حاجة ضجة وحاجة عجة
وحاجة عجقة وحاجة عيطة :15:

واحد داخل، واحد طالع
والتالت فايت بالحيطة :23:

واحد بده يدير النادي
والتاني بده شكليطة :baby:

كله مفكر حاله عنتر
حاطط ريشة عالبرنيطة :what:

كلما حط النادي فرصة
للحرية فتنا بزيطة

لا حرية ولا مرية
لابق للجاجة زحليطة... :lol:

خلصوا بسرعة من هالقصة
وسكروها بخيط ومطيطة...:saint:

(f)

يخرب بيت شيطانك على هالنشيد:lol:

(f)

اقتباس:لا حرية ولا مرية
لابق للجاجة زحليطة... :lol:

عطيوها للجاجة حق
قالو بلكي تبطِّل نق (1)

كمشت ديكا وقالتلو
بدَّك بيض بتدفع بّق (2)

راح الديك مطنشها
طقت م الغيظ وم الحنق

قالت م اليوم ورايح
مافي ولا بيضة بتنْدَق

كتمِت هالبيض ببطنا
وبلشِت معدتها تنشَق (3)

------------------------

حواشي:
1- نق : النقيق صوت الضفدع، ومعلوم أنه متكرر بوتيرة واحدة، وعندما يعيد الإنسان كلامه نفسه دائماً للشكوى يقولون: هو ينق.
2- بّق: كلمة عامية، تعني أن يخرج المرء ما في جوفه، عادة يقول صاحب الدين للمديون: بدك تبق المصاري بق. :saint:
3- بلشِت: عامية = بدأت ... تنشَق: عامية = تتمزق.

(f)