود؟
ايه الحكمة؟
مش من حقنا نحرس حدودنا؟
و ليه دلوقتى؟
بس ارجو ما يكونش الرد بسبب الجدار الفولاذى
ليه ما توجهش الرصاصة دى للجنود الاسرائلين اللى حاطين حواجز بعرض و طول البلاد من الداخل؟
ليه ما يحلوش مشاكلهم الداخلية؟
تعرف الانفاق بتدر كام فى اليوم على اللى بيأجروها؟

هل ممكن اى بلد عربى تانى حدوده مع فلسطين يشيل الحدود دى؟يفتح حدوده؟ يشيل الحرس و الجنود منها؟

ماظنش
مجرد اسئلة بسيطة
انا مش مع النظام لكن كمان مش مع قتل ابناء شعبى لمجرد انهم بيحرسوا حدودنا
دا حقنا و محدش يقدر يقول غير كدا
و إلا يكون بيغالط نفسه

(01-08-2010, 11:38 PM)-ليلى- كتب:  مجرد اسئلة بسيطة
انا مش مع النظام لكن كمان مش مع قتل ابناء شعبى لمجرد انهم بيحرسوا حدودنا
دا حقنا و محدش يقدر يقول غير كدا
و إلا يكون بيغالط نفسه

لالالالا ......

طالما انك بتحكمى عقلك وضميرك فانتى مع النظام الخائن والعميل والمتصهين ,والمصريين خونه وعملاء وهم عبيد الجنيه او الدولار ونظامهم العميل هو احد افرازاتهم .

اما لو غيبتى عقلك وضميرك ومشيتى خلف الاراء الغوغائيه الهدامه فانتى مصريه شريفه لا ترضى بالذل والخنوع , وانتى من المصريين الذين يقع عليهم العبىء والامل فى التغيير والعوده بمصر الى سابق عهدها .

مصر الان والعرب جميعا على مفترق طرق , فاما السير معا فى طريق واحد واما سار كل طرف فى طريق , وكلما مر الوقت كلما ابتعدا عن بعضهما البعض , ويبدو انهم فى طريقهم الى الابتعاد .

ايه اللغبطة دى
اللى يقول كلمة حق يبقا خاين؟
معلش سؤال يا عاشق
هو امتى العرب اتفقوا اصلاً؟
احنا العرب اتفقنا على شىء واحد بس
هو
الااااااااااااااااااااااا نتفق
ولا عزاء لأى حد

قبل ما اكتب ردى اللى فات فتحت خريطة فلسطين
معلش اعتبرونى جاهلة فى سؤالى اللى جاى
ليه الادرن و سورياو لبنان مفيش عندهم نفس المشاكل اللى بتتصدر لمصر بسبب الحدود مع فلسطين؟
و لا عندهم مشاكل من نوع تانى؟

مش بقولك لو حكمتى عقلك هتبقى من الخونه والعملاء !!

جايه وجايبه فى ايدك خريطه وبتسألى اسئله عقلانيه مشروعه تبقى خاينه وعميله ,,,,

قلتلك لازم تبقى فى حاله من تغييب العقل وتبيعى دماغك لغيرك وتمشى وراه من سكات ,,, كده تبقى مصريه وعربيه شريفه لا ترضخ ولا تذعن لأحد .

عموما ولأن غزه هى المحاصره فغزه ليس لها حدود بريه سوى مع مصر , وطبعا لأن مصر عودت الجميع على الانحشار فى مشاكلهم والدفاع عنهم فهم لا يستطيعون ان يتصوروا ان مصر الان تحاول الابتعاد والنظر الى مشاكلها ومصالحها الداخليه قبل النظر الى مصالح الاخرين .

الزميلة ليلى
اولا : القصة رائعة و روعتها فى صغرها و جمال معانيها

ثانيا:
تفضلت بطرح سؤال :
.............
ليه الادرن و سورياو لبنان مفيش عندهم نفس المشاكل اللى بتتصدر لمصر بسبب الحدود مع فلسطين؟
و لا عندهم مشاكل من نوع تانى؟
............
الجواب:
هذه المناطق على حدودهم قوات صهيونية و قوات دولية تمنع وصول الامدادات و المساعدات و بالرغم من ذلك فهناك عمليات تهريب عن طريق الاردن .
بالنسبة للبنان : فقد عانى الشعب اللبنانى حروبا قاسية و طويلة و احتلالا و صراعا مريرا لان حدوده كانت مفتوحة للعمل الفدائى و ما زالت الصواريخ من حزب الله و المقاومة اللبنانية و الفلسطينية احيانا تضرب شمال فلسطين .
لماذا لا يتم التهريب منها ؟؟؟؟
لان حدود لبنان مع فلسطين يقع فيها من الجانب الفلسطينى اراضى محتلة يسكنها الصهاينة و ليس الفلسطينيون فهل التهريب سيتم الى الصهاينة و هل سيتعاونون فى العملية .
بالنسبة لسوريا :
كذلك فان الجولان منطقة كلها مستوطنات صهيونية و غالبية سكانه الان من اليهود و العرب فيه قلة لا يتعدون بضعة الاف مراقبون من صغيرهم الى كبيرهم و محاطون بالمستوطنات الصهيونية كما ان القوات الدولية على الحدود و القوات الصهيونية تليها فالتهريب من هذه الجهة من سابع المستحيلات .
بالنسبة لغزة
فهى المنطقة الوحيدة التى لها اتصال حدودى فلسطينى عربى
و هذه الحدود لا يوجد فيها قوات صهيونية و لا قوات مراقبة دولية
لا يوجد الا الفلسطينيون و المصريون
لا يوجد الا العرب
لا يوجد الا الاخوة
الا يكون وقف تهريب الطعام و الحاجات الضرورية للمحاصرين من كل الجهات جريمة بشعة و قطع لشريان الحياة ؟؟؟؟؟؟
بل الا يكون منع تهريب السلاح جريمة بحق المقاومة ؟؟؟؟؟؟؟
لا يتوفر فى اى حدود عربية امكانية للتهريب كما هى متوفرة على الحدود المصرية الفلسطينية .

اللهم صل على محمد و ال محمد
لا فتى الا على و لا سيف الا ذو الفقار