[SIZE=5]لما الليل الظالم طوّل
وفجر النور من عيننا اتحول
قلنا نعيد.. قلنا نعيد..
قلنا نعيد الماضى الأول
ماضى جدودنا الهَزَمُوا الباغى
وهدّوا قلاع الظلم الطاغى.

وفي ليلة، وكنا حُشود بِتصارع
عهد الظلم اللي شبَّ حواجز..
شبَّ موانع
جانا هتاف من عِند الشارع:
"قسماً...قسماً لن ننهار،
طريق الثورة هُدى الاحرار".

والشارع ثار
وغضب الأمة اتمدد نار
والكل يا وطنى حشود ثوار
وهزمنا الليل.. هزمنا الليل
والنور فى الآخر طل الدار

وهزمنا الليل.. هزمنا الليل
والعزة اتهادت للأحرار.

وطنى نحن سيوف أمجادك
ونحنا مواكب تفدى تُرابك
ولِسّه الشارع بِيشهَد لينا
فى يوم الغضبة.. حصاد ماضينا
مشينا نَعَطّر حقل الثورة
بِدَم نَفْدِيها بلادنا الحرة

وكان اكتوبر فجر الغضبة
كسرنا قيود الماضي الصَعَبة
ولما مشينا مواكب صَامدة
تهدر وتغلى.. وتهتف راعدة:
"الرصاص لن يفنينا..
الرصاص لن يفنينا."

وسال الدم فى أرض الوادى
فَدينا النور بالروح يا بلادى
وكانت صفحة حكاها العالم
وفجر اكتوبر طَلّ وسَالَم
كان فى الجامعة موكب هادر
صمَّم يجلي الليل السّادر
وكان الليل السادر غادر
فجّر غدرو سموم دخان
ورُصاص من صوته صِحَا السودان
والشعب الثائر.. صمّم هادر
يصرع ليلنا الداجى الطَّوَّل

وكان (القرشي) شهيدنا الأول..
وما اتراجَعنا
حلفنا نقاوم ليلنا وسِرنَا
نذرنا الروح ومَسَكْنَا دَرِبنَا
للشمس النايرة قطعنا بحور
حلفنا نموت أو نلقى النور
وكان فى الخطوة بنلقى شهيد
بدمو بِيِرسُم فجر العيد.

يا اكتوبر...
نِحْن العِشنا ليالي زمان
فى قيود ومظالم.. وويل وهوان
وكان فى صدورنا غضب بركان
وكنا بنقسم بالأوطان
ونَسَطَّر اسمك يا سودان.

بدمانا السّالت راوية الساحة
وحلفنا نسير ما نْضوق الراحة
شهرنا سيوف عِصياننا المدني
وكانت وحدة صف يا وطني
إيد فى إيد حلفنا نقاوم
ما بنِترْاَجع وما بِنسَاوم
بينّا وبينك تار يا ظالم

خُطانا تسير فى درب النصر
هتافنا يدَوّى يهز القصر
كسرنا حواجز ..أزِلنا موانع
صفنا واحد
عامل وطالب.. زارع وصانع

وهزمنا الليل.. هزمنا الليل
والنور فى الآخر طل الدار
وهزمنا الليل.. هزمنا الليل
والعِّزه اتهادت للأحرار

يا ساحة القصر.. يا حقل النور
ويا واحة بتَحَضِن روح نَصّار
روينا ورودك دم ثوار
وشتَلنا فضائك هتاف أحرار
خَطّينا ترابك أحرف نايره
بتحكى سطور أيامنا الثايره
وشلنا الشهداء مشينا ونهتف
وجرح النار فى قلوبنا بينزف
سَجّينا الشُهداء وجينا نقاوم
ما بنِتراجع وما بِنساوم

وفجأة.. ونحن صفوف بتصمم
زغرد فجر الثورة الحالم
والنور فى الآخر طل الدار
والعزه اتهادت للأحرار

قسماً.. قسماً يا اكتوبر
نحمى شعارك.. ونجنى ثمارك
ونرفع راية الثورة الغالية
عالية ترفرف فوق السارية
عليها شعار الثورة الأكبر
رسُمه النادر زاهى وأخضر
ولِسّه بنقسم يا اكتوبر
لما يطل فى فجرنا ظالم
نحمى شعار الثورة.. نقاوم
نبقى صفوف تمتدّ وتهتف
لما يعود الفجر الحالم يا اكتوبر

http://www.almshaheer.com/modules.php?name...op=visit&lid=46

الاعصار · 10-21-2006, 10:56 PM

[SIZE=5]وبعثَرَت أكتوبر المسيرة.. وأقسَمَت بشارة الإمارة.. أن نعبد الوثن.. ونقتل الصمود والجسارة!!

إتل صلاتك الأخيرة
أنت اليوم برميل من البارود والذخيرة
فيا وطن...
عششت العناكب السوداء فى الأروقة الحقيرة
وسربلها العفن
إتل صلاتك الأخيرة يا وطن
فالركع السجود زيفاً لن يحيلوك عدن
بل سربلوك بالكفن
ودثروك مهجة تقلبت سعيرا
وبعثَرت أكتوبر المسيرة
ووأدَت القانون والحضارة
وأقسَمَت بشارة الإمارة
أن نعبد الوثن
ونقتل الصمود والجسارة
******************
العسكر المهماز فى جنب الوطن
تقلب الارض على سفودى حقد ومرارة
وقمة التناقض الحقير يروى الإنحدار
من ذرى أكتوبر الشم الى غياهب المحن
من دمعة البنين فى إنكسارات الزمن
تحول السودان بانكسارات الزمن
من واحة مسكونة بالظل
لخندق مكتئب بالقتل
وإنحناء جبهة "ظُنَّّّّّّّّّّّّّّّّّّّّّّّّّّّّّّّت" مكللة بالغار
لهاويات العار
*********************
أكتوبر هذا العام
صرخة بداخل القلب الوجِل
بدواخل الوطن الوحِل
ورحلة البحث عن الذوات النافرة
والمعبرا
وصرخة البطل
جسر وجاسر من الأمل
للإنتفاضة الصابرة المثابرة
وللجموع الثائرة والسائرة
برغم أنف من قتل

تسجيل الدخول
اسم المستخدم:
كلمة المرور:	فقدت كلمة المرور؟
	تذكرني

المواضيع المحتمل أن تكون متشابهة…
الموضوع		الكاتب	الردود	المشاهدات	آخر رد
	في ذكرى وفاة "جمال عبد الناصر"	العلماني	20	4,991	11-12-2010, 10:57 PM آخر رد: سامي بيك العلي
	أيها الشعب !!	عبدالله نافع	3	1,566	07-21-2010, 11:23 PM آخر رد: coco
	في ذكرى مرور نصف قرن على رحيل Albert CAMUS	المروءة والشهامة	3	2,193	12-21-2009, 05:46 PM آخر رد: ديك الجن
	أنشودة عروبة في ذكرى عشتار	السلام الروحي	6	1,605	07-26-2008, 05:57 PM آخر رد: السلام الروحي
	أنياب الليل	داليا	9	1,473	10-10-2007, 09:34 PM آخر رد: بنى آدم