(1)

هذه القصيدة ، لشيخ شعراء العامية في لبنان، بحاجة لمعرفة جيدة بأصول لفظ الكلمات على الطريقة اللبنانية كي يستقيم الوزن. بالنسبة لي، هذه القصيدة وأخواتها في الديوان الأول للشاعر "ميشيل طراد" الذي يحمل عنوان "جلنار"، تبقى من أجمل ما قرأت من شعر محكي خفيف طريف ظريف يسيل عذوبة ورقة وبلاغة وإيجازاً وصوراً رائقة.

حلوة الحلوين

بلا سْألا، بلّا سْألا
يا تلج يا صنّين ْ
يا زنبق بعَرض الفلا،
يا فلّ، يا ياسمينْ،
يا حبّ عنقود انتلا،
وتأْلمز بتشرينْ ،
يا سنبلي بسِنةْ الغَلا
عِطْيِتْ ويا رْياحينْ
يا عيونْ، يا الكلّا صَلا
وعْياد و"شْعانينْ":
لمين رح يبقى الحلا،
من بعدها، لَمين؟
ردّ وْوَما الزنبق إلا
وصار يغمز النسرين؛
قولك صحيح؟ قلّو : مبلا،
هَيْ حلوةْ الحلوينْ

واسلموا لي
العلماني